Osman Türkayın poetik irsi
92
Bu misralar vəhdəti-vücud fəlsəfəsində xüsusi yeri olan bir qay-
naqdan, Allah nurundan qopub gələn canların cismani ölümdən ruh
şəklində yenidən ona qayıdışı ideyasını xatırlatmaqdadır. Həm də
Türkaya görə, keçib gəldiyimiz yollar parıltılarla qaranlıqların qarı-
şığından ibarətdir.
Göy üzü məxluqlarının varlığına inanan şair eyni zamanda dai-
ma onları aramaqda, çağırışlarına hansısa qalaktikalardan əks-səda
gələcəyini gözləməkdədir.
“Fəzavi əks-sədalar” (“Evrensel Yankılar”) başlıqlı şeirdə də
şairin müraciətləri naməlum boşluqlarda əks-səda verməkdədir.
O.Türkayın kosmos mövzusuna aid poemalarından biri məşhur al-
man bəstəkarı L.V.Bethovenin doğumunun 200-cü ildönümünə həsr
olunmuşdur və “Bethovendə aydınlığa oyanmaq” adlanır. Şair poe-
maya Şiller və Keplerdən epiqraflar verməklə başlayır. “Jeometri ev-
renin yaratılışından önce de vardı, Tanrının dehası ile birlikte varol-
muştur, Tanrının ta kendisidir. Müziğin ve göksel cisimlerin devi-
nimlerinin gizini elinde tutan kutsal sayıların dansı, insan usu ile ani-
ma mundi denilen Yaratşın usunu gizemli bir biçimde birleştiren bir
ögedir”. (Türkay, 1970: 5) Bu əsərində Bethovenin iç kainatını kəşfə
çıxan Türkay onu bütün qalaktikalarda cazibə, ya da qalaktikalar
arasında qorxunc bir abidə hesab edir. Təbii ki, Bethovenin şəxsi hə-
yatına da işarələr olan əsərdə, epiqrafdan göründüyü kimi, yara-
dıcılıq, ilham, sənətkarın gizli və sehrli dünyası, psixologiyası və s.
ilə bağlı məsələlər kosmosla əlaqədə verilməkdədir. Ehtiras, doğum
və ölümü həyatımızın “üç peşmanlıq çiçəyi” adlandıran Türkay bə-
zən kosmosdan yerə enərək, həqiqət kimi görünən saxtakarlıqlara da
aydınlıq gətirməkdə, daha doğrusu, yaşam tərzimizdə vərdiş etdiyi-
miz bir çox adiliklərə başqa gözlə baxmaqdadır:
Yasa, bayağı korkaklık,
Din, bulutlarda yürümek.
Deger, kağıt paralarda numara
Ölümsüzlük, bir yığın hiçlik.
