ƏL İ H ƏS ƏNOV
96
regional hərbiləşdirmə;
ekoloji problemlər.
Təhdidlərin bu cür bölgüsü
milli təhlükəsizliyin təmin
olunması sisteminin təşkilində və onun əsas fəaliyyət istiqa-
mətlərinin müəyyənləşməsində mühüm rol oynayır.
§ 2.4. Milli təhlükəsizliyin təmin
olunmasının əsas vasitələri və ehtiyatları
Azərbaycanın milli maraq və milli təhlükəsizliyinin təmin
edilməsi birbaşa onun daxili və xarici maraqlarının düzgün
müəyyənləşdirilməsi və təmin olunması mexanizmlərinin yara-
dılmasından asılıdır. Ölkənin milli təhlükəsizlik maraqları və
onun çərçivəsi müəyyənləşdirilərkən konkret zaman - SSRİ ilə
ABŞ arasındakı “soyuq müharibə” dövründən və birincinin
dağılmasından sonra yaranmış “müasir dünya nizamı” adlan-
dırılan beynəlxalq münasibətlər sistemindəki mühüm dəyişik-
liklər və dünya geosiyasi məkanındakı indiki qüvvələr nisbə-
tindən irəli gələn xarakterik xüsusiyyətlər nəzərə alınır.
Milli maraqların məzmunu, çərçivəsi və ölçüləri cəmiyyə-
tin dəyərlərini
özündə əks etdirən “milli idealla” müəyyən-
ləşir.
Ümumi şəkildə götürdükdə, millətin və xalqın ən mühüm
“idealını” ilk növbədə özünüqoruma, özünüyaşatma və davam-
lı inkişaf (yeniləşmə, təkmilləşmə və s.) maraqları təşkil edir.
Məsələn, Azərbaycan öz milli təhlükəsizliyinin çərçivəsini və
təmin edilməsi mexanizmlərini 1992-1995-ci illərin “özünüqo-
ruma və özünüyaşatma” vəziyyətindən 1996-cı ildə başlanan
“davamlı inkişafa qədərki” keçid dövrünün dinamikasında
yarada bilmişdir.
Milli maraq çərçivəsi
milli vəzifələrin əhəmiyyətinə və
dərəcəsinə görə sıralanır və tez-tez istifadə olunan
“həyati
AZƏRBAYCAN RESPUBLİKASININ MİLLİ İNKİŞAF VƏ
TƏHLÜKƏSİZLİK SİYASƏTİNIN ƏSASLARI
97
əhəmiyyətli maraqlar” ifadəsində öz əksini tapır. Qeyd etmək
lazımdır ki, bu ifadə dünyanın əksər dövlətlərinin normativ-
hüquqi sənədlərində xüsusi yer tutur. Məsələn, Rusiyanın
“Federal təhlükəsizlik haqqında”
Qanununda, Azərbaycanın
Milli Təhlükəsizlik Konsepsiyasında və s. sənədlərdə “həyati
əhəmiyyətli mühüm maraqlar” anlayışı öz əksini tapmışdır. Bu
sənədlərdə həmin anlayış altında fövqəladə dərəcədə vacib
olan, millətin təhlükəsizliyi və özünüyaşatma idealı ilə bağlı
məsələlər nəzərdə tutulmuşdur. Rusiya Federasiyasının adı
çəkilən qanununda həyati əhəmiyyətli mühüm maraqlara “milli
tələbatlar məcmusu” kimi baxılır. Onların da reallaşdırılması
insanların, cəmiyyətin və dövlətin mövcudluğunu, mütərəqqi
inkişaf imkanlarını etibarlı şəkildə təmin edir.
