94
bu ki, mədəniyyət öz matris düzümündə canlı nə
varsa, qəbul etməz. İdeya da, fikir də, ruh da
maddilikdən məhrum. Mədəniyyət təbiətin
qarşıdurumudur. Mədəniyyət ölü təbiətdir. Çılxa təbiət
olaraq insan mədəniyyətə düşməndir. Nə üçün? Çünki
mədəniyyət təlimdir, qanunlar toplusudur, adətlər
çevrəmidir, insan isə vəhşi. Vəhşini ictimailəşdirən
mədəniyyətdir. Ol səbəbdəndir ki, mədəniyyət bədənin
çılpaqlığından “qorxur”, hətta onun surətini, rəsmini
belə müəyyən şərtlərlə qəbul edir. Belə ki, hər hansı
bir vəziyyətdə hər hansı bir təhrikçiyə (qıcığa)
münasibətdə bədənin özünü necə aparacağını mədəniyyət
öncədən proqnozlaşdıra bilmir. Ona görə ki, bədən
yalnız və yalnız təbiət qanunları ilə idarə olunur,
makroaləmlə bağlı hərəkət edir və “bəd ayaqda”, yəni
pis gündə, pis situasiyada asanlıqla mədəniyyətdən, -
etik qaydalardan, ədəb və mərifətdən, ictimai-sosial
normaların, mənəvi-əxlaqi imperativlərin
yasaqlarından, - vaz keçir (davamlı aclıq zamanı biz
mədəniyyəti “qatlayıb” cibimizə qoyuruq) və olur
mədəniyyətdən ötrü real təhlükə obyekti. Fikir verin:
qiyamlar, üsyanlar, inqilablar həmişə instinktlərin,
emosiyaların, bədənlərin stixiyasıdır. İnqilablar
zamanı sosial maskalar, davranış modelləri pozulur və
total həyasızlıq başlayır. Bu vaxt insanlar sanki
fikirlərini, ideyalarını, həyalarını “soyunub”
küçələrə nizamsız şəkildə vızıldadırlar. Yəni bədən
hər an sosial dünyaya, toplum içrə mövcud əlaqələr və
münasibətlər şəbəkəsinə, deməli, mədəniyyətə qarşı
üsyan edib, onu inkar edib təbiətə qovuşa bilər.
Mədəniyyətin qənimi çılpaq bədəndir. Çılpaq
bədənlə üzləşəndə mədəniyyət bitib tükənir. Mədəniyyət
insan bilincinin bədən üçün “kəşf” etdiyi buruntaq
kimi bir şeydir. Geyimin astarından o yana mədəniyyət
qurtarır. Bu yöndən baxanda görürsən ki, dəlilər
təbiətə daha çox yaxınlaşmış bədənlərdir. Çılpaq bədən
dəliləri utandırmır. Başqa sözlə, mədəniyyətin onlara
dəxli yoxdur. Qəribədir, primitiv qəbilələrin adamları
95
üçün də çılpaq görünmək, çılpaq yaşamaq və yaşadıqca
qənşərində daim çılpaq bədən görmək problem deyildi.
Onlar da heç vədə bir-birilərindən həya eləmirdilər.
TƏBİƏT HƏYANIN NƏ OLDUĞUNU BİLMİR. HƏYANI İNSANLARA
MƏDƏNİYYƏT ÖYRƏDİR. Həya mədəniyyətin problemidir və
bu problem ona görə ortaya çıxır ki, mədəniyyət bədəni
gizlədəndən, paltar, örtük içinə “bükəndən”, ipək-
qumaş və ya cır-cındır əsarətinə salandan sonra
mədəniyyət olur, mədəniyyət kimi formalaşır.
Mədəniyyət bədən üçün büllur qəfəs qismindədir.
Soruşacaqsınız ki, bu niyə belə olmalıdır axı? Mən də
öz növbəmdə sualınızı bu sayaq cavablayacağaM.: çünki
MƏDƏNİYYƏT, ƏSLİNDƏ, ZƏİF BƏDƏNLƏRİN MƏDƏNİYYƏTİDİR,
ƏZƏLƏLƏRİN, İNSTİNKTLƏRİN YOX, AĞLIN, DÜŞÜNCƏNİN
MƏDƏNİYYƏTİDİR. Mədəniyyət ağlın bədən üçün çıxartdığı
bəraətdir. Məhz o şəxslərin ki, bədən qüsurları var,
əzalarında nöqsan, qüsur, eyib var, onlar istəməzlər
bədənlərini bir kimsə görsün. Güclülərə mədəniyyət
gərək deyil. MƏDƏNİYYƏT ÖZÜNÜ GÜCLÜ BƏDƏNLƏRİN
TƏCAVÜZÜNDƏN QORUMAQ, MƏKANI, YAŞAM RESURSLARINI
BƏRABƏR BÖLMƏK, PAYLAŞMAQ ÜSLUBUDUR, TƏRZİDİR.
