356
Məscidin aşağı tərəfındə Seyid Əzimin şagirdləri və pərəstişkarlarından bir
neçə cavan oturmuş, bu xısın-xısın danışıqları da eşidirdi; həmin cərgədə cavan bir
şair də diz üstündə çökmüşdü. Bu acı mənzərəni gördükcə onun qəlbində bir səs
ucalırdı. Bu səs şairin bütün etirazını, qəzəb və nifrətini özündə cəmləmişdi, gur bir
atılğan kimi fəvvarə vurur, pərran olur, fışqırtı ilə aşıb-daşırdı:
Kafir olub, vurun, vurun,
Rişteyi-ülfətin qırın,
Yazdığı şerini cırın,
Dinə sataşdı, qoymayın!
Küfrə bulaşdı, qoymayın!
İlahi, bu necə şeydir? Bu necə nəzmdir! Axı mən əbədən belə şeir
görməmişəm. Heç bir qanuni-şerə sığmır". (O nə bileydi ki, bir on-on beş il
keçəcək, Seyyidin şagirdi, "Molla Nəsrəddin" səhifələrində həmin qəbildən olan
şeirləri ilə aləmə səs salacaq, ustadının da adını göylərə ucaldacaq, onun
mübarizəsini daha böyük bir əzmlə davam etdirəcək! Hələlik o, qəlbində doğan bu
kimi misraları dilinə gətirməkdən, onları nəzm, şeir adlandırmaqdan da ehtiyat
edirdi. Nə olar, o durur, biz dururuq, dostum, irəli niyə qaçırıq ki, zaman gələr,
oxuyarıq...) O gün hələ qara fikirlilərin boğaza döyməsi elə bir şey eləyə bilmədi,
qarşıları tez alınmışdı. Bir yandan Şirvanlılıq təəssübü, qonaq yanında başaşağı
eləməmək arzusu, Ağanın çıxışı, cənab Ünsizadənin xitabları nəticəsiz qalmamış,
məsciddə məktəb üçün bir xeyli ianə toplanmış; bəylərdən, ziyalılardan, qismən
tərəqqiyə qol qoyduğunu söyləyən, divan-dərə, vəzifə qorxusu istəyi ilə
ruhanilərdən və xüsusilə gözuaçıq tacirlərdən xeylisi Ünsizadənin qəzetinə abunə
yazılmışdı.
ANA DUASI
Şair bağda gəzdikcə, ağaclara, kollara tamaşa etdikcə ürəyi fərəhdən əsirdi...
Ağac budaqlarına elə bil ki, narın qar ələnmişdi, ağ çiçəklər hələ yarpaqsız
budaqlan sım-sıq örtmüş, onlara Şamaxıda dəb olan ağ qaymağı xaradan gəlinlik
paltarı geyindirmişdi...
357
Yerdəki ot qurşağa dəyirdi. Qızılgül kollarının üstündə lap açıq çəhrayı güllər
topa-topa açılmışdı. Elə bil hər budağın üstündə bir çıraq, yox bir günəş yanır,
bahar öz töhfələrini tabaq-tabaq təqdim edir... elə bir lütf ilə, elə bir nəvazişlə ki...
Şair gözlərini göylərə çevirdi. Səma çox uzaq, çox dərindi. Firuzəyi qübbədə
bir dənə də bulud, bircə parça ləkə, kölgə yox idi... Göylər uzaq-uzaq, xəfif-xəfif,
mehriban-mehriban gülümsəyir, göylərin bu nəvazişkar təbəssümündən yerlərə elə
bil bahar səadəti səpələnirdi. Şairin ürəyi telləndi: "İlahi! Hardasan, kimsən,
nəçisən -bilmirəm... Qoy səni ərəb - Allah, erməni - Astvats, urus - Boq, türk
-Tanrı adlandırsın... Kimliyini, bu əngin, füsunkar fəzanın hansı yerindədirsə,
mövqeyini bilmirəm. Amma bu mütəbəssüm aləmi yaradan ulu qüvvət- sənə səcdə
eləyirəm, sənə inanıram... Mənim də mənliyim hürufilər demişkən eynən sənin öz
təşbehində xəlq olunub",- deyə özü də öz xəyallarına gülümsədi. "Qəribə aləmdir,
bir tərəfdən sənə, yaratdığın bu böyük, gözəl və möhtəşəm dünyamız, nemətlərimiz
üçün təşəkkür edirəm, ahunun nəfəsində ətri, arının yuvasındakı lətif balı, qurdun
qarnındakı zərif ipək tellərini sən xəlq eyləmisən,amma Molla Qurbanqulunu da,
əqrəbi də, naməşdi Alışı da, birəni də sən yaratmışsan... Necə olub ki, bir insan,
mənim kimi ətdən, qandan gəmikdən yaranan bir insan yer üzərində Allahın, bu
böyük intəhasız göyləri,ərzü səmavatı, ayı, ulduzları, aləmməfruz günəşi yaradan
böyük xaliqin vəsisi olsun? Ona peyğəmbərlik, buna imamlıq, o birinə də seyidlik,
molla və dərvişlik verilsin (Seyid ha!!! Unutdunmu, şairim, məgər sən özün də o
silkə mənsub edilmirsən?). Axı bu adamlar da mənim kimi,Cavad kimi, Şirin
Abdulla təki, Qırmızı Məşədi Qulam kimi adicə adamlardır. Ətdən, damardan,
sümük və dəridən ibarətdilər. Onları da xəncərlə öldürmək, bıçaqla yaralamaq
mümkündür. O da mənim kimi dərdlərə, bəlalara mübtəladır. Özünü düşmən
öldürür, balalarını da əsir aparır. Onun nəyi məndən artıqdır. Böyük Yaradan,
məgər özünə daha başqa qüdrətli, sitayiş və hörmətə layiq ayrı bir vəsi yarada
bilmirdi?
