39
bədiilik xasdır: o təkcə ideyaları və dünyagörüşünü, habelə milli
psixologiyanı yox, tarixi, fəlsəfi, dini əxlaqi baxışları özünədə
birləşdirir. Bütün bunlarsız isə milli siyasəti təşkil etmək, onu
hərəkətə gətirmək qeyri-mümkündür.
Mədəniyyətdə başlıca yeri insan tutur, o əslində insanın
özünə yaratdığı bədii abidədir. Milli siyasət də ilk növbədə
insana, onun tarixdəki rolu və dünyəvi əlaqələrinin, həmçinin
müxtəlif millətlərdən olan insanlar arasında real münasibətlərin
tənzimlənməsinə xidmət edir. Milli siyasət insanları ictimai
qanunlar, milli mədəniyyət isə gözəllik qanunları ilə idarə edir.
İctimai qanunlar tarixən keçici, gözəllik qanunları isə əbədidir.
Milli siyasət cəmiyyətin ictimai birliyini, milli mədəniyyət isə
əxlaqi bütövlüyünü qorumağa xidmət etməlidir. Azərbaycan
mədəniyyəti respublikanın bütün xalqları və etnik qruplarının
bədii sərvətidir. Ona görə də Azərbaycan milli siyasəti və milli
mədəniyyətinin bir nömrəli problemi azərbaycançılıqdır. Bu
həm də milli siyasət və mədəniyyətin ortaq məxrəci, birləşmə
nöqtəsidir. Azərbaycançılıq həm milli siyasətin, həm də milli
mədəniyyətin demokratizmini təmin edir. “Bir milli
mədəniyyətdə iki mədəniyyət” şüarı mədəniyyətdə millətlərin
yox, sinfilərin mənafeyini ifadə etdiyinə görə, milli
mədəniyyətlərin inkişafını ləngitdi, onu beynəlmiləl mədəniyyət
haqqında saxta ehkamının məngənəsində saxladı. Son 70 ildə
Azərbaycanda başqa mənada iki mədəniyyət mövcud olub:
kommunist ideologiyasına xidmət edən sovet mədəniyyəti və
xəlqi və milli idealları ifadə edən sovet dövrü mədəniyyəti (98,
s.77-78).
Mədəniyyətin demokratikləşdirilməsi – şəxsiyyətin özünü
realizə etməsi, mədəniyyət nemətlərindən azad istifadə etməsi,
imkanlarının genişləndirilməsini, habelə mədəniyyətin vətəndaş
cəmiyyəti və hüquqi dövlətin siyasi dəyərlərinə cavab verən
yeni dialektik diferensiasiya və inteqrasiya proseslərinin tənzim
edilməsini tələb edir. Müstəqil ölkənin demokratik
mədəniyyətini liberalizm dəyərləri ilə, Azərbaycan xalqının
40
milli dəyərlərinin sintezi yolu ilə yaratmaq zəruridir. Həmin
prosesdə mühüm yeri yeni ümumsosial mədəni dəyərlər və
normaların, demokratik mədəniyyətin əsasını təşkil edən
ideallar, etika, təhsil sistemi, istehsalat, ekoloji, hüquqi və
məişət normativlərinin, incəsənət və maddi təcəssümlərin
formalaşdırılması vacibdir. Ənənəvi milli və yenilikçi dünya
mədəniyyətlərinin fəal qarşılıqlı təsiri Azərbaycan cəmiyyətinin
mütərəqqi inkişafına hərtərəfli yardımçı olacaqdır.
Müasir Azərbaycanın mədəniyyət siyasəti mədəniyyətin
təşkili və idarə edilməsində dərin struktur islahatları, ölkənin
milli-mədəniyyət quruculuğunda sosial- mədəni inkişafın dünya
təcrübəsinin məhsuldar istifadə edilməsini təmin etməlidir.
Ölkənin mədəniyyət siyasətinin əsas vəzifəsi perpektivliliyi elmi
cəhətdən əsaslandırılmış proqramlar əsasında “mənəvi istehsal”
sahəsinin idarə edilməsinin səmərəliliyini artırmaqdır. Bu zaman
nəzərə almaq lazımdır ki, vətəndaş cəmiyyətində təkcə dövlət
deyil, habelə beynəlxalq normalara müvafiq olaraq cəmiyyətin
təşkil və idarə edilməsi məsələlərində milli hökümətlərlə
əməkdaş kimi çıxış edən qeyri-hökümət təşkilatları ilə təmsil
olunan cəmiyyətlər də mədəniyyət siyasətinin subyektidir (18,
s.23-24).