MƏDƏNİYYƏT ZƏİFİN ÖZ TƏBİƏTİNİ GİZLƏTMƏK VASİTƏSİDİR,
AŞKAR TƏHQİRLƏR VƏ HƏDƏLƏRİN (ÖLDÜRÜLMƏK, DÖYÜLMƏK,
QOVULMAQ) QARŞISINI ALMAQ CƏHDİDİR. Elə məqamındaca
maraqlı bir fakta diqqət eləyək. Öz dövrünün ideoloji-
siyasi kontekstində müsəlman ruhanilərinin min cür
hədyanından bezmiş M.Ə.Sabir, görün, sonucda din
xadimlərinə necə bir ismarıc yollayır: “Zahida, gəl,
soyunaq, bir kərə paltarımızı, pişgahi-nəzəri-xalqa
dutaq varımızı, görüb onlar dəxi təhqiq eləsin
karımızı, hər kimin ağı qara isə, utansın, a balam”.
17
Burada Sabirin məramı zahidin zəif bədəninə, kişi
qüvvəsinə sataşmaqdır, zahidliyin (zöhdün),
“məxfiləşməyin” ilkin səbəbini açıb göstərməkdir ki,
“bəlkə illərcə yatanlar bir oyansın, a balam.” Bu
çağırış, əslində, qatı düşməni, rəqibi ən xətasız
döyüşə səsləməkdir. Həmin xətasız döyüşün adı
soyunmaqdır. Nədən ki, gücü, təbii enerji imkanlarını
96
paltarsız asanlıqla müəyyənləşdirmək mümkün olur.
Yəni daha dava-dalaş nəyə lazım? İnsan paltarlarını
soyunanda sanki problemlərini də “əynindən çıxarır”.
Mədəniyyət zəiflərin ağıl hesabına düşünüb “kəşf”
etdikləri fantom-himayəçidir; zəiflərin yaşamaq
hüququnun təminatçısıdır, güclülər
əleyhinə
manifestdir. MƏDƏNİYYƏT HƏR ŞEYDƏN ÖNCƏ YASAQDIR,
QANUNDUR, QADAĞALAR, QAYDALAR, ŞƏRTLƏR VƏ ÜSULLAR
ŞƏBƏKƏSİDİR VƏ AÇIQ DƏYİŞKƏN SİSTEMDİR. MƏDƏNİYYƏT
TOTEMLƏ BİRGƏ YARANIR. Totemlə bəyan edilir ki,
insanlığın vəhşilik dönəmi, sürülük halı qurtardı.
Kişisəl (maskuilin) toplumlarda mədəniyyət kişilərin
nəzarətindədir, kişilərə xidmət edir. Siz bir baxın,
təsviri sənətin tarixinə... qadın çılpaqlığına
tablolarda, rəsmlərdə, heykəltəraşlıq nümunələrində
daha tez-tez təsadüf olunur nəinki kişi çılpaqlığına.
Bu, təkcə onunla izah edilmir ki, qadın bədənləri
gözəldir və kişi gözlərinə xüsusi zövq verir,
maskuilin cəmiyyətə ünvanlanıb. Bu onunla izah edilir
ki, kişilər qadınlara nisbətən öz bədənlərindən, öz
çılpaqlıqlarından daha çox utanırlar; istəmirlər ki,
onların mümkün qüsurunu və ya kişi zəifliyini kimsə
görsün. Elə buna görə də qadınlar həmişə kişilərə
nisbətən xeyli rahat, kompleks yaşamadan soyunurlar.
Bəzi istisnalardan savayı...
İnsan soyunanda
mədəniyyətdən tam ayrılır; mədəniyyət virtual şəkildə
qalır onun şüurunda. Təbiətdə nəsil artırmaq məqamı
yetişəndə bədənlərin mübarizəsi və oyunu başlayır: bu
prosesdə zəif bədənlərə yer yoxdur. Bəs toplum içrə
biz nə görürük? Cəmiyyətdə nigah (toy), yəni nəsil
artırmaq üçün birinci əsas meyar sosial statusdur,
ikinci maddi durumdur (və ya alverdir), nəhayət,
sonuncu bədəndir. Təbiət zəifi həməncə siyahıdan
silir, onun yaşamaq hüququnu əlindən alır, mədəniyyət
isə, əksinə, hamını, o sıradan da zəif bədənlini
şanslı edir. Lakin... və bir də lakin... təbii gücü,
nəsil artırmaq potensialı kifayət qədər yüksək kişilər
mədəniyyətsiz də xoşbəxt ola bilir. Onlara mədəniyyət
Dostları ilə paylaş: |