232
formalaşır və bərkiyir. Sonrakı 4 pillədə o səlis olaraq ilk vəziyyətinə
qayıtmağa başlayır, yəni ilahiləşməyə doğru gedir. Ruha çevrilir.
Birinci 3 pillədə insan müxtəlif formalardan keçir və onun əsas
forması formalaşmağa başlayır, əvvəl mineral forma, sonra bitki,
sonra heyvan formalarını qəbul edir. ( Qeyd: bəzi insanların möcüzə
hesab edərək quş, ilan və qurbağanın insanın müəyyən anlarında onu
anlayıb yol göstərməsi və ya onun olduğu yerdə yaşamağa çalışması
və ya oturub daim insana baxması faktları bu fərziyyənin sübutu
kimi hesab edilə bilər- lakin hələ faktlar və izahatlar azdır) 4-cü ,
indiki bizim olduğumuz pillədə irqlərin və həyat sikllərinin olduğu
bu pillədə insan tam formada meydana gəlir, sonrakı 3 pillədə yer
planeti kimi insanlıq da öz ilkin formasını qəbul etməyə doğru
istiqamət alır.Yəni insan və hər bir atom kainatda allah insana-allaha
çevrilməyə can atır. Başqa sözlə ilk əvvəl Göy insanı allahın hissəsi
ruh formasında (monada) yerə daxil olur, burada əvvəl mineral, sonra
bitki, sonra heyvan stadiyalarını- oboloçkalarını keçir, sonra insan
formasını alır. Yerdə həyat sikli 7 irq formasından ibarətdir. Onlar
efir stadiyasından başlayır, ruhi stadiyada qurtarırlar. Göyadamları 7
ierarxik qrupa ayrılır. Belə izahat verəndən sonra Blavatskaya deyir:
4-cü pillədən sonra yerdə 5, 6, 7- ci pillə adamları meydana gələcək.
Budda , Platon, Konfuçi 5-ci pillə adamları olmuşlar. İndi dünyada
ruhi, idrak, ağıl dövrü başlayır ki, bütün bəşəriyyət bu pilləyə
keçəcək. 5- ci pillədə adamlar həm biliklə, psixoloji , ağıl və
müdrikliklə, həm də ruhu olaraq Platon, Konfuçi, Budda kimi
olacaqlar.Yerdə insan monadaları saysız miqdarda yenidən çevrilmə
(perevoploşenie) və Karmasına uyğun öz mənbəyinə Absolyut
İlahiyə qayıdır. Monadalar öz qabiliyyət, evolyusiya stadiyaları və
şüur səviyyələrinə görə 7 iearaxik sinifə bölünür və bütün zəncir üzrə
pillələrini-siniflərini dəyişirlər. Ona görə yerdə hər növ (ağıl və
xasiyyətli, şüurlu) insan mövcud olur. Ən çox inkişaf etmiş
monadalar(insanlar) ay ilahiləri və ya ruhları adlanır, yalnız onlar
insan adlanır. Gecikənlər tam insana çevrilə bilmirlər. Yerdəki
insanlar ayda öz 7 pilləsini keçmiş və yerə gəlmiş insan-monadaların
davamıdır. Indiki 4 –cü pillə və yerin 4-cü pilləsindən sonra artıq
yeni monadalar yerə gəlmir. Sikl və müvazinət əldə edilmişdir. Yeni
ruhlar-canlar yaranmır, əks halda yeni ruhlara can tapılmazdı. Bizim
günəş sistemi, material dünya illuziyadır, ruhli aləm isə reallıqdır.
Blavatskayanın bu izahatına qoy, hər kəs öz bildiyi kimi
münasibət bildirsin.
233
Dünyanı - tanrını dərk edərək insan necə davranmalıdır?
Nəticə olaraq və əsaslı olaraq tanrını bütövlük, ümumi mühit,
material formalarda reallaşmış məlumat dünyası və yaxud hər şeyin
qanunu və ağlı hesab etsək, biz öz həyatımız üçün lazım olan vacib
nəticələr çıxararıq:
Onu yalnız ağlımızla anlaya bilərik, onun bizə açdığı imkanları
və qarşımıza qoyduğu məhdudiyyətləri anlayaraq biz həyatımızı
yaxşılaşdıra bilərik. Yəni biz hara yol açıqsa, oraya gedirik. Açıq
yolu isə peyğəmbər və mollalardan, keşişlərdən deyil, hökmən öz
ağlımızla və daha yaxşısı kollektiv ağlımızla kəşv etməliyik.
Onların göstərdiyi hökmən qərəzli və şəxsi eqoist məqsədlərə xidmət
edir. Dünya məhz son teist dinlər yaranandan və insanlar özlərinə
tanrıdan alınmış xüsusi rollar yazandan sonra müharibələrə,
parçalanmaya daha çox məruz qalmış və inkişafdan qalmış, elm
zəifləmiş, azad düşüncə boğulmuş, həyat pisləşmişdir; a) dövlət , b)
sahibkar-ağa istismarına, c) ruhani istismarı əlavə olunmuşdur.
