~ 414 ~
adına səkkizillik məktəbin I sinfinə qəbul olub. Hələ VII
sinifdə oxuyarkən yeniyetmələr və gənclər arasında ilk dəfə
Bakı şəhərində keçirilən beynəlxalq dama üzrə respublika
yarışlarında respublika çempionu adını qazanıb.
1985-ci ildə həmin tədris müəssisəsini müvəffəqiyyətlə
bitirib. Orta təhsilinin qalan illərini isə Dəvəçi şəhər 2 saylı
orta məktəbdə davam etdirib və oranı bitirərək orta təhsil
haqqında kamal attestatı alıb.
1990-cı ildə Z.Cavadov N.Tusi adına Azərbaycan Peda-
qoji Universitetinin hərbi hazırlıq və fiziki tərbiyə fakultəsinə
daxil olaraq bu ali nüfuzlu təhsil ocağının tələbəsi adını
qazanıb. Ali təhsil müəssisəsinin V kursunda təhsil alarkən
indiki Dəvəçi şəhər 4 saylı tam orta məktəbində 6 ay pedaqoji
təcrübə keçib.1995-ci ildə həmin universiteti uğurla bitirib.
Ali təhsilini bitirdikdən sonra “N “saylı hərbi hissədə iki
il briqadanın idman rəisi vəzifəsində çalışıb. Bu dövrdə o,
yüngül atletika və güləş üzrə Silahlı Qüvvələrin birincilik
yarışlarında qulluq etdiyi hərbi hissəyə 1 qızıl, 2 gümüş
medal qazandırıb.
Sonrakı illərdə Zakir Cavadov C.Naxçıvanski adına hərbi
liseydə tağım komandiri vəzifəsində işləyib. 2000-ci ildə baş
leytenant rütbəsi ilə hərbi qulluqdan tərxis olunub. Həmin ildə
də RTŞ nəzdindəki Dəvəçi rayon Uşaq-Gənclər İdman
məktəbinə futbol və stolüstü tennis üzrə məşqçi-müəllim
vəzifəsinə təyin edilib. Qənc məşqçi-müəllim qısa müddətdə
hər iki idman növü üzrə üzərinə düşən bütün vəzifələri uğurla
yerinə yetirib. Lakin iki ildən sonra stolüstü tennisə olan
misilsiz sevgisi və tükənmək bilməyən marağı onu birdəfəlik
olaraq idmanın stolüstü tennis növünə bağlayıb.
Əlimizdə olan sənədlər, bir sıra araşdırmalar bunu
deməyə bizə əsas verir ki, son dövrlərdə rayonun stolüstü
tennis idman növü üzrə əldə edilən bütün uğurlarda Zakir
müəllimin xüsusi əməyi vardır.
~ 415 ~
Şabran (keçmiş Dəvəçi) şəhər M. Nəzirov adına 4 saylı
tam orta məktəbindən olan yetişdirdiyi şagirdlər arasında onun
Zöhrə Abdullayeva, Elxan Camalov, Sənan Aslanov, Əli
Hüseynov, Röya Baxşıyeva, Murad Hüseynov,Kənan Məm-
mədov və başqaları respublika birinciliyi yarışlarında xüsusi
fərqlənmişlər. Bu şagirdlər məktəbin və rayonumuzun adına
böyük idman uğurı gətirmişlər.
Zöhrə Abdullayeva, Sənan Aslanov və Elxan Camalov
2 dəfə stolüstü tennis üzrə respublika birinciliyi yarışların-
da II yeri tutmuş, Fəxri Fərmana və diploma layiq görül-
müşlər.
Əli Hüseynov, Röya Baxşıyeva, Murad Hüseynov Kə-
nan Məmmədov isə stolüstü tennis üzrə respublika birin-
ciliyi yarışlarında III yeri tutaraq Fəxri Fərman və
diplomlar alıblar
. Eyni zamanda Zöhra Abdullayeva
Azərbaycan Respublikasının stolüstü tennis üzrə yığma
komandasının üzvüdür.
Məşqçi müəllimin alın təriylə qazandığı respublika
səviyyəli idman nəticələri təkcə Şabran şəhər 4 saylı tam orta
məktəblə bitmir.
