¹2(3) èéóí 2012
134
* * *
Gecə yata bilmədim. İlk dəfə Səkinəni çılpaq gördüyümdənmiydi, yoxsa atamın gəlib Pirşağı
çimərliyinə çıxmasındanmıydı, bilmirəm. Bir
onu bilirəm ki, mən daha bu həyətdən heç yana gedəsi
deyiləm. Hə, bunu sizə deməmişəm axı: çimərlikdə yemək yeyəndə Səkinə gözünü məndən
çəkmirdi. Qız bu uzun illərdə ilk dəfə mənə diqqət yetirirdi.
(Üzüm tüklənmişdi, sinəmdə də tək-tük
qara tüklər bitmişdi. Ayıb olmasın, qıçımın arası da, qoltuğum da tüklənmişdi. Mən özüm də
bilmədən kişiləşirdim.) Bilmirəm, bu boyda yad adamın içində doğma kəndçisini, yeddi il bir yerdə
oxuduğu sinif yoldaşını gözü almışdı, ya məni birinci dəfə çılın-çılpaq gördüyündəndi.
(Bir şey
deyəcəm, amma mənə gülməyin: bu Səkinənin gözlərinin lap dərinliyində bir kədər gördüm elə bil.
Kədərmiydi? Ya bəlkə mənə belə göründü? Özü də niyə burda, bu çimərlikdə hiss etdim onu mən?
Axı bu qız çox xoşbəxtdir? Nolsun hələ uşaqları yoxdur? Hələ bir ildir evləniblər. O qədər olacaq
ki... Amma hə... Onun gözündə bir kədər gördüm mən – özü də bunu mənə baxanda hiss elədim...
İnanmasınız. Mənə heç vaxt ciddi münasibət bəsləməyən bu qızda – o mənə uşaq kimi, balaca
qardaşı kimi baxırdı həmişə - nəsə dəyişiklik gördüm o gün. Amma nədən? Mənə əzab verən bu
sualın cavabını mən çox-çox sonralar başa düşəcəm...)
O gecə şeir dəftərimə daha bir şeir düşdü – ürəyimə düşən xal kimi.
KAMİL
Bu Kamil çox yaxşı oğlandı. Səkinəylə məndən on yaş böyük olsa da, elə biz ağıldadı.
Uzun-arğaz, üzündən təbəssüm əskik olmayan Kamilin ürəyi təmiz idi. Kitab-dəftərlə işi olmasa da,
Bakıda olduğu bu illər ərzində hərədən bir şey öyrənmiş, geyim-keçiminə əl gəzdirmiş, özünü bir
qədər şəhərə uyğunlaşdıra bilmişdi. Əslində isə bu şəhər onun heç nəyini dəyişə bilməyib. Bizim
kimi “dana”, “dayna”, “əyənə”, “bəyənə”, “saa”, “maa” deməyi bəs deyilmiş, hələ də ağzını
dayayıb
krantdan su içir, hələ də yemək yeyəndə ağzını marçıldadır... Bu marçıldatmaq məsələsini
gərək ayrıca deyəm.
Mən də əvvəllər yeyəndə ağzımı elə marçıldadardım ki, səsi küy olmasın qonşuda eşidilərdi.
Anam bunun üstə məni bir-iki dəfə döymüşdü də. Amma tərgidə bilmirdim. Nəsə, elə bil bu
marçıltıdan ləzzət alırdım. Bir dəfə babamın anama alçaqdan dediyi söz məni necə yaraladısa, bir də
o qələti eləmədim: “Dəymə, qız! Dədəsinə çəkib... Yadında deyil, güləndə elə hırıldıyırdı, ağzı
qulağının dibinə gedirdi. Bu gen məsələsidi. Kökdə nə varsa, buruz eləməlidi.” “Gen” və “buruz”
sözlərini anlamasam da, onu anladım ki, atam da ağzını eyzən mənim kimi marçıldadarmış. O - bu!
Bir də yeyəndə ağzımın səsini eşidən olmadı. Anam özü də məəttəl qalmışdı...
