həlli zamanı ilk növbədə iqtisadi maraqları rəhbər tuturlar, ikincilər isə
(ərazi sakinləri) əhalinin mənəvi sorğularının (mədəni, mənəvi) səmərəli
ödənilməsində maraqlıdırlar ( burada sosial məqsədlər nəzərdə tutulur).
Məlumdur ki, kitabxana şəbəkəsinin yerləşdirilməsi əhalinin sayı
və sıxlığı, yaş həddi, ailə vəziyyəti, təhsili, eləcə də sosial-peşəkar qrup-
lara mənsubluğu kimi göstəricilər sistemi ilə sıx bağlıdır. Bu göstə-
ricilərin kitabxana işinin təşkili xüsusiyyətləriylə qarşılıqlı əlaqədə öyrə-
nilməsi,kitabxananın inkşafının xarakteri və şəraitindəki dəyişiklikləri
izləməyə imkan verir.
Kitabxananın yerləşdirilməsinə (və sayına) əhalinin sıxlığının,
konkret ərazidə əhalinin məskunlaşma dərəcəsi kimi göstəricilərin çox
böyük təsiri vardır. Əhalinin yüksək sıxlığı, yaşayış məntəqələri şəbəkə-
si, onların bir-birinə bağlılığı informasiya mühitinin zənginliyini, kənd
sakinlərinin şəhər kitabxana şəbəkəsindən istifadə etmə imkanlarını
müəyyənləşdirir.
Belə bir faktı qeyd etməliyik ki, bütün bəşəriyyətin 70%-dən çoxu
qurunun cəmi 7%-ni əhatə edən sıx məskunlaşma arealında yaşayır.
(5,s 237)
Azərbaycan Respublikasında isə son 100 ildə əhalinin sayı 5
dəfəyədək artmış, əhalinin sıxlığı hər kv.km-ə 103 nəfər düşür.(3, s. 29)
Kitabxana xidməti kitabxanaları vahid sistemdə birləşdirərək get-
dikcə daha geniş əhatəli şəkil almağa başlayır. Ərazinin az öyrənilməsi,
rabitə və digər əlaqə vasitələrinin normal olmaması, yaşayış məntəqələ-
rinə çatmaq imkanının çətinliyi, onların bir-birindən, eləcə də mədə-
niyyət mərkəzlərindən uzaq olması daha çox qapalı kitabxana sisteminə
xarakterikdir. Qapalı kitabxana sistemi bir yaşayış məntəqəsi üçün
nəzərdə tutulduğuna görə kitabxanaların orta həcmi azalır və daha çox
yüksək keyfiyyətli və yüksək səviyyəli kitabxana xidməti növləri idi.
Kitabxanaların yerləşdirilməsi zamanı təbii şəraiti də nəzərə alma-
maq olmaz. Məsələn, ölkəmizin ərazisindəki kəskin iqlim şəraiti (qar
yığını, möhkəm şaxtalar və küləklər) əraziyə çatmaq imkanı, kitab
təminatı, kitabxana sahəsi kimi anlayışlara başqa cür yanaşmağa vadar
edir. Burada kitabxananın əhaliyə yaxın olması birinci dərəcəli məna
kəsb edir.
Kitabxananın yerləşdirilmə prinsiplərinin reallaşdırılması hər bir
konkret halda əhalinin imkanları və şəraitinin nəzərə alınması ilə həyata
keçirilməlidir. Təbiidir ki, hər bir yaşayış yerinin özünün fərqli, bən-
zərsiz xüsusiyyətləri vardır. Məhz onlar kitabxanaların yerləşdirilməsi
zamanı əsas məsələlərin həllini müəyyənləşdirmiş olurlar.
Müasir tədqiqatlarda yaşayış məntəqələri aşağıdakı kimi fərq-
ləndirilir:
- mərkəzi regionlar;
- məntəqələr;
- aqlomerasiya, kiçik şəhər əhalisi (50 minə yaxın), orta şəhər
əhalisi (50-100 min), böyük şəhər əhalisi (500 mindən yuxarı).(9,с.61)
Ümumiyyətlə, şəhər-mürəkkəb sosial-iqtisadi hadisə olub bəşər
mədəniyyəti tarixinin mühüm tərkib hissəsidir.Belə ki, 1800-cü ildə Yer
kürəsinin əhalisini 3%-ə yaxını ,1850-ci ildə 6.4%, 1900-cü ildə isə
19.6%-i şəhərlərdə yaşayırdı.Bu rəqəm 1800-cü ildən 2000-ci ilədək
təqribən 18 dəfə artaraq 51.2%-ə çatmışdır.
1800-cü ildə dünyada milyondan çox əhalisi olan təkcə 1 şəhər var
idisə, 2000-ci ildə onların sayı 320-dən çox olmuşdur.(5 S.293-294)
Planlaşdırma struktur tipinə görə yaşayış məntəqələri: mərkəzi
(məs: Bakı), kiçik ərazilərdə yerləşdirilmiş (bunlar çoxdur) şəhərlərə,
ərazi xüsusiyyətlərinə görə isə kompakt, ayrılmış və əlaqəsi kəsilmiş
məntəqələr fərqləndirilir. Yaşayış məntəqələrin struktur elementlərinə
gəldikdə isə şəhərdaxili rayonlar, kvartallar, mikrorayonlar, funksional
zonaları (parklar, istirahət mərkəzləri və s.) qeyd etmək olar. Yaşayış
məntəqələri və kitabxanaların yerləşdirilməsi özlüyündə funksional
olaraq kitabxana-informasiya resurslarının ərazicə təşkili formasını
şərtləndirir və xarakterizə edirlər.
