286
Piyalə, qədəh şərab içilən qabdır, günəş,
yağış, torpaq, tənək və üzümlə insan arasında unikal
bir ötürücüdür. Bədən isə ruh üçün süzülən meyin
badəsidir. Bu keyfiyyət dışında əyyaşlıq dayanır.
Çünki mey ruhun istəyilə içilir, bədənin bura dəlaləti
yox. Əks təqdirdə, insan öz ruhunun düşməni olur.
“Ver badə, mürüvvət eylə, saqi”. Klassik Şərq
poeziyası az qalır ki, badəni bütə çevirsin, onu
ilahiləşdirsin:
“Nə gördü badədə bilməm ki, oldu
badəpərəst”. Bunun da kökü, şəcərəsi
uzaq-uzaq
mədəniyyətlərdən gəlir, sadəcə, şərh etmək gərək. İş
bu ki, badə (piyalə, kasa, masqura, qədəh, bardaq,
cam) arxaik təfəkkürdə qadın başlanğıcını bildirən
vizual obrazdır. Heç kəs inkar etməz ki, piyalə və ya
kasa öz forması etibarı ilə qadın döşünü, qadın
bətnini xatırladır. Torpaq yaş (nəm, şehli, şirəli)
olmazsa, əbədi Yaranış silsiləsinə nöqtə qoyular.
Qadın da torpaq kimidir, Yaranışın qabıdır,
piyalasidir, badəsidir; “islanmasa”, “dolmasa” həyat
tükənər. İçinə mey (su, şərbət, doşab, şərab)
damızdırılan BADƏ (dulusçuluq nümunəsi) və ya CAM
(misgərlik örnəyi) “vəhdət əl-vücud”un, “in” və “yan”
birgəliyinin, Yaranış aktının məkani formalar
müstəvisində rəmzi görkəmidir. Arxaik mədəniyyətlərdə
badədən “içmək”, “dadmaq” qadına sahib olmaq, qadının
dişi varlığını “kəşf etmək”,
ali idraka çatmaq kimi
mənalandırılır. Badə (bardaq, qədəh, piyalə, kasa,
masqura, kuzə, dolça, küp) və ya cam (parç, abgərdən,
çömçə, çuxur, qazan) təbiətin dörd ünsürünün, -
torpaq, su, od, hava, - sintezindən törənəndir. Dörd
ünsürün tanrısı dulusçudur, bir də misgər. Mifoloji
təfəkkür onları doğma əkiz qardaş, təmiz, pak
enerjinin daşıyıcısı, soyu ilahi dünyaya bağlı qutlu
sənətkar eləyib. Bir sıra xalqların miflərində,
nağıllarında insanla badənin “qohumluğu” (kuzənin bir
zamanlar cavan bir insan olduğunu söyləməsi) dönə-dönə
vurğulanır və islam mədəniyyəti kontekstində
sufilərin fəlsəfi paradiqmasının son dərəcə ifadəli
287
bir obrazına çevrilir. Onda təsadüfdürmü ki,
klassik Şərq poeziyası badəni insanla büt arasında
qərarlaşmış bir mərtəbəyə yüksəldir? Əsla. Yoxsa
Nəsimi
dilinə gətirməzdi ki,
“gəl ənəlhəqq sirrini
meyxanədə meydən eşit”. Odur ki, mey “vəhdət əl-
vücud”un təzahürlər dünyasında simvolik obrazıdır,
onun vizual plastik konkretliyidir.
Şərq dünyasında mey və insan münasibətləri
çoxsaylı
əxlaqi qaydalar, normalar, şərhlər,
göstərişlər və teatral təmtərağı olan məclislər
(mərasimlər) yolu ilə tənzimlənir. Mərasimlər və ya
məclislər içrə yaşayıb xoşhallanmaq müsəlmanın həyat
tərzinin qayəsidir. Şərqli üçün mey içmək də mərasim
kimi bir şeydir, məclisdir. Əsrlər
boyunca Şərq
aləmində içki kultunun, mey məclislərinin
mövcudluğunun təminatçısı şəhər meyxanələri olub...