Amma Kamildə bir şey tamam yeniydi: o əməlli-başlı vətənpərvər olmuşdu. İçəri girən kimi
uzun bir nitq söyləməmiş rahat olmazdı. Bəzən elə küçədən başlayardı çıxışına:
-Vətənin ağır günüdü! Biz indiyənəcən fil qulağında yatmışıq. Əlifbamızı dəyişiblər,
milliyyətimizi gizlədiblər, dinimizi əlimizdən alıblar... Biz axı türk millətiyik! Amma bizə
azərbaycanlı adını yapışdırıblar! Oyanmaq lazımdır, oyanmaq!
Qəflət yuxusundan oyanmasaq,
sonra gec olacaq!
Bunlar bir az süni təhər çıxsa da,
(elə bil kimi, yaxud kimlərisə yamsılayırdı) əslində, Kamilin
səmimiyyətinə zərrəcə şübhə yoxdu məndə.
Səkinə key-key onun üzünə baxsa da, yavaş-yavaş o da əri kimi inqilabçı olurdu. Öz
aramızdır, bu yanmışa hər şey yaraşır, elə inqilabçılıq da! Düzdür, bu bir az gülməli görsənir, amma
vallah belədir ki, var.
Hə, Kamildən danışırdım axı. Anası Kafan Baharlısındandır. Atası Müştaba kişi anamla
dayıoğlu-mamaoğludur. Nənəm danışırdı ki, Müştaba cavan, telli-toqqalı vaxtında gedibmiş Kafan
bazarına al-verə. Görür ki, bir qız bazarın girəcəyində tum satır. Gözü qızı tutsa da,
ürək eləyib bu
yad şəhərdə ona bir söz deyə bilmir. İkinci dəfə bazara gedəndə görür qız yenə həmən yerində
əyləşib tum satmağındadır. Deyir vallah, məni öldürsələr də, gərək bu qızı danışdırım. Satdığı
nardan (
Müştabagilin yaxşı nar bağı vardı) ikisini götürüb gəlir qızın yanına deyir:
-Gəl, narnan simişkanı dəyişək.
Ðöáëöê ÿäÿáèééàò äÿðýèñè
135
Qız narları alır, oğlanın cibinə iki stəkan tum tökür. Deyirmiş ki, qız ikinci stəkanı cibimə
tökəndə əlimlə cibimi tutdum, qızın əli stəkanqarışıq qaldı cibimdə. Şaqqanaq çəkib güldü və dedi:
-Ə, dəli vırğın vırmış, əlimi bırax, biləyim qırıldı ki!
Beləcə, araları açılır. Öyrənir ki, qızın anası yoxdur, atası da mis mədənində işləyir, axşam
ölü kimi gəlib döşənir yorğan-döşəyə. Ögey ananın da uşağı olmadığından allaha-tanrıya söyə-söyə
qızı gündə iki dəfə döyür, bir teşt tumu tökür torbaya, göndərir bazara. İndi
axşam bir qom pulla
gedəcək kəndə, amma ögey ana bəhanə tapıb onu salacaq oxlovun altına.
Qızın on beş-on altı yaşı olsa da, yaşından iri görünürmüş, sümüklüymüş. Müştaba qızın
saqqızını oğurlayır, axşam Kafan Baharlısına yox, onların öz Baharlısına getməyə razı salır.
Zəngəzur qatarına minib qaş qaralanda çatırlar Baharlı dayanacağına.
-Sən məni öz evinizə aparma. Dilquşa bir allahın bəlasıdı, hardan olsa, iyliyib-çüylüyüb bizi
tapacax... Dədəmin də ki, ağzı onun paçasının arasındadı. Gəlib məni sənin əlinnən alacaxlar. Sən
məni bir urvattı qohumun varsa, belə arvad qohumu olsun, xaladan, mamadan, ora apar. Özü də elə
elə ki, biz elə beyjə ər-arvad olax. Yoxsa, gəlib məni qız görsələr, aparacaxlar... Bəs simişkanı kim
satacax?!
Gədənin dili tutulur.
(Müştaba telli-toqqalı oğlan olsa da, tez-tez pörtüb-qızarır, nitqi
tutulurdu. İllah da çətinə düşəndə kəkələyər, gülməli səslər çıxarardı: “Məəə-əəəən...
