62
bütün faydalı qazıntılara cüzi tə`sir etməklə, (texnoloji) ona lazım olan,
bütün mə`mulatları əldə edə bilir.
Bunlar planetimiz daxilində və səthində olan hazırlanmış, hasilə
gəlmiş, tamamlanmış “materiallardırlar”. Yer planetinin kürə daxilində
gedən bütün proseslər çox sür`ətli (saniyənin mində bir qədərində)
getdiyindən, ayrılmalar, ardıcıllaşmalar biri – birini tamamlayır və
dayanmayan, tükənməyən bir yaradıcı ardıcıllıq baş verir.
Adlandırdığımız o “Təbiət”- in saniyənin mində bir qədərində
“Boş vaxtı”, yoxdur ki, şıltaqlıq etsin. Biz, bə`zi müdaxilələrlə,
eksperimenlərlə düşüncələrlə təbiətə müdaxilə etməsək, təbiət də bizə
“Müdaxilə” etməz, “Şıltaq” – olmaz. O, elə bir “canlı” – orqanizimdir”
ki, onu təkmilləşdirməyə, dəyişməyə, karıxdırmağa da, ehtiyacı yoxdur.
O, yer kürəsi o qədər dəqiqliklə nizamlanıb ki, özünə ehtiyaclı
deyil. Biz ona ehtiyaclıyıq. Onun səthindən, dərin qatlarından,
suyundan, havasından, istisindən, sərinindən, soyuğundan faydalanırıq
və bizə lazım olan mə`mulatları əldə edirik. Amma Ona, təşəkkür
edirikmi?
Eşq...
Neylərəm o eşqi ki, əgər bəlası varsa?
Neylərəm o, eşqi ki, əgər bəlası yoxsa?
Nədir onda bu eşq ki, "bəladır"- deyilir?
Nədir onda o, eşq ki, bəla ilə gileylənir?
63
Eşqlə, məhəbbət
Məcnun nə, Leyli nə? – dedilər ki, onlar Eşqə, məhəbbətlə
divanədirlər. Məhəbbət arada qalmış, Eşq həsrətə qalxmış, eşq
məhəbbəti divanə salmış. İki sevənlər biri – birindən uzaqda qalmış.
Məhəbbət nə dəyər, nə də ki, qiymətdir. Onun dəyər – qiymətini
sevənlər bilər. Məcnunlar, Kərəmlər, Sə`nanlar bilər. Sevgini deyənlər
bilər, bir də sevgini bilənlər bilər. Məcnunlar, Kərəmlər, Sə`nanlar
bilər...
Məhəbbət yenə də sevgisin deyər, ruhumuz səmalarda eşqlə bir
də birləşsin deyər...
İkili pıçıltı
Məni “ mənlə “, sənə dedilər. Səni “ sənlə “, mənə dedilər.
Deyənlər bizi, biri – birimizdən dedilər.
Deyənlərə baxdıq, heç sevdamıza baxmadıq. Arada olan
deyənlərə baxdıq.
Deyənlər arada qaldı biz biri – birimizdən uzaqda qaldıq.
İstəklərimiz aradaikən, özümüzlə özümüz uzaqda qaldıq.
Daha deyənləri görmədik, biri – birimizdən uzaqlığı gördük.
Məni səndən, səni məndən “ daha uzaqlaşdılar “ – dedilər.
O sevgi ilə, məhəbbət uzaqlaşmadı həsrətə döndü, aramızda
qaldı.
Məni səndən, Səni məndən, bizə - bizdən, bizi – bizdən
deyənlər, mövzu edənlər arada qaldı...
64
“Dilimizdəki istənilən söz sanki bir riyazi
düsturdur”
“Dilimizdəki istənilən söz sanki bir riyazi düsturdur”
Fikrət Rzayev: “Dilin mənşəyi ilə bağlı axtarışlarımın ilk
qaynağı, daha doğrusu, bulağın gözü milli-azadlıq hərəkatı oldu”
Məlum olduğu kimi, danışıq dilinin mənşəyi barədə lap qədim
dövrlərdən başlayaraq ən müxtəlif nəzəriyyələr irəli sürülsə də, bu
problem hələ də ciddi bir müəmma olaraq qalır. Qocaman mühəndis
Fikrət Rzayevin danışıq dilinin və sözlərin mənşəyi ilə bağlı
araşdırmaları respublikanın elmi ictimaiyyəti tərəfindən maraqla
qarşılanıb. Qəribəsi budur ki, Fikrət müəllim ixtisasca “humanitar”
deyil, “texnar”dır. Onun bu il çapdan çıxmış “Söz” monoqrafiyası
Azərbaycan Milli Elmlər Akademiyasının Nəsimi adına Dilçilik
İnstitutunda dilçi alimlərin iştirakı ilə müzakirə edilıib...