(Türkay, 1970: 18)
Elmira Fikrətqızı
93
Həm məzmun, həm də forma baxımından mürəkkəb struktura
malik əsərdə Bethovenin qüdrəti dolayı yolla onun kainatın geniş-
liyini, əsrarəngizliyini anlaması ilə bağlanır. Mehmet Kaplan şeir
haqqında aşağıdakıları qeyd edir: “Çağdaş şiirle karşılaşmayan bir
okuyucu bu şiiri yadırgayacaktır. Fakat kendi “varlığının dar hen-
dese”sini aşmak isteyen bir kimse, yabancı görüş ve denemeleri de
tanımaya çalışmalıdır. Çevre ve insan kendi kendine, alışkanlıkla-
rından ve basmakalıp fikirlerden bir koza örer. Hayâllerin en hür şe-
kilde geliştiği şiir, bir kurtuluş ve yeniden doğuştur.” (http-
://09aydinkirman52-90tr.spaces.live.com/default.aspx-09.08.08)
O.Türkayın kosmos poeziyasına aid əsərlərindən biri də “Ay
üçün rekviyem” adlanır. XX əsrdə maddənin atomik mahiyyətinə
varmaq, bir çox elmi kəşflər nəticəsində əşyanı göründüyü şəkildə
deyil, olduğu kimi qavramaq bəzən romantik təsəvvürlərə sarsıdıcı
zərbələr vururdu. Bu şeir də Ayın səthinə ilk nəzər salanlardan olan
astronavt Frank Bormanın təəssüf dolu təəssüratlarının rekviyem
şəklinə salınmış formasıdır. Xüsusilə, klassik Şərq poeziyasında gö-
zəlliyi vəsf edilən, bu mənada bir çox təşbihlərdə istifadə olunan
Ayın əslində işıq skeletinə dönməsi və “kraterlər leşi” ilə dolması
həm şairin, həm də astronavtın hüznünə səbəb olmuşdur. Həm də
nəzərə alaq ki, O.Türkay ilk poetik nümunələrində simvolist şair idi
və Ay poetik funksiyasında nəyisə rəmzləndirirdi. Bir sıra kosmik
nailiyyətlər Türkayı sevindirsə də, Yerin təbii peyki olan bu səma
cisminin gerçək mənzərəsi onun şair ruhunu sarsıtmaya bilmir və o,
“Ay tanrıça”sına “dur, getmə”, - deyə səslənsə də, onun müxatibi
kraterlər leşi yox, simvolik poeziyasında “yaşayan” Aydır:
Dur gitme,
Anımsa bir kez yıldızlarla yüklü
Uzun geceleri
yeminleri
sevişmeyi.
(Türkay, 1970: 61)
Osman Türkayın poetik irsi
94
O.Türkay yaradıcılığında Şərqlə, Asiya ilə bağlı mövzular da
əsas yer tutur
21
. “Dan yerində sayıqlama” şeri də əslində Asiyanı
(Gündoğan) simvollaşdırır və burada gah mifologiyaya toxunulur,
gah da qlobal problemlərdən bəhs olunur:
Asya üzerinde uçuyormuşum şimdi
Toplar güm-güm
Açlar başkaldırmış
Ölmüş
Ölüm.
(Türkay, 1970: 67)
Bu misralardan sonra şairin “Biq Ben”ə xitabla: “tacımı yitir-
dim, taht sende”, - deməsi müasir dövrdə dünya hakimiyyətinin
Şərqdən Qərbə ötürüldüyünə işarədir.
Digər bir şerində isə: “Hey yeryuvarlağında en ulu kayam, as-
yam heyy”, - deyə müraciət edən Türkay bununla türk mifologiyası-
na işarə edir ki, həmin misra “Lotusun içinə uçmaq” dastanında da-
ha aydın və geniş izahını tapmışdır.
Osman Türkay yaradıcılığının böyük bir qismi sülh və müharibə
mövzusundadır. “Çağ görüntülərindən səslər” adlı üçhissəli poema
bu mövzuda yazılmış əsərlərdəndir. Şeirlərindən birində: “masal
dinləyən kalmadı, çocuklar hep saldırgan”, - deyə yazan şair bu
əsərində yaşadığı çağın ən mühüm problemlərindən birinə toxun-
muşdur. Poema “Atom çıxmazı”, “Atom barışı” və “Atom savaşı”
adlı hissələrdən ibarətdir. Birinci bölmədə o, soyuq müharibənin
yaratdığı çıxılmaz durumu “Qurtuluş” dastanında təsviri verilən qə-
dim türklərin düşdüyü vəziyyətə bənzədir:
21
Bu barədə geniş məlumat üçün bax: Memmedova E. Osman Türkay Yaratıcılğın-
da Asya ile Bağlı Motif ve Mevzular. Kazakistan ve Türkiye’nin Ortak Kültürel De-
ğerleri Uluslararası Sempozyumu, 21-23 Mayıs, Almatı, 2007, s. 435-437.
Dostları ilə paylaş: |