1. 2 Xarici ticarə t ə laqə lə rinin tə nzimlə nmə si üzrə dünya tə crübə si
Dünya ölkələrində dövlət xarici ticarət fəaliyyətini xeyli dərəcədə inzibati
qadağanlar və məhdudiyyətlərlə deyil, iqtisadiyyatın səmərəliliyini yüksəltməyə,
konkret sosial – iqtisadi inkişaf məsələlərini reallaşdırmağa kömək edən xarici
ticarət əməliyyatlarını gerçəkləşdirmək üçün əlverişli iqtisadi şərait yaratmaqla
tənzimləməyə çalışır. Əksinə, ölkənin iqtisadiyyatına mənfi təsir göstərə bilən
ə
məliyyatlar üçün daha az əlverişli iqtisadi şərait yaradılır. Bu məqsədlərlə xarici
ticarətin iqtisadi tənzimləmə vasitələrindən – idxal gömrük tarifi dərəcələrinin
azaldılması və ya artırılması, valyuta əməliyyatlarının aparılma qaydasının
dəyişdirilməsi və s. istifadə edilir.
Iqtisadi vasitələr öz təbiəti etibarilə əsasən bazar vasitəsi ilə qiymət
mexanizminin köməyilə malların rəqabət qabiliyyətinə təsir göstərir. Inzibati
tədbirlər isə bazar mexanizmlərindən asılı olmayaraq fəaliyyət göstərir. TTBS
(ÜTT) səviyyəsində iqtisadi vasitələrə üstünlük verilsə də, müasir dünyada tətbiq
edilən idxalın inzibati tənzimləmə vasitələri bütün qüsurlarına baxmayaraq,
beynəlxalq ticarəti formalaşdıran şərt olaraq obyektiv reallıqdır və onlarla
hesablaşmaq olmaz. Hesab olunur ki, çox böyük olmayan mal qrupu ilə ticarətdə
istifadə edilən, məhdud müddət ərzində etibarlı olan, hökümətin operativ
müdaxiləsini tələb edən müəyyən iqtisadi və sosial problemlərin həlli üçün nəzərdə
tutulan inzibati tədbirlər bazar mexanizminin normal fəaliyyətini əhəmiyyətli
dərəcədə pozmaq iqtidarında deyildir və hətta onun normallaşmasına yardım edə
bilər. Bu, hər şeydən əvvəl, onunla izah olunur ki, iqtisadi tədbirlərin ayrı – ayrı
çatışmazlıqları inzibati tədbirlərin üstünlükləri ilə kompensasiya edilir.
Xarici ticarət fəaliyyətini dövlət tənzimləmə vasitələrini iqtisadi və inzibati
vasitələrə bölməklə yanaşı, digər təsnifat variantından da istifadə olunur: tarif və
qyeri – tarif vasitələri. Sonuncu təsnifat variantı həm beynəlxalq hüquqda, həm də
milli qanunvericilikdə çox geniş tətbiqini tapmışdır. Ilk dəfə belə təsnifat variantını
1960–cı illərin sonunda TTBS ( ÜTT ) Katibliyi təklif etmişdir.
Qeyd etmək lazımdır ki, iqtisadi və tarif tədbirləri anlayışları nə qədər yaxın
olsa da, onlar tam şəkildə üst – üstə düşmür. Xarici ticarət fəaliyyətinin iqtisadi
tənzimləmə tədbirləri sırasına gömrük – tarif vasitələrinin özündən əlavə digər
məcburi ödəmə növlərini (sərhəd vergi və rüsumları, kompensasiya və
antidempinq rüsumlarını), eləcə də, ixracın iqtisadi stimullaşdırma vasitələrini də
(ixracın sığortalanması və kreditləşdirilməsi, ixracatçılara vergi və digər
güzəştlərin verilməsi, müxtəlif subsidiyalar) aid etmək gərəkdir.
Müasir dünya təsərrüfatında ticarət təsərrüfat həyatının ən çox tənzimləndiyi
sahələrdən biridir. “Sərbəst ticarət” bayrağı altında, inkişaf etmiş ölkələr
Ümumdünya Ticarət Təşkilatı çərçivəsində özlərinin, bir qayda olaraq, yüksək
texnologiyalı hazır məhsullar kimi təqdim etdikləri məhsulların ixracını əngəlləyən
tarif və qeyri – tarif məhduduiyyətləri zəiflətməyə çalışırlar. Həm də qeyd etmək
lazımdır ki, xarici ölkələrdən heç biri malların ixrac və idxalının inzibati
tənzimləmə vasitələrinin tətbiqindən imtina etməmişdir.
