Azərbaycan folkloru və milli-mədəni müxtəliflik
72
Əpoş İslam oğlu Vəliyev, filologiya üzrə fəlsəfə doktoru,
AMEA Folklor İnstitutu, böyük elmi işçi
Azərbaycan, Bakı
AZƏRBAYCANDA YAŞAYAN AZSAYLI XALQLARIN TOY MƏRASİMLƏRİ
Açar sözləri: multikulturalizm, azsaylı xalqlar, toy, mərasim, adət və ənənələr
Kлючевые слова: мультикультурализм, малочисленные народности, свадьба, обряд, обычаи и
традиции.
Key words: multiculturalism, minorities, weddings, ceremonies, customs and traditions.
Toy bütün dünya xalqlarının həyat tərzində mövcud olan ən qədim mərasimlərdən biridir. Qə-
dim zamanlardan günümüzədək hər bir xalqın milli-mənəvi dəyərlərini özündə əks etdirən fərqli toy
adət-ənənələri olmuşdur. Toy mərasimi hər bir xalqın mədəniyyətinin ayrılmaz hissəsidir. Dünyanın
hər yerində xalqların toy ənənələri əsrlərlə formalaşır, xalqın təmsilçisinə çevrilir. Xalqımızın toy
adətləri Azərbaycan mədəniyyətinin tərkib hissəsi olmaqla yanaşı, həm də bu adətlərdə Azərbaycan
xalqına xas olan bütün müsbət xususiyyətlər öz əksini tapmışdır. Zaman keçdikcə milli toy adət-ən-
ənələrimiz həm başqa xalqların
toy ənənələrinə təsir etmiş, həm də özü Azərbaycan ərazisində yaşa-
yan talışlar, tatlar avarlar, saxurlar, şahdağ xalqları, ləzgilər, rutullar, molokanlar, ingiloylar, qaraçı-
lar, assuriyalılar, udilər və s. kimi azsaylı digər xalqların toy adətlərindən də müəyyən elementlər
götürmüşdür (
4). Adət-ənənələr hər bir xalqın milli mənəviyyatının nə qədər zəngin olmasından,
həmin xalqın qədim tarixə malik olmasından xəbər verir. Bu gün Azərbaycanda yaşayan azsaylı
xalqlar azərbaycanlılarla mehriban qonşuluq edir, bir çox hallarda qız alıb-verərək
qohumluq
əlaqələrini genişləndirir. Ümummilli lider Heydər Əliyev azsaylı xalqların nümayəndələri ilə
keçirdiyi görüşlərin birində demişdir: “Biz Azərbaycan deyəndə onun sərvətini, onun gözəl təbiətini
nəzərdə tuturuq. Lakin bütün bunlarla yanaşı respublikanın ən başlıca sərvəti əsrlərdən bəri bu
torpaqda yaşayan, öz taleyini, öz həyatını bu torpağa bağlayan müxtəlif millətlərdən olan, müxtəlif
dinlərə etiqad edən insanlardır. Ölkə nə qədər çox xalqı birləşdirsə, bir o qədər də zəngin olar...”.
Azərbaycan Respublikasının Prezidenti İlham Əliyev tərəfindən 2016-cı ilin multikulturalizm ili
elan edilməsi Azərbaycanda yaşayan ayrı-ayrı xalqların nümayəndələrinin sülh, əmin-amanlıq,
qarşılıqlı hörmət, yüksək mədəniyyətlərarası dialoq şəraitində yaşamasının bariz nümunəsidir.
Bəs Azərbaycanda yaşayan azsaylı xalqların toy mərasimləri necə keçir və onların
toy məra-
simlərində hansı fərqli toy adətləri mövcuddur?
