44
Cə
dvə
l 1.
Müə
ssisə
nin maliyyə
resurslarının formalaş
masının
strateji idarə
edilmə
si prosesində
istifadə
olunan tə
snifat
Təsnifat əlamətləri
Tə
snifat qrupları
1. Mülkiyyətçi titulu
1. Xüsusi maliyyə resursları
2. Borc maliyyə resursları
2. Müəssisəyə cəlbetmə mənbələri
3. Daxili mənbələrdən formalaşan
maliyyə resursları
4. Xarici mənbələrdən formalaşan
maliyyə resursları
3. Cəlbetmənin müvəqqəti müddəti
5. Uzunmüddətli əsasda cəlb edilən
maliyyə resursları
6. Qısamüddətli əsasda cəlb edilən
maliyyə resursları
Mülkiyyətçinin titulu üzrə formalaşdırılan maliyyə resursları xüsusi və borc
maliyyə resurslarına ayrılır. Müəssisənin maliyyə resurslarının formalaşması
prosesinin strateji idarə edilməsi sistemində onların belə bölgüsü təyinedici
xarakter daşıyır.
Müəssisəyə cəlbetmə mənbələri üzrə maliyyə resursları daxili və xarici
mənbələrdən cəlb edilən maliyyə resurslarına ayrılır. Daxili mənbələrdən cəlb
edilən maliyyə resursları müəssisənin inkişafı üçün bilavasitə müəssisədə
formalaşan xüsusi hissəni xarakterizə edir. Daxili mənbələrdən maliyyələşən
xüsusi maliyyə resurslarının əsasını müəssisənin xalis mənfəəti təşkil edir. Xarici
mənbələrdən cəlb edilən maliyyə resursları müəssisədən kənarda formalaşan
45
hissəni xarakterizə edir. O, kənardan cəlb edilən həm xüsusi, həm də borc
kapitaldan ibarət ola bilər.
Cəlbetmənin müvəqqəti müddəti üzrə formalaşan maliyyə resursları
uzunmüddətli və qısamüddətli əsasda cəlb edilən maliyyə resurslarına ayrılır.
Uzunmüddətli əsasda cəlb edilən maliyyə resurslarına müəssisənin xüsusi maliyyə
resursları və bir ildən artıq dövrə cəlb edilən borc vəsaitləri aiddir. Bu növ maliyyə
resursları müəssisənin maliyyə resurslarının formalaşması prosesinin strateji idarə
edilməsinin əsas obyekti sayılır. Qısamüddətli əsasda cəlb edilən maliyyə resursları
bir il ərzində müəssisə tərəfindən formalaşdırılır, hansıki strateji idarəetmə
prosesində investisiya tələbatının müvəqqəti ödənilməsi üçün istifadə olunur.
Bütövlükdə, müəssisənin maliyyə strategiyasının səmərəlilik səviyyəsi onun
maliyyə resurslarının məqsədyönlü formalaşmasından bilavasitə asılıdır.
Müəssisənin maliyyə resurslarının formalaşmasının əsas məqsədi onun təsərrüfat
fəaliyyətinin perspektiv inkişafını təmin edən lazımi maliyyə aktivlərini
formalaşdırmaqdan ibarətdir. Bu məqsədi nəzərə almaqla müəssisənin maliyyə
resurslarının formalaşması prosesi aşağıdakı prinsiplər əsasında həyata keçirilir:
1.
Müəssisənin təsərrüfat fəaliyyətinin inkişaf perspektivlərinin nəzərə
alınması. Maliyyə resurslarının həcmi və strukturunun formalaşdırılması prosesi
müəssisənin strateji inkişafının bütün mərhələlərində təsərrüfat fəaliyyətinin təmin
edilməsinə hədəflənir.
2.
Maliyyə resurslarının ümumi həcmindən investisiya hissəsinin ayrılması.
Müəssisənin investisiya resurslarına ümumi tələbatı hesablayarkən korporativ
strategiyanın, funksional strategiyanın və biznes-vahidi strategiyasının
reallaşdırılması üçün investisiyaların həcmi nəzərə alınmalıdır.
3.
Müəssisənin maliyyə təhlükəsizliyi mövqeyindən maliyyə resurslarının
formalaşmasının optimal strukturunun təmin edilməsi. Maliyyə resurslarının
formalaşmasının optimal strukturu strateji inkişaf prosesində müəssisənin maliyyə
tarazlığını təmin edir.
Bu prinsiplərin reallaşdırılması müəssisənin maliyyə resurslarının
formalaşmasının strateji idarə edilməsi prosesinin əsas məzmununu təşkil edir.
46
Müəssisənin maliyyə resurslarının formalaşması prosesi onların cəlb edilməsi
dəyərinin qiymətləndirilməsi ilə əlaqədardır. Belə qiymətləndirmə aşağıdakı üç
mərhələ üzrə ardıcıl aparılır:
− müəssisənin xüsusi kapitalının ayrı-ayrı elementlərinin dəyərinin
qiymətləndirilməsi;
− müəssisə tərəfindən cəlb edilən borc maliyyə resurslarının ayrı-ayrı
elementlərinin dəyərinin qiymətləndirilməsi;
− müəssisənin formalaşan maliyyə resurslarının ortaölçülü dəyərinin
qiymətləndirilməsi.
Xüsusi maliyyə resurslarının formalaşmasının strateji idarə edilməsi prosesi
daxili və xarici mənbələr üzrə ayrıca həyata keçirilir.
Xüsusi maliyyə resurslarının formalaşmasının daxili mənbələrin tərkibində
müəssisənin sərəncamında qalan mənfəət əsas yer tutur. Mənfəət müəssisənin
xüsusi maliyyə resurslarının əsas hissəsini formalaşdırır, xüsusi kapitalın artımını
və müvafiq olaraq müəssisənin bazar dəyərinin artırılmasını təmin edir. Daxili
mənbələrin tərkibində əsas vəsaitlərdən və qeyri-material aktivlərindən
amortizasiya ayırmaları müəyyən rol oynayır. Digər daxili mənbələr müəssisənin
xüsusi maliyyə resurslarının
formalaşmasında əhəmiyyətli rol oynamır.
Xüsusi maliyyə resurslarının formalaşmasının xarici mənbələrinin tərkibində
müəssisə tərəfindən cəlb edilən əlavə pay, yaxud səhmdar kapitalı əsas yer tutur.
Ayrı-ayrı müəssisələr üçün xüsusi maliyyə resurslarının formalaşmasının xarici
mənbələrindən biri ona əvəzsiz təqdim edilən maliyyə köməyi ola bilər. Xüsusi
maliyyə resurslarının formalaşmasının digər xarici mənbələrinə müəssisənin
balansında olan material və qeyri-material aktivlərinin ona əvəzsiz verilməsidir.
Müəssisənin xüsusi kapitalının çoxalması ilk növbədə xüsusi maliyyə
resurslarının formalaşmasının idarə edilməsi ilə əlaqədardır. Bu idarəetmənin əsas
vəzifəsi gələcək dövrdə müəssisənin təsərrüfat fəaliyyətinin inkişafının lazımi
səviyyədə özünümaliyyələşdirilməsini təmin etməkdən ibarətdir.