Azərbaycan folkloru və milli-mədəni müxtəliflik
166
2008-ci ilin sentyabrında Heydər Əliyev Fondu və Roma Katolik dini icması arasında anlaş-
ma memorandumu imzalanmışdır. Sənəddə müəyyənləşdirilmiş sahələr üzrə inkişaf, yenidənqurma
layihələrinin gerçəkləşdirilməsi, sosial və dini təyinatlı obyektlərə yardımla yanaşı, Azərbaycanda
məskunlaşan xalqların etno-mədəni komponentlərinin inkişafına yönələn tədbirlərin həyata keçiril-
məsi də nəzərdə tutulmuşdur. İlkin əməkdaşlıq çərçivəsində fond tərəfindən Bakıdakı Müqəddəs
Məryəm kilsəsinin asma tavan şüşələri dini mövzuda və klassik vitraj texnikasında işlənmiş bədii
şüşələrlə əvəz edilmiş, eyni zamanda, məbədin fasadında keramik panno yerləşdirilmişdir. Fond bu
kimi tədbirləri ardıcıl
olaraq davam etdirməkdədir
57
.
Ümumiyyətlə, tolerantlıq nümunəsi sayılan Azərbaycan Heydər Əliyev Fondunun xətti ilə Pa-
risdə Versal Sarayının parkında abidələri bərpa edir, Strasburqda Müqəddəs Məryəm kafedral kilsə-
sinin yenidən qurulmasına yardım göstərir, Pakistanda zəlzələdən zərərçəkən qızlar məktəbini yeni-
dən inşa edir, Hollandiya, Rusiya, Gürcüstan, Rumıniya, Misir və digər ölkələrdə təhsil ocaqlarını
müasirləşdirir, Afrika ölkələrinin qeyri-maddi mədəni irsinin qorunmasına dəstək verir,
Qəbələ
Beynəlxalq Musiqi Festivalı kimi onlarca qlobal və mükəmməl mədəniyyət layihəsinə imza atır.
Eyni zamanda, Heydər Əliyev Fondu Azərbaycanın dövlət müstəqilliyinin 20-ci ildönümü münasi-
bətilə xaricdə həyata keçirilən bir çox layihənin müəllifidir. Fondun Parisdə, Moskvada, Berlində,
Romada, Vatikanda təşkil etdiyi tədbirlər ölkəmizin multikulturalizm modelinin təbliğində mühüm
rol oynamış, eləcə də Azərbaycan Vatikanda sərgi təşkil edən ilk müsəlman ölkəsi kimi tarixə düş-
müşdür. Bu isə bəşəri multikulturalizmin ən ali nümunələrindən biri kimi dəyərləndirilə bilər.
Mədəniyyətlərarası dialoqun və dinlərarası əməkdaşlığın inkişaf etdirilməsi sahəsində görülən
işlərin nəticəsidir ki, Azərbaycan Prezidenti İlham Əliyev Moskvanın və bütün Rusiyanın Patriarxı
Kiril tərəfindən Birinci dərəcəli “Şərəf və şöhrət” ordeni ilə, Vatikan
dövlətinin ən yüksək mükafat-
larından sayılan “Medalla Sede Vacante” medalı ilə təltif edilmişdir. Eyni zamanda, Heydər Əliyev
Fondunun prezidenti Mehriban xanım Əliyeva tərəfindən də mədəniyyətlərarası dialoqun və dinlər-
arası əməkdaşlığın inkişaf etdirilməsi sahəsində bir sıra mühüm işlər görülmüşdür. Bu baxımdan,
2012-ci il iyunun 22-də Romada Mehriban xanım Əliyeva və Vatikanın mədəniyyət naziri, Roma
Papasının Müqəddəs Arxeologiya üzrə Şurasının sədri kardinal Can Franko Ravazinin iştirakı ilə
Heydər Əliyev Fondu ilə Müqəddəs Taxt-Tac arasında “Roma katakombalarının bərpasına dair iki-
tərəfli saziş” imzalanmışdır
58
. 2015-ci il iyunun 2-də Roma Papası Fransis Mehriban xanım Əliyeva
ilə görüşü zamanı, Heydər Əliyev Fondunun dəstəyi ilə Müqəddəs Roma katakombalarının bərpası-
nı yüksək qiymətləndirmişdir
59
.
