ƏL İ H ƏS ƏNOV
12
lərdə təsnif olunmasına
baxmayaraq, onun təminatı fikrimizcə,
qlobal miqyaslı vahid iyerarxik təhlükəsizlik sisteminin
fəaliy-
yət göstərməsini tələb edir. Lakin etibarlı təhlükəsizliyin təmin
edilməsinə nail olmaq üçün bu sistem
beynəlxalq, regional və
milli səciyyəsindən asılı olmayaraq, hər bir səviyyənin özünə-
məxsus xüsusiyyətlərini, təhlükə mənbələrini, vasitələrini və
mexanizmlərini nəzərə almaqla fəaliyyət göstərməlidir. Müasir
beynəlxalq təhlükəsizlik sisteminin bu cəhətlərini və xüsusiy-
yətlərini nəzərə alaraq, Azərbaycanın milli inkişaf və təhlükə-
sizlik
siyasətinin beynəlxalq, regional və milli səviyyələrinin
əsas cəhətlərini, hər səviyyə üzrə hədəflərini, prioritetlərini və
istiqamətlərini müəyyənləşdirmək vəzifəsi müasir dövrdə
xüsusi aktuallıq və əhəmiyyət daşıyır.
Azərbaycanın milli, regional və beynəlxalq təhlükəsizliyin
bərqərar olunmasına yönəlmiş xarici siyasət strategiyasının
əsas vəzifələrindən biri
ölkənin dinc şəraitdə inkişafı, suveren
dövlət hüquqlarının qorunması, dünya birliyi və beynəlxalq
münasibətlərin subyektləri ilə qarşılıqlı əlaqələrinin yaradıl-
ması və milli maraqlarının təmin edilməsindən ibarətdir.
Müstəqil dövlət olaraq hər bir ölkənin dünya birliyində tutduğu
mövqe və qazandığı nüfuz
onun beynəlxalq, regional və milli
səviyyələrdə reallaşdırdığı
təhlükəsizlik siyasətinin çevikliyin-
dən və səmərəliliyindən asılı olur. Buna görə də ölkənin milli
təhlükəsizliyinin bütün səviyyələrdə təmin olunması ilə bağlı
xarici siyasət fəaliyyətinin öyrənilməsi, qarşıda dayanan məq-
səd və vəzifələrin elmi-konseptual baxımdan araşdırılması
Azərbaycan siyasətşünaslığında xüsusi aktuallıq kəsb edir.
Azərbaycanın Avropa və Asiyanın nəqliyyat-kommunika-
siya xətlərinin kəsişmə nöqtəsində, geosiyasi, hərbi-geostrateji
AZƏRBAYCAN RESPUBLİKASININ MİLLİ İNKİŞAF VƏ
TƏHLÜKƏSİZLİK SİYASƏTİNIN ƏSASLARI
13
və geoiqtisadi cəhətdən əhəmiyyət kəsb edən, enerji qaynaqları
ilə zəngin məkanda – Avrasiyada yerləşməsi onun milli inkişa-
fına, beynəlxalq, regional və milli təhlükəsizlik siyasətinin əsas
vəzifələri, istiqamətləri və mexanizmlərinin müəyyənləşməsinə
həlledici təsir göstərir. Bununla bağlı, həm də Xəzər hövzəsi
və Cənubi Qafqazın hərbi-strateji və təhlükəsizlik sisteminin
formalaşmasında Azərbaycanın yürütdüyü milli, regional və
beynəlxalq təhlükəsizlik siyasəti xüsusi rol oynayır. Məlumdur
ki, bu istiqamətdə həyata keçirilən milli siyasətin əsas istiqa-
mətlərindən biri ölkənin regionda gedən əksər geosiyasi və
geoiqtisadi proseslərdə fəal iştirakının təmin edilməsi və bütün
sahələr üzrə milli maraqlarının qorunmasıdır. Son iki əsrə ya-
xın müddət ərzində Cənubi Qafqaz
və Xəzər hövzəsi Rusiya-
nın geosiyasi təsiri və nəzarəti altında olmuş, bu ölkə üçün
xüsusi hərbi-geostrateji əhəmiyyət daşımışdır. Sovet İttifaqının
dağılmasından sonra Cənubi Qafqaz və Xəzər hövzəsində nisbi
“geosiyasi boşluğun” yaranması bu məkanda bir müddət etnik
separatizmə, milli qarşıdurmalara və dezinteqrasiya prosesləri-
nə təkan vermişdir. Bu regiona nəzarət Avrasiyanın daha geniş
ərazilərini təsir dairəsində saxlamağa imkan verdiyindən,
Cənubi Qafqaz və Xəzər-Qara dəniz hövzəsi müxtəlif bey-
nəlxalq “güclərin”, böyük dövlətlərin geosiyasi, geoiqtisadi və
hərbi-geostrateji maraqlarının kəsişdiyi məkana çevrilmişdir.
Bundan başqa, Xəzər-Qara dəniz hövzəsi və Cənubi Qafqaz
həm də transkontinental enerji, nəqliyyat-kommunikasiya əla-
qələndiricisi və beynəlxalq enerji
təhlükəsizliyi sisteminin tə-
siredici mərkəzlərindən biri kimi çıxış etməyə başlamışdır.
