277
mənasında başa düşülür. Əgərçi YAR YARILMASA NƏSİL
YARANMAZ. Yəni Yaranış prosesinin özü ikiləşməyə,
ikiyə bölünməyə ürcahdır. “SAĞ” və “SOL” məhz bu sayaq
bölgünün məhsuludur. Hər bölgü isə simvolik yarmaq,
parçalamaq prosesidir. TAM yarılmasa, SAĞ və SOL əmələ
gəlməz. Nə etməli, yaranışın şərti belədir.
Və bu şərtə əsasən kişi həmişə sağdadır, qadın -
solda, təbii ki, özlərinə görə. Qadın kişinin ürəyinə
maksimal yaxınlıqda dayanır. Kişi qadına ürəyini (sol
tərəfini, yəni az müdafiə olunan tərəfini) “həvalə”
edir. Məkan içrə kişi sağın yiyəsidir, qadın - solun.
Seyrçiyə münasibətdə isə yerlər koordinal surətdə
dəyişir: kişi sola keçir, qadın - sağa. Bu, sadəcə,
güzgü effektidir, lakin onun mədəniyyətə təsiri
qabarıq və böyük. Məsələ bu ki,mədəniyyətin bütün
vizual proyektlərində (televerilişlərdə, konsertlərdə,
heykəllərdə, tablolarda, fotolarda) tamaşaçı kişini
daima solda, qadını sağda görür. Əslində, isə kişi
özünə görə hər bir vaxt rahat sağ mövqeyindədir,
qadınsa - narahat sol. Qadınla kişi yan-yanaşı
dayananda kişinin sağı, qadının isə solu açıq qalır;
yəni real fiziki aktivlik bütövlükdə kişinin
ixtiyarında olur. Bunun səsəblərini arayıb araşdıraq.
Öncə SAĞ və SOLUN bildirdiyi mənalar cədvəlinə nəzər
yetirin.
SAĞ sağlıqdır, olumdur, rahatdır, müqəddəsdir,
sakraldır, cənnətdir, xeyirdir, bərəkətdir,
imtiyazdır, gücdür, qüvvədir, hakimiyyətdir,,
hökumətdir, özünüidarədir, hökmdardır, sultandır. Sağ
əl hökm, fərman, əmr əlidir, iradə əlidir; əsas
aparıcı əldir, düzlüyə, doğruluğa dəlalət eylər.
Verbal andiçmənin (and sözlərinin) vizual gerçəkliyi,
plastik təsdiqidir sağ əl. Bu hələ qədim misirlilərdə
də belə idi. Antik dövrlərin yunan və romalıları da
gücü, düzgünlüyü, ədliyyəni, xeyirxahlığı, ədaləti sağ
əllə bağlayırdılar, daha doğrusu, sağ əli bütün
bunların simvolu sayırdılar. Hind rəqqaslıq sənətində
barmaqları bitişik formada çiyin bərabərliyinə
278
qaldırılmış sağ əl qələbə, günəş, sultan və şir
deməkdir. Sağ həmişə qutludur, alidir.
Əvəzində isə sol solmaqdır, ölümdür, kəsrdir,
cəhənnəmdir, naqolaydır, naqisdir, zəifdir, əyridir,
xəstəlikdir, ağrıdır,
şərdir, qüsurdur, günah
rəmzidir, qeyri-normativdir, qaydanın pozulmasıdır.
Qədim zamanlarda hesab edilirdi ki, insanın
bədbəxtliklərinin hamısı sol əl ucbatındandır. Nümunə
üçün uzağa getmək lazım deyil. Yunan mifologiyasında
şəcərəsi faciəyə ürcah bir nəslin taleyində bədənin
solu ilə ilişikli şikəstlik məşum faktor kimi
vurğulanır: yoğunayaq Edipin atası Laiy solaxaydır,
babası Labdak sol ayağın axsağıdır. Bu mif fransız
Klod Levi Srtossun yozumuna görə əzəli bir dilemmanın
axtarışında bulunur: insan kişi və qadından törənir,
yoxsa bitki kimi torpaqdan əmələ gəlir? Mif bu
məsələni birbaşa cavablamır, problemin gəlişməsinə
şərait yaradır. Burada solaxaylıq, şikəstlik mifoloji
şübhənin, tərəddüdün bildiricisidir, insanın avtoxton
mənşəyinin, torpaq şəcərəsinin dəlilidir. Nə üçün məhz
sol? Torpağın solla nə əlaqəsi? Cavab çox sadədir.
