75
skini, daha nə bilim kimi, biz tərəfdən vaxtilə Akif Hü-
seynovu, indi isə Vaqif Yusiflini, Tehranı, Əsəd Cahangiri
misal gətirə bilərsiniz. Amma, yenə də amma. Bunların,
demək olar ki, hamısı ilk öncə ya ədəbiyyatşünas, ya estet,
ya filosof, ya da... və s. və i.a.-dırlar. "Təmiz" tənqidçi isə
yoxdur, ola da bilməz. Tənqidin – yəni qiymətvermənin özü
bir yaradıcılıqdır. Mən resenziyaşünaslığı nəzərdə tutmuram,
o, sırf jurnal-qəzet işidir – sabahdan yox, dünən olmuş ha-
vadan danışır. Tənqidi yanaşım isə məhz "sabahkı havadan"
danışmaq deməkdir, təsərrüfatı yerbəyer və saf-çürük elə-
mək, yaradıcılıq laboratoriyasına baş vurmaq, irəli sürülən
estetik meyarlarla ictimai meyarları uyğunlaşdırmaq və daha
nə kimi vacib strateji və mürəkkəb məsələlərdən bəhs etmək
deməkdir. Daha çox artıq mövcud olanlardan yox, Mendele-
yev cədvəlindəki kimi ola biləcəkdən, potensial boşluqdan,
onun nə cür dolumundan bəhs etməkdir. Olan faktdan resen-
ziya yazan danışır, ola biləcəkdən isə tənqidçi dediyimiz,
amma alim, amma ədəbiyyatşünas, amma filosof danışır.
Məsələn, Salamın bir misrası məni vaxtilə tutmuşdu,
özü də yaman tutmuşdu: «Öləsən, bir düşmən sevindirəsən».
Bu misra məni, bilirsinizmi, hara apardı – Dədə Qorqud alə-
minə. Mən gördüm ki, bütöv bir dastan, bütöv bir mənəviy-
yat layı Çin səddi kimi sənin bu bir misrana qarşıdır, ona
ziddir. Niyə? O dövrün etik mənzərəsi belə idi ki, əvvəlcə
düşmən öldürüb sonra sevinirdilər. Uzun müddət ictimai me-
yar məhz bu olub, bu gün də çox zaman belədir. Sən isə
özün ölüb düşmənini sevindirmək istəyirsən. Fərqi hiss edir-
sənmi?! Etmirsən, etsəydin, belə dərinliyə baş vurmazdın.
Ölüb düşmən sevindirmək hissi Azərbaycan mənəviyyatında
olmuş, ancaq indi unudulmuş bir hissin adıdı. Bir ucu bu
76
misranın Tolstoyun məşhur “sənin bir üzünə sillə vursalar, o
biri üzünü çevir” əxlaqi fəlsəfəsinə, o biri ucu isə Füzulinin
“Gəldim ki, olum qəmin hərifi” dahiyanə misrasına gedir.
Bəli, dünən biz düşməni öldürüb sevinirdik. Bu gün isə
biz əgər öz ölməyimizlə düşmən sevindirmək kimi dərin psi-
xoloji hissin içinə girə biliriksə, hansısa etik-fəlsəfi çevrənin
qapanmasının şahidi oluruq. Bu, durğun okean sularında baş
verən mənəvi sunami kimi bir şeydir. Sənin özündən xəbər-
siz Azərbaycan mənəviyyatına gətirdiyin bu duyum, öz-öz-
lüyündə çox çalar yaşadır. Mən onu adekvat duyuram, ip-ip
bu kələfi aça da bilərəm. Yaxşı, indi bunları deməklə mən
dönüb tənqidçi oldum?!
Yaxud sən Etimad Başkeçidi, Murad Köhnəqalanı gö-
türək. Duyumun çılpaqlığına can atmaq istəyi – bu, sizə
aradan bir çox illəri, yox, il nədi, hətta yüzilləri "əyninizdən"
paltar kimi soyunmaq imkanı verdi (bundan əvvəlki məqam-
da haqqında danışdığım “Don Kixot”un yeni müəllifi yada
düşür) və sizlər bu gün artıq yazdıqlarınız ildə yox, çox
uzaqda, orta əsrlərdə dayanıb qalıbsız və ordan bizə baxır,
orta əsrlərin dil təravətini, başlıcası, duyum özəlliyini bizə
ötürməyə cəhd edirsiz, özü də uğurla cəhd edirsiz. İndi mən
durub tənqidçilikmi etdim? Əlbəttə, yox.
