60
II FƏSÝL
XVIII YÜZÝLLÝYÝN 60-90-CI ÝLLƏRÝNDƏ
ÝRƏVAN BÖLGƏSÝNDƏ SÝYASÝ VƏZÝYYƏT
2.1. İrəvan xanlığı Hüseynəli xanın (1759-1783)
hakimiyyəti dövründə
Dörd ilə qədər hakimiyyətdə olan Həsənəli xan 1759-cu ilin
əvvəllərində vəfat etdi. Onun vəfatından sonra qardaşı Hüseynəli
xan (1759-1783) İrəvanda hakimiyyətə gəldi (188, 306). Tarixi
ədəbiyyatda onun hakimiyyətə gəlişi vaxtı haqqında müxtəlif məlu-
matlar var. Bəzi məlumata görə bu hadisə 1762-cü ildə, digər məlu-
mata görə isə 1764-cü ildə baş vermişdir (472, 5; 161, 32; 49, 16;
54, 141). Lakin erməni mənbələrinə əsasən, Hüseynəli xan daha
əvvəl hakimiyyətə gəlmişdir. Məsələn, S.İrəvanlı «Cambr» əsərində
yazır ki, «Həsənəli xandan sonra bizim dövrümüzə qədər müstəqil
hakim olan qardaşı Hüseynəli xan İrəvanda hakimiyyətə gəldi.
Onun dövründə – 1759-cu ildə katolikos taxtını Akop Şamaxılı
tutmuşdu» (187, 306). O, daha sonra yazır ki, 1759-cu ildə katolikos
Akop Şamaxılı Hüseynəli xan İrəvanlıya 14 maddədən ibarət ərizə
yazmışdı (185, 208). Hüseynəli xandan bəhs edən başqa bir erməni
mənbəsində belə qeyd olunur: «1759-cu ilin iyununda Hüseynəli
xan Pənahəli xanın (Qarabağ xanı – E. Q.) yanına getməyə hazır-
laşarkən «Müqəddəs Taxt»dan (Üçmüəzzindən – E. Q.) 100 tümən
tələb etmişdi. Lakin biz yalvaranda ki, buna gücümüz çatmaz,
güzəşt edərək 50 tümən aldı» (92, 12). Bu məlumatlardan belə nəti-
cəyə gəlmək olar ki, Hüseynəli xan 1759-cu ilin yayında haki-
miyyətə gəlmişdi.
61
Əgər İrəvan xanlığının yaranması Mirmehdi xan Əfşarın adı
ilə bağlıdırsa, xanlığın güclənməsində Hüseynəli xanın əvəzsiz
xidmətləri olmuşdu. Görkəmli dövlət xadimi olan Hüseynəli xan
daxili siyasətdə xanlığın iqtisadi cəhətdən möhkəmlənməsinə diqqət
edirdisə, xarici siyasətdə İrəvanın tam müstəqilliyinə nail olmaq və
qonşu dövlətlərlə sülh şəraitində yaşamaq siyasəti yeridirdi.
Hüseynəli xanın hakimiyyətinin ilk dövrlərində İrəvan xanlığı
ciddi xarici təhlükə ilə üzləşmişdi. Belə ki, XVIII yüzilliyin 50-ci
illərin axırları-60-cı illərin əvvəllərində urmiyalı Fətəli xan Əfşarla,
Şiraz hakimi Kərim xan Zənd arasında taxt-tac uğrunda mübarizə
daha da gücləndı. Əvvəllər qələbələr qazanan Fətəli xan
Azərbaycanın cənub xanlarını özünə tabe edərək şimala üz tutur
(51, 44-46; 43, 117; 95, 158). 1760-cı ilin mayında onun İrəvana
yürüş edəcəyi barədə xəbər yayılır. Bu xəbər yerli əhalini bərk
təşvişə salmışdı. Hüseynəli xan təhlükənin qarşısını almaq üçün
müdafiə tədbirlərinə əl atmağa məcbur oldu. Onun göstərişi ilə ətraf
kəndlərin əhalisi İrəvan qalasına köçürülür. Bir neçə ay irəvanlılar
qorxu içərisində yaşayırlar. Lakin Fətəli xanın İrəvana hücumu baş
tutmadı (203, 57). Fətəli xanın yürüşünə mane olan səbəb Kərim
xan Zəndin Azərbaycanın cənubuna hücum etmək xəbəri olmuşdu
(43, 119; 95, 159; 54, 130-131). Bu hücum baş tutmasa da, o,
irəvanlılara baha başa gəlmişdi. Onlar bir neçə ay evlərindən və
təsərrüfatdan didərgin düşməyə məcbur olmuşdular.
