Məşhur xeyriyyəçi Mahmud Ağa və naməlum muğam universiteti
131
Xətasın bildirərdi Davudun ləhni bəlagətdə,
Əgərçı ol nəbi cürətlə gəlsəydi bu dünyayə.
O sərv, qamətə tuba demək, vallahı nöqsandır
Bərabər varmı bu dəhri-zamanda ol çəlipayə.
O çeşmi ləblərin, kirpiklərin qurbanı olum mən,
Fədda qıldım ona mülkü, zərü zibavü sənnayə.
Əgər Harmi desə yandım, yəqin ki, dilbəri gəlmiş,
Çəkir zəbh etməyə bu dəm Xəlili-Minayə.
Mahmud Ağa və Abbas Səhhət məclisi
XIX əsrdə Şamaxıda fəa-
liyyət göstərən ilk şəxsi təhsil
ocaqlarından biri Abbas Səhhətin
atası Molla Əli Abbasın məktəbi
olmuşdur. Mahmud Ağa Molla
Əli Abbasın məktəbinə həmişə əl
tutub. Abbas Səhhət gözəl şair
idi, klassik üslubda şeirlər yazır-
dı. S.Ə.Şirvanı və Mahmud Ağa
məclisinə yaxın insanlardan idi.
Əli Abbas Şamaxıda fəa-
liyyət göstərən hər iki məclisdə
iştirak edər, oğlu Səhhəti də gənc
yaşlarında - 1890-cı illərdə Mah-
mud Ağanın da məclisinə qatıb.
A.Səhhət keçmiş «Beytüs-Səfa»
məclisinin bir çox üzvləri ilə ya-
xından tanış olaraq, dostlaşmışdı.
Bu illərdə o, tay-tusları arasında musiqi vurğunu kimi də
seçilirdi. Onun dostları M.Ə.Sabir, Ağaəli bəy Naseh, M.Mah-
Abbas Səhhət
Seyfəddin Qəniyev, Səadət Veysova
132
mudbəyov, S.M.Qənizadə, İsmayıl bəy Veysov Şamaxıda
maarifin, məktəblərin təbliğinə xüsusi diqqət yetirirdilər.
A.Səhhət İranda təhsil almağa gedəndə əqidə dostların-
dan, eləcə də musiqidən uzaq düşür. Şamaxıya qayıdanda isə
görür ki, artıq «Beytüs-Səfa» məclisinin üzvlərinin bir çoxu,
eləcə də Mahmud Ağa dünyasını dəyişmiş, məclislər bitmişdir.
Amma onun canından-qanından həmin məclislərin havası get-
mir. Qəzələ də meyli çoxalmışdı. Belə ki, gənclik illərindən
Mahmud Ağa məclisinə qatılanda M.Füzuli, Sədi, Hafiz,
S.Ə.Şirvanini daha çox oxuyar, qələmini o səpkidə sınayardı.
Sədi və Hafiz Şiraziyə həsr etdiyi şeirləri Səhhət, Mahmud Ağa
məclisindən, oraya dəvətli olan xanəndələrin ifasından təsirlə-
nərək yazmışdır. Sözsüz ki, Ətşan təxəllüsü ilə qəzəl yaradan
atası Molla Əli Abbas da bu sahədə ona müəyyən qədər təsir
edə bilibmiş. Amma Şeyx Sədini «Şairi-şirinkəlam» adlandırır.
Hafizi isə «ustadı-şeirin hünəri» sayır. Özü də 23-24 yasında –
Mahmud Ağa məclisində iştirak etdiyi illərdə. 1910-cu ildən
sonra A.Səhhət Şamaxıda şeir və musiqi məclisi yaratmağa qə-
rarlaşır. Bir çox Şamaxı şairlərini, xanəndələrini bir araya gətirə
bilir. Hətta 1912-ci ildə şair M.Füzuli yaradıcılığına müraciət
edərək onun bir qəzəlini tərbi edir.
Dərdə düşdüm əsərindən sitəmi-hicranın,
Çarədən ötrü dolaşdım nərəsin dünyanın,
Dərdimi dərdimə canan dedilər cananın.
Dilədilər dərdim; yoxdur dedilər dərmanın! (1-56)
Mahmud Ağanın qohumu, Abbas Səhhətin əqidə dostu
Camo Cəbrayılın xatirələrində bu barədə müəyyən fikirlər var-
dır. 1925-ci ildə A.Səhhət böyük xanəndə S.Şuşinskini öz məc-
lisinə Şamaxıya dəvət edir. Necə ki, Mahmud Ağa ustad sə-
nətkarları Şamaxıya dəvət edərdi.
