Яли Щясянов, Адил Вялийев
110
Dövlətin Konstitusiyası 15 mart 1994-cü ildə qəbul edilmiş və
24 noyabr 1996-cı ildə Konstitusiyaya dəyişikliklər edilərək
Prezidentin hüquqları genişləndirilmişdir.
İnzibati bölgüsü: 12 şəhər və 118 rayondan ibarət olan 6
vilayətə (Brest, Bitebsk, Mogilyov, Minsk, Qrodno və Qomel)
və Minsk paytaxt inzibati vahidliyinə bölünür.
Dövlət başçısı: Mövcud Konstitusiyaya görə milli birliyin
rəmzi, habelə dövlətin müstəqilliyinin və təhlükəsizliyinin,
Konstitusiyanın və ərazi bütövlüyünün təminatçısı olan Bela-
rus Respublikasının Prezidenti dövlətin başçısı və silahlı
qüvvələrin ali baş komandanıdır.
Çox geniş səlahiyyətlərə malik olan dövlət başçısı zərurət
olduqda Parlamenti buraxa və yeni seçkilər təyin edə bilər. 17
oktyabr 2004-cü ildə Konstitusiyaya edilmiş son dəyişikliyə
görə Belarus Prezidenti seçilmək üçün limit aradan qaldırıl-
mışdır. Dövlət başçısının səlahiyyət müddəti 5 ildir.
20 iyul 1994-cü ildən etibarən fasiləsiz olaraq Respub-
likaya rəhbərlik edən Aleksandr Lukaşenko, 19 dekabr 2010-cu
ildə keçirilmiş növbəti Prezident seçkilərində böyük üstünlüklə
qalib gələrək 4-cü müddətə Belarus Respublikasının dövlət
başçısı seçilmişdir.
Qanunverici hakimiyyət: Belarusun
nümayəndəli qanun-
verici orqanı sayılan Milli Məclis iki palatadan: Nümayəndələr
Palatasından və
Respublika Şurasından ibarətdir. Səlahiyyət
müddəti 4 ildir. Nümayəndələr palatası (Aşağı Palata) 110 de-
putatdan ibarətdir. Respublika Şurası (Yuxarı Palata) ərazi
təmsilçiliyi palatası hesab olunur və tərkibinə 64 deputat daxil-
dir (hər vilayətdən 8 üzv, 8 üzv isə Prezident tərəfindən təyin
olunur).
Nümayəndələr Palatası qanunların qəbulu, ölkədə Prezi-
dent seçkilərinin təyin edilməsi, Baş nazirin təyinatı üçün Pre-
zidentə razılıq verilməsi, Hökumətə etimadsızlıq göstərilməsi
və digər mühüm səlahiyyətlərə malikdir.
ДЦНЙА ЮЛКЯЛЯРИНИН МЦАСИР СИЙАСИ СИСТЕМЛЯРИ
111
23 sentyabr 2012-ci ildə ali qanunvericilik orqanına keçi-
rilmiş son seçkilərin nəticələrinə əsasən Parlamentin (Nüma-
yəndələr Palatası) indiki tərkibi aşağıdakı sıralama qaydasında
formalaşmışdır:
Müstəqil deputatlar (əsasən icra hakimiyyəti orqanlarının
və digər dövlət müəssisələrinin rəhbərləri)- 105,
Belarus Kommunist Partiyası – 3 yer,
Belarus Aqrar Partiyası – 1 yer,
Əmək və Ədalət Respublika Partiyası – 1.
Bütövlükdə isə Belarusda fəaliyyət göstərən əsas partiya-
lar aşağıdakılardır:
Aqrar Partiya,
Belorus Sosial-Demokrat Partiyası (Xalq Qramadası),
Ədalətli Dünya Partiyası (keçmiş Belarus Kommunistləri
Partiyası),
Belarus Xalq Cəbhəsi Partiyası,
Belorus Kommunist Partiyası,
Əmək və Ədalət Respublika Partiyası və s..
İcraedici hakimiyyət: Hökumət Nazirlər Şurası və ona
rəhbərlik edən Baş nazir tərəfindən həyata keçirilir. Hökumətin
başçısı Aşağı Palatanın razılığı ilə Prezident tərəfindən təyin
olunur.
Nazirlər Şurası öz fəaliyyətinə görə dövlət başçısına hesa-
bat verir və ölkə Parlamenti qarşısında kollektiv məsuliyyət
daşıyır.
28 dekabr 2010-cu ildən etibarən ölkənin hazırkı, sayca 7-
ci Baş naziri Mixail Myasnikoviçdir.
Məhkəmə hakimiyyəti: Mövcud Konstitusiyaya əsasən
ərazi və ixtisaslaşma prinsipləri əsasında qurulur. Dövlətdə
normativ aktların Konstitusiyaya uyğunluğuna nəzarət edən,
altı üzvü Prezident tərəfindən təyin edilən, digər altı hakimi isə
(hakimlərin səlahiyyət müddəti 11 ildir) Respublika Şurası tə-
rəfindən seçilən Konstitusiya Məhkəməsi Belorus Respublika-
sında məhkəmə hakimiyyətinin həyata keçirilməsində səlahiy-
yətlidir.
Яли Щясянов, Адил Вялийев
112
BENİN RESPUBLİKASI
Ümumi məlumat: İndiki Benin Respublikasının ərazisində
avropalı müstəmləkəçilərin peyda olmalarına qədər erkən
feodal krallığı mövcud olmuşdur. 1893-cü ildən etibarən
Dahomey adı altında
Fransanın torpaqları sayılan Benin,
1960-cı ildə öz müstəqilliyini elan etmişdir.
Qərbi Afrikada yerləşən Benin Respublikasının paytaxtı
Porto-Novo şəhəridir.
Ölkənin ərazisi 112,622 km², əhalisi (2012) 9,598,787
nəfərdir (əhali sıxlığı 78.1 nəfər/km²).
Beninin rəsmi dövlət dili fransız dilidir.
Dövlətin İnsan İnkişafı İndeksi - 0.427 - aşağıdır (167-ci
yer).
Dövlət quruluşu: Məhdud hakimiyyətli prezident
idarəetmə üsuluna malik respublikadır. Milli bayram günü
olan müstəqillik günü (1960) 01 avqust tarixində qeyd olunur.
Ölkə Konstitusiyası 02 dekabr 1990-cı ildən qüvvədədir.
İnzibati bölgüsü: Benin Respublikası 77 kommunadan
ibarət olan 12 departamentə (Alibori, Atakora, Kollinz, Kuffo,
Plato, Zu, Ueme, Mono, Litoral, Donqa, Borqu və Atlantik )
bölünür.
Dövlət başçısı: Prezident ümumxalq
səsverməsi yolu ilə,
iki dəfədən artıq olmamaq şərti ilə, 5 il müddətinə seçilir.
Mövcud Konstitusiyaya görə azı 10 il Benində yaşamış, 40-70
yaşları arasında olan ölkə vətəndaşlarının dövlət başçısı
seçilmək hüququ vardır.