59
sarbabını, həm də məharətli, bacarıqlı sarbanı olmaq xoşbəxtliyi
Bakıya nəsib olmuşdur.
Bu məsələnin bir tərəfidir. Digər qütb isə həyatının ən
çətin anlarında şair Bakıya dilinə vurulmuş kilidi əridən od
nəfəsli xilaskar kimi baxmışdır. Xüsusi vurğulamağa layiq olan
cəhət isə Təbrizinin ətrini gəzib dolaşdığı dünya şəhərlərinin heç
birindən deyil, məhz doğma hesab etdiyi Bakısından alması
olmuşdur.
Bu, heç də qəribə deyil. Ağsaqqallarımız, ağ birçək-
lərimiz nə qədər də filosofanə demişlər: - Yad ağlar yalan ağlar,
anam ağlar gerçəkdən. Şair heç də təsadüfi deməmişdir: - Anam
oldun, açdın kilid vurulmuş dilimi, Bakı!
Tarix boyu insanlar özlərinin bəxt ulduzlarını göylərdə,
sonsuzluğa qovuşan Kəhkəşanın qoynunda axtarmışlar. Tale-
lərindən razı qalmayanlar gah münəccimlərin naşılığından şika-
yətlənir, gah da içəridən pöhrələnən yanğınlarını onların ün-
vanlarına yağdırdıqları bəd dualarla özlərini sakitləşdirməyə
çalışmışlar. stərdim mübaliğə kimi səslənməsin. Bizim əsri-
mizdə dünyanın müxtəlif məntəqələrinə səpələnmiş və üzərində
Azərbaycanlı ünvanı daşıyan insanlar özlərinin pərəstiş etdikləri
bəxt ulduzlarının məskunlaşdığı ünvanı tapmaq üçün heç də
çətinlik çəkməli, zəhmət sərf etməli olmurlar. Axtarılan o ünvan
cəmi bircə sözdə ifadəsini tapır: BAKI!
Ş
air-filosof Qulamrza Səbri Təbrizinin qələmi bu şəhərin
varlığına qoşduğu mənalarla oxucularını heyrət etmək səviy-
yəsinə qədər vardırır. Ana məhəbbəti qədər müqəddəsləşdirir.
Bakıdan Təbrizinin ətrini ciyərlərinə hopdurduğu məhəbbətlə
müraciət edir:
Anam oldun,
açdın kilid vurulmuş,
Susdurulmuş dilimi,
Yenidən qaytardın məni –
Həyatıma,
60
Dilimə,
Mənliyimə (40,176).
Bu yenidən dirilmə, ehya demək deyilmi?
Təbii ki, cavab müsbətdir. Sədaqətli pərəstişin mənbəyini
də elə bu hikmətdə axtarmaq gərəkdir.
nanmaq istərdim ki, aşağıda səsləndirəcəyim poetik
mahnı heç də təkrar kimi səslənməyəckdir. Bu mahnının ötdüyü
mənanın canını, dəruni mənasını Şairin daxili aləmində Vətəni-
nin təməl daşı olan iki əzəmətli şəhərə bəslədiyi məhəbbətin -
Bakıya, Təbrizə övlad sevgisinin nidalarını eşitmək təbii ki, ilahi
bir nemətdir:
Alıram Təbrizimin
Ə
trini, eşqini, sevgisini səndən.
Məhəbbətli, qonaqsevər insanların
lham verir şeirimə(23, s. 48).
Ş
air qartal hesab etdiyi vətəni üçün Bakını və Təbrizi
qoşa qanad kimi tərənnüm edir. Azacıq irəlidə şair bu qoşa
qanadın biri barədə - Bakı haqqında qəlbinin döyüntülərini və
sənətinin baxışlarını açıqladığının şahidi olduq. Bəs, digər qa-
nad? Şair Təbriz barədə şeir köhlənini hansı fəzalarda dördnala
çapır? Tərəddüd etmək istəməzdim. Vətənin gülləri, çiçəkləri,
bu aləmin rayihələri xəzan tanımayan əbədi sakinləridir. Bu gül-
lər, ağaclar şairin bəxtəvər uşaqlıq gülüstanının heç vaxt solmaq
bilməyən ən vəfalı yadigarlarıdır. Həyatda çətinliklərlə rast-
laşdıqda şairin ən etibarlı dayaqlarıdır.
Sevinəndə sinama pərdəsi kimi,
Yaddaşımda səf çəkirlər.