MMMüüüüüşşşşşttttttaba... oooolaaammmm.... “ Dalısını gözləmədən adına bu ayamanı
qoşmuşdular: Mümüşt Müştəba!) Nə təhər yanı, əziyyət çək, qız qaçırt,
gəlib sənin əlindən
alsınlar... Birdən yadına Muğadəm Baharlısndakı əmidostusu düşür. Bu arvad teləkçilikdə ad
çıxartmışdı. Ağı göyə, göyü ağa yamamaqda mahir idi. Bir az tamahgirdi, cəhənnəmə ki, olmasın
bir xaşa narın pulu. Baba bağındakı yanıq çinarın dibində qızın qolundan tutub kəkələyə-kəkələyə
deyir:
-Əm-əm-əm-əm!..
Qız qorxub çımxırır gədəyə:
-Əm-əm nədi ə, kəmsər?!
-Az,
əm-əm-əm dostum vvvvaaar e! Zi-zi-zi-ziyafət əmdostum!
Qız gülüb düşür Müştabanın qabağına.
Xüləs, qızı aparır və məsələni əmidostusuna danışır. Arvad ikicə saatın içində onlara yer salır,
gədənin cibin boşaldıb, Cəlilin dükanından yaxşıca bazarlıq edir, bir qazan plov dəmləyib kəsir
Müştabaynan Kafan qızının yatdıqları otağın qapısın. İçəridən qızın qışqırtısı gələnəcən qalır ayaq
üstə. Bunu sonralar Ziyafət arvad Müştabanın anasına bəzəyə-bəzəyə belə danışarmış: “Kəsdim
qapını. Dedim çaxmax-qav olmasa, bınnarı bırdan bıraxsam, maa nəhlət. İki sahat keşdi, bir xəbər
yoxdu, üş sahat keşdi,
bir xəbər yoxdu, xəkəndazı götürüb cumdum pişiyin üstünə, qışqıra-qışqıra
dedim, kopayoğlunun pişiyi, bı gecə ya saa verən allahdı, ya maa! Poxu yemisən axıracan ye! Ya da
əlindəkini gəlib əlinnən alacaxlar, qalassan vay bına dəyə-dəyə... Bir göreydin yazıq pişik üzümə nə
təhər mağmın-mağmın baxırdı. Yanı ki, mənim günahım nədi axı? Hə, elə bu heyni, qız içəridən
qulun kimi cihnə verib qışqırdı. Bir az sohra Müştaba içəridən fısıldıya-fısıldıya çıxıb avcıma iki
onnux qoydu... Mən də süfrə açıb dəmlədiyim pilavdan çəkdim onnara...”
Müştaba əmidostunun qaynatasının adıydı, yəni Müştabanın babasının. Ona görə nəsildə
oğlanı çox istəyir, bəziləri eləcənə “baba” çağırırdılar. Elə ordaca arvad deyib: “ Baba, əmdostun
qurban, oğlunuz olacax inşallah, əlim youldu.”
Oğlan olmağına olur, adını da Kamil qoyurlar. Amma uşağın üstündə ürəkgetməsi varmış.
Düz səkkizincini qurtaranacan bu ürəkgetmə qalır oğlanın üstündə. İndi bilmirəm, nə təhərdi, yenə
tutur, ya tutmur onun tutması?
Kamilin bir illəti də vardı: əlləri əsərdi. Bir saniyə əllərini sakit saxlaya bilməzdi. Qoca,
taqətsiz adamların əlləri kimi titrəyərdi.
(Bu, babası Müşatabadan keçmişdi ona. Kişi suynan dolu
qabı on metr aparanacan xeylisini yerə çiləyərmiş.Ona görə kişinin bir ayaması da vardı: Təntik
Müştaba deyərmişlər, yəni əsən, təntiyən.)
Kamil danışırdı ki, buruqda işə düzələndə baş usta deyir ki, yox bala, səni bu vəziyyətdə işə
götürə bilmərəm, əllərin əsir, sonra bir xata törədərsən. Bizim işimiz onsuz da xata-baladan əskik