Hazırda regionda hərbi-geostrateji, enerji, geoiqtisadi, diplo-
matik və s. sahəsində iki əsas ölkə – Rusiya və ABŞ; bir neçə
ƏL İ H ƏS ƏNOV
14
digər geosiyasi aktor- Avropa Birliyi, regionun və dünyanın
böyük ölkələri və s. öz milli maraqlarını reallaşdırmağa çalışır.
Odur ki, bu məkanda hərbi-geostrateji güclərin təsnifatının
aparılması, təhlükəsizlik mühitinin formalaşmasına, hər bir
dövlətin milli təhlükəsizlik siyasətinə təsir göstərən amillərin,
regionda maraqları olan dövlətlərin və beynəlxalq güclərin
hərbi, enerji, informasiya və iqtisadi təhlükəsizlik strategiyala-
rının, geosiyasi proseslərin mümkün inkişaf ssenarilərinin araş-
dırılması elmi-nəzəri və praktiki cəhətdən getdikcə aktuallaşır
və əhəmiyyət kəsb edir.
Azərbaycanın milli inkişaf və təhlükəsizlik siyasətinin
başlıca
məqsədlərindən birini ölkənin pozulmuş ərazi bütövlü-
yünü bərpa etmək, Ermənistan-Azərbaycan, Dağlıq Qarabağ
münaqişəsinin həllinə nail olmaq, Cənubi Qafqazda davamlı
sülh yaratmaq və s. təşkil edir. Dağlıq Qarabağ münaqişəsinin
həlli və bölgədə sülhə nail olunması təkcə Azərbaycanın milli
inkişafının və təhlükəsizliyinin yolunu açmır, həm də bütöv
regionun sosial-iqtisadi inkişafına, dünyada etibarlı sülhün və
təhlükəsizliyin möhkəmlənməsinə təsir göstərir. Buna görə də
Azərbaycan Respublikası Dağlıq Qarabağ münaqişəsinin bey-
nəlxalq hüququn verdiyi imkanlar çərçivəsində aradan qaldırıl-
ması üçün fəal və ardıcıl siyasət aparır. Münaqişənin əsl ma-
hiyyətinin beynəlxalq ictimaiyyətin diqqətinə çatdırılması, er-
mənilərin işğalçılıq siyasətinin ifşa edilməsi, ATƏT-in Buda-
peşt və Lissabon sammitlərində onun
həlli prinsipləri və mexa-
nizmləri ilə bağlı beynəlxalq sənədlərin qəbul edilməsi, BMT,
ATƏT, İslam Konfransı Təşkilatı (2011-ci ildən İslam Əmək-
daşlıq Təşkilatı- Ə.H.), Avropa Şurası və Avropa Parlamenti
kimi təşkilatların problemin həllinə aid qətnamələrinin, çağırış-
AZƏRBAYCAN RESPUBLİKASININ MİLLİ İNKİŞAF VƏ
TƏHLÜKƏSİZLİK SİYASƏTİNIN ƏSASLARI
15
ları və müvafiq qərarlarının verilməsi və s. həmin fəal siyasətin
nəticəsi kimi dəyərləndirilə bilər. Lakin, Azərbaycan Prezidenti
İlham Əliyevin qeyd etdiyi kimi: Ermənistan tərəfindən Azər-
baycanın ərazilərinin işğal edilməsi faktı Azərbaycanın milli
maraqları əleyhinə yönəlmiş akt olmaqla yanaşı, həm də bütün
bölgədə sülhə və sabitliyə qarşı ən ciddi təhlükə olaraq qalır.
İyirmi ildən çox vaxt keçməsinə baxmayaraq, Ermənistan hələ
də Azərbaycanın işğal altında olan torpaqlarının qeyd-şərtsiz
boşaldılması haqqında BMT qətnamələrininin heç birinə məhəl
qoymur, öz işğalçı siyasətini, danışıqlar prosesində qeyri-
konstruktiv
mövqeyini davam etdirir ki, bu da Dağlıq Qarabağ
münaqişəsinin həllini yubadır.
2
Göründüyü kimi, Ermənistan-
Azərbaycan, Dağlıq Qarabağ münaqişəsinin doğurduğu milli
və regional vəziyyətin öyrənilməsi, yaranmış problemlərin həl-
li yolları və perspektivlərinin araşdırılması həm Azərbaycanın
milli inkişaf və təhlükəsizliyi, həm də regional və beynəlxalq
sülhün, təhlükəsizliyin təmin olunması kontekstində
xüsusi
aktuallıq kəsb edir.
Məlumdur ki, hər bir dövlətin milli inkişaf strategiyasında
onun
siyasi, iqtisadi, hərbi, sərhəd, enerji, nəqliyyat, ərzaq, in-
formasiya, ekologiya və digər həyati sahələrinin təhlükəsizlik
tələbləri də öz əksini tapır. Göstərilən sahələrdə elmi-nəzəri
cəhətdən dövlətin rəsmi təhlükəsizlik
siyasətinin əsas prinsip-
lərinin, məqsəd və vəzifələrinin, rastlaşdığı problemlərin araş-
dırılması və qiymətləndirilməsi, müvafiq elmi-praktiki tövsiyə-
lərin verilməsi Azərbaycan siyasətşünaslığının qarşısında du-
ran ən vacib məsələlərdən biridir. Çünki, hər bir ölkədə yürü-
2
Bax: İlham Əliyev. Koreya Respublikasının “Diplomacy” jurnalına müsa-
hibəsi // “Azərbaycan” qəz., 25 aprel 2012. N89.s.2.