ДЦНЙА ЮЛКЯЛЯРИНИН МЦАСИР СИЙАСИ СИСТЕМЛЯРИ
103
ANQOLA
Ümumi məlumat: Anqola torpaqlarının portuqal müstəm-
ləkəçiləri tərəfindən zəbt edilməsi XV əsrin sonlarından başla-
mış və XIX əsrin sonlarında başa çatmışdır.
1975-ci ildə Anqola dövlət müstəqilliyini elan etmişdir.
Cənub-Qərbi Afrikada yerləşən Anqola Respublikasının
paytaxtı Luanda şəhəridir.
Ölkənin ərazisi 1 246 700 km², əhalisi (2009) 18,498,000
nəfərdir (əhali sıxlığı 14.8 nəfər/km²).
Anqolanın rəsmi dövlət dili portuqal dilidir (ölkə əhalisi
paralel olaraq yerli afrika dillərindən də istifadə edir.).
Dövlətin İnsan İnkişafı İndeksi - 0.486 - aşağıdır (148-ci
yer).
Dövlət quruluşu: Məhdud hakimiyyətli prezident idarəet-
mə üsuluna malik Respublikadır. Milli bayram günü olan
Müstəqillik Günü (1975) 11 noyabr tarixində qeyd olunur.
Anqolanın Yeni Konstitusiyası 21 yanvar 2010-cu ildə qəbul
edilmişdir.
İnzibati bölgüsü: Ölkə 157 bələdiyyədən ibarət olan 18
əyalətə (Bie, Uambo, Luanda, Malanje, Uije, Benqela, Cənubi
Kvanza, Uila, Moşiko, Namibe, Zaire, Benqo və s.) bölünür.
Dövlət başçısı: Yeni Konstitusiyaya görə dövlətin və
hökumətin başçısı, eyni zamanda silahlı qüvvələrin ali baş
komandanı hesab olunan Prezident birbaşa seçkilər nəticəsində
deyil, Parlament seçkilərində qalib gəlmiş partiyanın lideri
Яли Щясянов, Адил Вялийев
104
qismində avtomatik olaraq, iki dəfədən çox olmamaqla 5 il
müddətinə seçilir.
Çox geniş səlahiyyətlərə malik olan dövlət başçısı bütün
dövlət qurumlarına tam nəzarəti həyata keçirir, Hökumət
üzvlərini (nazirləri) və Ali Məhkəmənin hakimlərini təyin edir,
dövlətin təhlükəsizliyinə və beynəlxalq münasibətlər sistemin-
dəki maraqlarına zidd olan qanunlara veto qoyur, habelə zəruri
hallarda Parlamenti buraxır və erkən seçkilər təyin edir.
Hazırkı ölkə Prezidenti 10 sentyabr 1979-cu ildən etibarən
Joze Eduardu Duş Santuşdur.
Qanunverici hakimiyyət: Bir palatalı, 220 yerlik Milli
Assambleyadır (Parlament). Milli Assambleyanın 130 üzvü
proporsional nümayəndəlik sistemi üzrə, digər 90 üzvü isə
əyalət dairələrindən majoritar sistem üzrə seçilirlər. Ölkə Par-
lamentinin fəaliyyət müddəti 2 ildən 4 ilə qədərdir. Bununla
belə, dövlət başçısı Parlamenti buraxa və erkən seçkilər təyin
edə bilər.
Qanunların hazırlanması və qəbulu, illik dövlət büdcəsinin
müzakirəsi, təsdiqi və icrasına nəzarət, beynəlxalq müqavilə-
lərin ratifikasiyası və Konstitusiya ilə nəzərdə tutulmuş qanun-
vericiliklə bağlı digər funksiyalar Anqola Milli Assambleya-
sının səlahiyyətlərinə daxildir.
05 fevral 2010-cu ildən ölkə Parlamentinin sədri MPLA-
nın təmsilçisi Paulu Kassomadır.
31 avqust 2012-ci il tarixlərində keçirilmiş son Parlament
seçkilərində mandat qazanmış ölkənin əsas siyasi partiyaları:
Anqolanın Azadlığı Uğrunda Xalq Hərəkat Partiyası
(MPLA) – 71.87% yer,
Anqolanın Tam Müstəqilliyi Uğrunda Milli İttifaq Par-
tiyası (UNİTA) – 18.65% yer,
CASA - CE - 6.06 %,
Sosial Yeniləşmə Partiyası – 1.69 %,
Anqola Xalq Azadlıq Cəbhəsi Partiyası – 1.08 %,
ДЦНЙА ЮЛКЯЛЯРИНИН МЦАСИР СИЙАСИ СИСТЕМЛЯРИ
105
Yeni Demokratiya Partiyası – 0.22 %.
İcraedici hakimiyyət: Nazirlər Kabineti Anqola Respubli-
kasının yuxarı icra hakimiyyət orqanıdır. Hökumətə Prezident
tərəfindən təyin olunan vitse-prezident (2010-cu ildən F. Duş
Santuş) rəhbərlik edir.
Məhkəmə hakimiyyəti: Hakimləri Prezident tərəfindən
təyin olunan və cinayət, mülki və hərbi məhkəmələri özündə
ehtiva edən Ali Məhkəmə ölkədə məhkəmə hakimiyyətini
həyata keçirir.
Qüvvədə olan Konstitusiyaya görə, Anqola Respublika-
sının ümumi yurisdiksiyalı məhkəmə sisteminə Ali Məhkəmə
ilə yanaşı bələdiyyə və əyalət məhkəmələri də daxildir.
Яли Щясянов, Адил Вялийев
106
ARGENTİNA
Ümumi məlumat: 1536-cı ildə Argentinaya gələn ispanlar
hazırkı Buenos-Ayres şəhərinin yerləşdiyi yerdə ilk koloni-
yalarını yaratmışlar. 1777-cı ildə La Plata ümumi qubernator-
luğu qurulmuş və Buenos-Ayres bu qubernatorluğun paytaxtı
olmuşdur.
1816-cı ildə Argentina öz müstəqilliyini elan etmişdir.
Cənubi Amerikanın cənub-şərq hissəsində yerləşən Argen-
tina Federativ Respublikasının paytaxtı Buenos-Ayres şəhəri-
dir.
Ölkənin ərazisi 2 780 400 km², əhalisi (2012) 42,192,500
nəfərdir (əhali sıxlığı 15.17 nəfər/km²).
Argentinanın rəsmi dövlət dili ispan dilidir.
Dövlətin İnsan İnkişafı İndeksi - 0.797 – çox yüksəkdir
(45-ci yer).
Dövlət quruluşu: Məhdud hakimiyyətli prezident idarəet-
mə üsuluna malik federativ respublikadır. Milli bayram günü
olan Müstəqillik günü (1816) 9 iyul tarixində qeyd olunur.
Ölkə Konstitusiyası 1853-cü ildən (1860, 1898, 1957, 1994-cü
illərdə edilmiş düzəlişlərlə) qüvvədədir.
İnzibati bölgüsü: 23 əyalətə (Korrientes, Santa-Krus,
Mendosa, Kordova, Santa-Fe, Katamarka, Rio-Neqro, San-
xuan, Salta və s.) və 1 muxtar paytaxt dairəyə (Buenos-Ayres)
bölünür.
Dostları ilə paylaş: |