Beləliklə, dillərin və sözlərin mənşəyi barədə suallarımızı
mühəndis Fikrət Rzayev cavablandırır.
- Fikrət müəllim, Sizin dilin və sözlərin yaranış prinsipi barədə
nəzəriyyəniz respublikanın müvafiq elmi dairələrində ciddi maraq
doğurub. Sizdən xahiş edirik ki, bu barədə oxucularımıza da sadə və
anlaşıqlı formada məlumat verəsiniz.
- İstənilən dildəki istənilən söz sanki bir riyazi düsturdur.
Sözlərdəki danışıq səsləri müəyyən məntiqi əsaslarla birləşərək
mənaları ifadə edən konstruksiyalar əmələ gətirir. Sözlərin quruluşunda
təsadüfi heç bir danışıq səsi yoxdur. Hər bir danışıq səsi sankli bu
düsturun vacib və əvəzedilməz komponentidir.
- Bəs biz danışığımızda istifadə etdiymiz bu fonemləri hazır
şəkildə haradan “götürürük”?
- Azərbaycan dilindəki danışıq səsləri və ya fonemlər bizə,
həqiqətən də, hazır şəkildə verilib. Onların sayı 33-dür, çünki biz iki
səsi yazıda eyni hərflə - “k” ilə ifadə edirik. Başqa dilərdə fonemlərin
sayı müxtəlifdir, 28 fonemdən başlayaraq 52 fonemi olan cürbəcür
dillər qeydə alınıb.
65
- Sizin nəzəriyyəniz başqa dillərə də təbiq edilə bilirmi? Yəni bu
tezislər ancaq Azərbaycan dili üçündür, yoxsa dünyanın bütün dilləri
üçündür?
- Yox. Mən bu il çapdan çıxmış “Söz” kitabımda üç dilin –
Azərbaycan, rus və alman dillərinin materiallarından istifadə etmişəm.
Nəticə isə çox maraqlı alınıb və müsbət nəticələr ortalığa qoyub. Dil
materiallarının mənim nəzəriyyəm əsasında tədqiqi göstərir ki, bütün
dünya dillərindəki sözlər eyni prinsip və eyni məna konstruksiyaları
əsasında meydana gəlib.
- Yəni dünyanın bütün dilləri eyni səs qanunauyğunluqlarına
görə tərtiblənib?
- Bəli. Hələlik mənim tədqiqata cəlb etdiyim bu üç dildir. Amma
dillər müxtəlif olsa da, danışıq səsləri – fonemlər bu dillərin üçündə də
eyni funksiyanı daşıyır və eyni mənaya malikdir. Mən əminəm ki, digər
dillərə məxsus sözlər də mənim nəzəriyyəm əsasında yoxlanılsa, nəticə
eyni olacaq. Tədqiqata cəlb etdiyim dillərə məxsus danışıq səsləri
işlənmə təyinatına görə ciddi fərqlər nümayiş etdirmir.
- Bəs Azərbaycanın elmi ictimaiyyətinin Sizin tədqiqatlara
münasibəti necədir?
- Respublikadakı dilçilərin mənim nəzəriyyəmə münasibəti
birmə`nalı deyil və bu da təbiidir. Elmi ictimaiyyət orta məktəb sinfi
deyil ki, hamı əlini qaldırıb bir səslə “bəli” desin. Yanaşmalar
müxtəlifdir, amma ümumi münasibət müsbətdir.
- Məsələn, dilçilərimizdən kimlər sizin nəzəriyyənizə müsbət
şəkildə yanaşırlar?
- Nəsrəddin Tusi adına Azərbaycan Dövlət Pedaqoji
Universitetinin professoru Buludxan Xəlilov, Azərbaycan Milli Elmlər
Akademiyasının müxbir üzvü Nizami Cəfərov və akademik Afat
Qurbanov mənim elmi əsərlərimlə ciddi şəkildə maraqlanırlar və
araşdırmalarım barədəki ümumi rəyləri müsbətdir. Professor Buludxan
Xəlilov həm də mənim “Söz” monoqrafik araşdırmamın elmi
redaktorudur və ona ön söz yazıb. Bildiyimə görə, digər dilçilərimiz də
hazırda mənim “Söz” kitabımı oxumaqla məşğuldurlar.
- Bildiyimə görə, özünüz ixtisasca mühəndis-mexaniksiniz. Bəs
necə oldu ki, mühəndis-mexanik dilin mənşəyi və dildəki sözlərin
yaranma mexanizmi ilə maraqlanmağa başladı?
Dostları ilə paylaş: |