~ 376 ~
və publisistik topluların və monoqrafiyaların müəllifi kimi
uğurlu və səmərəli yaradıcılıq yolu keçib. Bir çox əsərləri
xarici dillərdə çap olunub. Azərbaycanda aşıq sənətinin
araşdırılmasında, xüsusilə el aşıqlarının yazıya köçürülməmiş
əsərlərinin toplanmasında xüsusi əmək sərf edib. El aşığı
Xaltanlı Tağı ilə bağlı yaradıcılıq nümunələrinin araşdırılması
və ayrıca kitabın nəşr olunması Ağalar Mirzə yaradıcılığının
ulduz kimi parlaması deməkdir.
1986-cı ildən o, Azərbaycan televiziyasında bir sıra
redaksiyalarda məsul vəzifələrdə işləyib. Onun rəhbərliyi
altında xalq yaradıcılığına həsr olunan, xüsusi sənətkarlıqla
hazırlanan verilişlər yüksək tamaşaçı rəğbəti, el məhəbbəti
qazanıb. 1999-cu ildən isə Ağalar Mirzə Azərbaycan Televizi-
yasının xalq yaradıcılığı redaksiyasının baş redaktoru vəzi-
fəsinə irəli çəkilib. Həmin dövrlərdən başlayaraq neçə-neçə
verilişlərin ərsəyə gəlməsində onun böyük zəhməti olub. O, ya
həmin verilişin ssenarisini yazıb, ya da aparıcısı və ya
redaktoru kimi məsul vəzifəni yerinə yetirib.
Radio və televiziyadakı uğurlu fəaliyyətindən əlavə
Ağalar Mirzənin Sumqayıt və Bakı şəhərindəki teatrlarda bir
neçə əsəri tamaşaya qoyulub. Yaradıcılıq yolunda çəkilən bu
cür çoxlu əzab və əziyyət onun şan-şöhrətinin respublikamızda
daha da artmasına səbəb olub.
Respublikamızda xalq yaradıcılıq sənətinin inkişafında
yüksək xidmətləri olan həmyerlimiz Ağalar Mirzənin əməyi
hökümətimiz tərəfindən layiqincə qiymətləndirilib. O, “Qızıl
qələm“ mükafatına və “Əməkdar incəsənət xadimi “kimi
yüksək fəxri ada layiq görülüb.
İki övladı var.
Şabranın fəxri Ağalar Mirzə yaradıcılığının çiçəkləndiyi
vaxda aramızdan getdi. O, dünyasını dəyişsə də, bu gün
cismən aramızda olmasa da, bir an da olsun qələm dostları,
məzun yoldaşları, qohumları tərəfindən unudulmayıb. Onun
~ 377 ~
duzlu və şirin söz-söhbəti hələ də el-obanın dilindən-
ağızından düşmək bilmir. Ağalar Mirzə sənətinə, onun zəngin
yaradıcılığına qiymət günü-gündən artır. Elə ona görə də onun
unudulmaz adı-sanı, şan-şöhrəti gündən-günə daha çox yad
edilərək dillər əzbəri olub.
MAYIL QULİYEV
Onun haqqında ilk məlumatı hələ mən əllinci illərin
sonunda almışdım. O dövrdə qardaşım ailəsi ilə birlikdə
Dəvəçidə, Mayılın qonşusu və bacısı Qəmzə xanımgildə
kirayədə qalırdı. Hər il yay tətilində mən də Dəvəçiyə gələr,
üç ay qardaşımgildə qalardım. Həyat yoldaşı və özü hər gün
işdə olduqları üçün onlara gücüm çatan qədər ev işlərinə
köməklik edərdim. Mayılın bilikli, savadlı bir gənc olması və
tibb institutunda təhsil alması sorağı məni çox sevindirmişdi.
Onun anasının da həmin dövrdə qardaşımgili ilə yaxşı ailəvi
münasibətləri vardı.
Aylar və illər ötdü. Mən 1960-cı ildə Dəvəçiyə köçdüm.
Üç il burada təhsilimi davam etdirdikdən sonra VIII sinfi
bitirib Bakı şəhərində Plan-Uçot texnikumunun gündüz
şöbəsinə daxil oldum. Orta ixtisas məktəbini bitirdikdən
sonra Azərbaycan SSR Kənd Təsərrüfatı Nazirliyi tərəfindən
təyinatımı Dəvəçiyə verdilər. Azərbaycan KP Dəvəçi RK-nın
təkidi ilə kənd təsərrüfat sahəsində deyil, təhsil sistemində
işləməyə başladım.
Mayılla ilk tanışlığım isə o vaxtlarda Dəvəçidə əczaçılıq
sahəsində yeğanə olan 64 saylı aptekdə oldu. Onun birinci
çevikliyi,müştərilərdən verilən sorğuya bir neçə saniyə
ərzində yerli-yerində şifahi cavablar verməsi məni əvvəlcə
~ 378 ~
ürəkdən sevindirdi. Nümunəvi xidmətini nümayiş etdirmək
üçün onun çəld hərəkətləri mənim çox xoşuma gəldi. Kiçik
və darısqal aptekə daxil olan hər müştəriyə növbə üzrə
səliqəli, təmiz və dəqiqliklə, özü də üzügülər bir tərzdə xidmət
göstərirdi.
Bəzi aptek işçiləri kimi müştəridən sifariş verilən dər-
manın adını eşidəndə, dərman siyahısının uçotu aparılan
jurnala, dərmanlar saxlanılan rəflərə sarı qaçmazdı. Və ya
fikirləşib dərmanın adını tapmaq üçün göyə baxmazdı. Bir
sözlə Mayıl yaxşı yaddaşa malik idi. Aptekdə neçə min
dərman növü vardısa hamısından şifahi formada məlumatı
vardı. Onların harada, hansı rəfdə, qutuda və s. yerləşdiyi
yerləri əzbərdən bilirdi. Onun bilikli, savadlı olması, sözünün
dəqiqliyi bizi bir-birinə getdikcə yaxınlaşdırdı. Nəhayət bir
neçə vaxtdan sonra biz dost olduq. Bu dostluq düz otuz ildən
artıq o, dünyasını dəyişənə qədər davam etdi.
Həmişə işdən sonra köhnə rayon İcraiyyə Komitəsinin
inzibatı binasının qarşısına gələr, mənim və digər həmsöh-
bətlərinin işdən çıxmasını gözləyərdi. Özümüzdən, işimizdən,
ailəmizdəki problemlərdən söz-söhbət açar, heç bir qayğısı
olmayan xoşbəxt insanlar kimi deyib gülərdik. Beləliklə gün
ərzində işdəki yorğunluğumuzu bu yolla bir qədər çıxarardıq.
İndi də gəlin o dövrdə rayonumuzun nadir əczaçılıq mütəx-
xəssisi sayılan Mayıl Quliyevin həyatı və əmək salnaməsi ilə
daha yaxından tanış olaq:
Mayıl Gülaməddin oğlu Quliyev 1938-ci ildə Şabran
(keçmiş Dəvəçi) rayonunun Uqah kəndində anadan olub.
Atası Gülaməddin Şahmirzə oğlu Quliyev Böyük Vətən
müharibəsində fəal iştirak edib. Lakin 1944-cü ilin şiddətli
döyüşlərindən birində ağır yaralandığına və əlil olduğuna görə
ordudan tərxis olunaraq evə buraxılıb. 1945-ci ildə ailəsi ilə
birlikdə Dəvəçi qəsəbəsinə köçmüş, burada bir müddət yaşa-
dıqdan sonra müharibədə aldığı yaranın fəsadlarına görə