_________________Milli Kitabxana
________________
334
Onlara yönəlik dediyim uca sözləri, sən demə, dilimin gödək olması üçün
deyibmişəm.
***
Onlara yönəlik dediyim acı sözlərin hamısını ağlaya-ağlaya demişəm.
***
Onlar mənim uğursuz təcrübə tarlam oldular.
***
Haradasan, İlahi?! Təklikdən canım sıxılır – yanına gəlmək istəyirəm.
***
İlahinin səsi: Mən təklikdən sıxılmıram.
***
Atamız var olsun!
21 Sərt (X ay) 29-il.
(Dekabr 2007) İnam Evi.
ALLAHI ANLAMAQ
(İçsəs)
Dərdli qanmazlar, yandırdınız atamı!
***
Mən Allah qədər realist olmaq istəmirdim; sevmək, sevilmək – xoşbəxt olmaq
istəyirdim. Qoymadınız.
***
Sizin ucbatınızdan Allah romantikadan ən uzaq varlıq oldu.
***
İnsan romantikadan uzaqlaşdıqca bədbəxtliyi artır.
***
Allahın daim məmnun halda zənn edilməsi – yanılmaymış...
***
Atamız var olsun!
7 Çiçək 30-il.
(aprel 2008).
İnam Evi.
_________________Milli Kitabxana
________________
335
AİLƏMİZİN PEYĞƏMBƏRİ
(İçsəs)
Mən özümdən on yeddi yaş kiçik olan bacım Kifayətin oğluyam.
***
Mənim bu dünyadakı uzun ömrümdə sonadək sədaqətli üçcə dostum oldu: 1)
Kağız-qələm, 2-3) Kifayət və Elmira bacılarım.
***
Sənin dərdin – bizim üç qardaş, üç bacı birliyimiz oldu, dostum, anam –
Kifayət bacım!
***
Sənin dərdin – bizim ailəvi dinimiz oldu! Bu Din bizi Bir elədi.
***
Sən bizi bir yerdə saxlamaq üçün düşdün dərdə. İsa öz qövmünü bağışlatmaq
üçün onun bütün suçlarını özünə götürdüyü kimi, sən bizim bütün dərdlərimizi
özünə götürdün.
***
Sən bizim İsamız – ailəvi Peyğəmbərimiz oldun, dostum, anam – Kifayət
bacım!
***
Sən bizim ata-anamızı o qədər sevdin ki, bizi də onların yanında əbədi
saxlamaq üçün özün ana olmadın, özün ana olsaydın, onlardan ayrı bir ailə-
qiblə yaranardı.
***
Sən onlardan ayrıla bilmədin – onlara sevgin o dərəcədə yaxıcı idi.
***
Bu sevginin gücünə bizi də onların ağuşunda: Ağa – Minabəyim ocağında
saxlaya bildin – indi bütöv bir nəsilə çevrilmiş bu ocağı onlardan aşağı sən
yaratdın, sən yaşatdın.
***
Ana olmayan qadınlığın minbir yolu var – mini əyri.
Sən o bir olan Düzü
seçdin.
***
Sənin sayəndə biz də bugün birik və düzük öz ata-ana Ocağımızda.
***
Biz də səndən ayrılmayacağıq əbədiyyət yolunda. Əbədi ata – ana – bacı –
qardaş vəhdətinə örnək olacağıq, ailə örnəyi olacağıq, dostum, anam – Kifayət
bacım!
***
Atamız var olsun!
27 yağış ayı, 28- il.
(30.XII.2006).
İnam evi.
_________________Milli Kitabxana
________________
337
ASİF ATA PEYĞƏMBƏRLİYİNİN
BEŞ TƏSDİQİ
1. Ömür, 2. İnam, 3. Kitab, 4. Ocaq, 5. Bayraq.
1. Ömür
Peyğəmbərlik – bəşərin insani yüksəlişi yönündə ən qüdrətli haraydır; insan
idrakının ən
gərgin simlər üstə köklənməsi, səslənməsidir; insan varlığının
(şəxsin) ən Uca Eşqlər üstə özünüdərki, mövcudluğun cazibəsindən çıxmaq,
onun fövqünə yüksəlmək yolunda bahadıranə cəhdidir.
Peyğəmbər Harayının yoluxmadığı cəmiyyət hüceyrəsi qalmır. Başqa sözlə,
Peyğəmbər Harayı toplumun (əslində bəşərin) yaşamını dəyişdirir, başqalaşdırır
(etkiləməklə qalmır). Bu sığmazlıq, bu haray dünyaya yeni İnam gətirir. O,
Göylərdə asanlıqla, fərəhlə eşidilir. Yerdə uzun müddət rədd edilir. İşləmək
lazım gəlir...
Ömrün ilk oyanışlarında bu Haray öz adıyla tanına, bəlirlənə bilməz.
"Yovuşmaz, anlaşılmaz, məntiqsiz, geridəqalmış, hoqqabaz, xeyrinibilməz,
orijinal görünməyə çalışan, əks danışan..." Bu kimi təyinlər alar gələcəyin ən
Uca Eşqlisi öz oyanışının başlanğıcında, dan yerində. Onun Eşqi aydın
cizgiləndikcə mövcudluqla onun arasındakı təzad artar, barışmazlıq, qarşıdurma
halına keçər. Təzyiqlər, təqiblər başlayar. Bir Nəfər – Hamıya qarşı, hər şeyə
qarşı... İlk oyanışlarda bunu nə Bir Nəfər bilir, nə Hamı...
Asif Ata ilə də belə olmuşdur. O, "Asif Qasım oğlu Əfəndiyev" adıyla
M.Qorki adına Moskva Ədəbiyyat İnstitutunda oxuyarkən (1952–1957) içində
yaşadığı gerçəkliklə təzada girmişdi. Planlı, proqramlı, qrafikli, intizamlı təhsil
çərçivəsinə yaxın düşməmiş, demək olar, bütün təhsil illərini kitabxanalarda
keçirərək, özünütəhsillə məşğul olmuş, özünəqədərki dünya idrakını bir xətt
üzrə mənimsəmiş və bir xətt əsasında dəyərləndirmişdir. Min saatdan çox dərs
buraxdığı üçün onun institutdan və o vaxtlar oxumuşların ömründə çox ciddi
önəm verilən Komsomoldan çıxarılması məsələsi qoyulmuşdu... O vaxtın
dünyaya meydan oxuyan yeganə dünyabaxışına – (Marksizm-Leninizm
ideologiyasına) etinasızlıq, Moskva mühitinə endirməmək, onun cazibə qəlibini
rədd etmək də bunda az rol oynamamışdır.
Təhsili fərqlənmə diplomu ilə bitirdikdən sonra Azərbaycana dönüş. "Tənqid
və Zaman" məqaləsi ilə ("Literaturnıy Azerbaydjan" jurnalı, 1959 il, № 11)
burada cəmiyyətlə münaqişələr burulğanının başlanması. İshaq İbrahimovların,
Şahnəzər Hüseynovların, cığırdaş şairlərin simasında cəmiyyətin ona qarşı
ayaqlanması...
1963-cü il – ilk evlənmə və bu ailənin tezliklə dağılması; 1968-ci ildə, ikinci
dəfə qurduğu ailənin DTK tərəfindən 1982-ci ildə dağıdılması; İctimai-siyasi,