¹2(3) èéóí 2012
140
-Bu günnərdə baban kitab açdı, baxdı, baxdı, bir müddət dinib-danışmadı. Sohra bizi yığıb
dedi: “Tarix tamamdı. Əsrin başa çatmasına az qalıb. Bizdən əvvəlkilər
hər zaman dəyişdikcə
nəslimizi nələrin gözdədiyini yazıblar. Bını açıx-açığına yazmasalar da, üstüörtülü işarə eləyiblər.
Bax, bı kitabda hamısı var...”
Sonra baban qara meşinnən üzü olan kitabı göstərib qayıtdı ki:
-Bizim nəsil bir dəfə Nadir şah Əfşarın qəzəbinə gəldi, yerimizdən dərbədər olduq.
Cavanşirləri doğma torpaqlarından Əfqanıstana, Orta Asiyanın biyabanlarına sürgün elədilər...
(
Deyir, onda Cavanşirlər onun hakimiyyətini qəbul etməmişdilər – Muğanda tacqoyma
mərasimində atlarının başını çevirib getmişdilər ki, biz bir əsilzadə olmayan quldurbaşının
hakimiyyətini qəbul edə bilmərik. Sən fikir verirsən, istəsəydilər yaltaqlanar, özlərini şirin satar,
Nadir kimi bir padşahın yanında hörmətti olardılar, amma eləməyiblər... eləsəydilər, Savanşirlər
olmazdılar ki day...) Nadir öldürüldükdən sonra babalarımız bütün nəsli, soy-kökü ilə birgə geriyə -
Qarabağa gəlib çıxdılar. Pənah Əli xanın başçılığı ilə Şuşanın əsasını qoydular, Qarabağ xanlığını
yaratdılar... Sonra Ağa Məhəmməd Şah Qacar babamızın əmisi Əbdüssəməd bəyi girov qismində
İbrahim xandan istədi, Şuşadan Tehrana apardı... Sonra kişini orda öldürdülər. Biz yenə doğma
torpaqlardan ayrıldıq,
gəlib Zəngəzura, Pirçivana, Zəngilana çıxdıq... Bu torpaqları bizə qan
ucundan verdilər... Hara getdiksə, qan da biznən getdi...
Anam mənim ona heyrətlə baxdığımı görüb eyzən babam kimi başımın üstündən haraysa
baxa-baxa dedi:
-Nədi, deyirsən bəs elə təkcə sən oxuyansan? Yadında saxla ki, mən Haşım kişinin, Haşım
Cavanşirovun qızıyam. Bir texnikomu yarımçıq da olsa oxumuşam... Bir məktəbi də, mühasibatlığı
deyirəm – bitirmişəm,
bunlar heç, amma dədəmin oxuduğu bütün kitabları mən də oxumuşam...
-Babam sonra nəsə dedi? Bizi yenə nələrsə gözləyir?
-Hə, dedi, - anam təntiyə-təntiyə davam elədi: - Bizi bu dəfə daha pis imtahan gözləyir...
Torpaq itkisi yenə ola bilər... Didərginlik bizim nəslin nəsibiymiş...
-Sora?
Qurtardı?
-Yooox...- Anam sözü uzada-uzada deyir.- Baban bir qorxulu əlamət də müşahidə eliyib...
Bal arıları qırılıb gedir, dağdağan ağacı bu il bol meyvə gətirib... Bunların ikisi də pis əlamət
sayılır... Qırxıncı illərdə sənin adaşın Xosrov tutulanda da belə olubmuş...
Mən bu sözləri eşidib həvəsdən düşürəm. Belə şeylərə çətin ki, inanam. Anam isə hələ də
danışır:
-Deyillər Kummuca da daşıb... Pıqhapıq qaynıyır...
- Nə?! – az qala bağırıram.
Anam laqeydliklə:
-O vaxt da belə olub... – deyib kədərlə məni süzür.
-Nə vaxt?
-Xosrov tutulanda...
Bir müddət araya sükut çökdü. Bu dar otaqda nəfəsim qaraldı elə bil. Anam isə nəsə
danışırdı. Var gücümü toplayıb anamın dediklərini anlamağa çalışırdım.
...- Babannan dədən Eylasın əhvalatını öyrəndiyini bilirəm. Əslində bı yaxşı olub – kimin
belinnən gəldiyini bilməlisən. Mən saa bınları özüm danışmadım ki, uşaqsan, ürəyin yaralanmasın.
Amma mən görürəm ki, sənin ürəyində ayrı bir yara varmış. Elə bir yara ki, bını mən malicə
eliyəmmərəm. Amma yadında saxla,
ötən gün, keçən hər il yaranın üstünə bir qaysaq qoyur, tam
olmasa da, sağaldan təhər eliyir onu. Sən kişisən, kişilərin imanı-dini olmur. Amma adamın
damarında təmiz qan axsa, onun pis işlərə başı qatışmaz. Sən mənim dediklərimi başa düşürsən?
-Hə...
-Mən sənin gözündə böyünnəri bir dərd gördüm... Mənim başım nəyə qarışıb, bilməmişəm,
sənin belə dərdin olduğunu... Yadında saxla, ərli qadına, əsgər ailəsinə ayrı gözlə baxmaq,
fərarilikdən də pisdi... Mən demirəm ki, sevmə... Sevgi yaxşı şeydi... Amma heç sevənnəri birləşən
görmədim. Bı qız yaxşı qızdı,
amma əvvəla, ərlidi, ikincisi də sənin adamın dəyil axı. Savadsız,
ömründə bir kitab oxumayanın biri hara, sənin kimi oxumuş, elmli oğlan hara?..
