40
Bir nüsxəsi istintaq aparan daxili işlər orqanlarına və ya
prokurorluğa
verilir
Digər nüsxə pasiyentə və ya onun valideynlərinə (qəyyumlarına)
verilir.
Zorakılıq hallarının sənədləşdirilməsi:
bütün müvafiq informasiya dəqiq və aydın aparılmalıdır
qeydlər və diaqramlar (Şəkil 2) müayinə zamanı təsvir
olunmalıdır (müayinə bitdikdən sonra yaddaşa əsaslanıb
aparılan qeydlər dəqiq olmaya bilər)
əgər sonrakı əlavələr və ya düzəlişlər aydın müəyyən
edilmirsə, ilkin qeydlər dəyişdirilməməlidir. Çıxarılmış
hissələrin üzərindən xətt çəkilməli, imzalanmalıdır və
tamamilə silinməməlidir
qeydlərin dəqiqliyinə əmin olmaq lazımdır, çatışmazlıqlar
qiymətləndirilmənin keyfiyyətini şübhə altına qoya bilər
qurbanın təcavüzlə bağlı ifadəsi dəqiqliyi ilə qeyd edilməlidir
aparılmış fiziki müayinələrin həcmi və nəticələri qeyd
edilməlidir.
Şəkil 2. Anatomik diaqram
Tibb müəssisəsində zorakılıqla bağlı hadisələri araşdırmaq üçün
təyin olunmuş rəhbər şəxsə dərhal məlumat verilməlidir və o, uşaq
istismarı və zorakılığı haqqında bütün qəbul edilmiş məlumatları
xüsusi, “zorakılıq əlamətləri ilə müraciət edənlər” jurnalında qeyd
etməlidir və müvafiq qurumlara göndərmək üçün xüsusi məlumat
blankı doldurulmalıdır (Əlavə 4). Bu qeydiyyat jurnalında aparılan
qeydlər aşağıdakı məlumatları əks etdirməlidir: hadisə barədə kim və
nə zaman xəbər vermişdir, göndərişin vaxtı və tarixi və hadisənin
41
qısa təsviri; həmçinin məlumatı qəbul edən şəxs də qeyd olunur.
Telefon vasitəsilə və ya yazılı surətdə alınan məlumatlar və ya
göndərişlər də qeyd olunmalıdır.
Zorakılığa məruz qalmış şəxslərə ixtisaslaşdırılmış tibbi yardım
göstərən tibb müəssisələrində ( Əlavə
2) Uşaq Müdafiə Qrupunun
yaradılması zəruridir.
Uşaq Müdafiə Qrupunun daimi üzvləri – səhiyyə müəssisəsinin
rəhbəri, onun əmri ilə təyin olunan Uşaq Müdafiə Qrupunun rəhbəri
və xüsusi təlim keçmiş həkimdən ibarətdir (həkim-pediatr).
Uşaq Müdafiə Qrupunun müvəqqəti üzvləri – hadisəni aşkar edən
həkim, tibb bacısı və digər klinik/qeyri-klinik heyətdən ibarətdir.
Onlar hadisə ilə tanış olduqdan sonra protokol tərtib etməlidirlər.
Protokolda aşağıdakı məlumatlar əks olunmalıdır: iclasın vaxtı, tarixi
və yeri, iclasın iştirakçıları, hadisənin yenidən müzakirə edilməsi
haqqında məlumatlar və iclasda qəbul edilən qərarlar.
Həkim xəstəlik tarixində (ambulator tibbi kartda) zorakılıq və
etinasızlıq barədə bütün qaydalara riayət edərək qeydlər edir.
Zorakılıq haqqında xəstəlik tarixində qeydlər 3 əsas nöqteyi-
nəzəri əhatə etməlidir:
uşaq konkret yaşadığı hadisələri (əgər uşaq yaşına görə özü
danışa bilmirsə, müşayiət edən şəxsin sözlərindən)
bu hadisələrin nəticələri – ayrıca bir uşağın həyatında, onun
özünə qarşı münasibətində, onun
digər insanlarla və ya daha
geniş icmada münasibətində
yaşadığı zorakılığa münasibəti və onun nəticələri: ümidlər,
dəyərlər və arzular.
Uşaq istismarı və etinazılığı ilə bağlı məlumatlar məxfidir və
tibbi sənədlərin qorunması və saxlanması qaydalarına uyğun olaraq
arxivdə mühafizə edilir.
Səhiyyə işçiləri ya yazılı hesabat formasında, ya da şahid ekspert
kimi ifadə vermək üçün məhkəmə zalına çağırıla bilərlər.
Səhiyyə işçilərinin vəzifəsi gördükləri və nəticələndirdiklərini
düzgün və qərəzsiz şəkildə qeyd etmələridir.
42
Cinsi zorakılıq hallarında sənədləşdirmə aşağıdakıları daxil
etməlidir:
demoqrafik məlumat (ad, yaş, cins)
pasiyentin təhsili
müayinə üçün zərərçəkmişin və ya onun qanuni
nümayəndələrinin razılığı
anamnez (məsələn, ümümi tibbi və ginekoloji anamnez)
təcavüzkarların sayı
fiziki müayinənin nəticələri
laborator müayinələr və onların nəticələri
müalicə planı
təyin olunan dərmanlar
verilən tövsiyələr
Cinsi zorakılıq qurbanlarına
tibbi-hüquqi xidmət göstərən
səhiyyə işçiləri, xüsusilə bu mövzularda təlim keçmiş daha təcrübəli
həkimlər olmalıdırlar. Xidmət göstərilməsi tibbi-hüquqi cəhətdən
xüsusi ixtisaslaşdırılmış deyilsə, səhiyyə işçilərinə öz xidmətlərini
sağlamlıq səviyyəsinə qədər məhdudlaşdırmaq və rəy bildirməyi
ləngitmək məsləhət görülür. Belə halda, məhkəmə müşahidələrin
zəruri şərhini təmin etmək üçün ekspert köməyinə müraciət edə bilər.
Hüquqi sənədləşdirmə
Müayinə zamanı köhnə və təzə zədələri ayırd etmək lazımdır.
Müalicəyə ehtiyacı olmayan köhnə zədələr pasiyentin keçirilmiş
zorakılığının və göstərişlərinin sübutu kimi qiymətləndirilə bilər.
Pasiyentin özü təsvir etdiyi hadisə ilə tibb işçisinin qiymətləndirməsi
arasında fərqin aydın müəyyən olunması əsas məqamdır. Buna görə
də şikayətlər yox, xüsusi olaraq obyektiv məlumatlar qeyd
olunmalıdır. Məsələn:
ayrıca təsvir olunmuş köhnə və təzə travmalar
travmaların sayı və ölçüləri, anatomik yerləşmələri,
zədələnmənin strukturu, xarici görünüşü, alınma müddəti
(Əlavə 6)
qrafik təsvir və xətkeşin istifadəsilə fotoşəkillər (Şəkil 3, 4)
pasiyentin psixoloji durumunun tibb işçisinə olan təsirinin
təsviri