__________________Milli Kitabxana__________________
48
dim metodikası elmin inkişaf səviyyəsindən geri qalır. Mövcud
metodikalar zamanın tələbini ödəmir. Bunların bir qismi köhnəlmiş,
digər qismi isə müasir tələblər səviyyəsində deyil.
Prinsipcə yeni təlim metodlarına ehtiyac gündən-günə artır.
Təcrübə göstərir ki, şagirdləri böyük zehni gərginlik tələb edən, onları
tədqiqat aparmağa sövq edən, yaradıcı fəallığa alışdıran təlim
metodları daha çox cəlb edir. Belə təlim, biliklərin dərindən dərk
edilməsinə, onların zavod sexlərində və ya kolxoz tarlalarında
bacarıqla və müvəffəqiyyətlə tətbiq edilməsi imkanlarının
artırılmasına, şagirdlərin müstəqil olaraq elmi-texniki nailiyyətləri
öyrənməyə alışmasına səbəb olur. Bu nöqteyi-nəzərdən orta məktəbdə
təbiət elmlərinin tədrisində inteqrasiyanı və koordinasiyanı inkişaf
etdirmək problemi xüsusi əhəmiyyət kəsb edir.
Məlumdur ki, hər bir proses və ya hadisənin inkişafının əsasını
əksliklərin vəhdəti və mübarizəsi təşkil edir. Bu, olduğu kimi müasir
təbiətəşünaslığa da aiddir. Çünki burada da vəhdət təşkil edən və bir-
birinə zidd olan iki istiqamət səciyyəvidir. Bunlardan biri, əvvəlcə
deyildiyi kimi, sintetik, ikincisi isə analitik istiqamətdir. Analitik
istiqamətdə yeni elm sahələri, yeni qanunauyğunluqlar kəşf olunur və
müəyyən mütəşəkkil şəklə düşən elm şaxələri əmələ gəlir, yəni elmdə
difsrensiasiya gedir. Yeni yaranmış elm sahələrinin tədqiqat obyekti
məhdudlaşır. Məktəb təcrübəsində bu, fənlər üzrə təlimdə özünü
göstərir. Elmlərin vəhdəti təlim prosesində də özünü büruzə
verməlidir. Məsələn, yaxşı oxuyan orta məktəb məzunlarından birinə
belə sual verilmişdir: toxumdan iri bir bitki əmələ gəlir, bu, enerjinin
və maddənin saxlanması qanununa zidd deyilmi? O, bitkinin
böyüməsi prosesilə əlaqədar olan bütün bioloji məsələləri düzgün
danışmış və enerjinin saxlanması qanununu da düzgün şərh etmişdir.
Lakin bunları üzvi surətdə əlaqələndirə bilməmişdir. Bircə onu qeyd
etmişdir ki, enerjinin və maddənin saxlanması qanunu ümumidir,
deməli bitkilər üçün də doğrudur. Bu suala düzgün cavab vermək
üçün nəinki kimyəvi və bioloji biliklər lazımdır, həm də bunlar
arasında müəyyən əlaqə yaratmağı da bacarmaq lazımdır.
__________________Milli Kitabxana__________________
49
elm və texnikanın tərəqqiyə maddi-texniki bazanın yaranması kimi
baxır. Müasir sənaye və kənd təsərrüfatı həmişəkindən daha çox elm
və texnikanın inkişafından asılıdır.
Hər bir müəllimin keyfiyyətli işi, yüksək bilik səviyyəsinə malik
dərin mühakimə aparmağı, biliklərini istehsalatın müxtəlif sahələrində
müvəffəqiyyətlə tətbiq etməyi bacaran gənclər yetişdirməkdir. Bu
məsul vəzifənin yerinə yetirilməsində təbiət elmlərinin əlaqəli şəkildə
öyrədilməsi probleminin həlli xüsusi rol oynayır.
