237
iştirak etmişlər. Bu səbəbdən Sasanilərin Kür çayından şimalda
olan Hun çarlığı ərazisində hökmüranlığı sürəkli deyil, epizodik
xarakterlidir və belə şəraitdə, istər I Xosrovun, istərsə də ondan
əvvəlki şahların vaxtında irimiqyaslı inşaat işləri aparıla bilməz-
di. Sasanilər sədlərin, istehkamların dağılmış hissələrində yalnız
təmir-bərpa işləri apara bilərdilər. Alban tarixçisi Kalankatuklu-
nun Kürdən şimalda məskunlaşmış türk mənşəli tayfaları ümu-
milikdə xəzər, hun, massaget adlandırması da səhv deyil. Belə
ki, bu tayfaların milli mənsubiyyəti, dili, adət-ənənələri eyni idi
və bu tayfaların böyük bir qismi də qədimdən Albaniya ərazisin-
də yaşadığından M.Kalankatuklu bunu yaxşı bilirdi. Sasanilərin
ən qüdrətli şahı olmuş Xosrov Ənuşirəvanın vaxtında Şimal
(Türküstan) hökmdarı Cebu Xaqan Albaniya, İberiya və Atropa-
tena ərazilərinə hücumlar edirdi. I Xosrov tərəfindən bir neçə
şəhəri zəbt edilmiş Bizansın imperatoru Cebu Xaqandan kömək
istədi. Bizans imperatoru ilə müqavilə bağlayandan sonra Cebu
Xaqan qardaşı oğlunun başçılığı altında qoşun göndərdi. Xaqa-
nın qardaşı oğlu Şad, sasani şahı I Xosrov Ənuşirəvana məktub
göndərdi. Məktubda deyilirdi: “Əgər sən bizanslıların imperato-
rundan əl çəkib onlardan zorla tutduğun torpaq və şəhərlərini
ona qaytarmasan, əgər onun ölkəsindən əsirlərlə birgə apardığın
və bütün xaçpərəst xalqlarının ehtiram və sitayiş etdikləri İsa
Xaçını geriyə qaytarmasan və əgər öz ordularını onun torpaqla-
rından geriyə qaytarmasan, onda qulaq as, gör Şimalın çarı,
bütün yer üzünün hökmdarı, sənin və bütün çarların çarı sənə nə
deyir: Mən, ey Suriyanın valisi, üzümü sənə tərəf çevirib, impe-
ratora vurduğun bir zərər əvəzinə ikiqat zərər verərəm. Öz qılın-
cımla sənin torpaqlarında sən öz qılıncınla onun torpaqlarında
gəzdiyin kimi gəzərəm. Sənə heç rəhmim də gəlməz və bütün
bunların hamısını mən təxirə salmadan yerinə yetirəcəyəm!”
(60, s. 96). Bu hədələrdən sonra I Xosrovun sərkərdələri orduya
rəhbərlik etməkdən imtina etdilər. I Xosrov yalnız Roçveh adlı
bir saray əyanını dilə tutaraq, hədiyyələr verərək, onu qoşunları-
na sərkərdə təyin etmiş və döyüşə göndərmişdir. Lakin bu qo-
238
şunları Bizans imperatoru məhv etmişdir. Türk xaqanının mək-
tubundan sonra qorxuya düşmüş I Xosrov demək olar ki, heç bir
müqavvimət göstərmədən qaçdı və tezliklə öz oğlu Qubadın
əmri ilə qətlə yetirildi. Bütün bunlar bir daha sübut edir ki, VII
əsrə qədər müstəqil dövlət, eyni zamanda Türküstanın müttə-
fiqi olmuş, sonradan onun bir əyalətinə çevrilmiş Hun çarlığı
ərazisində sasani şahları heç bir irimiqyaslı tikinti işləri apara
bilməzdilər. Özü də Hun çarlığı ilə Türküstan arasında, Dərbənd
və ya hansısa başqa şəhər-istehkamın sasanilər tərəfindən tikil-
məsini iddia etmək müəyyən məqsədlər güdən yalandan başqa
bir şey deyil.