MEYXANƏ (meyxana) fars dilindən tərcümədə “mey
evi” anlamına gəlir. Şərab dükanına, qəlyanaltıya da
“meyxanə” deyərlər. Burada gözəl şərablardan dadıb
ləziz xörəklər yemək, dincəlmək, musiqi dinləmək,
mütrib rəqslərinə tamaşa eləmək, nağılçıya qulaq
asmaq, xor-xor qəlyanın tüstüsünə uymaq, fəlsəfi
söhbətlərdə bulunmaq mümkündür.
Ortaçağ müsəlman
mədəniyyətində kef, nəşə simvolu meyxanədir. Məhz
həmən bu meyxanə, yəni mey evi islam mədəniyyəti
kontekstində məscidin yeganə qarşıdurumudur. Eynən
Nəsiminin buyurduğu kimi:
“Çünki bir şəhrin içində məscidü meyxanə var,
Əhli həq fərq eyləməz məscidləri meyxanədən”.
Füzuli məsələni bir az da zilə çəkər:
“Möhtəsib, tanrı üçün gəl mənə vermə əzab,
Meyli-məscidmi edər meykədələr övbaşı.”
Və ya:
288
“Ey əsiri-dami-ğəm, bir guşeyi meyxanə tut,
Tutma zöhhadın müxalif pəndini, peymanə tut”.
Meyxanə məscid və fərdin şəxsi mülkündən fərqli
olaraq tam azad bir zonadır.
Burada heç bir qanun,
yasaq, qadağa (mənəvi imperativin zəif impulslarından
başqa) “işləmir”; pul verib dad alırlar, kef alırlar,
əyləncə alırlar. Ona görə yalan, riya asanlıqla aradan
götürülür, həqiqətin yolu təmizlənir. Meyxanə
güzgüdür; qısa bir vaxt ərzində, daha doğrusu, elə ki
dodağa mey dəyər, insanın batini zahirə çıxıb aşkar
olar, necə varsa, o cür də görünər. Yəni mey insanın
mənəvi-əxlaqi
keyfiyyətlərinin, düşüncələrinin
katalizatorudur meyxanə içində. Heç bundan da sufi
şairləri imtina edərdilərmi?
XIX yüzilin son rübündən etibarən iqtisadi
proseslərin nəticəsində müsəlman
şəhərlərində
meyxanələr şəbəkəsi meydana gəlir, yəni mey evlərinin
sayı artır. Bu mey evləri müsəlman məmləkətlərində
haradasa karvansara əvəzidir, onun mikromodelidir.
Azərbaycan da bu siyahıdan istisna edilmir.
Meyxanə (meyxana)
müsəlmandan ötrü maqnit
cazibəsinə malik bir məkandır. Müsəlman meyxanə
böyründən heç vaxt laqeyd ötüb keçə bilmir. o Bununla
belə onun meyxanəyə münasibəti həmişə ikili olub.
Səbəb də bu ki, şəriət meyxanəni şəhərin urvatsız,
haram, məkrə, şərə ürcah bölgəsi hesab edir. Digər
tərəfdən isə meyxanə müsəlman üçün ənənəvi kef,
əyləncə dünyasıdır. İslam aləmində meyxanəyə getmək
mənəvi qadağanı pozmaq deməkdir.
“Meyi-gülguni, dedin, əqlə ziyandır, zahid,
Bumudur əql ki, tərki-meyi-gülgun etdin?”
Təbii ki, heç bir dini
yasaq bu fəlsəfi məntiqə
tablamır. Nəticə isə bütün vəziyyətlərdə cəmiyyətin
həyatına birmənalı şəkildə mənfi təsir göstərir. Çünki