Ölkəmizdə yaşayan azsaylı xalqlardan biri Şahdağ xalqları və ya Şahdağ milli etnik qrupuna
daxil olan etnoslardır. Quba rayonunun Buduq, Cek, Əlik, Haput, Qrız, Xınalıq və Yergüc kəndləri-
nin adlarına müvafiq olaraq burada yaşayanlar buduqlular, ceklilər, əliklilər, haputlular, qrızlılar, xı-
nalıqlılar, yergüclülər adlanır. Say etibarilə az olsalar da, bu kəndlərin hər birinin əhalisi ayrı-ayrı-
lıqda bir etnik qrupdur. Şahdağ xalqlarının toy mərasimlərində Azərbaycanda yaşayan digər xalqla-
ra xas olan ümumi və oxşar adətlərlə yanaşı, həm də müəyyən fərqli cəhətlərə də rast gəlinir. Digər
azsaylı xalqlarda olduğu kimi bu xalqlarda da toy əsasən üç mərhələdən - elçilik,
nişan və toy mər-
hələlərindən ibarət olur. Şahdağ xalqlarında nişan mərasimi zamanı “hə” cavabı aldıqdan son-
ra,“çörəkkəsdi” adəti icra edilir. Oğlan evindən məhz bu məqsəd üçün gətirilmiş kərə yağı və balı
bir neçə lavaş çörəyin üstünə töküb qarışdırırlar, onu lavaş boyu yayaraq, sonra da lavaşları
bükərək, qız və oğlan tərəfin iki ağsaqqalına verirlər. Həmin ağsaqqallar bükülmüş lavaşları
birlikdə kəsirlər. Kəsilmiş çörəyin yarısı oğlan evinə, yarısı isə qız evinə çatır. Bu adətin mənasi
budur ki, həmin bu gündən iki ailə arasında uzunmüddətli qohumluğun əsası qoyulur. Adətə uyğun
olaraq yağ balla kəsilən bu çörəkdən şirinlik, əhd-peyman, xoşbəxtlik əlaməti kimi oğlan və qıza
yedizdirilir. Qrızlılar arasında “çörəkkəsdi” zamanı oğlanın atası süfrəyə müəyyən miqdarda pul a
qoyur ki, buna yerli dildə “pil saac” deyilir (
2, s.82-83).
Şahdağ xalqlarının maraqlı və fərqli toy adətlərindən biri də qızın ata ocağından deyil, dayı
evindən gəlin köçməsi, oğlanın ata evində deyil, dayı evində bəy paltarını geyinməsi və yalnız bun-
dan sonra ata evinə gətirilməsidir. Ənənəyə görə gəlin bir neçə il ərinin yaxın qohumlarından giz-
lənməli və onlarla danışmamalıdır. Bu adətə Azərbaycanlıların yaşadığı bir sıra bölgələrdə də rast
Azərbaycan folkloru və milli-mədəni müxtəliflik
73
gəlinir.
Təzə gəlin bir müddət qaynata, böyük qayın, ərin yaşlı ağsaqqqal qohum- əqrabası ilə “da-
nışmır”. Get-gedə gizlənmə, ərin yaxın qohumları ilə illərlə danışmamaq kimi bir sıra ailə-məişət
adətlərinin yerli məişətdən artıq çıxdığının şahidi oluruq (
1, s.32; 2, s.83; 3).
Ölkəmizdə yaşayan azsaylı xalqlardan biri də ləzgilərdir. Qafqaz xalqlarından biri olan ləzgilər
Dağıstan və Azərbaycanda yaşayırlar. Ölkəmizdə əsasən Qusar, Quba, Xaçmaz rayonları ərazisində,
eləcə də Bakı, Gəncə, Sumqayıt və Mingəçevir şəhərlərində, Qəbələ, İsmayıllı, Oğuz, Göyçay
rayonlarında yaşayan ləzgilər Azərbaycan əhalisinin təxminən 2,2%-ini təşkil edir. Ləzgilərin də
özünəməxsus toy adətləri var. Ləzgi toylarını digər azsaylı xalqların toylarından fərqləndirən birinci
özəllik “toy yaşı”ndan ibarətdir. Ləzgilərin adətinə görə qızlar on altı yaşdan tez ailə qura bilməz. Bu
gün də ləzgilər bu adəti qoruyub saxlayır. Keçmişdə ləzgi toyları yeddi gündən az olmayıb. Amma
sonradan bu say üç günə endirilib. Bu gün ləzgilər yaşayan bəzi kəndlərdə bu adətlər saxlansa da,
əksəriyyət ləzgilər toyu bir gün edir. Toydan əvvəl oğlan evi daha öncədən
toy üçün bəslənmiş qoç və
cöngəni kəsir. Bu prosesdə nəslin kişilərinin, qohum-əqrabanın hamısının iştirakı vacibdir. Bu həm də
qohumlara verilən dəyəri göstərir. Ləzgi toylarında olan digər bir maraqlı adət isə qızın ata evindən
çıxanda ocağı öpməsidir. Əgər o başqa kənddən olan bir oğlanla ailə qurursa, toy günü oğlan evindən
birinin qanı çıxmalıdır. Bunun da öz mənası var. Belə ki, qızı aparmağa gələn oğlan evi daşa basılır.
