_________________Milli Kitabxana
________________
328
ƏN UCA İLƏ DƏRDLƏŞMƏ
(İçsəs)
Say boyu yeyəcək. Dinozavr Kərtənkələyə çevriləcək.
***
Nənə - Nəvə münaqişələri. Sönməkdə olan ağılla yanmağa başlayan ağılın
uyğunsuzluğu.
***
Dinsəl toplum – qapalı açıqlıq və ya “açıq” qapalılıq.
***
...Qadın üzərində qurulan evə baş salmaq olmaz – dam adamın başına çökər.
“Həyat yoldaşı” da “qadın” anlayışına girir, ancaq mən burada onu nəzərdə
tutmuram – o qədər də...
***
Qadına, qıza aşiqlik, qadın, qız aşiqliyi (sevgisi, məşuqəliyi, ilhamvericiliyi)
üzərində dövlət qurulmaz, dövlət işi aparılmaz; bu “özül” üzərində ruhaniyyat
isə heç qurulmaz, əksinə onun daşı daş üstündə qalmaz.
***
Qadın, qız – özünü tamamilə tabe, səcdəli apararsa – bu, artıq başqa bir hal
olar, dəvənin buynuzundan yalnız onda söz açıla bilər. Bu da o vaxt baş verər
ki, ictimai ideal qadın fərdin də özününkü olsun. Zərifliksə - buna yaramır;
zərifliksizsə - nə qadın?!
***
...Mütləqə İnam Ocağı yoxdur; onun anlayışlarını içərən (içinə alan) iş var,
yayım var... Bu – o olmasa da, bu da az deyil!.. Yayım – var.
***
Ocaq mühiti təcrid; bənzərsizlik, əlçatmazlıq, gözlənilməzlik...
***
Xamırlaşmış, arvadlaşmış bəşər canı özündən belə qığılcımlar saça bilməz. O
buna gərəksinmir də - nəyə gərək?!
***
...Loqosdan başı çıxan bütün filosoflar düz deyiblər dediklərini, Asif Ata da
eləcə. Və onların hamısı insan haqqında deyiblər dediklərini və insan üçün
deyiblər.
***
İnsan isə - daha Olmaq istəmir; onun içində hansı ilmə isə qırılıb; o, sökülüb
gedir.
***
Deyilənlərin düz, ya əyri olması anlamını itirib, deyiləni eşitməyə kimsə
qalmayıb.
***
Burada Allah yada düşür.
***
_________________Milli Kitabxana
________________
329
Allah hər şeyi bildiyi üçün nəyin necə və niyə baş verdiyini də bilir; nəyi isə
boşuna gözəl sayıb fərəhlənmir.
***
Onun heç nəyə ehtiyacı olmadığı kimi, buna da ehtiyacı yoxdur. Mənim isə
niyyət gözəlliyinə ehtiyacım var. Bunsuz dünya mənə havasız otaq kimidir.
***
Allah üçün, yaratdığının insan və ya soxulcan olmasının fərqi yoxdur. Mənim
üçünsə niyyətigözəl insan – otağın təmiz havasıdır.
***
...Bəlkə fərqimiz bundadır: onun məmnunluğunun, mənə isə xoşbəxtlik
olmamasının?
***
Atamız var olsun!
10 Çiçək ayı 30-il.
ÖZLƏMLƏR – HƏSRƏTLƏR
(İçsəs)
Mən özümə bəndə yox, Sevgidaş axtaran Allah olmaq – istərdim. Mənsur
sözünün qüvvəti, mən elə Oyam.
***
Dünyaya gəlməyin təsəllisi idi – İnsan olmaq. Fürsəti əldzn verənlərə yazıq!..
***
Mənim sunuşumdakı İnam Ataya “Səcdə!” deyilməz. Ona nəysə ayrı bir sözlə
üz tutulmalıdır... “İnam Ataya Uca Sevgilərlə!”; ”İçimdəki Uçmağım
(Cənnətim) Ata!”
***
Bacarıq sığınacağında mənim canım yaxşı isinmir. (Ümidim yaşayır orada)...
Mənimki mənəvilikdir, ruhanilikdir, ilahilikdir, dəlilikdir...
***
Mən adamların yalnız nöqsanlarına hücum eləyirəm, adamlarsa öz nöqsanlarını
məndən qoruyurlar, qoruyub yaşadırlar.
***
Mən dostlarımın, yaxınlarımın mühitini özümə doğma meydan sanıb, atımın
başını buraxıram, onlarsa bundan rahatsız olurlar: “Üst-başımız toza batdı!..”
Atımın başını yığmalı oluram... (Qəşəm İlqarın, Halal-Nəbi qardaşımın və b.
məni “sərtlikdə” qınamaları bu qəbildəndir).
***
Safruh – Həqiqətçi oldu, mətin ola bilmədi. Onun Həqiqətçiliyinə mətinlik
çaları verən – gerçək təhlükə ilə qarşılaşmaması oldu.
***
_________________Milli Kitabxana
________________
330
Ömür və Hünər. Ömrün çirkin olsa, Hünərini alacağam Ocağa, Ömrünü –
yox.
***
Sevən, sevilən zəlilər... (Zəli – cücü).
***
“İşıq gələn yerə mən öz Həqiqətimi tıxayıram...” və İşıqdan soruşuram: Niyə
sən Həqiqətsiz yerdən gəlirsən?! (İşıq – Hünər anlamında).
***
“Stolüstü kitab” iki cür olur: 1. Oxunmayan, öyrənilməyən; şəhər nəqliyyatının
gur olduğu yerdəki toz basmış, göz qabartmış siyasi gəlgəl (reklam) kimi; 2.
Boylu qadının öz bətnində gəzdirdiyi körpə kimi. Mən Asif Atanın “Təməl”
Kitabını məhz bu ikinci sayaqla uzun müddət stolüstü kitabım elədim və...
“İnamın Təməl Harayı”nı çəkdim.
***
Atamız var olsun!
Qürub ayı,28-il.
Atakənd İnam Evi.
(avqust 2006).
MÜTLƏQƏ DOĞRU
(İçsəs)
... Mən isə çopurlaşıram – içdə, mənəviyyatca.
***
Orqanizmim üzərində onillər boyunca sürmüş zorakılığım yıxılmaqdadır.
Orqanizmim: “Mən varam” demək istəyir. O məni yıxa bilər...
***
Mən hindlərin brahmaçarya baxışını dayanıqsız, yetərsiz və yalandoğurucu
baxış sayıram – ailə üçün bundan yaxşısını bilməsəm də.
***
Brahmaçarya - ərlə arvadın qırx-əlli yaşlardan sonra qardaş-bacı kimi yaşaması
– yəqin ki, istəyin yoxluğu üzərində qurulmur? Yox üzərində qurmağa nə
ehtiyac ola bilər ki?
***
Mən hansını istəyirəm: orqanizmimi boğmaq hesabına “müqəddəs” adı qazanıb
ölməyimi; ləzzət almağımı?
***
Ləzzətə enməni – yenilməni heç istəmirəm. Ancaq onu danmıram, heçə bərabər
sanmıram.
***
Dostları ilə paylaş: |