58
Kassa planına əlavə hesablaşmaları aşağıdakı müəssisələr banka təqdim edir:
ticarət təşkilatları – ticarət gəlirlərinin daxil olması haqda məlumat, nəqliyyat
müəssisələri, kommunal müəssisələr, məişət xidməti müəssisələri, maliyyə
orqanları – vergilərin daxil olması məlumatları və s.
Kommersiya bankları müəssisələrin onlara təqdim etdikləri məlumatlar və
kassa ərizəsi əsasında kassa proqnozu hesabı tərtib edir. Məhz bu hesabla da
kommersiya bankları müəssisə və təşkilatları nağd pulla təchiz edir.
Pul vəsaiti və başqa qiymətlilərin daxil olması və verilməsi üçün kommersiya
banklarında kassa əməliyyatı şöbəsi fəaliyyət göstərir. Bu şöbədə isə öz
növbəsində gəlir kassası, xərclər kassası, gəlir və xərclər kassası, axşam kassaları,
pul dəyişdirmə kassaları, pul gəlirlərinin köçürülməsi kassası mədaxilləri
inkassator aparatı vasitəsilə daxil olan banklarda mövcuddur. Axşam kassaları isə
pul vəsaitlərini yalnız axşam qəbul edən banklarda olur. Kassaların sayı bankın
fəaliyyət xarakteri ilə müəyyən olunur.
2.2. Manatın alıcılıq qabiliyyətinə təsir edən amillər.
Azərbaycan Respublikasında valyuta sisteminin əsasını 1992-ci ildə tədavülə
buraxılmış manat təşkil edir. Valyuta münasibətləri sahəsində əsas qanunverici akt
“Valyuta tənzimi haqqında” Azərbaycan Respublikasının Qanunu hesab olunur.
Bu qanun ölkədə valyuta əməliyyatlarının həyata keçirilməsi prinsiplərini, valyuta
tənzimi və valyuta nəzarəti orqanlarının səlahiyyətlərini, funksiyalarını, hüquqi və
fiziki şəxslərin valyuta sərvətlərinə sahib olmaq və bunlardan istifadə etmək, onlar
barəsində sərəncam vermək sahəsində hüquqlarını, vəzifələrini və valyuta
qanunvericiliyinin pozulmasına görə məsuliyyəti müəyyən edir.
Hal – hazırda Azərbaycanda valyuta birjalarında tələb və təklifdən asılı olan
“üzən” valyuta məzənnəsi fəaliyyət göstərir. Dolların manata olan rəsmi
59
məzənnəsini Mərkəzi Bank Bakı Banklararası Valyuta birjasının (BBVB)
nəticələri əsasında müəyyənləşdirir.
Azərbaycanda valyuta əməliyyatlarını Mərkəzi Bankın müvafiq lisenziyasını
alan banklar və digər kredit idarələri apara bilər.
Xarici valyutaların alqı – satqısı səlahiyyətli kommersiya bankları tərəfindən
həyata keçirilir. Xarici valyutaların alqı – satqısı üzrə sövdələşmələri birbaşa
olaraq səlahiyyətli banklar öz aralarında, həmçinin Azərbaycan Mərkəzi Bankının
müəyyənləşdirdiyi qaydalar və şərtlər çərçivəsində fəaliyyət göstərən valyuta
birjaları ilə həyata keçirə bilərlər. Xarici valyutaların alqı – satqısına səlahiyyəti
olmayan banklar müdaxilə edə bilməz.
Azərbaycanda valyuta tənzmini Mərkəzi Bank həyata keçirir. O rezidentlərə
məxsus olan xarici valyutaların və xarici valyutada ifadə olunan qiymətli
kağızların dəyişdirilməsi, göndərilməsi qaydasını müəyyənləşdirir, valyuta
lisenziyalarının verilməsi və valyuta birjalarında valyuta əməliyyatlarına müdaxilə
edə bilir.
Azərbaycan Respublikasında valyuta nəzarətini valyuta nəzarəti orqanları və
onların agentləri həyata keçirir.
Valyuta nəzarəti orqanları Azərbaycan Respublikasının Mərkəzi Bankı və
Dövlət Gömrük Komitəsidir.
Valyuta nəzarəti agentləri isə Azərbaycan Respublikasının Mərkəzi Bankı
qarşısında hesabat verən müvəkkil banklardır.
Valyuta nəzarəti orqanları və onun agentləri ölkədə həyata keçirilən valyuta
ə
məliyyatlarının mövcud qanunvericiliyə, lisenziya və icazələrin şərtlərinə nə
dərəcədə uyğun gəlməsini və bu əməliyyatlar üzrə uçotun, hesabatın və
sənədləşmələrin forma və qaydalarını müəyyən edir.
60
Valyuta məzənnələri beynəlxalq valyuta bazarında müəyyən şərtiliklə
uzunmüddətli, ortamüddətli və qısamüddətlilərə bölünə bilən çoxsaylı amillərin
təsiri altında formalaşırlar.
Məzənnələrin dinamikasına təsir edən uzunmüddətli amillərə pul vahidlərinin
ə
sas xarakteristikalarını formalaşdıranları – bu və ya digər ölkədə əmək
məhsuldarlığının səviyyəsini, ümumi milli məhsulun uzunmüddətli artım tempini,
dünya ticarəti və xarici invesitisiyalarda ölkənin yeri və rolunu aid edirlər. Bu
amillər pul kütləsi və əmtəə və xidmətləri kütləsi arasında uzunmüddətli mübadilə
proporsiyalarını, yəni pulun valyuta məzənnəsinin əsasında duran alıcılıq
qabiliyyətini müəyyənləşdirirlər.
Ortamüddətli amillərə ölkənin cari əməliyyatlar üzrə tədiyə balansının
vəziyyətini, uzunmüddətli kapitalların hərəkət balansı saldosunu, depozitlər üzrə
faiz dərəcələrinin səviyyəsini, bu və ya digər ölkədə daxili qiymətlər arasında
fərqin artma templərini aid etmək olar. Həmçinin belə amillərə dövlət maliyyəsinin
vəziyyəti – büdcənin kəsirli olub olmaması, kəsirlidirsə, nə səviyyədə və s. – aid
edilməyə başlamışdır.
nflyasiya və iqtisadi artım parametrlərinin konkret uzlaşması ölkədaxili və
xarici iqtisadi artım amillərini nəzərə alaraq dövlətin iqtisadi proqramları
çərçivəsində müəyyənləşməlidir. nflyasiya problemləri ilə mübarizə apara bilən
inkişaf etmiş digər ölkələrin iqtisadiyyatında baş verən proseslərə və iqtisadi
siyasətə nəzər yetirməklə onların bu nailiyyətləri “üzən”, yəni tənzimlənən
məzənnə rejimi sayəsində əldə etdiyini görmək mümkündür. Belə ki, inkişaf etmiş
ölkələrdə sərbəst dəyişən (üzən) məzənnələr şəraitində devalvasiya və revalvasiya
prosesləri gündəlik olaraq valyuta bazarında baş verir.
Valyuta məzənnəsi qəti müəyyən olunmuş ölkələrdə hər iki proses milli pul
vahidinin rəsmi valyuta məzənnəsinin qanunvericilik əsasında dəyişməsi yolu ilə
baş verir. Bu da valyuta sabitliyinə nail olmanın bir yoludur.
Dostları ilə paylaş: |