sitetlərinin fəaliyyətləri maraqlıdır və onların öyrənilməsinə şərait yara-
dılmışdır.
Hazırda kitabxanaçılıq sahəsinin ən çox inkişaf etdiyi ölkə ABŞ-
dır və bu da onun nəticəsidir ki, burada yüksək və müasir tələblərə
cavab verən kitabxanaçılıq təhsili vardır. Bu səbəbdən də ölkəmizdə
kitabxanaçılıq təhsilinin daha yüksək səviyyədə inkişaf etdirilməsi üçün
bu ölkənin təcrübəsindən yararlanmaq daha məqsədəuyğun olar.
Bildiyimiz kimi, Azərbaycan Kitabxana İşinin İnkişafı Assosiasi-
yasının Prezidenti professor Xəlil İsmayılov assosiasiyanı təmsil edərək
bir çox ölkələrdə işgüzar səfərlərdə olmuş, konfranslarda iştirak etmiş
həmin ölkələrin kitabxana işi sahəsindəki fəaliyyətləri ilə tanış olmuş və
kitabxanaların iş təcrübəsini əks etdirən çoxlu sayda materiallar əldə
etmişdir. 2001-ci ilin avqust ayının 15-25 tarixlərində isə Xəlil
İsmayılov və assosiasiyanın üzvləri Ə.M.Məmmədov və Ş.Xudiyeva
ABŞ-ın Boston şəhərində keçirilmiş İFLA-nın 67-ci konfransında
iştirak etmişlər. Azərbaycan nümayəndə heyəti İFLA-nın bir şurasında
və konfransın bir sıra bölmələrinin işində fəal iştirak etmişdi.
Amerikada kitabxanaçılıq təhsili, bu sahədə kadr hazırlığı məsələlərini
öyrənmək üçün Bostonda yerləşən ABŞ-ın Yeni İngiltərə regionunun ən
əhəmiyyətli kitabxanaçılıq təhsili müəssisəsi olan Simmons kolleci
Azərbaycan nümayəndə heyətinə xüsusi təsir bağışladı. Buraya müxtəlif
sahələrdə bakalavr diplomu olan mütəxəssislər qəbul olunur və onlar
kitabxana-informasiya fəaliyyəti üzrə bir sıra ixtisaslar əldə edərək
magistr dərəcəsi ilə kolleci bitirirlər. Kollecdə tədris prosesinin
xüsusiyyətləri Kitabxanaçılıq-informasiya fakültəsinin dekanı kimi
AKİİA-nın prezidenti X.İsmayılovun xüsusi marağına səbəb oldu və o,
kollecin əməkdaşlarına bu barədə bir çox suallar verdi. Məlum oldu ki,
ABŞ-da 1-2 tədris müəssisəsindən başqa heç bir yerdə bakalavr pilləsi
üzrə kitabxanaçı hazırlanmır və kitabxanaçı-biblioqraf ixtisası ilə bağlı
vəzifələrə yalnız bu sahə üzrə diplomu olan mütəxəssislər qəbul edi-
lirlər. Bu da ölkədə həmin peşəyə verilən yüksək qiymətdən və peşənin
nüfuzundan irəli gəlir. AKİİA-nın nümayəndə heyətinin İFLA-nın 67-ci
konfransında və şurasında iştirakı Assosiasiyanın həyatında əlamətdar
bir hadisə oldu. Bu konfrans zamanı əldə edilmiş məlumatlar, öyrə-
nilmiş təcrübə respublikamızda həm kitabxanaçılıq təhsilinin inkişafına,
həm də ümumilikdə kitabxana işinin hərtərəfli inkişafına öz müsbət
təsirini göstərmişdir (2, s.136).
İndi isə Amerikanın kitabxanaçılıq-informasiya təhsili verən bir
neçə universitetinin təhsil proqramları haqqında daha geniş məlumat
verək:
Alabama Universiteti-Kitabxana və İnformasiya Tədqiqatları
məktəbi:
Alabama Universiteti ABŞ-da yüksək səviyyəli kitabxanaçılıq təh-
sili verən qabaqcıl universitetlərdən biridir. Universitetdə təhsil alan
tələbələr
kitabxana və İnformasiya tədqiqatları üzrə elmi dərəcə almaqla
yanaşı, oxuduqları müddət ərzində üç sahə üzrə ixtisas seçimi apara
bilərlər: 1) Kitabxana tədqiqatları; 2) Arxiv tədqiqatları; 3) İnformatika.