Salam. Kamal müəllim, təkcə bizdə yox, elə dünyada
da ədəbiyyatşünaslığın həcminin ədəbiyyatın həcmindən çox
olması sizə qəribə gəlmirmi? Bizdə lap ağını çıxarıblar: dis-
sertasiya mövzularının əksəriyyəti, təxminən, bu xarakterdə-
di: Filankəsin "Filan" əsərində Filanə obrazıyla Bəhmənkəsin
"Bəhməniyyə" divanındakı Bəhmən obrazı arasındakı mü-
qayisə müstəvisində gender problemləri… Heç dəxli varmı?
77
Kamal Abdulla. Dissertasiya mövzuları iki ali məq-
sədlə verilir və yaxud verilməlidir. Birinci məqsəd elmdəki
müəyyən boşluğun doldurulması ehtiyacından yaranır. İkinci
məqsəd isə mövzunu işləyən adamın elmi səriştəsini yoxla-
maq ehtiyacından. Bu iki amili bir-birinə qarışdıranda (mə-
sələn, mövzu verərkən istedadın dərəcəsini nəzərə almayan-
da...) sən dediyin və demədiyin bir çox problemlər yaranır,
bir çox mətləblər üzə çıxır. Əslində, burda da vəziyyət ədə-
biyyatda olan kimidir. Salam bayaq dedi, yüzlərlə "şairin"
içindən 5-ini, 6-sını görürsən. Eynən elmdə də belədir. Gə-
rək kəmiyyətin hansı şəkildə keyfiyyətə çevrilməsi qanunu-
nu unutmayaq. Və öz müstəvimizdə o qanunu diqqətlə öy-
rənək.
Əslində, biz yenə də nədən başlamışdıqsa ona da qayıt-
dıq. Azərbaycan bizim üçün nədir? Azərbaycan dünya üçün
nədir? Azərbaycanı dünya üçün maraqlı etmək uğrunda əsl
mücadilə, sanki, indicə haqqında danışdığımız xırda detallar-
dan yaranır...
78
Ədəbi uydurmalar.
Bəlkə, oyunlar?..
Etimad. Söhbətimizdə bir qədər əvvəl siz
Litinstitut uydurmalarından danışdınız. Mən də
oranı bitirmişəm deyə, bu yanaşma mənə ma-
raqlı gəldi. Dediklərinizə daha nələri əlavə edə
bilərsiniz? Bunun üzərində bir az dayanaqmı?
Kamal Abdulla. "Litinstitut uydurmaları"
özü haqqında böyük bir kitab yazılmasına layiq
mövzudur. Bu institut bütövlükdə sovet əxlaqına, sovet məf-
kurə və dünyagörüşünə ədəbiyyat məkanından dəstək veril-
məsi üçün yaradılmış bir yaradıcılıq məkanı idi. Siyasi aksi-
ya idi. Sovet ideologiyası özünü həm də bu cür qoruyurdu.
Amma həqiqəti də unutmayaq. Ədalətsiz də olmayaq. Bu
institut həm də çox ciddi ədəbi enerji qaynağı idi. Bu insti-
tutda spesifik, heç yerdəkinə oxşamayan bir tədris sistemi
vardı – şeir, nəsr seminarları, tənqidçilik dərsləri, tərcüməçi-
lik ixtisası… Sovet dövründə bizim bir çox, həqiqətən, iste-
dadlı şair və nasirlərimiz bu institutun məzunları olublar.
Hələ bu azmış – institutun ikiillik kursları da var idi – vətən-
də artıq ali məktəb bitirmiş istedadlı yaradıcı gənclər Mos-
kvaya rəsmən şair, yazıçı olmağa yollanırdılar. Qərəz, bu
Litinstitut qəribə bir qurama idi, amma yenə də deyirəm, bu
5-úè ìÿãàì
Dostları ilə paylaş: |