Azərbaycan Respublikasının Milli Təhlükəsizlik Konsep-
siyasında göstərilir ki, milli maraqlar xalqımızın fundamental
dəyər və məqsədlərini, habelə insan,
cəmiyyət və dövlətin tə-
rəqqisini təmin edən siyasi, iqtisadi, sosial və digər tələbatların
məcmusudur və aşağıdakılardan ibarətdir:
dövlətin müstəqilliyinin və ərazi bütövlüyünün qo-
runması, onun beynəlxalq səviyyədə tanınmış sərhəd-
lərinin toxunulmazlığının təmin edilməsi;
Azərbaycan xalqının vahidliyinin qorunub saxlanıl-
ması, azərbaycançılıq ideyasının aşılanması;
vətəndaş cəmiyyətinin formalaşdırılması, əsas insan
hüquq və azadlıqlarının təmin olunması;
demokratik və vətəndaş cəmiyyəti təsisatlarının inki-
şafı, qanunun aliliyi, asayişin təmin edilməsi yolu ilə
dövlətin funksiyalarının yerinə yetirilməsinin güclən-
dirilməsi və əhalinin təhlükəsizliyinin qorunması;
beynəlxalq öhdəlikləri yerinə yetirmək,
qlobal və re-
gional təhlükəsizliyə, sabitliyə töhfə vermək üçün
ƏL İ H ƏS ƏNOV
98
beynəlxalq təşkilatlarla əməkdaşlığın inkişaf etdiril-
məsi;
bazar iqtisadiyyatının inkişafı, onun hüquqi əsasları-
nın təkmilləşdirilməsi, iqtisadi sabitliyin təmin olun-
ması məqsədi ilə daxili və xarici sərmayələr üçün
əlverişli şəraitin yaradılması;
təbii sərvətlərdən tam səmərəli istifadə edilməsi, da-
vamlı iqtisadi inkişaf, ətraf mühitin qorunması, təhsil,
elmi və texnoloji potensialın artırılması yolu ilə
xalqımızın gələcək inkişafının, əhalinin layiqli həyat
səviyyəsinin və fiziki sağlamlığının
təmin edilməsi;
milli özünəməxsusluğun və dünya azərbaycanlıları
arasında həmrəyliyin möhkəmləndirilməsi;
xalqımızın mədəni-tarixi irsinin, mənəvi dəyərlərinin
qorunması və ümumbəşəri dəyərlərlə zənginləşdi-
rilməsi;
özünüdərk, vətənpərvərlik və milli iftixar hissinin,
intellektual potensialın inkişaf etdirilməsi və s.
61
Milli təhlükəsizlik ölçüləri
Milli təhlükəsizliyin təmin olunması müasir dövrdə istəni-
lən dövlətin daxili və xarici siyasətinin prioritet vəzifəsi hesab
olunur. Milli təhlükəsizlik ölçüləri
və milli maraq çərçivəsi
texniki tərəqqinin və qlobal inkişafın dönməz xarakter aldığı
XX əsrin sonlarına qədər daha
çox
ölkələrin müstəqilliyinin,
ərazi bütövlüyünün, konstitusiya quruluşunun və suveren döv-
lət idarəçiliyinin birbaşa xarici hücumlardan, hərbi müdaxi-
lələrdən, cəmiyyət həyatına və şəxsiyyətə qarşı qəsdlərdən,
61
Bax: http://e-qanun.az
AZƏRBAYCAN RESPUBLİKASININ MİLLİ İNKİŞAF VƏ
TƏHLÜKƏSİZLİK SİYASƏTİNIN ƏSASLARI
99
xəfiyyə fəaliyyətindən və s. təhdidlərdən qorunması kimi başa
düşülürdüsə, qloballaşmanın vüsət aldığı və ölkələrarası sər-
hədlərin şəffaflaşdığı müasir dövrdə bu anlayışa həm də:
regional münaqişə və transmilli cinayətkarlıq, nəza-
rətsiz ərazi və mütəşəkkil silahlı dəstələrdən qaynaq-
lanan təhdidləri;
dövlətdaxili ictimai həyatın (cəmiyyətin) milli, dini,
sosial tarazlığının və ölkənin
demoqrafik mühitinin
pozulmasını və qanunsuz miqrasiyanı;
dövlətlərin iqtisadi, siyasi, sosial, ərzaq, enerji, eko-
loji, nəqliyyat, maliyyə, milli valyuta təhlükəsizliyinə
və makroiqtisadi mühitinə müdaxiləni və xarici
aktorlardan asılı vəziyyətə düşməsini;
ölkələrin informasiya-kommunikasiya sistemlərinə,
ictimai rəyyaratma, ideoloji və mətbuat vasitələrinə
total xarici, transmilli müdaxiləni və geosiyasi təsir-
etməni;
transmilli
beynəlxalq terrorizmi, kütləvi qırğın və di-
gər silahların nəzarətdənkənar yayılmasını, narkotik
maddələrin ticarətini və digər milli təhlükəsizlik
sahələrini aid edirlər.
Geosiyasi ədəbiyyatda milli təhlükəsizliyin XXl əsrdəki
əsas ölçülərinin qloballaşmanın səviyyəsi və mövcud ölkənin
transmilli dünyaya inteqrasiyasının dərinliyi ilə bağlı müəy-
yənləşəcəyi göstərilir. Sərhədlərin şəffaflaşması ilə mal döv-
riyyəsi və ticarətin, pul, texnologiya və informasiya innova-
siyalarının transmilliləşməsi dövlətlərin öz geoməkanlarını
qorumaq işini getdikcə çətinləşdirir. Bir çox ölkələr artıq əv-
vəlki kimi, sərhəd maneələri yaratmaqla yerli bazarın təhlü-
kəsizliyini təmin etmək, dünyanın əsas transmilli şirkətlərinin,