Kəndin kişiləri deyir ki, “kəndimizin ən gözəl qızını sizin kəndə veririk və sizdən qan çıxmalıdır”. Bu
adət digər xalqlarda olmayan fərqli bir adətdir. Bundan başqa toy evinin həyətindən, toy evindən də
nəsə oğurlanır. Lakin oğurlanan əşyanın mütləq bir mənası olmalıdır. Bu adətə ölkəmizin digər
regionlarında da rast gəlinir. Gəlin evdən çıxarkən kiçik bir əşya və ya toyuq-cücə oğurlanır (
3). Ləzgi
toylarında olan digər bir adət isə başlıq puludur. Oğlan evi qızın ailəsinə xeyli miqdarda başlıq pulu
verməlidir. Ləzgilər bunu ərəblərdən gəlmə bir adət kimi təqdim edirlər.
Ləzgi adətinə görə gəlin
evdən çıxarkən ata evinə dönüb baxa bilməz. Bu adət qızın gözünün ata evində qalması kimi yozulur.
“Gözü ata evində qalan qızın bəxti yaxşı olmaz, xoşbəxtlikdən uzaq olar və ata evinə geri dönər” deyə
düşünürlər. Gəlin ata evinə son dəfə yalnız güzgüdən baxa bilər (
5).
Azərbaycanda məskunlaşmış azsaylı xalqlardan biri də saxurlardır. Tarixən Dağıstanda məs-
kunlaşmış, daha sonralar isə Azərbaycana köç edib Zaqatala, Qax rayonlarının bir neçə kəndində
yerləşən saxurlar azərbaycanlılarla qaynayıb-qarışmışlar. Saxurlar dağlıq ərazilərdə yaşadıqlarına
görə əsasən maldarlıq və sənətkarlıqla məşğul olmuşlar. Uzun əsrlər boyu azərbaycanlılarla bir yer-
də yaşayan saxurlar toy adətlərində özünəməxsusluqlarını qoruyub saxlaya bilmişlər. Bu gün saxur
kəndlərində əsasən qədim toy adət-ənənələrinə üstünlük verilir. Saxurların ən fərqli toy adəti gəli-
nin ər evinə qədəmqoyma anında bəy tərəfindən tüfənglə havaya güllə atılmasıdır. Digər xalqlardan
fərqli olaraq, bu adət saxurlarda bəyin gəlinə xüsusi xəbərdarlıq işarəsi kimi qəbul edilir (
6).
Ölkəmizdə mövcud olan azsaylı xalqlardan biri də udi (udin) adlı xalqdır. Udilər Qafqazın qə-
dim sakinlərindəndir. Azərbaycanın köklü, aborigen azsaylı xalqlarından biridir. Bu etnos Qafqaz
Albaniyasının Uti əyalətində, XIX əsrdə isə Nuxa (Şəki rayonu) bölgəsinin bir neçə yaşayış məskə-
nində məskunlaşmışdır. Müasir dövrdə başlıca olaraq Qəbələ rayonunun Nic kəndində və qismən
də Oğuz rayon mərkəzində yaşayırlar.
Tarixən Günəşə, Aya sitayiş edən udilər IV əsrin əvvəllərin-
də xristianlığı qəbul etmiş və bu günə kimi dinlərini saxlamışlar. Udi xalqı ailə-məişət məsələlərin-
də, nişan və toy mərasimlərinin keçirilməsində qədim adətlərini bu gündə yaşadırlar. Udilər Azər-
baycanın qədim rəqslərini, Qobustanın qayaüstü rəsmlərində əks olunmuş “Yallı” rəqsini bu gün də
öz toy və şənliklərində ifa edirlər. Udilərin toy adətləri “Xüyər zombaksın”, “Xozamandluğ” və
“Baliga” adlanan mərhələlərdən ibarətdir. Toylar “Taraxmoy” havasının çalınması ilə başlayır və
bir qayda olaraq iki gün davam edir. Musiqi səsi ilk olaraq oğlan həyətindən eşidilməlidir, əks halda
bu yaxşı hal hesab edilmir. Toy hər iki tərəfdə eyni gündə başlanır, toyun başa çatmasına bir neçə
saat qalmış oğlan evinin adamları gəlini gətirmək üçün qız evinə gedirlər. Udi xalqı arasında bizlər-
dən fərqli olaraq qohumlara qız vermək və qız almaq qadağandır. Bu tələbin əsası uzun illər öncə
keçirilmiş “Aluen” məclisində qoyulmuşdur və günümüzə qədər udi xalqı ona əməl edir. El arasın-
da
olan inanca görə, gəlin və qaynana eyni bulağın suyundan içə bilməzmiş. Udi toylarında qızın
alınıb-verilməsində dayı ən vacib şəxs hesab olunur. Dayının toy mərasimindəki vacib şəxs olması-
na biz şahdağ xalqlarının da toy mərasimlərində rast gəlirik. İstər tarixi, istərsə də etnoqrafik mate-
riallardan aydın olur ki, udi toylarında azərbaycanlılara məxsus oyun havaları, rəqslər ifa olunmuş-