Bu barədə A.Səhhət belə yazır:
Məşhur xeyriyyəçi Mahmud Ağa və naməlum muğam universiteti
133
Dədəgünəş piri bir gün mənə məkan oldu,
Yerim mübağiləsiz çövzeyi-canan oldu.
Bütün məclisimiz Həqqi bəy, Məhəmmədəli,
Cəfər çalır. Oxuyurdu Ağayi Seyid qəzəli.
Görən deyirdi ki, cənnət yəqin əyan oldu.
Göründüyü kimi, məclis Şamaxı ziyalıları ilə qurulmuş-
dur. Həqqi Veysov (sonralar A.Səhhət onun oğlu Hacı İsmayıl
Veysovu Volqa boyuna - Stavropola müalicəyə aparmış), Camo
və Ağalar bəy olmuşdur. Az müddət də olsa, şair A.Səhhət
Mahmud Ağa məclisini müəyyən mənada yaşada bilmişdir.
Kalvalı Əli
(1874-1962)
Azərbaycanda zurna-balaban sənətinin inkişafı, yayılması
və təbliğində xüsusi xidməti olmuş insanlardan biri də Əli
Zülfüqar oğlu Kərimov olmuşdur. O, 1874-cü ildə Şamaxı qə-
zasının Kalva kəndində dünyaya gəlib. Əli sənətin sirlərini ilk
dəfə əmisi Mahirdən öyrənmişdir. O, 16-17 yaşlarında Kal-
vadan Şamaxıya köçür. Burada ustad balabançı Süleyman Mə-
şədi Ağalar oğlu ilə tanış olur. Sənətini daha da kamilləşdirir.
Ustad Aşıq İbrahim, Aşıq Daşdəmirlə el məclislərində iştirak
etdikcə bəyənilir, sevilir, püxtələşir. Bu zaman artıq XIX əsrin
80-ci illərin sonu idi. Aşıq İbrahim Mahmud Ağa məclisinin
fəal üzvlərindən, iştirakçılarından sayılırdı. Cavan sənətkar Əli-
ni də Mahmud Ağaya Aşıq İbrahim təqdim edir.
Əlinin çalğısındakı şirinlik, yanğı Mahmud Ağanın
ürəyincə olur. Mirzə Məhəmməd Həsənlə tanışlığı onu əbədi
sənətə bağlayır. Odur ki, cavan Əli ulu muğam sənətini öyrən-
məyi qarşısına məqsəd qoyur. Bu zaman artıq Aşıq Bilal da
Mahmud Ağa məclisinə ayaq açıb, Mirzə Məhəmməd Həsən-
dən dərs alırdı.
Bu illərdən başlayaraq Əli yastı balabanla şamaxılı xa-
Seyfəddin Qəniyev, Səadət Veysova
134
nəndələrin çoxunu ustalıqla müşayiət edirdi. Zilxan xanəndələri
isə zurnanın müşayiəti ilə. O, tez bir zamanda muğamlarla
yanaşı, zərb muğamlar və xalq mahnılarının da mahir ifaçısına
çevrildi. Muğam müsabiqələrində ifası həm məclis
iştirakçılarının, həm də musiqi sərrafı Mahmud Ağanın könlünü
oxşaya bilirdi.
Əhməd Sultan ixtiyar yaşında olduğu üçün mehrini
salmışdı Əlinin yastı balabanının kövrək səsinə. Əli yastı
balabanı dilləndirər, Əhməd
Sultan isə kövrək səslə bayatı
dünyasına səfər edərdi. Hamı da
heyranlıqla dinləyərdi səksəni
yola salıb, doxsanın behini almış
Əhməd Ağanı. Özü də astadan
deyirdi ki, bayatılar ona görə
xalq mahnılarının canını-qanını
təşkil edir ki, o, insanla
doğulmuşdur. Uşaq layla ilə
yuxuya gedir, gənclikdə bayatı
ilə sevir, öləndə də ağı ilə yola
salınır. Ona görə də xalq
mahnılarını daha çox sevir,
zümzümə edirik. Sonra da yol alırdı bayatılara:
Aşıq haradan gəlib?
Zülfü daradan gəlib,
Nə yağış var, nə duman
Bu sel haradan gəlib?
Və ya:
Dağlarda bostan oldum,
Bağ oldum, bostan oldum,
Bivəfa yar ucundan
Dillərdə dastan oldum.
Dostları ilə paylaş: |