__________________Milli Kitabxana__________________
51
Rusiyadadır. Planlaşdırmada əsas yeri beynəlxalq elmi əməkdaşlıq,
əməyin beynəlxalq bölgüsü və biofizika sahəsində inteqrasiyanın
inkişaf etdirilməsi tutur. Hazırda institutun işləyib hazırladığı bir sıra
metodlar müvəffəqiyyətlə xalq təsərrüfatında geniş tətbiq olunur.
Məsələn, kənd təsərrüfatı heyvanlarına infraqırmızı və ultrabənövşəyi
şüalanma ilə təsir edərək onların məhsuldarlığını və alınan məhsulun
keyfiyyətini artırmaq məqsədilə hazırlanmış metod indi
müvəffəqiyyətlə tətbiq olunur. Bunun kimi də bəzi dənli bitkilərin
toxumalarının səpinqabağı, az dozalı yumşaq qamma-şüalarla
şüalandırılması da müvəffəqiyyətlə tətbiq olunur. Bu metod taxıl tipli
bitkilərin məhsuldarlığını artırmağa, məhsulun keyfiyyətini
yaxşılaşdırmağa və yetişmə vaxtını azaltmağa imkan verir.
Qırğızıstan, Qazaxıstan və Moldaviyada həmin metodun tətbiqi 10—
12% artıq taxıl götürməyə imkan vermişdir. Biofizika institutunun
yaranmasından cəmi 25 il keçməsinə baxmayaraq bu institutun
nailiyyətləri və şöhrəti bütün dünyaya yayılmışdır.
Bu iailiyyətlər öz əksini məktəb kursunda da tapmalıdır. Çünki
sovet ümumtəhsil məktəblərinin vəzifəsi geniş biliklərə malik,
hərtərəfli inkişaf etmiş gənclər yetişdirməkdir. Bu isə məktəb
kursunun daim qəkmilləşdiririlməsini, elm və texeikanın son
vəziyyətinə yaxınlaşdırılmasını tələb edir. Bundan əlavə, son vaxtlar,
şagirdlərdə dünyagörüşünün yaradılmasında təbiət elmlərinin
nüfuzunun və rolunun da artdığını qeyd etsək, biofizika elementlərinin
məktəb kursuna daxil edilməsinin nə qədər zəruri olduğunu görərik.
Hər bir müəllim elmin nəbzini tutmağı bacarmalı, onun inkişaf
tərzi haqqında düzgün təsəvvürə malik olmalıdır.
Hazırda partiya və hökumətimiz biologiya elmlərinin tərəqqisinə
xüsusi fikir verir. Molekulyar biologiya və molekulyar genetikanın
inkişaf sürətini artırmaq və onların nailiyyətlərindən xalq
təsərrüfatında istifadə etmək tədbirləri haqqında qanun qəbul
edilmişdir. Elmin bu sahəsindəki görkəmli kəşflərin kənd təsərrüfatı,
tə-
__________________Milli Kitabxana__________________
52
babət və bir sıra sənaye sahələrinin inkişafı üçün böyük əhəmiyyəti
vardır. Hər bir gələcək alim və ya mütəxəssis təbiətin sirlərini açmaq
yolunda ilk təkanı, başlanğıc impulsu orta məktəbdə alır. Çox vaxt
onların aldığı biliyin bu və ya başqa bir hissəsi bütün həyatları boyu
öz təsirini göstərir və hətta, yaradıcılıq imkanlarını ən yaxşı şəkildə
açıldığı istiqamətə yönəldir. Bunu nəzərə alaraq tədris prosesini elə
şəkildə aparmaq ləzımdır ki, məktəb kursunun əsas fənni, fizika,
kimya, biologiya və s. kimi ayrı-ayrı fənlər deyil, bütövlükdə
götürülmüş təbiətşünaslıq olsun.