M.Kalankatuklu Dərbənd-Beşbarmaq sədlərinin yerləşdiyi
Hun çarlığı ilə qonşu olmuş Albaniyadandır, yəni sədlərin inşası
haqqında bildiklərini yazmış bütün tarixçilərdən sədlərin yerləş-
diyi əraziyə ən yaxın yaşamış tarixçidir. Ondan başqa, məlum
olan tarixçilərdən hansınınsa sədlərin inşası haqqında daha də-
qiq məlumat verə biləcəyi ehtimalı çox zəifdir. M.Kalankatuklu
isə yazır: “Bu əzəmətli divarları İran şahları tikdirmişdi və bu-
nun üçün onlar çox böyük pullar xərcləyib, öz ölkələri əhalisini
taqətdən salmışdılar” (60, s. 92). Hər şeyi dəqiqliklə yazan ta-
rixçinin sədlərin inşası kimi mühüm bir hadisəni belə ümumi
sözlərlə, qeyri-müəyyən şəkildə təsviri diqqəti cəlb etməyə bil-
məz. Bu məlumatla Bərdə şəhərinin tikilməsi haqqında verilən
məlumatın (60, s. 19) müqayisəsi təəccüb doğurur. Necə ola bi-
lər ki, inşası VI əsrə aid edilən möhtəşəm istehkamlar, sədlər
barəsində ümumi sözlərdən istifadə etmiş tarixçi, V əsrdə tikil-
miş Bərdənin tikilməsinə kimin əmr verməsi, kim tərəfindən
icra edilməsi kimi dəqiq məlumat verir? M.Kalankatuklu İran
şahı Firuzun (454-484) vaxtında, bu şahın əmri ilə, Albaniya
çarı II Vaçe tərəfindən Bərdə şəhərinin tikilməsi, şəhərin adının
əvvəl Firuzabad, indi Bərdə adlanması haqqında məlumat verdi-
yi halda, guya 100 ildən sonra baş vermiş on dəfələrlə böyük
tikintilər haqqında belə ötəri yaza bilməzdi. Bu ötəri məlumatın
kitabda yer almasının iki səbəbi ola bilər: 1. Tarixçinin bu səd-
239
lərin, istehkamların inşası haqqında heç bir məlumatı olmamış-
dır və sadəcə əsassız ehtimal kimi belə bir məlumat vermişdir;
2. İkinci kitabın onuncu fəslinə yamaq kimi görünən bu hissə
sonradan əlavə edilmişdir. Kitabın sovetlər dövründə, əvvəl
erməni, sonra rus dillərində çap edilməsini nəzərə alsaq, ikinci
izah daha doğru görünür. Azərbaycan tarixçilərinin bir neçə belə
“düzəliş” və “əlavələri” aşkar etməsi faktları bu ehtimalı daha
da gücləndirir. Bu, əslən ərəb olan kəsranilərin Ərəb Xilafətin-
dən ayrılarkən “neytral dil” kimi fars dilini dövlət dili elan et-
mələrinə bənzəyir. Fərqli cəhət odur ki, xüsusilə Dərbəndin
sasanilər tərəfindən inşasını iddia edənlər “neytral dil” əvəzinə
“neytral inşaatçı” terminini nəzərdə tuturlar.
V əsr tarixçisi Yegişe də sədlərin nə vaxt və kimlər
tərəfindən tikildiyi haqqında dəqiq məlumat verməmişdir. O da
bu haqda danışarkən ümumi sözlərdən istifadə etmiş,
“qədimdən tikilməyə başlanmış” istehkamın, yəni Beşbarmaq
səddinin və istehkamının (Xız qalasının) inşasını guya II
Yezdəgird (438-457) başa çatdırmışdır (116, s. 166). Sasanilər
hələ Albaniyada tam hakim olmadıqları vaxtda Hun Darvazası
adlanan istehkamın və səddin tikintisində nə kimi işlər görə
bilərdilər? Halbuki albanlar işğalçılara qarşı üsyan edərək II
Yezdəgirdin qoşunlarını qırmışdılar (116, s. 166). Maraqlıdır
ki, Dərbənd-Beşbarmaq sədləri və istehkamlarının inşası ilə
bağlı, qədim mənbələrdəki qeyri-müəyyən məlumat çoxlarının
diqqətini cəlb etsə də, bəziləri sadəcə təəccüblənməklə, bəziləri
də müəyyən ehtimallar etməklə kifayətlənmişlər. Halbuki adi
hesablama cəmi bir səddin inşasının nə qədər böyük bir hadisə
olduğunu tam aydınlığı ilə üzə çıxarır. Bu hesablama üçün
Dərbəndin bir səddini götürək. Səddin inşasında əsasən uzunlu-
ğu 100 sm, qalınlığı 25-30 sm, eni 60-70 sm, çəkisi təxminən
200 kq olan yonma sal daşlar istifadə edilmişdir (116, s. 172).
İri sal qaya parçalarının kəsilib daşyonma məntəqələrinə daşın-
ması, məntəqələrdə daşın göstərilən ölçülərdə kəsilməsi işləri
çox vaxt, böyük işçi qüvvəsi, iş alətləri və yüksək təşkilatçılıq
Dostları ilə paylaş: |