Lakin tələbələrin ümumilikdə aldıqları icbari fənlər də vardır: cə-
miyyətdə informasiya, informasiya strukturları, kitabxana-informasiya
xidmətləri layihələri, ictimai xidmət. Bundan başqa, tələbələr maraqlan-
dıqları ayrı-ayrı kitabxana tiplərinin fəaliyyətinə uyğun istiqamətlərdə
dərslər götürüb ixtisaslaşa bilərlər. Universitetdə tələbələr həmçinin aşa-
ğıdakı istiqamətlər üzrə ixtisaslaşa bilərlər.
Müxtəlif mədəniyyətlərə aid cəmiyyətlərdə uşaqlara və gənc-
lərə xidmət;
Bütün formatlarda kitabxana materiallarının saxlanması;
Etik və hüquqi problemlər, müəlliflik hüququ, intellektual
azadlıq;
Kitab və biblioqrafiya tarixi;
İnsanların informasiya ehtiyacı və informasiya-axtarış qaydala-
rı;
Kitabxana şirkətləri və əməkdaşlıqları;
Kitabxana binalarının layihələşdirilməsi;
Elektron ticarət strategiyaları;
İnformasiya arxitekturası;
Verilənlər bazası layihələri, idarəetmə və qiymətləndirmə.
Ümumiyyətlə, ABŞ universitetlərinin əksəriyyətində tələbələr hər
kursda üç semestr təhsi alırlar 1)payız semestri 2)yaz semestri 3)yay
semestri. Əgər tələbələr payız və yaz semestrində yalnız nəzəri biliklər
əldə edirlərsə yay semestrində təcrübi biliklər əldə edirlər. Bunun üçün
universitet tərəfindən Yay məktəbləri (Summer school) təşkil edilir ki,
burada tələbələr həm işləyərək təcrübə toplayır, həm də məvacib alırlar.
Qeyd edək ki, universitet yay məktəblərini ölkənin ayrı-ayrı şəhər-
lərində, əsasən, mərkəzdən uzaq yerlərdə təşkil edir ki, bu da tələbələri
daha çox həvəsləndirir və həm də onlar bir növ istirahət də etmiş olurlar.
Alabama universiteti də bu cür yay məktəbləri təşkil etməklə tələbələrin
daha yüksək səviyyədə ixtisasa yiyələnmələrinə şərait yaradır (4).
Sirakuza
Universiteti
Bu universitet ABŞ-da az
s
aylı universitetlərdən biridir ki, orada
Kitabxana-informasiya elmləri üzrə bakalavr - İnformasiya menecmenti
və texnologiyası üzrə bakalavr dərəcəsi almaq mümkündür. Tələbə il
ərzində 120 kredit toplamalıdır ki, bunun da 40-ı İnformasiya Elmləri
məktəbində toplanmalıdır. Universitetdə tələbələr üçün Media
mərkəzləri fəaliyyət göstərir ki, burada sırf kitabxana ixtisası üzrə təhsil
alan və bilik səviyyəsi daha yüksək olan tələbələr işləmək imkanı əldə
edirlər. Bu Media mərkəzlərinin əsas özəllikləri nədir? Media
mərkəzləri fəaliyyət və quruluş etibarı ilə kitabxanaları xatırladır, lakin
bir fərq vardır ki, bu mərkəzlər gündəlik olaraq dünyada baş verən
siyasi, iqtisadi, sosial, mədəni, informasiyanın toplanması və yayımı ilə
də məşğul olur. Beləliklə, burada oxucular onlara lazım olan kitabları,
dövri nəşrləri əldə etməklə yanaşı, gündəlik dünyada baş verən hadisələr
haqqında məlumat ala bilirlər. Sirakuza universitetində Kitabxana
İnformasiya Elmləri üzrə geniş magistr proqramı vardır. Burada
aşağıdakı magistr dərəcələri verilə bilər.
1.
Kitabxana və İnformasiya üzrə magistr;
2.
Məktəb Mediya mütəxəssisi;
3.
İnformasiya menecmenti üzrə magistr;
4.
Telekommunikasiya və şəbəkə menecmenti üzrə magistr;
5.
İnformasiya menecmenti üzrə icraçı magistr.
Burada doktor dərəcəsi də almaq olar ki, o da belə adlanır-
İnformasiya Elmi və Texnologiyası üzrə Fəlsəfə Doktoru. Universitetdə
aşağıdakı kurslar üzrə təhsil aparılır:
İnformasiya texnologiyaları və təşkilatçılıq;
Kitabxanalarda kompüterlərin tətbiqi;
Biznes, cəmiyyət və internet;
Web texnologiyalar.
Bu kurslar üzrə kitabxanada aşağıdakı dərslər aparılır.
Uşaqlar, Ədəbiyyat, Mədəniyyət;
İnformasiya Texnologiyasında karyera;
İnformasiya, Texnologiya, təşkilatlar;
İnformasiya Sistemlərinin sosial aspektləri;
Elm və İnternet;
Dostları ilə paylaş: |