§ 2. MƏKTƏB KURSUNDA BİOFİZİKA
Elmi-texniki inqilab informasiyaların miqdarını o qədər artırmışdır
ki, bunu artıq bir nəfərin qəbul etməsi imkan xaricindədir. Ona görə
də indi hər bir alim müəyyən tədqiqat sahəsində özünü
məhdudlaşdırmışdır. O, bəzən qonşu otaqda nə iş görüldüyü ilə heç
maraqlanmır və ya buna imkan tapa bilmir. Beləliklə, dar ixtisaslı
mütəxəssislər, məsələn, fizik -akustik, həkim—kardioqraf, bioloq—
ixtioloq və s. yetişir. Bu isə mütəşəkkil şəklə düşmüş ayrı-ayrı bilik
sahələri arasında «boşluqlar», «sahibsiz ərazilər» yaranmasına səbəb
olur. Bu onu göstərir ki, ixtisasın getdikcə daralması müxtəlif bilik
sahələri arasındakı üzvi əlaqəni sarsıdır, elmin kompleks inkişafına
mane olur. Kibernetikanın atası sayılan Norbert Viner həmişə
ixtasasın getdikcə daralmasını elmin inkişafı üçün böyük bir fəlakət
hesab etmişdir. O özü riyaziyyatçı olmasına baxmayaraq, biologiya,
təbabət, fiziologiya, fizika, elektronika və bir sıra başqa elmlərlə
həmişə maraqlanmışdır. O həmişə çalışmışdır ki, müasir elmin ümumi
məsələlərinin həlli üçün sintetik yollar araşdırılıb müəyyən edilsin.
Ancaq bu yolla elmdəki «sahibsiz» əraziləri aradan qaldırmaq olar,
«boş yerlər» isə biofizika, bionika, kibernetika, radiobiologiya,
bioritmologiya, heliobiologiya, aqrofizika, biogeokimya, biogeofizika,
maqnitobiologiya və bir sıra başqa sintetik elmlərin biliklərilə dolar.
Elmin son illərdəki inkişaf tarixi belə bir yanaşmanın doğru olduğunu
təs-
__________________Milli Kitabxana__________________
53
diq etdi. Onu göstərmək kifayətdir ki, müasir kəşflərin əksəriyyəti iki
və daha çox elmlərin qovuşduğu yerdə baş verir. Deməli, sintetik
elmlərin inkişafı ixtisasın daralmasına mane olur. Hələ vaxtilə
Radişev «Peterburqdan Moskvaya səyahət» əsərində öz obrazlarının
dililə ixtisasın daralmasına istehza etmişdir. Xəstə həkimə şikayət
edərək sağ burun deşiyində iltihab prosesi olduğunu bildirir. Həkim
isə xəstəyə: Mən sol burun deşiyi iltihabını müalicə edən həkiməm, N
isə Volqa sahilində yaşayır, siz gedin oraya və ona sağ burun deşiyi
iltihabını müalicə edən həkim muraciət edin, deyir.
Son illərin elmi nailiyyətləri göstərir ki, fizika, kimya, elektronika,
riyaziyyat və s. kimi dəqiq elmlərin biologiyaya müdaxiləsi nəinki
bioloji elmlərin üfüqlərini xeyli genişləndirmiş, həm də onu keyfiyyət
elmindən kəmiyyət elminə çevirmişdir. Biologiya lap yaxın keçmişdə
təcrübə və müşahidələr nəticəsində toplanmış faktları qeyd etməklə
kifayətlənərdi. Indi isə müasir biologiya kitablarının səhifələrində
düsturlara, qrafik təsvirlərə, qanunauyğunluqlara tez-tez rast gəlmək
olur. Fiziki təsəvvürlərin, ideyaların, qanunların və metodların
biologiyaya hərtərəfli nüfuz etməsi nəticəsində indi yeni mütəxəssislər
yetişir. Eyni zamada dəqiq elmlər üçün yeni tədqiqat obyektləri
yaranır, onlar özü inkişaf edir, təkmilləşir və imkanlarını artırır. Canlı
orqanizmlərdə baş verən bütün bioloji proseslər fiziki hadisələrlə
müşayiət olunur. Bu hadisələr fiziki cihazların köməyi ilə tez və
asanlıqla qeydə alına bilir, bioloji hadisələri isə qeydə almaq olmur.
Ona görə də hər bir bioloji hadisənin fiziki tərəfini öyrənməklə onun
əmələ gəlmə mexanizmi və təbiəti haqqında müəyyən mühakimə
aparılır.
Elmi-texniki tərəqqi təbabətin bir sıra mürəkkəb məsələlərini
dərindən öyrənmək və həll etmək üçün zəngin imkanlar yaratmışdır.
Insan orqanizmində baş verən prossslərin dərinliklərinə girmək,
onların sirlərin və əsas xüsusiyyətlərini aşkar etmək, əmələ gəlmə
səbəblərini və mexanizmlərini aydınlaşdırmaq mümkün olmuşdur.
Bütün bu nailiyyətlərin əldə edilməsində müxtəlif elm sahələrinin bir-
birilə əlaqəsi və qarşılıqlı təsiri əsas yer tutmuşdur. Bu elmlər heç
Dostları ilə paylaş: |