Ðöáëöê ÿäÿáèééàò äÿðýèñè
141
-Nənə... Sən...
-Dayan, sözümü kəsmə. Sürmə hər gün bizdədi. Bilirsən ki, onun nənəsiynən baban bir
nəsildəndi. Necə olmasa, qanında bizim qannan da var. Simsarıq. Onu alacam saa...
-Nənə!
-Özüm danışdırmışam qızı. Ölür sənnən ötrü. Sevgi istəmirsən, bı da saa sevgi. Gərək sən
sevəsən? O ki səni sevir... Sən də çalışıb onu sevərsən. Ikibaşdı sevgi olmur, ya da axırı puça çıxır...
Niyə dinmirsən? Deyirəm ki, qız səni sevir... Sən də çalışıb onu sevərsən...
-Dədəm səni sevdiyi kimi...
Dinmədi. Bir az əvvəl işıqları söndürdüyümüzdən onun
nə hala düşdüyündən xəbərim
olmadı. Ha gözlədimsə, anamdan bir səs çıxmadı. Yatdığını zənn eləyib mən də yatmağa çalışdım.
Nə vaxt gözümə yuxu getdiyindən xəbərim olmayıb.
ADAŞIM XOSROV
Ağbəniz, ortaboy, şəkil kimi bir kişiydi. Ağ parusin şalvarda, mil-mil köynəkdə, çesuça
ayaqqabıdaydı. Bu, qırxıncı illərin dəbidir. Mən bunları hardan bilirəm, anlamıram.
Əlində ucu enli, sarımtıl perolu qələm var. Qara tuş rənglə sağdan sola ərəb əlifbasıynan
nəsə yazır. Başımı endirib oxumaq istəyirəm
, (babam bu əlifbanı mənə öyrətmişdi) əlini yazdığının
üstünə qoyur, təzəcə yazılmış qara rəng əlinə, ordan da uzunqol mil-mil köynəyinin qoluna yayılır.
Hirslə əlini gözümə soxurmuş kimi mənə tərəf uzadıb qışqırır:
-Siz adi etiket qaydalarını da bilmirsiz?! Olmaz başqasının yazdığına baxmaq. Bu, ədəb-
ərkana ziddir.
Burnumun ucunacan qızarıram. Başımı yerə dikib mızıldanıram:
-Mən satqın-zad deyiləm.
Elə-belə maraq güc gəldi, baxdım sənin yazdığına. Mən... mən...
-Sən yox, siz demək lazımdır! Siz bəy nəslisiz axı! Siz Cavanşirlərdənsiniz axı! Nə edirsiniz
edin, ancaq bunu unutmayın. Bir də sizə axı mənim adımı veriblər!
-Səni... sizi niyə tutmuşdular?
Kişi elə bil balacalaşdı. Üzündəki nur azaldı. Gözləri batdı quyunun dibinə. Sifəti arıqladı,
burun sümüyü uzandı, bir sözlə, katorqa adamına döndü bircə anda. Və asmalı adamlar kimi
tövşüyə-tövşüyə danışmağa başladı...
...-Mən Zəngəzurun məşhur bəyi Əbdüssəməd bəyin oğluyam. Onun atası Məhəmməd bəy
Cavanşir idi ki, çar hökuməti onu Zəngilandan əvvəl Çaritsına, sonra isə Ordubada sürgün eləmişdi.
(Bu yerdəyişmə rəhmətlik Mirzə Fətəli Axundovun və Qasım bəy Zakirin köməyi ilə baş tutmuşdu)
Elə ömrünün sonunacan, yəni 1861-ci ilə kimi orda yaşadı. Onun da atası Behbud bəy olub. Behbud
bəy Cavanşir Qarabağ xanı İbrahim xanın qardaşı Əbdüssəməd bəyin qardaşı oğlu idi. Ağa
Məhəmməd şah Qacar 1791-ci ildə Şuşaya hücum edəndə İbrahim xandan üç şəxsi girov qismində
istəmişdi: Batmanqılınc Məhəmməd bəy, Əbdüssəməd bəy və Mirzə Vəli Baharlı. Batmanqılınc
bunu eşidən kimi adamlarıyla dağlara qaçdı – heç İbrahim xan da bunun bərkin tutmadı,
onun ordu
başçısıydı axı. Əbdüssəməd bəylə Mirzə Vəlini isə şaha girov qismində verdilər. Bunlar tarix
kitablarında var, oxumusunuz?
-Hə, - deyirəm, - Baharlının “Qarabağnamə”sindən oxumuşam. Mirzə Vəlini İranda topa
qoyub atırlar, Əbdüssəməd bəy də qaçanda yolda öldürülür.
-Halaldır sizə Cavanşir adı! Hə, bax, məni o nəsildən olduğuma görə şərləyib tutdular.
Dostlarım üzümə durdular, məni Sovet hökumətinin düşməni, Almaniyanın agenti kimi həbs
etdilər.
Mən qəribə sözlər danışırdım, vallah bunları hardan bildiyimə özüm də mat qalmışdım.
-Axı deyirlər sən... siz müharibəyə getməmək üçün gözünüzə dərman töküb xəstələt-
misiniz... Traxoma xəstəsi kimi ordudan yayınmısınız?
-Bəs siz nə fikirləşirsiniz? Belə prinsipsizlikmi olar?!Mən
istəmədiyim bir hökumətin
ordusunamı getməliydim? Məni aparsaydılar da, keçəcəkdim Almanların tərəfinə! Alman türkün