30
deyilir: “XX əsrin italyan filosofu Norbert Babbionun (1909-cu
ildə anadan olmuş, əsərləri əsasən əsrin ortalarında Turində nəşr
olunmuşdur) yaradıcılığı baxımından bu vacibdir. Liberalizm
tərəfdarı olan Babbio siyasi mübarizəni gücləndirməyi,
kəskinləşdirməyi ziyalıların vəzifəsi sayırdı. Ziyalıların siyasi
fəaliyyətini o, “mədəniyyətin siyasəti hesab edirdi və onu
mədəni siyasətə qarşı qoyurdu. Bu partiyaların mənafeyinə
uyğun gəlir (61, s.74).
Digər tədqiqatlarda isə “siyasi mədəniyyət” anlayışının elmə
ilk dəfə Q.Almond və S.Veberin gətirdikləri qeyd edilir. Hər iki
alimin apardıqları araşdırmaların məqsədi fərdin və cəmiyyətin
siyasi sistemi daxilində oynadığı rolun, eləcə də Qərb siyasi
həyat tərzinin mahiyyətini təşkil edən demokratiyanın mədəni
özüllərini müəyyənləşdirmək olub. S.Veberin sosioloji
görüşlərinə əsaslanan Q.Almond belə hesab edirdi ki, siyasi
mədəniyyətin xarakteri siyasi quruluşla müəyyən olunur və onun
strukturu sistemdə fərdin siyasi fəaliyyət formaları, davranışları
və inamlarından ibarətdir. Q.Almondun həmkarı S.Veberin irəli
sürdüyü tezisə əsasən siyasi mədəniyyət fərdin siyasi sistemi
bütövlükdə psixoloji planda dərk etməsidir (136, s.85).
Mədəniyyət siyasəti xalqın intellektual potensialının, mənəvi
sağlamlığı və rifahını yüksəltməyə xidmət edən siyasətdir. O,
həm də millətin mənəvi, sosial-iqtisadi inkişafının
möhkəmlənməsini təmin edir. Mədəniyyət siyasətinin vəzifəsi
maddi və mənəvi sərvətlərin istehsalı, qorunması və inkişaf
etdirilməsi, eyni zamanda gələcək nəsillərə ötürülməsi üçün
şəraitin yaradılmasıdır. Cəmiyyətdə insanların qeyri-bərabər
mədəni inkişafını və mədəni deletantlığı aradan qaldırmaq üçün
inkişaf etmiş ölkələrdə mədəniyyət siyasəti koordinasiya və
tənzimlənmə yolu ilə elmi surətdə təşkil edilir və idarəetmə
əsasında həyata keçirilir. Belə halda cəmiyyətin müxtəlif sosial
qruplarının və xalqın marağını əks etdirən balanslı mədəni
inkişafa nail olmaq olar.
31
Mədəniyyət siyasəti hüquqi təminata arxalanmalı və
hadisələri qabaqlamağı bacarmalıdır. İnkişaf etmiş demokratik
ölkələrdə mədəniyyət siyasətinə xalqın sosial vəziyyətinin və
rifahının yüksəlməsi kimi baxılır. Çünki bu siyasətin əsas
məqsədi insan həyatının qorunub saxlanması
və
yaxşılaşdırılmasına xidmət etməkdir.
Professor Fuad Məmmədov öz tədqiqatlarında bir-biri ilə sıx
əlaqədə olub qarşılıqlı təsirdə olan ayrı-ayrı sahələrin
mədəniyyət modelini təklif edir. Buraya təhsil və tərbiyə, elm və
texnologiya, ədəbiyyat və incəsənət, din, etika, informasiya,
mətbuat və turizm, hüquq, təşkilat və idarəetmə, həyat tərzi, dil
və mədəni irs səhiyyə, ekologiya və həyat fəaliyyətini təmin
edən digər sistemlər daxildir. Həm də mədəniyyətin bütöv
sistem kimi inkişafının bazis əsası hərəkətverici qüvvəsi, insanın
intellektual fəaliyyəti və humanizm olan “mənəvi istehsal” (128,
s.191-198).