Kitabxana-informasiya resurslarının yerləşdirilməsinin ən mühüm
səciyyəvi cəhətlərindən biri onun mühitlə əlaqəsidir. Daxili və xarici
mühitin bütün elementlərinin tarazlığı yerləşdirmənin kitabxana-
informasiya potensialı və onun səmərəliliyi təşkil edilir. Yerləşdirmənin
uğurlu olmasının əsas şərtlərini kitabxananın daxilində deyil, ondan
kənarda, yəni kitabxana obyektinin nə dərəcədə xarici mühitə uyğunlaş-
masında axtarmaq lazımdır.
Yerləşdirmənin bu və digər forması kitabxanaların miqdarına və
onların şəhərin ərazisində yerləşdirilmə formalarının seçiminə təsir gös-
tərir. Yerləşdirmənin xarakteri, məsələn, əhalisi az olan şəhərdə, daha
çox əhalisi olan şəhərlə müqayisədə nəyə görə çoxlu sayda kitabxananın
olmasını izah edir. Uzun və dar şəhərin kompakt yerləşdirilmiş şəhərlə
müqayisədə daha çox kitabxanası olacaqdır, çünki kitabxana sistemində
kütləvi kitabxanalar çoxlu sayda əhaliyə xidmət göstərə bilər. Birinci
halda ikinciyə nisbətən kitabxana şəbəkəsinin daha kiçik hissələrlə yer-
ləşdirilməsi tövsiyə olunur.
Kitabxana şəbəkələrinin yerləşməsinə təsir edən amillərdən biri də
əhalinin sıxlığıdır.Məsələn, Rusiya Federasiyasında əhalinin orta sıxlığı-
1 kv.km-ə 8.6 nəfər düşür.Ancaq Rusiya əhalisinin 80%-ə qədəri
Avropa hissəsində və Uralda yerləşir ki, bu da Rusiya ərazisinin 25%-
ini təşkil edir. Burada əhalinin sıxlığı məskunlaşmanın orta göstəri-
cisindən ≈ 4 dəfə çoxdur (hər 1 kv.km -36.7 nəfər).
Eyni zamanda Sibir və Uzaq Şərq regionu Rusiya ərazisinin
74.6%-ini, əhalisinin isə 21.4%-ini təşkil edir.Ölkə üzrə əhalinin orta
sıxlıq gostəricisindən burada sıxlıq 3.4 dəfə aşağıdır.
Azərbaycan Respublikasında kitabxana-biblioqrafiya resurslarının
inkşafında iki istiqamət diqqəti cəlb edir: birincisi, paytaxt və digər iri
şəhərlərdə formalaşmış kitabxana resursları,ikincisi, mərkəzdən uzaq
regionlar.
Azərbaycan Respublikasında isə 1 kv.km-ə düşən əhalinin sıxlığı
103 nəfər təşkil edir.Abşeron iqtisadi rayonu isə ölkə ərazisinin 6.4%-ni
təşkil edir və respublika əhalisinin 28.6%-i bu ərazidə məskunlaşmışdır.
Qalan 93.6% ərazidə isə əhalinin 71.4% yaşayır.
Abşeron iqtisadi rayonunda əhalinin sıxlığı ölkə üzrə müqayisədə
≈ 4 dəfə yüksəkdir.
İqtisadi rayonda əhalinin sıxlığı orta respublika göstəricisindən
yüksək olmaqla 139 nəfər təşkil edir. Göründüuü kimi Bakı da daxil ol-
maqla Abşeron iqtisadi rayonunda ölkənin əsas iqtisadi, mədəni və
infrastruktur potensialı cəmlənmişdir. Bütün resursların, o cümlədən
kitabxana-informasiya resurslarının da ölkə üzrə səmərəli yerləşdirilmə-
sinə ehtiyac vardır.
Kitabxana şəbəkəsinin yerləşdirilməsinə şəhərin təsərrüfat və isteh-
salat profili də çox mühüm təsir göstərir. Neft, qaz yataqlarının olduğu
ərazilərdə, yəni mədən rayonlarında şəhərlər daha çox uzadılmış forma-
ya malik olurlar. Belə ki, mədən işçiləri qəsəbəsi bir qayda olaraq yataq-
ların yanında cəmləşir. Ona görə də elə şəhərlərdə kitabxana şəbəkəsi o
qədər də böyük olmayan kiçik kitabxanalardan (filiallardan) ibarət olur.
Əhaliyə daha yaxşı xidmətin göstərilməsinə şəhərin ərazicə kitab-
xana xidməti rayonları adlanan hissələrə ayrılması kömək edir. Kitab-
xananın rayonlara ayrılması ayrı-ayrı yaşayış rayonları arasında uyğun-
suzluğun, mərkəz və onun ətrafına xidmətin göstərilməsindəki qeyri-
bərabərliyin aradan qaldırılmasına imkan verir. Böyük şəhərlərdə
Dostları ilə paylaş: |