Azərbaycan Tarixi
113
görə yanvarın 29-da, bəzilərinə görə isə martın 14-də) Samirəyə
gətirilir və elə həmin gün edam edilir. Qaynaqların yazdığına
görə Babək şahlara layiq paltarda edam meydanına
gətirilir və
sorğu-sualdan sonra onun başı kəsilib Xorasana göndərilir ki,
Məzyədə ibrət olsun.
8.3. Xürrəmilər hərəkatının tarixi əhəmiyyəti. Babəkin
başçılığı altında Azərbaycan xalqının ərəb işğalçılarına qarşı
apardığı azadlıq müharibəsi məğlubiyyətə uğrasa da, onun
böyük tarixi əhəmiyyəti vardır. Hər şeydən öncə bu azadlıq
müharibəsi ərəb Xilafətini kökündən laxlatdı, imperiyanın
parçalanmasının əsasını qoydu.
Babəkin xürrəmi orduları IX əsrin sonunadək Xilafətə
qarşı çevrilmiş bütün çıxışlarda fəal iştirak etdilər. 838/839-cu
ildə Təbəristanda Məzyədin başçılıq etdiyi üsyan baş verdi.
Məzyəd hələ 825/826-cı ildə xəlifə Məmun tərəfindən
Təbəristana hakim təyin edilmişdi. Ərəb müəlliflərinin kafir
adlandırdıqları Məzyəd də Babəki şüarlarla çıxış edir, Xilafət
hakimiyyətinə qarşı mübarizə aparırdı. Məzyədin üsyanı 840-cı
ildə Xorasan hakimi Abdulla tərəfindən yatırıldı.
838/839-cu ildə sərkərdə Afşinin qohumu,
onun öz yerinə
hakim təyin etdiyi Minkicəvr ərəb hakimiyyətinə qarşı üsyan
qaldırdı. Minkicəvrin məqsədi Xilafətdən ayrılıb öz hakimiyyə-
tini qurmaq idi. 840-cı ildə sərkərdə Buğa ibn Kəbirin koman-
danlığı ilə Xilafət ordusu tərəfindən məğlub edilən Minkicəvr
tutulub Samirəyə göndərildi. (Mingəçevir şəhəri toponiminin
yaranması Minkicəvrin adı ilə bağlıdır)
Babəkin başçılığı altında Azərbaycan xalqının illərlə da-
vam edən azadlıq müharibəsi məğlubiyyətə uğrasa da Xilafətə
külli miqdarda maddi və çox böyük mənəvi ziyan vurdu. Müha-
ribədə Xilafətin yarım milyondan
çox döyüşçüsü həlak oldu,
onlarla görkəmli sərkərdəsi əsir düşdü. Bu azadlıq müharibəsi
Azərbaycan xalqının şüurunda və əməllərində əsrlərlə yaşadı.
Xürrəmilərə, üsyançılara və onların rəhbəri Babəkə nifrət
bəsləmələrinə baxmayaraq, ərəb tarixçiləri özləri də azadlıq
Qəzənfər Rəcəbli
114
müharibəsinin əzəmətini və təsirini etiraf etmişlər. Bir ərəb
qaynağında deyilir ki, Babək öz zəmanəsinin qəhrəmanı və
Xilafəti dəhşətə gətirən bir igid idi. Digər ərəb müəllifi
Müqəddəsi yazır ki, Babəkin üzərində çalınan qələbə İslam
dünyasının ən böyük qələbəsi idi. Onun əsir alındığı gün
müsəlmanların bayram günü idi.
Babəkin başçılığı altında Azərbaycan xalqının azadlıq
müharibəsi
məğlub olsa da, o xalqın azadlıq ruhunu qıra
bilmədi. Babək hərəkatı xalqın azadlıq uğrunda, müstəqillik
uğrunda mübarizə əzmini daha da artırdı və onu inqilabi ruhda
tərbiyə etdi. XX əsrdə Cənubi Azərbaycanda xalqın üç dəfə
azadlıq uğrunda müharibəyə qalxması, 1918-ci ildə Azərbaycan
Cümhuriyyətinin yaradılması və nəhayət XX əsrin sonunda öz
dövlət müstəqilliyini bərpa edib Azərbaycan Respublikasını
yaratması Babək hərəkatının ən parlaq tarixi əhəmiyyətidir.
Ədəbiyyat:
1. Azərbaycan tarixi. 7 cilddə, 2-ci cild, s. 236-272.
2. Azərbaycan tarixi. Dərslik, s.172-171, 256-272.
3. Z. Bünyadov. Azərbaycan VII-IX əsrlərdə.
4. N.Vəlixanlı Ərəb Xilafəti və Azərbaycan.
5. İ.Cəbrayılov. Azərbaycan tarixi. s. 100-114.
Azərbaycan Tarixi
115
IX FßSÈL
IX-XI ƏSRLƏRDƏ AZƏRBAYCANIN MÜSTƏQİL
FEODAL DÖVLƏTLƏRİ
9.1. Şirvanşahlar dövləti. Babəkin başçılığı altında
Azərbaycan xalqının 20 illik azadlıq müharibəsi məğlubiyyətə
uğrasa
da Xifatətə böyük zərbə vurdu, imperiyanı kökündən
laxlatdı. IX əsrin sonu - X əsrin əvvəllərində Xilafətin istila
etdiyi ölkələrdə separatçılıq hərəkatı başladı. İmperiyanın
ucqarlarında, Xilafətdə mərkəzi hakimiyyətin zəifləməsindən,
imperiyanın üzləşdiyi çətinliklərdən və idarəçiliyin boş
buraxılmasından istifadə edən bir çox ölkələrdə, o cümlədən
Azərbaycanda yerli hakimlər müstəqil olmağa can atırdılar. Hə-
min ölkələrin hakimləri ilk vaxtlar Xilafət xəzinəsinə göndər-
dikləri vergilərin miqdarını azaltdılar,
sonra isə vergilərin gön-
dərilməsini tamamilə dayandırdılar. Xilafət belə hakimlərə qarı
əvvəllər nizami qoşunlar göndərirdisə, sonralar müvəffəqiyyət-
siziyə uğradığından öz zəifliyini dərk edib, həmin ölkələrdə
Xəlifənin adına xütbə oxunması ilə kifayətlənməyə məcbur
oldu.
Mərkəzi hakimiyyətdən ayrılmağa cəhd göstərən Azər-
baycan torpaqlarında IX-XI əsrlərdə Şirvanşahlar (Məzyədilər
sülaləsi – 861-1027; Kəsranilər sülaləsi – 1067-1382), Sacilər
(889-942), Salarilər (942-981), Rəvvadilər (981-1065)
və Səd-
dadilər (971-1075) yarandı. Onlardan Şirvanşahlar və Səddadi-
lər Şimali Azərbaycanda, Sacilər, Salarilər və Rəvvadilər Cənu-
bi Azərbaycanda yaranmışdı. Cənubi Azərbaycan ərazisində
yaranmış dövlətlər müxtəlif dövrlərdə müvafiq olaraq bir-birini
əvəz etmişlər.
Qəzənfər Rəcəbli
116
Erkən orta əsrlərdə Azərbaycan ərazisində yaranmış
müstəqil feodal dövlətlərdən biri “Şirvanahlar dövləti” adlan-
mışdır. Hələ qədim Alban dövləti
Sasanilər tərəfindən ləğv
edildikdən sonra Alban torpaqlarının böyük bir hissəsi Şirvan
adlanırdı. “Şirvan” coğrafi yer adıdır, toponimdir. Bəzi müəllif-
lər bu coğrafi yer adının etimologiyasını Sasani hökmdarı
Xosrov Ənuşirəvanın adı ilə bağlayırlar. Lakin bunun heç bir
elmi əsası yoxdur. “Şirvan” toponimi iki hissədən ibarətdir. To-
ponimik nominasiya olan “şir” süd, şirə mənasını verir. “Van”
isə toponomik formantdır. “Van” toponomik formantı Naxçı-
van, İrəvan, Mimcivan, Qəmərvan, Gürcüvan, Ərkivan, Ərci-
van Vilıvan və başqa onlarla Azərbaycan
toponomində də işlə-
dilir və “yer” mənasını verir. Onun Ənuşirəvanın adının son he-
cası “van” ilə heç bir əlaqəsi yoxdur. “Şir” və “van” sözlərin-
dən yaranmış Şirvan coğrafi yer adı “Varlı yer”, “Bərəkətli tor-
paq” mənasını verir. Ərəb müəllifi əl-Təbərinin verdiyi məlu-
mata görə Arranın (aranın) xalq arasında Şirvan adlanması
Xilafətdə bəlli imiş. Belə ki, Xilafət tərəfindən Azərbaycanın
işğalı ərəfəsində Hacı Xəlifə Dərbənd hakimi Şəhribarı “ Şirvan
hökmdarı” adlandırırdı.
Sasani imperiyasının tərkibində olan ölkələrin iri torpaq
sahiblərini – feodalları “şah” adlandırırdılar. Bu da onların
müəyyən dərəcədə müstəqil olmaları ilə bağlı idi. Odur ki, Şir-
van torpağında müstəqil feodal dövləti yarandıqda onu Şirvan-
şahlar dövləti adlandırırlar.
Şirvanşahlar dövlətinin yaradıcısı Heysəm ibn Xalid
Şirvanın birinci məliki Yezid ibn Məzyədin nəvəsi idi. Ona
görə də Azərbaycanda yaranmış Şirvanşahlar dövlətinin ilk
hökmdarlar sülaləsi Məzyədilər adlanır.
Yezid ibn Məzyəd ərəb
mənşəli Şeybani qəbiləsindən olub Xilafətdə bir sıra hərbi və
inzibati vəzifələrdə olmuşdur.
Heysəm ibn Xalid Azərbaycanda Xəlifənin valisi
işləmişdir. O, vəzifəsindən istifadə edib çoxlu var-dövlət
toplamışdı. Xilafətdə mərkəzi hakimiyyətin zəifləməsindən