Mədəniyyət siyasəti mədəniyyətin bəşəriyyətin
inkişafındakı rolunu şərh edən və bu istiqamətdə ardıcıl,
sistemli fəaliyyət göstərən bir sahədir. Məhz buna görə də
inkişaf etmiş demokratik ölkələrdə mədəniyyət siyasəti keçən
əsrin ortalarından diqqət mərkəzindədir. Mədəniyyət
siyasətinin inkişafı dünyada sülhün, firan həyat tərzinin və
rifahın rəmzi kimi dərk olunmaqdadır. Mədəniyyət tarixinin
araşdırılması təsdiq edir ki, mədəniyyətlə siyasətin əlaqəsi
tarixən möhkəm olmuşdur. Bununla bağlı çoxsaylı istinadlar
vermək mümkündür. Məsələn, rus tarixçisi V.O.Klyuçevski
yazırdı ki, siyasi terminlər öz tarixinə malikdir. Həqiqətən də
hələ qədim Yunanıstanda “siyasət” anlayışı altında dövlət
fəaliyyətinə aid olan bütün nə varsa daxil edilirdi. V.İ.Dal
siyasət dedikdə dövlət idarəçiliyinə aid olan elmi başa
düşürdü. Bura hökmdarın əhval-ruhiyyəsi, məqsədi,
əməllərinin tərzi, çox vaxt həqiqi niyyətlərin gizlədilməsi
daxildir. Fransız ensiklopediya lüğətində “siyasət sənəti”
ifadəsi işlədilir (134, s.212). M.Ə.Rəsulzadə isə deyirdi ki:
32
“Mədəniyyətin qayəsi siyasəti elmə tabe etdirməkdir” (113,
s.84).
Mədəniyyət sahəsindəki siyasət dövlət tərəfindən əhəmiyyətli
dərəcədə ciddi həyata keçirilən, maliyyələşdirilən, nizamlanan
praktiki tədbirlər sistemidir. Bu siyasət millətin mədəni və
mənəvi irsinin toplanması, inkişafı və saxlanılmasına
yönəlmişdir. Mədəniyyət siyasəti sayəsində, hər şeydən əvvəl,
aşağıdakı suallar meydana gəlir. Millətin mədəni irsi necə
qorunur? Bu tədbir bütün etnik və sosial qruplara necə aid
edilir? Bütün istifadə edilən dillər bərabər statusa malikdirmi və
ya ayrıca götürülmüş ölkədə mədəni və dil diskrinimasiyası
mümkündürmü? Rəsmi dövlət dili əcdadların dili hesab olunur,
yoxsa ki, müstəmləkəçi ağalığından qalan irsdir? Qeyri əsas
dillər dövlət tərəfindən hansı səviyyədə müdafiə olunur və
yaxud bu, yalnız icmanın qayğısı əhatəisndədir? Həmin dillər
cəmiyyətdə mədəni və sosial fərqlərin qorunub saxlanılması
üçün nə dərəcədə istifadə olunur və yaxud dil qrupları arasında
antoqonizmin aradan qaldırılmasına və inkişafına şərait
yaradırmı? Bu gün bir çox ölkələrdə mədəniyyət sahəsindəki
siyasət assimlyasiya modelindən başqa sahələrə orientasiya
götürür, nəticədə azlıqda olanlar özlərinin bəzi mədəni
ənənələrindən və dəyərlərindən imtina edir, onu əksəriyyətin
müdafiə etdiyi ənənələrlə əvəz edir. Nəticədə əksəriyyətin multi
mədəni modeli müdafiə edilir. Burada fərd sosiallaşır və etnik
mədəniyyətdə dominantlıq rolu ifa edir. Məsələn, ABŞ-da
milyonlarla insan ingilis dilində və həmdə özünün etnik dilində
danışır. Onlar ümummilli və etnik bayramları qeyd edirlər.
Onlar öz ölkəsinin tarixini və millətinin tarixini öyrənir. Qlobal
beynəlxalq miqrasiya, zəif inkişaf etmiş ölkələrin təsərrüfatının
struktur yenidən qurulmasına stimul verir. Mexanikiləşmə və
sənayeləşmə bura inkişaf etmiş ölkələrdən daxil olur, aqrar
sektor ixtisara düşür və milyonlarla kənd əhalisi iş axtarmaq
məqsədilə şəhərlərə köçməli olur. Onları şəhər həyat tərzi cəlb
edir. Eyni zamanda şəhərlərin orta sinfi adətən qərb həyat
Dostları ilə paylaş: |