II FƏSİL
ORTA MƏKTƏB KURSUNDA BİOFİZİKİ
TƏHSİLİN TƏKMİLLƏŞDİRİLMƏSİ
PROBLEMLƏRİ
§ 1. BİOFİZİKANIN İNKİŞAF TARİXİ
Biofizika ilk dəfə biologiya və fizikanın ümumi məsələlərini
öyrənən bir elm sahəsi kimi meydana gəlmişdir. Adətən, bu elmin
yaranma tarixini XVIII əsrin axırlarında iki məşhur italyan alimi
Qalvani və Volta arasında gedən, həm də uzun müddət davam edən
mübahisənin tarixi ilə bağlayırlar. Qalvani elektrikin ancaq canlı
orqanizmlərdə, Volta isə cansız təbiətdə əmələ gəldiyini iddia edirdi.
Lakin elmin sonrakı inkişafı göstərdi ki, elektrik həm canlı
orqanizmlərdə, həm də cansız təbiətdə yaranır. Beləliklə, bu tarixi
mübahisədə iştirak edən tərəflərin hər ikisi qalib gəldi. İndi elmə
çoxdan məlumdur ki, sinir lifi oyanmış haldadırsa, yəni ondan
mərkəzi sinir sisteminə siqnal verilirsə, bu, bilavasitə elektrik
cərəyanının keçməsilə əlaqədardır və bu cərəyanı xüsusi cihazların
köməyi ilə qeyd etmək olar. Həmin cə-
__________________Milli Kitabxana__________________
50
rəyanın gərginliyi indi voltlarla ölçülür. Voltanın kəşf etdiyi
cərəyandan isə indi cib fənəri batareyalarında istifadə edilir və onlara
qalvanik elementlər adı verilmişdir. Göründüyü kimi, sonrakı nəsillər
hər iki alimin adını əbədiləşdirməklə mübahisəyə obyektiv yekun
vurmuşdur.
Biofizikanın yaranma tarixinin bu qədər qədim hesab edilməsinə
baxmayaraq, o əsasən Böyük Vətən müharibəsindən sonra sürətlə
inkişaf etməyə başlamışdır. Hazırda biofizika elminin məşğul olduğu
məsələlər o qədər çoxalmışdır ki, onun indiki məzmunu heç əvvəlki
adına belə uyğun gəlmir. Biofizika indi özünü biologiya elmlərinin
inkişafına təkan verən hərəkətverici qüvvə kimi aparır. Müasir
biologiya molekulyar səviyyədə tədqiqat işi aparır. 1950-ci illərin
əvvəllərində biologiyada mühüm və böyük gələcəyi olan dəyişikliklər
baş verdi. Mühüm kəşflər və bununla əlaqədar olaraq aparılan nəzəri
ümumiləşmələr həyat haqqındakı elmə münasibətin kökündən
dəyişməsinə, bir sıra yeni elm sahələrinin yaranmasına və xüsusilə,
molekulyar biologiya və molekulyar genetikanın sürətlə inkişafına
səbəb oldu. Fiziki və fiziki-kimyəvi metodlar, təsəvvürlər, fikirlər
nəzəri və eksperimental biologiyaya nüfuz edərək biofizika və
biokimyanın inkişafını daha da sürətləndirmək üçün əlverişli şərait
yaratdı. Fiziklər, riyaziyyatçılar və kimyaçılar bioloji problemlərin
həllində fəal iştirak etdilər.
Bu, biologiyanın yeni mərhələdə inkişafı üçün böyük təkan idi.
Ikinci mühüm təkan, kənd təsərrüfatı, təbabət və bioloji sənayenin
tələblərilə əlaqədar olaraq yarandı. Sənaye miqyasında vitaminlər,
fermentlər, antibiotiklər, amin turşuları və zülallar əlınmasına olan
ehtiyac bioloji sənayenin sürətlə inkişaf etməsini tələb edirdi.
Biofizika institutu indi biofizika sahəsində aparılan tədqiqat işlərində,
Qarşılıqlı İqtisadi Yardım Şurası (QİYŞ) üzrə əməkdaşlıq edən bütün
sosialist ölkələri üçün koordinasiya mərkəzi hesab olunur. İnteqrasiya
proqramının həyata keçirilməsində yüz elmi tədqiqat müəssisəsi və
kafedralar iştirak edir ki, bunlardan 19 -u ancaq
Dostları ilə paylaş: |