~ 370 ~
MÜSLÜM MAYILOV
Müslüm Mayılovun hələ 1965-1973-cü illərdən tələbkar
və ciddi insan olduğunu eşitmişdim . Onda o, Azərbaycan KP
Dəvəçi rayon Komitəsinin təşkilat-partiya işi şöbəsinin
müdiri vəzifəsində çalışırdı. Sonralar tale bizi görüşdürdü. O,
1973-cü ildə Dəvəçi şəhər 2 saylı orta məktəbinə müəllim
köçürüldü. Burada düz on il dil-ədəbiyyat müəllimi işlədi. On
ildən sonra ciddi ehtiyaca görə onu “Qurucu” rayon
qəzetinin kənd təsərrüfatı şöbəsinin müdiri vəzifəsinə
köçürdülər. Bu vəzifədə Müslüm müəllim dörd il işlədi.Dörd
ildən sonra o, yenidən Dəvəçi şəhər 2 saylı orta məktəbə
pedaqoji işə cəlb edildi. Məktəbin dil-ədəbiyyat müəllimi və
direktor müavini vəzivəsində çalışdı.
Mənim onunla yaxından ilk tanışlığım Dəvəçi şəhər 2
saylı orta məktəbdə ilk dəfə işə başlayan dövrlərə təsadüf
edib. Savadlı, az danışan, çox nadir hallarda gülümsəyən,
söz-söhbətinin yerini və sərhədini bilən bir insan idi Müslüm
müəllim.
Təqaüdə çıxdıqdan sonra onunla tez-tez görüşüb
müxtəlif mövzularda söhbət edərdik. Həyatından çox razı,
dünyaya çox nikbin baxışları vardı. O, öz müəllim qürurunu,
ziyalı nüfuzunu sonadək qorumağı bacardı.
İndi də icazə verin, Müslüm müəllimin həyat və əmək
yolu haqqında bildiklərimi və eşitdiklərimi oxucularla
bölüşdürüm:
Müslüm Teymur oğlu Mayılov 08 noyabr 1928-ci ildə
indiki Şabran (keçmiş Dəvəçi qəsəbəsi) şəhərində anadan olub.
1934-1943-cü illərdə indiki Şabran şəhər (bu təhsil
müəssisəsi 1937-ci ildən 1964-cü ilə kimi Dəvəçi S.M.Kirov
adına məktəb adlanıb.) M.Nəzirov adına 4 saylı tam orta
məktəbdə təhsil alıb.
1943-cü ildə Böyük Vətən müharibəsinin daha da
~ 371 ~
şiddətlənməsi ilə əlaqədar olaraq mək-
təbdə IX sinif fəaliyyət göstərməyib.
Ona görə də o, orta təhsilini bu mək-
təbdə davam etdirə bilməmişdir.
15 yaşlı gənc Müslüm 1943-cü
ildə Dəvəçi rayon Xalq Maarif Şöbəsi-
nin göndərişi ilə Azərbaycan SSR Xalq
Maarif Komissarlığının Bakı şəhərində
təşkil edilmiş müəllim hazırlayan 6
aylıq kursunda oxumuş və oranı
bitirmişdir.
1944-cü ildə ilk pedaqoji əmək
fəaliyyətinə başlamışdır. 1944-cü ildən 1946-cı ilədək Dəvəçi
rayonunun Gəndov və Dəvəçikənd yeddillik məktəblərində
dil-ədəbiyyat müəllimi işləmişdir.
1946-1948-ci illərdə Quba ikillik pedaqoji məktəbində
əyani təhsil almışdır. Pedaqoji məktəbi bitirən M.Mayılovun
təyinatı Dəvəçi rayonuna verilmişdir. O, Dəvəçikənd yedillik
məktəbində əvvəlki pedaqoji fəaliyyətini davam etdirmişdir.
1949-cu ilin aprel ayından 1952-ci ilin dekabr ayınadək
Bakı şəhərində keçmiş Sovet Ordusu sıralarında hərbi
xidmətdə olmuşdur. Hərbi xidmətdə olması ilə yanaşı 1950-
1952-ci illərdə Bakı şəhəri 10 №-li fəhlə-gənclər orta
məktəbində təhsilini davam etdirərək orada tam orta təhsil
almışdır.
1953-cü ildə Bakı Dövlət Universitetinin (keçmiş adı
S.M.Kirov adına ADU) filologiya fakultəsinin jurnalistika
şöbəsinə qəbul olub. 1953-1958-ci illərdə həmin ali məktəbdə
əyani təhsil alıb. Ali məktəbi müvəffəqiyyətlə bitirdikdən
sonra M.Mayılovun təyinatı Dəvəçi rayonuna verilib. O, 1958-
ci ildə Dəvəçi rayon KP-nin orqanı olan “Yüksəliş “qəzetinə
məsul katib vəzifəsinə təyin edilib. 1962-ci ilə kimi böyük
yaradıcılıq həvəsilə bu vəzifədə çalışıb.
~ 372 ~
M.Mayılov 1962-ci ildə partiya işinə irəli çəkilib. O,
1962-1964-cü illərdə Azərbaycan KP Dəvəçi Rayon Komitə-
sində təlimatçı, 1965-1973-cü illərdə isə təşkilat-partiya işi
şöbəsinin müdiri vəzifəsində işləmişdir.
1973-cü ildən o, yenidən pedaqoji işə başlamış və 1973-
1983-cü illərdə Dəvəçi şəhər 2 saylı orta məktəbində dil-
ədəbiyyat müəllimi kimi fəaliyyət göstərmişdir.
1983-cü ildə ciddi ehtiyaca görə təzədən mətbuat
sahəsinə köçürülmüşdür. 1983-1987-ci illərdə Dəvəçi rayon
“Qurucu” qəzetində kənd təsərrüfatı şöbəsinin müdiri
vəzifəsində çalışmışdır.
1987-ci ildə əmək fəaliyyətini pedaqoji sahədə davam
etdirən Müslüm müəllim 1987-2005-ci illərdə Dəvəçi şəhər 2
saylı orta məktəbində direktor müavini və dil-ədəbiyyat
müəllimi işləmişdir.
M.Mayılovun təhsil və mətbuat sahəsindəki 47 illik
əmək fəaliyyəti hökümətimiz tərəfindən layiqincə qiymət-
ləndirilmişdir. O, “Əməkdə fərqlənməyə görə”, “Əmək
rəşadətinə görə”, “1941-1945-ci Böyük Vətən müharibəsi
illərində arxa cəbhədə fədakar əməyinə görə”, Faşist
Almaniyası üzərində Böyük Qələbənin 40- cı, 50-ci və 60-cı
ildönümü və digər yubiley medalları və fəxri fərmanlarla
təltif edilmişdir.
M.Mayılov isdedadlı jurnalist, bacarıqlı müəllim olmaqla
bərabər gözəl ailə başçısı idi. Onun 9 övladı vardır.
Böyük oğlu Teymur Azərbaycan Dövlət Neft və Kimya
İnstitutunu və Bakı Sosial İdaretmə və Politologiya İnstitutunu
bitirib. Hazırda Azərbaycan Respublikası Ədliyyə Nazirliyinin
Penitensiar xidmətin 3 saylı məntəqə tipli cəzaçəkmə müəssi-
səsində məsul vəzifədə işləyir. Ailəlidir, 2 övladı vardır.
Qızı Jalə Bakı Kitabxanaçılıq Texnikumunu bitirib
Şabran şəhər Mərkəzi Kitabxanasında kitabxanaçı işləyir.
Ailəlidir, iki övladı vardır.