Dünən qapımızı birisi kəsdirib:
-Ya Cədda!!! - bəli, məlum olur ki, bu, yer üzünün xaliqi olan Allahın
rəsulunun nəslindəndir və biz qara camaat da gərək həmişə, ömrümüz uzunu bunun
qarnını doyuraq. Deyirəm:
-Qardaş, sən seyidlik naminə necə dilənə bilərsən, axı? Axı sən şahzadəsən,
peyğəmbər adına sual etmək, dilənmək olmaz... Peyğəmbər övladı, Hüseyn övladı
şah nəsli sayılır...
358
Yandan kimsə qayıtdı ki:
-Aadə, bu sənin öz əmin oğlu, seyiddi...
-Bə sən neynən dolanırsan, xalqdan dolanmırsan bəyəm?
-Mən heç olmasa, cəddim naminə heç kəsi allatmıram. Elə-belə yeri düşəndə
həmvətəninizəm, şairinizəm, balalarınız üçün yuxusuz gecələrimin məhsulu olan
kitablar, əşar təlif eləyirəm, külfətim möhtacdır deyirəm; mən aldatmıram, açıq
dilənirəm... (Seyyidin bu düşüncələrində elə bir acı kədər, dərin iztirab var idi ki,
indi üzündə əks olunduğu kimi, o zaman da əks olunmuş və müsahibini belə
dəhşətə gətirmişdi, indi onda olduğu kimi bu böyük kədərə, dərin yaraya
toxunduğu üçün yenidən ağrındı).
...Ağa bu düşüncələrin ağır yükünü yüngülləşdirmək üçün təpədən endi. "Eh,
lənət şeytana, bir enim Bəzzazbazara, görüm Cavad nə fənddədi?" - deyə düşündü.
...Bazara enən yolu indi artıq ot basmışdı, il yağıntılı keçdiyindən çayır o qədər
çox idi ki, səhərdən axşamacan təpik döyən yollar belə göyərmişdi. Şair düşünə-
düşünə irəliləyir, bazara tərəf enirdi. O, bazara çatanda uzaqdan Yetim Hüseyn
avazla oxuya-oxuya tabaq gəzdirirdi:
Halva dadlı, təmlidi,
Satan da məlhəmlidi.
Tut ağacının altı qələbəlik idi. Cin Cavad yenə də öz məşhur yerində, - "Cavad
daşının" üstündə oturmuşdu. Başına da xeyli adam yığılmışdı. Ağanı hələ ki,
görmürdülər. Üzü Cavada durub onu dediyi hansı bir lətifəni və ya şeri isə maraqla
dinləyirdilər. Aralıda Şirvanda təzəcə çıxmış cigir-cigir havasında oxuya-oxuya
gedən bir kasamasçı gözünə sataşdı. Kişi bir-birindən kiçik qatıq dolu üç cürdeyi
üst-üstə qoyub başında gəzdirir və qatıq satırdı. Əlində abgərdən var idi. İstəyənə
qatığı bu abgərdənlə cürdəklərin birindən götürüb verirdi. Yeridikcə çigir-çigirin
ahənginə uyğun olaraq, elə məvazinət saxlayır və dingildəyirdi ki,elə bil cürdəklər
onun başına yapışqanla yapışdırılmışdı:
Tiflisin bürcü mənəm,
Dil bilməz gürcü mənəm,