Azərbaycanda mədəniyyət siyasətinin formalaşması üçün
qiymətli mənbə BMT, YUNESKO, Avropa Şurası və digər
beynəlxalq təşkilatların fəaliyyət təcrübələri, habelə Yaponiya,
ABŞ, Rusiya və digər dünya ölkələrinin sosial-mədəni inkişaf
təcrübələridir. Bu ölukələrdə təhsilə, elm və incəsənətə “mənəvi
istehsalın” əsas komponentləri kimi, şəxsiyyət və cəmiyyətin
həyat təhlükəsizliyinin, onun keyfiyyətinin artılırmasının,
dövlətin mənəvi və maddi rifahının yüksəlməsinin təmin
edilməsinə xidmət edən vasitə kimi baxılır.
Mədəniyyətə mənəvi, maddi, intellktual və hissi elementlər
kompleksi kimi, yeninin yaranması və köhnənin dəyişməsinin
fasiləsiz prosesi kimi geniş baxış, demək olar ki, birinci dəfə
mədəniyyət sahəsində siyasət üzrə ümumdünya konfransında
41
(Mondiakult, Mexiko-Siti, 1982) qəbul edilmiş tərifdə öz əksini
tapmışdır. Konfrans, mədəniyyət və bəşəri dəyərlərə inkişafın
əsas amilləri kimi baxılmasının getdikcə daha çox dərk
edilməsini qeyd etmişdir. Bu konfransın qərarlarına əssalanaraq
1986-cı ildə BMT Baş Assambleyası 1988 – 1997-ci illərdə
BMT və YUNESKO-nun himayəsi altında mədəniyyətin
ümumdünya inkişaf onililyinin keçiriləcəyini elan etdi.
Mədəniyyəti daha geniş inkişaf strategiyalarına, habelə səmərəli
praktiki fəailiyyət proqramlarına daxil etmək üçün mədəniyyətin
inkişaf onilliyi ilə yanaşı, yaxın keçmişdə BMT və YUNESKO-
da mədəniyyət və inkişaf üzrə ümumdünya komissiyası
yaradılmış, sivilizasiyaların sülh və dialoq mədəniyyəti onilliyi
elan edilmişdi (18, s.27). Mədəniyyətə belə münasibət sübut edir
ki, dövlətin mədəniyyət siyasətinin inkişaf etdirilməsi mühüm
yer tutur. Çünki, cəmiyyət özünü mədəniyyətdə ifadə və dərk
edir. Siyasi mədəniyyət siyasi proses subyektlərini bilavasitə öz
fəaliyyətində göstərən, varislik əsasında cəmiyyətin siyasi
həyatının təzələnməsini təmin edən, tarixən təşəkkül tapmış
dayanıqlı sərvətlərin, istiqamətlərin davranış modelləri sistemi-
dir. Siyasi mədəniyyət vətəndaşların və hakimiyyətin qarşılıqlı
münasibətələrini tənzimləyən, mənəvi-siyasi dəyərlərin davranış
qaydalarını, adət və ənənələrin məcmusunu ifadə edir. Siyasi
mədəniyyət sahəsi siyasi həyatdır, hakimiyyət və idarəetmə
problemlərinə, insanların siyasətdə iştirakına, həmçinin siyasət
və hüquq, siyasət və iqtisadiyyat, siyasət və mənəviyyatın
qarşılıqlı təsiri məsələlərinə toxunur.
Dövlət mədəniyyətə və incəsənətə, xalqın adından və onun
mənafeyindən çıxış edərək rəhbərlik edir. Müstəqil dövlətin
elmi və bədii yaradıcılıq inkişafının düzgün istiqamətləndirlməsi
barədə, onun yeni cəmiyyəti quran xalqın həyatı ilə əlaqəsinin
möhkəmləndirilməsi barədə göstərdiyi qayğıda həmin sahəyə
dövlət rəhbərliyinin yüksək, humanist mahiyyəti öz ifadəsini
tapır. Mədəniyyət sahəsində rəhbərliyin dövlət prinsipləri, elmi
və bədii yaradıcılığın təbiətinin, mədəniyyətin obyektiv fəaliyyət
Dostları ilə paylaş: |