Buna görə də Təbriz,
Anamdı,
Məhəbbətimdi,
Qüdrətimdi (25, s. 35).
61
Qulamrza Səbri Təbrizinin yaradıcılığında məhəbbət
lirikasının çəkili yer tutduğunu iddia etmək doğru olmazdı. Bu
təbiidir. Çünki başdan binadan sazı siyasi lirika mahiyyətli
mahnılar etməyə köklənmişdir. Amma,amması burasındadır ki,
janrından, mövzusundan, siyasi və ideoloji baxışından asılı ol-
mayaraq heç bir söz əhli həyatın incə və zərif nemətlərinə - sevgi
və məhəbbət hisslərinə biganə olmamışdır.
Ş
airin məhəbbət mövzusuna sənətinin cəbbəxanasında
formalaşmış münasibəti vardır. Onun “xoşbəxtlik” adlı qələm
məhsulu sevgi kimi ülvü bəşəri hissə münasibətini çox yığcam
şə
kildə, belə deyək ki, uğurla açıqlayır. Şeirdən nəzərdə tut-
duğumuz misraların özlərini xitabət kürsüsünə dəvət edək:
Başını qaldıranda
Ulduzlar danışır
mənimlə.
Deyirlər, nə qədər
xoşbəxtsən.
Bəs onun xoşbəxtliyini təmin edən hansı amillərdir?
Ş
airin bu sorğuya cavabı onun sevgi məhəbbət mövzu-
suna münasibətini uğurla açıqlayır:
-Çünki, həm sevirsən,
Həm də sevilirsən (28, s.159).
Qulamrza Səbri Təbrizinin saf bəşəri eşq və məhəbbətə
bəslədiyi inamının qədim əsrlərdə mövcud olmuş sevgi bar-
gahından alan son dərəcə incə və zərif baxışı vardır. Orta
ə
srlərin poetik salnamələrində bu mövzuda qələmə alınmış elə
nümunələrə rast gəlmək olur ki, aşiqin iç dünyasını pörşələyən,
oda çaxan, atəşi hətta nəhrlərin, okeanların belə söndürə bil-
mədiyi, yəni buna qadir olmadıqları xəzinədən almışdır.
62
Ş
airin “Eşq dilə gəlməz” adlı qələm məhsulu ilə tanış
olduqda oxucunun könül dünyasında ülviyyəti ölçüyə gəlməyən
sehrkar bir aləm yaranır. Diqqət etsək:
Eşqimi bəyan elədim,
Onu sevdiyimi söylədim.
Amma...
Sevdiyim məni tərk etdi (16, s.21).
lk anlayışda məşuqənin bu qərarı bəlkə də bir qədər
müəmmalı cilvələnsin. Lakin ürəyin, könülün bəsirət gözləri ilə
baxdıqda ülvi bəşəri zəkanın hökmü ilə yanaşdıqda qüdsiyyəti
sözlə ifadəsi çətin olan bir məftunluğun varlığı göz önündə
canlanır. Haqq, həqiqət, saf eşqin tərəfindədir. bu elə bir ülvi
hissdir ki, ehtiyatsızlıq edib haqqında söz açdıqda belə onun
varlığı qüdsiyyətini əldən verə bilər.
Bu isə müqəddəs hiss ilə vidalaşmaq demək olardı.
Ş
airin əbədən belə göydən düşmə niyyəti yoxdur.
Mən deyərdim ki, şairin insan gözəlliyinə oxşarsız məf-
tunluğu onun “Diş həkimi” adlı əsərində son dərəcə yığcam,
zərif və incə notlarla ifadəsini tapmışdır. Müəllif geniş tərənnüm
və təqdimə əl atmadan gözəlliyə heyranlığının klassik formasını
yaratmışdır. Cəmi beş misradan ibarət olan şeirdə, mən de-
yərdim, bəlkə də uzun-uzadı təfsilat tələb edən sevgi ma-
cərasının uğurlu təqdiminə müvəffəq olmuşdur:
Bax, mənə sarı.
Utandım baxam həkimin
Gözəl gözlərinə.
Gözlərimiz tuş gələndə
Unutdum dişimin ağrısını (25, s.84).
Bu, inkarı mümkün olmayan, yox, bəşəriyyətin bütün
dövr və zamanlarda dönə-dönə təsdiq etdiyi bir həqiqətdir. Xal-
Dostları ilə paylaş: |