Belə bir vacib məsələni vurğulamaq lazımdır ki, kəmiyyət məhdudiyyətləri
qərbin inkişaf etmiş sənaye ölkələrinin idxal etdiyi ərzaq məhaullarının təxminən
50% - ni, yanacağın 30% - ni və tekstil məmulatlarının 10% - ə qədərini əhatə edir.
Idxalın qlobal kvotalaşdırılmasını ABŞ, Kanada, Meksika, Hindistan, Koreya geniş
tətbiq edir. Ixracın lisenziyalaşdırlması və könüllü məhdudlaşdırlması vasitəsilə
AB ölkələri və ABŞ az inkişaf etmiş ölkələrdən tekstil tikiş və ayaqqabı sənayesi,
qara metallurgiya məhsullarının, dəzgahların, məişət elektron mallarının və
avtomobillərin idxal göndərişlərini tənzimləyir. Daxili bazarın “üçüncü dünya”
ölkələrinin ucuz mallarından qorumaq üçün texniki baryerləri Yaponiya daha aktiv
tətbiq edir.
Hal-hazırda bazar iqtisadiyyatlı bütün ölkələrdə ixracın dövlət
tənzimlənməsinin əsas vasitələri, bir sıra ölkələrdə isə (Yaponiya, Yeni Zelandiya,
svaç, Avstraliya və b.) hətta yeganə vasitə inzibati vasitələrdir: ayrı – ayrı malların
ixracını seçməli və məqsədyönlü tənzimləyən birbaşa qadağanlar və
məhdudiyyətlər, lisenziyalaşdırma və digər tədbirlər.
Beynəlxalq ticarət hüququ ölkələr və onların kompaniyaları arasında ticarət
etmənin qaydaları və gömrük normalarını əhatə edir. yirmi ildən çoxdur ki, bu,
beynəlxalq hüququn ən sürətlə inkişaf edən sahələrindən birinə çevrilmişdir.
Beynəlxalq ticarət hüququ daha geniş sahə olan beynəlxalq iqtisadi
hüquqdan fərqləndirilməlidir. Beynəlxalq iqtisadi hüquq təkçə DTT hüququnu
ə
hatə etmir. Həmçinin beynəlxalq monetar sistemin idarə edilməsi, valyuta
tənzimlənməsi və beynəlxalq inkişaf hüququnu əhatə edir.
Müasir ticarət hüququ II Dünya müharibəsindən qısa müddət sonra
ə
mtəələrlə ticarət məsələlərini tənzimləyən çoxtərəfli ticarət danışıqları ilə
meydana çıxmışdır: Ticarət və Tariflər üzrə Baş Saziş(GATT).
Beynəlxalq ticarət hüququ Avropada inkişaf etmiş iqtisadi liberalizm
nəzəriyyələri və sonra XVIII əsrdən bəri ABŞ təcrübəsinə əsaslanır.
Müasir şəraitdə dünyanın bütün ölkələri daxili bazarı xarici rəqabətdən
qoruyan vasitələrin geniş kompleksindən istifadə edir ki, buraya tarif və qeyri -
tarif tədbirləri, milli istehsalın daxili müdafiə metodları, valyuta və kredit vəsaitləri
və digər vəsaitlər daxildir. Bu vasitələrin çoxunun tətbiqi çoxtərəfli dövlətlərarası
sazişlərdə və konvensiyalarda təsbit edilmiş beynəlxalq qaydalarla nizama salınır.
Həmin sazişlərin böyük kompleksi Ümumdünya Ticarət Təşkilatının hüquqi
ə
sasını təşkil edir.
Ümumdünya Ticarət Təşkilatı 1995-ci ildə Tariflər və Ticarət üzrə Baş
Sazişin (GATT) varisi kimi yaradılmış beynəlxalq təşkilatdır. ÜTT millətlər
arasında ticarətin qlobal qaydalarını müəyyənləşdirən yeganə beynəlxalq
təşkilatdır. Onun əsas funksiyası ticarətin tarazlı, maneəsiz, ehtimal olunan şəkildə
və azad aparılmasını təmin etməkdir. Məqsəd üzv ölkələrin əhalisinin rifah halını
yaxşılaşdırmaqdır. ÜTT çoxtərəfli ticarət sazişləri əsasında ölkələrarası ticarət
münasibətlərinin tənzimlənməsini həyata keçirir. . Təşkilat yeni olsa da, çoxtərəfli
ticarət sistemi 1940-50-ci illərdən etibarən GATT çərçivəsində yaradılmışdır.
Beynəlxalq Şuralar ÜTT-nin təşkilati strukturunda mühüm rol oynayırlar.
Beynəlxalq Şuralar Beynəlxalq Təşkilatlardan fərqli olaraq hüquq subyektliyinə
malik deyillər və bazarın tənzimlənməsinin xüsusi mexanizmini nəzərədə
Dostları ilə paylaş: |