35
zənginləşməsi (burada sistemdaxili, yəni ölkədaxili üfiqi
trayektoriya üzrə artması) və ərazilər üzrə (horizontal-coğrafi-
məkan trayektoriyası) genişlənməsi, həmçinin hadisələrin
sosial-iqtisadi, mədəni-siyasi məzmunu məhz miqrasiya
anlayışının zaman-zaman tərkibini daha da zənginləşdirmiş,
yeni
terminlər
əlavə
etmişdir.
Miqrasiya
anlayışının
zənginləşməsi sistemdaxili digər ictimai-siyasi anlayışların
törəmə xassələri ilə də paralelləşmiş və qarışmışdır.
İqtisadiyyat sahələrində, cəmiyyət həyatının digər sahələrində
ümumxalq maraqlarının artması özü ilə miqrasiya proseslərinə
də geniş mənalar qatmışdır. Bu mənalar miqrasiyanın forma və
məzmunlarını da genişləndirmişdir. Bu gün qloballaşma
proseslərinin daha da geniş vüsət alması miqrasiya anlayışının
qlobal məzmununu meydana gətirməkdədir. Qloballaşma
prosesləri də miqrasiya proseslərinin dünya üzrə sürətlən-
məsindən meydana gələn ümumi tendensiyaları özündə
cəmləşdirməkdədir. Ümumdünya üzrə demoqrafik qloballaşma
proseslərində əhalinin məcburi (qeyri-iradi), zəruri və istəklərə
uyğun olaraq ölkələrdən-ölkələrə yayılması prosesləri özü ilə
birlikdə sosial-mədəni-etnopsixoloji amilləri də daşıyaraq,
dünyanın ayrı-ayrı regionlarının inkişaf fərqini meydana
gətirməkdədir. Miqrasiya prosesləri tarixin coğrafi əsaslarını,
coğrafiyanın isə tarixi-etnomədəni amillərini formalaşdır-
maqdadır. Miqrasiya prosesləri qloballaşmanın tərkibi olmaq
etibarilə, bir tərəfdən dünyanın rəngarəngləşməsinə, mədəni
cəhətdən zəngin tərkibi olan bütövün yaradılmasına, eləcə də
dünyanın maddi-material resurslarının paylanmasına xidmət
edir, digər tərəfdən isə dünyanın miqrasiya (immiqrant)
mərkəzlərini meydana gətirməklə ayrı-ayrı ölkələrin və
regionların daha çox inkişafına səbəb olur. Bu inkişaf isə
özündə həm pozitiv, həm də neqativ meyilləri doğurur. İstər
ölkələr daxilində, istərsə də ölkələr arasında cərəyan edən
miqrasiya prosesləri həmçinin fərqli inkişaf istiqamətlərini
yaratmaqla, inkişaf kontrastlarını, uyğunsuzluqları və əhalinin
36
yayılmasında
qeyri-mütənasibliyi
meydana
gətirir.
Bu
baxımdan miqrasiya həm birləşdirici, ayrı-ayrı regionlar
arasında vəhdətyaradıcı proses kimi pozitiv məna kəsb edir,
həm də əlaqələr və münasibətlər nisbətində fərqləri meydana
gətirdiyinə görə neqativ proses kimi ortaya çıxır. Miqrasiya
prosesləri ayrı-ayrı regionların demoqrafik yükünü artırır,
insanların yaşayış məskənləri üzrə yayılma sıxlığının həcmini
genişləndirir, eləcə də cəmiyyətdə şəxslər arasındakı
münasibətlərdə müəyyən qədər uyğunsuzluğu, çatışmazlığı
ortaya qoyur. Bu baxımdan da miqrasiya anlayışına – tarixi
səmərəvericiliklə formalaşma nöqteyi-nəzərdən – birmənalı
yanaşmaq düzgün deyil.
