Microsoft Word S?M?D vurgun doc
Yüklə 1,59 Mb. Pdf görüntüsü
|
- Bu səhifədəki naviqasiya:
- SÖZ BUKET
214 SÖZ BUKET May şənliyinə Dinləyın! Dinləyin! Danışır səhər! Səhərin yeni bir sözü var bizə; Ə tirlər içində oyanır şəhər, Günəş buket verir ellərimizə. Rəngin * şəfəqlərə boyanır Xəzər. Uçur qağayılar - o nazlı quşlar. Axşamdan oynaşan şıllaq ləpələr Gecənin sonunda sakit olmuşlar. Qayıqlar, gəmilər üzür yanaşı, Sallanan bayraqlar əks edir suya; Könül salamlayır yarı, yoldaşı, Dalğalar yol verir bizim orduya. Hər kiçik qayıqda bir qamıon səsi, Baxır martılara † , rəqs edir qızlar. Ötür Qarabağın zil şikəstəsi, Heyrət içindədir açıq ağızlar, Ə l vurub oynayan, çalıb çağıran; May günü toy düşür bizim dənizə. Bu dolğun baharı duyan hər insan Ə lində zənbili qoşulur bizə. Şə hərdən kənarda ilıqdır hava, Orda yolumuzu gözləyir çöllər... Oğlan qaça-qaça, qız qova-qova, Bir deyib, bir gülür obalar, ellər. Hər ağac altında bir ayrı dəstə, Hər qaya dibində bir süfrə vardır; Bir həyat duyuram hər incə səsdə. Bizim gəncliyimiz nə bəxtiyardır! xtiyar nənəm də çöldədir bu gün, O da qarşılayır bizim baharı; * Müxtəlif çalarlı † Qağayılar 215 Gözündə kainat başqadır bütün, Gəncliyə şadlanır ağbirçək qarı. Geyimlər dümağdır başdan-ayağa, Döşlərdə ağ çiçək, əllərdə lalə. Səsimdən təbiət qalxır ayağa, Göydə qaraquş da dalır xəyala. Düşüncələr yeni, duyğular yeni, Dəyişmiş dünyanın söhbəti, sazı. Döşündə Leninin qızıl ordeni Oturmuş ixtiyar buruq ustası. Nəvəsi tar çalır, qızı oxuyur, Süfrədə paxlava, göyərti, qaymaq; Təbiət otlardan xalı toxuyur. Qaranquş şığıyır qanadlanaraq. Vurur qəlbimizdə dünyanın qəlbi, Üzlərdə qalmamış sarılıqdan iz. çirik günəşi bir badə kimi Yaradan ellərin sağlığına biz. Günəş yuvarlanır dağlar dalına, Qaralır çöllərin gəzinti yeri; Baxaraq göylərin seyrək xalına, Dolğun nəşələrlə dönərək geri. Ə lvan çıraqlarla Bakı Soveti Bizi qarşılayır, sevinir axşam. Günəşdən ayrılan bir qüvvət kimi, Dünyanın qəlbində süzülüb axsam!.. 1936, 1 may 216 SÜNBÜL Sünbülüm, sünbülüm, sarı sünbülüm, Adına söz qoşum barı sünbülüm. Ellər həsrətidir bu əmri verən; Ş irin gecələrdə yuxuma girən Yaşıl tarlamızın mənzərəsidir, Xırman üstündəki ana səsidir. Ə zəldən ruhuma doğmadır bu səs, Bir qüvvə varmıdır bu səsə əvəz? Deyirlər dünyadan qocadır yaşın, Qüvvətdən quruldu torpağın, daşın. Deyiliər səndədir xeyir, bərəkət Deyirlər səndədir həyat, hərəkət. Mən bunu qəlbimlə çoxdan anladım, Bəzən gülüşlərə tutuldu adım... Dedilər arxamca: "El şairidir, Külüng şairidir, bel şairidir, Yoxdur sənətində qanadlı sözlər... Boyalı dodaqlar, sürməli gözlər. Yoxdur söhbətində uçan mələklər, Tərif olunmayır göydə fələklər, Ş airin yeridir yalnız buludlar, Vurğunda nə könül, nə də xəyal var." Gərdim bu sözlərə polad sinəmi, Ellərin nəşəsi, ellərin qəmi Sinəmin üstündən aşdı sel kimi, Tənələr yanımdan keçdi yel kimi. Sən gözəl kəndimiz! Sən ilk sevgilim! Səni son nəfəsdə deyəcək dilim! Sünbülüm, sünbülüm, sarı sünbülüm! Könlümün qonağı, yarı sünbülüm! Sən ilk bəzəyisən bizim Vətənin, Ə ski kitablarda adın var sənin. Qarşıdan al geyib gələndə bahar, Bilirəm qəlbində nə işvələr var! 217 Yanından süzülüb kcçəndə külək, Titrəyir səndəki zərif bir ürək. Coşub dəniz kimi dalğalanırsan, Deyirlər o zaman məni anırsan! "Məhəbbət cüt olar" bu, bir məsəldir, Dünyanın şöhrəti yaradan əldir... pək saçlarını dara sünbülüm! Ə rməğan göndərək yara sünbülüm! Bu qoca dünyada nələr var, nələr, Günəşin altında yanan dəmyələr Bizə daş əsrindən bir yadigardır, Yerin sinəsində yanğılar vardır... Bəzən bahar kimi xoş gələndə qış, Azca səpələyib ötəndə yağış, Susuz maral kimi yanar dəmayələr, Ə filər oynaşar, ilanlar mələr. Düşər sinəsinə kəndlinin başı, Axar sərin-sərin gözünün yagı, Bükülmüş belində paslı bir oraq... "Vay" deyib dizini yumruqlayaraq, Evdə uşaqları salır yadına, Göylər yetişməyir onun dadına. Bu acı günlərin şahidiyəm mən, Gözümlə görmüşəm körpəliyimdən. Eşit sözlərimi cansız təbiət! Vicdansız, duyğusuz, qansiz təbiət! Yenə quduz kimi çıxma yolundan, Vulkanlar çəkinir insan oğlundan. Onun sənəti var, onun gücü var, Onun ağıl adlı bir ər gücü var. Dilsiz qayalar döşündən dəlir, Dağlar qarşısında salama gəlir. Dünyadan söz açır, danışır bir-bir, Uzaq əsrlərdən xəbərlər verir. Ağıl işıq salır gözlərimizə, Hər gün yaxınlaşır gələcək bizə... 218 Dərin dəryaların tapır sirrini, Dünyanın ən böyük cahangirini, Ağıldır torpağa döndərən "fələk", Ağılsız insanlar sürünsün gərək, Təbiət! Ən böyük qüvvən bizdədir. Çayların cilovu əlimizdədir, Artıq oynamırıq boranla, qarla, Dəmyəmiz su əmir tulumbalarla. Arazın boynuna kəmənd atırıq. Hər suyun gözündə bir bənd çatırıq. Oğul təbiətə sinə gərərək, "Təvəkkül Allaha" deməsin gərək, Sünbülüm, sünbülüm, sən sünbülüm! Sənmisən çiçəyim, sənmisən gülüm? Bürkü gətirməsin sənə buludlar Üstünə qonmasın quşlarla, qurdlar. nsanlar çoxalır bizim Vətəndə. Bütün bir ölkənin gözü var səndə. Gözdən oğurlanan bir dənin belə, Köməkdir insana, köməkdir elə. Qaldırsın başını göylərə sarı, Ellik xırmanında dərz tayaları. Baxdıqca düşmənin gözü qaralsın, Sənin özün kimi, üzü saralsın... Vətən torpağının qızı, gəlini, Yadlara açmasın təmiz əlini. Bunlar vicdanıma toxunar mənim, Gözümdə ildırım oxunar mənim! Sinənə düşməsin yara, sünbülüm! Günlərin keçməsin qara, sünbülüm! Tarixə bir daha gözünü gəzdir, Bəşərin ilk dərdi çörək dərdidir. Uçub dağılardı sənsiz dörd yanım, Hər qızıl əsgərim, hər komandanım. Yüklə 1,59 Mb. Dostları ilə paylaş:
|