Çünki Göy kişidir, torpaq - qadın. Kişilərsə sağda
qərarlaşırlar, qadınlar isə solda. Əgər torpaq
anadırsa, deməli, solun təmsilçisidir. Solaxaylıq isə
ulu anadan qalma nişanədir. Edip məhz bu nişanənin
daşıyıcısı olduğuna görə müdhiş hadisələrlə qarşılaşıb
faciəvi (cəhənnəm əzabı ilə müqayisə edilkəcək) bir
həyat yaşamalı olur. Heç də bica deyil ki, rahat
cənnət həmişə göydədir, əzablı cəhənnəm - yerin
altında.
Axı niyə bu tövr olmalıdır, bir halda ki sağ da
mənimdir, sol da? Bu düz. Amma razılaşaq ki, solda
məxfi bir özgəlik, daha dəqiq ifadəyə çalışsam, bir
ögeylik duyulmaqda. Bu, indi bizi keçmiş qərinələrdə
olduğu kimi sarsıtmasa da, hər halda yüngülcə
diksindirir. Solaxay adam həmişə maraq və latent
heyranlıq obyektidir. Çünki solaxay bizdən fərqlidir,
bizə oxşamır, bir başqa cürdür, qeyri-adidir. Bundan
279
əlavə solaxay həm də qorxu hissinin, şübhənin
gizlin təhrikçisidir. Axı o bizə bənzəmir, bizdən
seçilir, ayrılır. Biz özümüzü onda tanıya bilmirik: ya
o, defektlidir, ya biz. Məgər təsadüfdür ki, bədii
ədəbiyyat nadir istedadları və “dahi” caniləri həmişə
solaxay təsvir edir? Nə çox görk var buna. Elə isə
insan qavrayışında formalaşmış bu təsəvvürlərin kökü
haradan gəlir? Təbii ki, gerçəkliyin özündən, gündəlik
həyat problemlərindən, yaşam müəmmalarını anlamaq,
dərk etmək tələbatından... Mən biləni, məsələni bir
balaca sadələşdirib xırdalasam yaxşı olar.
İnsanın psixoloji məkanının koordinatları
sistemində, yəni bədənə görə
tərəflərin
müəyyənləşdirilməsi cədvəlində HUL (vertikal) yuxarı
və aşağıdır, SAGİTTAL ön və arxadır, HORİZONTAL (üfqi)
sağ və soldur. Hul və sagittal məkan içrə hərəkət
istiqamətlərini nişan verirlər: hər ikisi dinamikdir,
aktivdir. Yəni yuxarı qalxıb aşağı düşmək, önə və ya
arxaya getmək hər iki vektorda mümkün olur. Horizontal
isə əksinə: statikdir, sükunəti panoramlaşdırır,
mediativdir, hərəkət vektoru deyil. Onu statikadan
qurtarmaq üçün gərəkdir ki, adamlar yan-yanı
gəzsinlər. Busa absurd bir şey. Real məkanda sağa və
sola hərəkət yoxdur: insan sağa və sola burulub,
faktiki surətdə, həmişə önə gedir. Lakin buna
baxmayaraq horizontal sıra vektorudur, insanın başlıca
yaşam vektorudur, simmetriya və asimmetriyalar
vektorudur, sosial-ictimai vektordur. Cəmiyyət məhz bu
vektor üzrə düzülmüş adamlardan ibarətdir. SAĞ və SOL
düzülmək üçün, toplanmaq üçündür. Horizontal
istiqamətə “paylanmış”, “yayımış” toplumsal həyat,
əslində, beynin sağ və sol yarımkürəciklərinin
insandan ötrü dişarı dünyaya tulladığı oyun-
tapmacadır. Amma bu barədə azacıq sonra...
Ondan başlayım ki, insanın bədəni praktiki olaraq
simmetrikdir. Bundan o yana bəzi məqamlarda mən
psixoloq A.Brodetskinin tədqiqatından bəhrələnəcəyəm.
İnsanın üz və kürək görkəmi, başqa sözlə, önü və
Dostları ilə paylaş: |