Onun Şabran şəhər 1 saylı tam orta məktəbindən olan
şagirdlərindən Tərgül Qasımova stolüstü tennis üzrə res-
publika birinciliyi yarışlarında II yeri, Əlikram Qürbətov
isə həmin yarışlarda III yeri tutaraq Fəxri Fərmana və
diploma layiq görülmüşlər.
Zakir müəllimin Şabran şəhər 2 saylı lisey- tam orta
məktəbindən də respublikada yüksək nəticə əldə edən
şagirdləri də vardır. Belə şagirdlərindən Aliyə Həşimova iki
dəfə stolüstü tennis üzrə respublika birinciliyi yarışlarında
Azərbaycan çempionu olmuşdur.
Şabran şəhər 5 saylı tam
orta məktəb üzrə Nihad Məmmədov 2 dəfə öz yaşıdları
arasında stolüstü tennis üzrə respublika yarışlarında II
yeri tutaraq mükafatlandırılmışdır.
~ 416 ~
Stoüstü tennis üzrə Şabran rayon komandası dəfələrlə
Azərbaycan Respublikası Təhsil Nazirliyinin xətti ilə keçiril-
miş stolüstü tennis üzrə yarışlarda respublika çempionu
olmuş, pul mükafatı qazanmış, Fəxri Fərmanla və I, II və III
dərəcəli diplomlarla təltif olunmuşdur.
Milli Məclisin deputatı Tahir Süleymanov Zakir müəllimi
idman sahəsində qazandığı qələbəyə görə təbrik edir
Məşqçi-müəllim Zakir Cavadovun idman nailiyyətləri
çoxdur. Onları saymaqla qurtarmaz. Bu idman fədaisinin ən
böyük uğuru isə 2016-cı il mart ayında olub. Rayonun stolüstü
tennis üzrə qızlar komandası Azərbaycan kuboku uğrunda
yarışlarda bütün rəqiblərinə üstün gələrək respublikamızın
yeganə kubokunu sevimli və doğma Şabranımıza gətir-
mişdir.
Ailəlidir. Zəhra adlı bir övladı var. Həyat yoldaşı Tamilla
Cavadova Şabran şəhər, R.Yusifov adına 2 saylı lisey-tam orta
~ 417 ~
məktəbində musiqi müəllimi işləyir.
Zakir Cavadov təkcə məşqçilik, müəllimliklə kifayətlən-
məyib. Boş vaxtlarında dülgərlik sənəti ilə də məşğul olur.
Mebel ustasıdır.
ƏZİZƏ MURADOVA
Əzizə müəllimə mənim ana kəndim Zöhramıdandır.
Həmyerlimiz, dostum şair Əhəd Muradxanlının doğma
bacısıdır. Əzizənin uşaqlıq illəri çox çətin keçib. Həmin illər
müharibə dövrünə düşdüyünə görə demək olar ki, o illəri öz
istəyi kimi keçirə bilməyib. 1943-cü ildə o, bir yaşlı körpə
ikən atası Dünyamalı kişinin cəbhədən qara xəbəri gəlib.
Lakin Əzızə Muradovanın orta təhsil dövrü, tələbəlik illəri
çətin və əziyyətli keçsə də özünü rəfiqələri və onu
tanıyanların yanında heç zaman sındırmayıb. O, gələcək
həyata nikbin baxışlarla baxmağı bacarıb. Həyatın hər
çətinliyinə sinə gərib. Həcər qeyrətli, Nüşabə hünərli bu zərif
qəhrəman özünü səbrli, daha dözümlü göstərərək nəticədə
həyatda və əməkdə bir sıra uğurlara imza atıb.
Mən Əzizə müəlliməni Dəvəçi şəhər 2 saylı orta
məktəbdə müəllim işlədiyi dövrdən tanımağa başladım. İlk
tanışlıqda danışığı, savadı mənə çox xoş gəldi. Sonradan işlə
əlaqədar olaraq o harada işləməsindən aslı olmayaraq mən
onunla bir ədəbiyyat müəllimi kimi əlaqə saxlamışam. Sizi
çox da yormaq istəmirəm, indi də gəlin Əzizə müəllimin
həyat və əmək fəaliyyəti ilə bir qədər ətraflı tanış olaq: