~ 418 ~
Əzizə Dünyamalı qızı Muradova
(Səmədova) 1942-ci ildə Şabran (keç-
miş Dəvəçi) rayonunun Zöhramı kən-
dində ziyalı ailəsində günyaya göz
açıb.
Atası Dünyamalı kişi
dövrünün
fəal, yerli camaat ilə qaynayıb qarışan,
kənd içində hörməti və nüfuzu ilə
seçilən bir insan olub. Kənddə dövlət
və kolxoz quruculuğunun yaradılma-
sında və möhkəmlənməsində yaxından iştirak edib. İlk partiya
təşkilatının yaranmasında böyük aktivlik göstərib. Müha-
ribədən əvvəlki dövrlərdə ticarət sistemində çalışıb. Böyük
Vətən müharibəsi başlayandan bir il sonra cəbhəyə yollanan
Dünyamalı kişi 1942-1943-cü llərdə müharibədə faşist
işğalçılarına qarşı aparılan bir sira döyüşlərdə iştirak edib.
Lakin 1943-ci ilin payızında olduqca şiddətli keçən döyüşlərin
birində ağır yaralanaraq həlak olub.
Ə.Muradova 1949-cu ildə Zöhramı kənd ibtidai məktə-
bində ilk dəfə dərsə başlayıb. 1953-cü ildə həmin məktəbi
bitirərək təhsilini rayon təhsilinin beşiyi sayılan Pirəbədil kənd
orta məktəbində davam etdirib.1956-cı ildə Pirəbədil kənd orta
məktəbində yeddinci sinfi bitirib, natamam təhsil haqqında
şəhadətnamə alıb. Həmin ildə ailəsi ilə birlikdə Dəvəçi
qəsəbəsinə köçdüyünə görə Dəvəçi qəsəbə S.M.Kirov adına
orta məktəbdə orta təhsil almağa başlayıb. 1959-cu ildə həmin
məktəbi uğurla bitirərək orta təhsil haqqında kamal attestatı
almağa müvəffəq olub.
Rayonun ən dilbər guşələrindən biri olan, təbiətin min bir
gözəllikdən özünə don biçmiş səfalı Zöhramı kəndində uşaqlıq
və yeniyetməlik çağlarını yaşayan və Dəvəçi qəsəbə orta
məktəbini müvəffəqiyyətlə başa vuran gənc Əzizənin qəlbində
ədəbiyyat müəllimi olmaq arzusu baş qaldırıb. Artıq onun bu
~ 419 ~
fikrini əvvəlcədən IX-Xİ sinifdə ona dərs deyən ədəbiyyat
müəllimləri və şagird rəfiqələri də başa düşmüşdülər.
Məqsədinə çatmaq arzusunu reallaşdırmaq üçün o, 1959-
cu ildə təhsil sənədlərini S.M.Kirov adına ADU-nun tələbə
qəbulu komissiyasına təqdim edib. Gərgin keçən imtahanlarda
həllədici uğur qazanan gənc Əzizə həmin ali məktəbin
filologiya fakultəsinə qəbul olub.
Unudulmaz, lakin çətin keçən tələbəlik həyatı, gərgin
keçən mühazirələr, dərs məşğələləri, zaçot və imtahanlar Əzizə
Muradovada elmə, təhsilə olan həvəsi, istəyi zərrə qədər
soyuda bilməyib. Elə ali təhsilin birinci ilinin sonunda gənc
Əzizənin adı tələbə yığıncaqlarında və müəllim- professor
heyəti arasında fəal tələbə kimi çəkilib. O, universitetdə
keçirilən ictimai tədbirlərin birindən də kənarda qalmayıb. Ali
məktəbdə təqvim planı əsasında keçirilən elə bir ədəbiyyat
gecəsi, şeir müsabiqəsi, yubiley tədbiri və kitab müzakirəsi
olmayıb ki, gənc Əzizə orada fəal iştirak etməsin. Yüksək
bilik, bacarıq və təcrübə toplamaqla bərabər ali məktəb illərini
o, böyük sevinc və təhsil qələbələri ilə yola salıb.
1963-cü ildə ADU-nu böyük müvəffəqiyyətlə bitirib və
ali təhsil haqqında diplom alıb. Universiteti əla və yaxşı
qiymətlərlə bitirdiyinə görə onun təyinatı Bakı şəhər Xalq
Maarif İdarəsinin sərəncamına verilib. O, həmin ildə şəhər 176
saylı məktəbdə müəllim işləyib.
Bir müddətdən sonra ailə vəziyyəti ilə əlaqədar olaraq
Əzizə müəllimə Dəvəçi şəhərinə köçüb. O, rayonun Pirəmsən
kənd və Dəvəçi şəhər 2 saylı orta, Leyti kənd ibtidai,
Çayqaraqaşlı, Hacıqaraqaşlı, Xəlfələr, Qorğan və Düzbilici
kənd səkkizillik məktəblərində Azərbaycan dili və ədəbiyyatı
müəllimi kimi yüksək pedaqoji fəaliyyət göstərib. Dilimizi,
ədəbiyyatımızı dərs dediyi şagirdlərə ürəkdən sevdirməyi və
onlara dərindən öyrətməyi bacarıb.
Ə.Muradovanın indi 74 yaşı var. Lakin o, yorulmuşam
~ 420 ~
kəlməsini hələ dilə gətirmək fikrində deyil. Çünki onun
möhkəm yaddaşı, zəngin biliyi, bacarığı,zehni və fiziki fəallığı
və uzun illərin pedaqoji təcrübəsi onu hələ tərk etməyib. Çünki
bu gözəl əməksevər insanda işə, sevdiyi-seçdiyi müəllim
peşəsinə olan həvəsi və istəyi hələ də soyumaq və sönmək
bilmir.
Bu gün də neçə- neçə qohum-qonşuda yaşayan şagirdlər
və tələbələr, eləcə də rayon məktəblərində yenicə işə başlamış
gənc müəllimlər öz şəxsi sualları ilə Əzizə müəlliməyə tez-tez
müraciət edirlər. O, isə müraciət edənlərin hamısına kömək
əlini uzadır.
Əzızə Muradova ilə bu yazı barədə apardığım söhbətə
o, belə bir sonluqla yekun vurdu: “55 illik pedaqoji əmək
fəaliyyətimdə öz yetirmələrimlə fəxr edirəm. Arxaya baxanda
görürəm ki, çəkdiyim zəhmət hədər getməyib. Azərbaycan
cəmiyyətinə yüksək fayda verən məzunlar yetişdirmişəm.
Onlar mənim böyük zəhmətlə, alın tərilə yetişdirdiyim
meyvələrdir. Mən buna ürəkdən sevinir və onlarla qürur
duyuram “.
Ailəlidir, 3 övladı, 4 nəvəsi var.
EHTİRAM MƏMMƏDOV
Ümumtəhsil məktəblərinin ştat cədvəlində belə bir
vəzifənin adı var: Məktəb direktorunun təsərrüfat işləri üzrə
direktor müavini. Bu vəzifədə işləyən şəxs məktəbin
direktoru, direktorun təlim- tərbiyə işləri üzrə müavini ilə
yanaşı məktəbdə tədris prosesinin normal və ahəngdar
gedişatı üçün cavabdehlik daşıyır.