Xalqların böyük köçü, imperiyaların coğrafi ərazilər üzrə
(qitələrdən-qitələrə və qitələrarası ərazilərdə) yayılması əhali
məskunlaşmasının hərbi-siyasi (geostrateji) şərtlərini, bunun
ardınca isə mülki (material-maddi resurslar üzərində qurulan
sosial məna və forma) şərtlərini üzərə çıxarmışdır.
Miqrasiyanın tarixi prosesləri bir tərəfdən özündə yeni-yeni
siyasi tarixi (yeni-yeni dövlətlərin meydana gəlməsi ilə
yaranan beynəlxalq münasibətlər tarixini, eləcə də qitələrdə -
yeni kəşf olunmuş və hərbi-siyasi baxımdan mənimsənilmiş
ə
razilərdə - dövlətlərin təşəkkül tapmasına səbəb olan
hadisələri özündə əks etdirən siyasi tarixi) meydana gətirmiş,
digər tərəfdən də miqrasiya tarixi anlayışını formalaş-
dırmışdır. “Tarixin miqrasiyası-miqrasiyanın tarixi” adlana
biləcək zaman-siyasi hadisələr strukturunun şərtləndirici
vəhdəti və bu vəhdətin baza rolunu oynaması ümumdünya
siyasi tarixini,
ümumdünya
dövlətçilik
tarixini
və
beynəlxalq münasibətlər tarixini fənlər istiqamətləri olaraq
ortaya qoymuşdur. Prosesə yanaşma üsulu həmin prosesin
ardıcıl şəkildə öyrənilməsi fənnini meydana gətirir. Tarixdən
məlumdur ki, miqrasiyanın hərbi-siyasi və coğrafi (coğrafi
kəşflər) əsaslar üzərində qurulan tarixi prosesləri yeni
qitələrdə-Amerikada, Avstraliyada yeni dövlətlərin meydana
37
gəlməsini şərtləndirmiş, bununla yanaşı, bu proses öz tarixini
(miqrasiya
prosesləri
tarixini)
yaratmışdır.
Miqrasiya
proseslərinin tarixi ümumdünya üzrə miqrasiyanın siyasi və
hüquqi tənzimləmə tarixini meydana gətirmişdir. Bununla da
əhalinin yeni-yeni ərazilərdə məskunlaşmasına səbəb verən və
istiqamətlərin kompleks vəhdətini yaradan baza amillər
formalaşmışdır.
Bu baza amilləri aşağıdakı şəkildə ümumiləşdirmək
olar:
-hərbi-siyasi amillər – işğallar və ərazi zəbtləri nəticə-
sində yeni-yeni imperiyaların və böyük dövlətlərin meydana
gəlməsi (qitələrdaxili-məsələn, Avropa və Asiya qitələri daxili
və qitələrarası-məsələn, Afrika və Asiya, Avropa və Asiya
qitələri arası)-qədim dövrlərdən başlayaraq- deportasiyalar-
ə
halinin məcburən köçürülməsi bu amilin içərisində
qərarlaşmışdır;
- yeni-coğrafi kəşflər amili – qitələrin, yeni torpaqların
kəşf olunması (Avrasiya və Afrika materiklərinin nümayəndə-
lərinin Amerika və Avstraliya qitələrinə köç etmələri. Burada
da hərbi-siyasi amillər səbəb kimi çıxış etmişdir) - orta
əsrlərdən və yeni dövrdən başlayaraq;
- maddi-material resurslar (iqtisadi amillər) üzərində
qurulan amillər – yeni resurs mənbələrinin əldə edilməsi
uğrunda əhalinin hərbi (işğal), siyasi (dövlət qurmaları) və
mülki (burada cəmiyyət strukturları nəzərdə tutulur) formada
yayılması-qədim dövrlərdən başlayaraq- bu amili ticarət və
sərmayə qoyuluşu formalaşdırmışdır;
- mədəniyyət amili – yeni ərazilərdə yeni sosial-siyasi
təşəkkül forması üzərində qurulan mədəniyyət strukturu amili
(burada mədəniyyətlərin qarışması amilini də qeyd etmək
olar)-qədim dövrlərdən başlayaraq;
Dostları ilə paylaş: |