Azərbaycanın birinci xanımı, YUNESKO və İSESCO-nun xoşməramlı səfiri Mehriban
Əliyeva ölkəmizin tolerantlıq ənənələrinin dünya miqyasında təbliğinə böyük dəstək verir.
Heydər
Əliyev Fondunun xətti ilə dünyanın bir neçə ölkəsində bu qəbildən silsilə tədbirlər keçirilir. Heydər
Əliyev Fondunun prezidenti, UNESCO və ISESCO-nun xoşməramlı səfiri Mehriban xanım
Əliyevanın iştirakı ilə Parisdə “Dini tolerantlıq: Azərbaycanda birgə yaşamaq mədəniyyəti”
mövzusunda keçirilən konfrans multikulturalizmin bu və ya digər formada sıxışdırıldığı Avropanın
gələcəyində onun əhəmiyyətini göstərirdi.
YUNESKO və İSESCO-nun xoşməramlı səfiri Mehriban Əliyeva çıxışında ölkəmizin tole-
rantlıq mərkəzi kimi əhəmiyyətini qeyd edərək demişdir: “Ekstremizm və terrorçuluğa qətiyyətlə
yox deməklə biz cəmiyyətlərimizdə dözümlülük, sülhsevərlik, tolerantlıq dəyərlərinin təbliğinə ge-
niş fikir verməliyik...Ayrı-seçkilik, ksenofobiya, islamofobiya, antisemitizm kimi təhlükəli
amillər-
dir bəşəriyyət tarixində sivilizasiyaların və xalqların fəlakətinə səbəb olub. Dərin multikulturalizm
köklərinə malik ölkə kimi, Azərbaycan qlobal arenada bu dəyərlərin təşviqi üçün vacib rolunu oy-
namağa hazırdır”
60
. Ümumiyyətlə, ölkəmizdə mədəniyyətlərarsı dialoqla bağlı keçirilən tədbirlərin
məqsədi xalqlar, dövlətlər və sivilizasiyalar arasında dialoq imkanlarını genişləndirmək, cəmiyyət-
də sülh, əmin-amanlıq və dözümlülük mühitini inkişaf etdirmək, müasir dünyamızda müzakirə olu-
nan inkişaf modelləri ətrafında
fikir mübadiləsi aparmaq, milli özünəməxsusluğu saxlamaqla bəşə-
57
“Azərbaycan”, 31 sentyabr 2008-ci il.
58
“Azərbaycan” 24 iyun 2012-ci il
59
“Azərbaycan” 4 iyun 2015-ci il
60
“Azərbaycan” 10 sentyabr 2015-ci il.
Azərbaycan folkloru və milli-mədəni müxtəliflik
167
ri-mədəni dəyərləri mənimsəməkdən ibarətdir.
Dünyada sivilizasiyalararası dialoq sahəsində ciddi
problemlərin yaşanması, bu fonda münaqişələrin artması tendensiyasının müşayiət olunması, xüsu-
silə də, islamafoboya kimi təhlükəli meyillərin bir sira dövlətlərin və digər subyektlərin siyasətində
özünə geniş yer alması reallığında Azərbaycanın mədəniyyətlərarası dialoq məkanına çevrilməsi
faktı qlobal əhəmiyyət kəsb edən məsələdir. Bu məsələlərin həlli istiqamətində Azərbaycanın təcrü-
bəsi digər ölkələr üçün örnək ola bilər.