Lakin çox zaman bizim arzu etdiyimiz yerinə yetmir. Bəzən
gözləmədiyimiz imkanlar yaranır. Biz istədiyimizi etməyə qadir
deyilik, edə bilmərik, çünki dünya bütöv çoxluqdur, çoxluğun
məlum qanunları daxilindəyik. Biz hər birimiz və icmamız hər bir
an zəruri trendlərin, dəyişilik naxışlarının (pattern) , habelə
qrafikinin, sinus və ya digər formalı naxışın konkret nöqtəsindəyik,
gələcəyimiz məhz həmin naxışda yerləşdiyimiz nöqtədən sonrakı
nöqtədir. Bu naxışlar isə ümumi dünya dəyişilik –həyat ritmi və
naxışları içərisində zəruri olaraq yalnız belə formada mövcudur.
Bizim olduğumuz kordinatlar isə səbəb - nəticə, təsir - əks təsir, hər
obyektin (bütövlüyünün) spesifik-proporsiyaların balansı, dünya
fiziki, bioloji və s. qanunları, yaşamaq uğrunda, yarış, mübarizə
qanunları altında müəyyənləşmişdir. Həmin naxışlar da, qrafiklər də
bu qanunların konkret nöqtəsi(nəticəsi) olaraq formalaşmışdır. Biz,
demək, icraçıyıq - bir tərəfdən baxdıqda, digər tərəfdən
baxdıqda biz özümüz aparıcıyıq, qurucuyuq (həyatımızı). Bu
tale, demək, bir bərabərlik tənliyi, sol tərəfi sağ tərəfə bərabər olan
tənliyin əldə edilməsi prosesidir. (Məhz gələcəyimiz bu xətdə,
(naxışda, sxemdə, yolda) duran növbəti nöqtədir, nə etsək də,
xoşumuz gəlsə də gəlməsə də, məhz o nöqtə olacaqdır. Lakin bunu
biz adətən bilmirik, elə bilirik ki, biz özümüz bu nəticəni aldıq, tam
sübut və faktlarla. Lakin ruhi dünya haqda təlim deyir ki, biz bizə
yazılanı etmişik. Bu hər iki fikir doğrudur. Biz çaşmamaq və
234
özümüzü itirməmək üçün bir ölçü sistemi ilə işləməliyik. Maddi ölçü
sistemi ilə, ruhi dünya ölçülərini eyni zamanda tətbiq etmək olmaz,
burada hökmən ziddiyyət alınacaq. İinsanlar, hər biri özünü doğru
sayb bir- birlərinə güləcək. Daha məsləhətdir ki, biz material
nemətlərlə yaşadığımız üçün maddi ölçülərdən və nəzəriyyədən
istifadə edək, lakin maddi və ruhi olanın düzgün balansını saxlayaq.
Lakin bu rolumuzu yaxşı, yalnız ağlımızla tanrını- bütün dünyanı,
mühiti düzgün dərk edəndən sonra oynaya bilərik. Bizim vəzifəmiz
bu dünyanı, olduğumuz naxışları, üzvü və iştirakçısı olduğumuz
trendləri, mühiti dərindən dərk edib öyrənmək və dünyanın ümumi
daha bir qanunu ilə - güclülərin irəli çıxması, zəiflərin daha tez məhv
olması - yaxşı həyat qurmaqdır, qabaqda olmaqdır. Əgər biz
ağlımızdan istifadə etməsək və düzgün yolu - hansı ki bizim
qarşımızda daim açılır- görə bilməsək, biz zəif qalacaq, uğursuzluğa
düçar olacaq və tez də məhv olacaq, başqalarına yem olacağıq. Çünki
düzgün yolu, sxemləri, naxışları, trendləri heç kəs yazıb bizə hazır
vermir (biliklər, amillər, normalar, tələblər daim çoxalır və “hər kəs
özü üçün, tanrı hamı üçün” prinsipini də yaddan çıxarmayaq). Onları
yalnız özümüz tapmalıyıq, bunun üçün daim öyrənməliyik. Əgər
bizim çalışmağımız nəticə vermirsə, demək, biz səhv hərəkət edirik;
biz başqa yol, daha səmərəli, ağıllı yolu tapmalıyıq. Yəni ümumi
sistemdə hər kəs, hər varlıq öz rolunu layiqli oynamalıdır.
Oynamasaq, sistem bizi kənara atacaq, tez məhvə gedəcəyik. Hər
sistemdə yalnız onun məxsusi tələb etdiyi potensialı , keyfiyyəti
olan elementlər ola bilər.
Məlumat, material və ruhi dünyaların insan həyatında rolu .
Əvvəldə qeyd etdiyim kimi material və məlumat dünyasını, hansı
ki ayırmaq, ayrı baxmaq mümkün deyildir, ikisini də eyni zamanda
və ya ayrılıqda tanrı hesab etmək olar. Həqiqətən ətraf mühit rolunu
oynayaraq material dünya ( çoxluq) ona daxil olanhər bir şeyin
varlığın cismin formalaşması və həyatnda vacib idarəedici rol
oynayır. Bu məsələdə şübhə yoxdur. Adi həyat praktikasında biz
məlumat dünyasının və burada iştirak edən görünməz varlıqların
bilavasitə təsirini görməyə adət etməmişik və yaxud onların təsirilə
baş verən hadisələri təsadüf, gözlənilməz, möcüzə hesab edirik.
Lakin heç nə səbəbsiz və təkcə öz fəaliyyyəti ilə baş vermir( bu vacib
postulatdır). İkinci iştirakçı tərəf mühitdir və ya başqa, sözlə tanrıdır.
Demək olmaz ki, “mən edirəm, tikirəm, yaradıram, öyrənirəm, pul
Dostları ilə paylaş: |