Bu təhlükə yenicə sovuşmuşdu ki, dağıstanlıların İrəvan xan-
lığı ərazisinə hücum etməsi xəbəri yayılır. 1760-cı ilin avqustunda
Dağıstan qoşunları İrəvan yaxınlığında yerləşən Kənəkir kəndində
peyda oldu. Hüseynəli xan onlara qarşı qoşun göndərir və baş
vermiş döyüşdə Dağıstan qoşunu məğlub olaraq geri çəkildi. Lakin
əlavə kömək alan dağıstanlılar geri qayıdaraq Üçmüəzzinə qədər
irəliləyirlər. Onlar burada çox qalmayaraq qəflətən Göyçə gölü
istiqamətində geri çəkilir və qısa müddətdən sonra yenidən
yürüşlərini davam etdirərək Araz çayına qədər gəlib çatırlar.
Dağıstan qoşunu çoxlu əsir və qənimət ələ keçirərək geri qayıdır.
Onlar geri qayıdarkən Kartli-Kaxetiya qoşunları qəflətən onlara
62
hücum edir. Döyüş nəticəsində dağıstanlılar məğlub olur və nəti-
cədə əsirlər İrəvana qaytarılırlar (249, 57-58).
Bu hadisə Kartli-Kaxetiya çarlığının İrəvan xanlığı üzərində
təsirini daha da möhkəmləndirmişdi. Şiraz hakimi Kərim xan
Zəndlə II İraklinin münasibətlərinin normallaşması bu təsiri daha da
qüvvətləndirdi. Belə ki, taxt-tac uğrunda Kərim xan Zənd (1759-
1779) Fətəli xan Əfşara qalib gəldikdən sonra Azad xanı təqib
etməyə başladı. Təqibdən yayınan Azad xan Qazax sultanlığına
qaçdı. Burada mövqe tutan Azad xan II İraklidən kömək almaq
niyyətində idi. Lakin o, 1760-cı ildə II İrakli tərəfindən ələ
keçirilərək Kərim xan Zəndə təhvil verildi. Bu xidmət müqabilində
Kərim xan Zənd bir müddət Kartli-Kaxetiyanın İrəvan xanlığından
təzminat almasına göz yumdu (499, 347; 78, 90; 226, 40; 247, 132).
İrəvan xanlığının Kartli-Kaxetiyaya təzminat verməsində
erməni əhalisinin xəyanətkarlığı da az rol oynamamışdı. Xanlığın
ərazisində yerləşən Üçmüəzzin kilsəsinın katolikosları II İrakli ilə
daima əlaqə saxlyaraq müxtəlif vasitələrlə onu İrəvana dəvət
edirdilər. Onlar gürcü çarının əli ilə İrəvanda hakimiyyətə gəlmək
istəyirdilər. Bundan əlavə, erməni katolikosları kömək almaq məq-
sədi ilə gizli surətdə II Yekaterina Rusiyasına müraciət etmişdilər
(247, 129; 204, 15). Beynəlxalq və daxili vəziyyətin gərgin olduğu
bu illərdə İrəvan xanlığı Kartli-Kaxetiyaya hər il 1000-4000 tümən
məbləğində təzminat verməyə məcbur olmuşdu (80, 54).
Lakin bu asılılıq çox davam etməmişdi. Hüseynəli xan haki-
miyyətini möhkəmləndirən kimi, qarşısına İrəvan xanlığını Kartli-
Kaxetiya çarlığının asılılığından qurtarmaq məqsədi qoymuşdu.
Ümumiyyətlə, Hüseynəli xanın hakimiyyət illəri Kartli-Kaxetiya
çarlığına qarşı mübarizə ilə zəngin olmuşdu. Yuxarıda qeyd edildiyi
kimi, İrəvan xanlığı hər il Kartli-Kaxetiya çarlığına təzminat verirdi.
Lakin II İrakli hər dəfə bu verginin miqdarını çoxaltmağa çalışırdı.
Hüseynəli xan isə Kartli-Kaxetiya çarının bu istəyinə qarşı açıq
etiraz edərək, təzminat verməkdən boyun qacırırdı. Bu da tərəflər
arasında yaranmış gərginliyi daha da gücləndirirdi (187, 387).
Dostları ilə paylaş: |