Bundan əlavə, Azərbaycan dövlətinin yürütdüyü tolerantlıq siyasətinin daha da genişlənməsi
və möhkəmlənməsi, tolerantlıq mühitinin qorunub saxlanılması və təşviqi məqsədilə dövlət başçısı
İlham Əliyev bir sıra mühüm tədbirlər həyata keçirmişdir. Bunun başlanğıcı olaraq, 2014-cü ilin
fevral ayında Azərbaycan Respublikasının millətlərarası, multikulturalizm və dini məsələlər üzrə
Dövlət müşavirliyi xidməti yaradılmışdır. Multikulturalizmin həyat tərzinə çevrildiyi Azərbaycanın
dünyaya tolerantlıq nümunəsi olaraq daha geniş tanıdılmasının
vacibliyini, eləcə də ayrı-ayrı ölkə-
lərdəki müxtəlif multikultural modellərə xas fəlsəfi, sosial, siyasi və digər aspektlərin Azərbaycan
reallığında təhlili və təşviqinin əhəmiyyətini nəzərə alaraq, dövlət başçısı 2014-cü il mayın 14-də
Bakı Beynəlxalq Multikulturalizm Mərkəzinin yaradılması haqqında fərman imzalamışdır.
Ümumiyyətlə, multikulturalizm bir ideya və termin kimi ilk dəfə Qərbdə, Avropada dövriyyə-
yə çıxarılsa da və son dövrlərdə bu ideyadan geriçəkilmələrə yol verilsə də, Azərbaycan mühitində
bu sahə artıq cəmiyyətin əxlaq kateqoriyasına çevrilmişdir. Bu sahədə yarana biləcək problemlərə
qarşı qabaqlayıcı tədbirlərin operativ şəkildə həyata keçirilməsi dövlət-din
münasibətlərinin yüksə-
lən xətt üzrə inkişafına böyük zəmin yaratmışdır. Dünyanın müxtəlif bölgələrində din və milli zə-
mində baş verən qarşıdurma və münaqişələr, dini konfessiyaların, təriqətlərin, institutların cəmiyyə-
tin siyasi həyatına, ayrı-ayrı dövlətlərin idarəçilik sisteminə təsir göstərmək cəhdləri bu gün də din-
dövlət münasibətlərini gündəmdə saxlayır və ictimai müzakirəsini aktuallaşdırır.
Eyni zamanda, mədəniyyətlərarası dialoq barışdırıcı amil kimi çıxış edərək, müharibə və mü-
naqişələrin qarşısını almaqla inam və qarşılıqlı etimad yaratmaqda böyük təsirə malikdir. Aparılan
müşahidələr, həyata keçirilən tədbirlər də göstərir ki, ölkəmiz dinlərarası və mədəniyyətlərarası dia-
loqa artıq öz töhfəsini verməkdədir. Mədəniyyətlərarası dialoq, əslində, elə bəşəriyyətin tarixi de-
məkdir. Bu baxımdan müasir mədəniyyət üçün dialoq daha aktual məsələdir.
Xülasə
Məqalədə Heydər Əliyevin multikultural dəyərlər kontekstində dəyişməz siyasi kursu tədqiq edilir.
Bununla yanaşı, Azərbaycanın daxili və xarici siyasətində mədəni
müxtəliflik, multikultural dəyərlər və tole-
rantlıq təhlil edilir. Daha sonra məqalədə davamlı, sabit inkişafın əsası kimi Azərbaycanda multikulturaliz-
min yeni mərhələsi, sivilizasiyalararası dialoq və mədəniyyətlərarası münasibətlər diqqətdən keçirilir.
Резюме
В статье исследуется устойчивый курс Гейдара Алиева в контексте мультикультуральных
ценностей. Наряду с этим, анализируется культурное разнообразие, мультикультуральные ценности и
толерантность во внутренней и внешней политике Азербайджана. В статье также рассматриваются
как основа устойчивого развития новый этап мультикультурализма, межцивилизационный диалог и
межкультурные отношения в Азербайджане.
Summary
The article explores continued political course of Haydar Aliyev in the context of multicultural values.
At the same time, the cultural diversity in internal and external policy of Azerbaijan, multicultural and
tolerant values have been investigated. The new phase of Azerbaijani multiculturalism, dialogue among
civilizations and cultures is analyzed on the basis of sustainable development.