345
-Məkrufdu, meşədi, meylüvə bax...
O da, məsələni dinləyənlərin hamısı da bilirdi ki, Ağaseyidəli qəti fitva
verməyəndən sonra, Meşədi Rəhimi "dovşan əti kimi məkruf' saydığı su ilə artıq öz
həyətini suvarmayacaq, ya yüklə suçudan su alacaq, ya da ayrı bulaqdan həyətinə
arx çəkdirməli olacaqdı...
...Müridləri Ağaseyidəli ağanı məscid darvazasından xeyli uzaqlaşanacan
müşayiət etdilər. Hər ikisi təklikdə qalıb söhbət etməyə mayil idi, lakin müridlər
Ağaseyidəlidən əl götürmürdülər. Nəhayət, axund vəziyyətdən çıxmaq üçün çıxış
yolu axtara-axtara ayaq saxladı. Nəzəri müridlərin ardınca gələn şairə sancılınca,
qəti qərar verməsi üçün bu baxışı kifayət elədi:
-Ağalar, deyə, nazik ağ əllərini gicgahlarının bərabərinə qaldırdı,əzən-iqamə
deyərcəsinə, dua üçün dərgaha əl götürdü: - bəndəni əfv buyurun, sizdən ayrılmalı
olacağam. - Şairi göstərib mehribanlıqla müridlərinə gülümsədi. - Mən
əmuzadəmlə', söhbət etməliyəm, məzuram, mürəxxəssiniz, xudahafiz...
-Xudahafız...
-Mürəxxəs olaq.
-Xudahafiz...
İkilikdə qaldılar, dərhal Ağaseyidəlinin dodaqlarındakı mehriban, nəvazişkar
təbəssüm söndü, ciddi sima taqındı. O daxili bir əzab keçirirdi. Həmişə düzlüyünü,
mərdanəliyini, böyük təbini qiymətləndirdiyi şairin qarşısında, o bu gün günah
işlətmiş, istifza zamanı lazımi sözləri deməmişdi. İndi ona söhbəti başlamaq
nəsihət vermək, bu ağıllı, nüfuzedici baxışlar qarşısında başqa bir həqiqətdən
danışmaq çətin idi.
-Ağa, neyşə Meşəli Rəhim kişiyə elə namüəyyən cavab verdiniz?
Axund üzüyuxarı qalxmaqda olan yolu çıxdıqca töyşüməyə başlamışdı.
Təngnəfəs idi. Bir anlıq ayaq saxladı, diqqətlə, kədərli baxışlarını şairin üzünə
zillədi.. Bu gözlərdə dərin bir dərd, sonsuz bir etiqaddan, imandan doğan ağır bir
ələm var idi. Bu baxışlar şairin ürəyinə nüfuz edirdi: "Qəlbin nədən ağlayır belə, ey
fazili-dövran? Məgər sən öz böyük ağlın və kamalınla sevdiyin camaatın, millətin
tərəqqisinin nədə olduğunu görmürsənmi, neyşə mane olursan?"
-Sən mənim yerimdə olsaydın bəs nə cavab verərdin? İxtiyar səndə olsaydı nə
deyərdin?
346
Sualda təsdiqedici bir ifadə vardı. Şair bunu duydu, lakin özünü bilməməzliyə
vurdu, gülümsədi:
- İxtiyar bəxtiyarın əlindədir, cənab ağa! Mənim sözümə kimdi ardan qulaq
verən?
- Necə də olsun, nə deyərdin? Şair ehtiramla qocanın dirsəyindən yapışıb onu
üzüyuxarı, Minaxora tərəf qaldırmağa başladı:
- Deyərdim ki, ay rəhmətlik oğlu, yer Allahın, torpaq Allahın, su Allahın:
Əbro bado məho xorşido fələk dər karənd,
Ta to nane bekəf ari və be qəflət nə xori.
Allahın yetirdiyi nobata "urus" adını nadanlar qoyub deyərdim... ya da o
Məşədi Məhərrəm bədbəxtin nəvəsi... Məni əfv buyurun, ağa! Biçarə, bigünah
tiflin döyülməsinə, nahaqdan incidilməsinə səbəb oldunuz demirəm, hələ necə rəva
gördünüz? Axı siz özünüz də bilirsiniz bütün zihəyatı yaradan Allah özü də urusu
yaradıb, istəməsə, kafərər üzünü murdarlamasını rəva bilməsə, öz cənab Əzrailini
göndərər hamısının da canını alar, ya bir taun, zəlzələ, vəba yollar, əbabil quşun
dimdiyinə bir qətrə, cəhənnəmin odlu daşından verər, hərəsinin başına bir darı
boyda salar, qurtarar gedər. Dayı nə üçün bu xalqı bilə-bilə tərəqqidən, maarifdən
uzaqlaşdırırsınız, gözünü açıb dünyanı görməyə qoymursuz? Axı, siz ki, milləti
sevirsiz.
Axund söz axınına düşmüş çöp kimi daxilində çapalayırdı:
- Siz elə bilirsiz ki, mən millətin inkişafını, balaların oxuyub adam asını
istəmirəm? Ağaseyidəli ağa əslində xalqın uşaqlarının oxuması və həmvətənlərinin
tərəqqi tapması, inkişaf yoluna düşməsi əleyhinə deyildi. O, həmvətənlərinin
dinayrı qardaşları kimi, qonşu ermənilər, malağanlar təki oxuyub, irəli getməsini
də istəyirdi. İnsanları nadanlıqdan çıxarmaq onun da arzusu idi. 0, dinlər arasındakı
fərqi öz daxili aləmindəki bir tələblə, bir imanla qəbul edirdi: Allah birdi, onun
əqidəsincə Tövrat da, İncil də, Quran da Allah tərəfindən göndərilən müqəddəs
kəlamlar idı. Musa da, İsa da, Məhəmməd də yer üzünü yaradan böyük xudavənd -
aləmin rəsulları, elçiləri idi. Bütün bu dinlər onun əqidəsincə adam ən yaxşı yola,
Allah yoluna dəvət edirdi... İndiki təzələr də insan-
347
ları doğru yola, həqiqətə dəvət edirdilər. Bu məsələdə Ağaseyidəli ağa təzələrin
əleyhinə deyildi...
Nə olar, qoy mədrəsə əvəzinə məktəb açsınlar, qoy uşaqları oxutsunlar, onlara
lap dünya elmləri də təlim etsinlər. Lakin onu qorxudan, imanını narahat edən
başqa şey idi... O qorxurdu ki, cavanlar bu təzə yola düşəndə dindən uzaqlaşa bilər,
Allahın buyurduğu qanunlara riayət etməzlər.
-Bəs onda neyşə mane olursuz?
-Əgər bu tərəqqi kafərsiz olsaydı, ona əl-əl üstən qol qoyardım? Seyid Əzim
təəccüblə qaşlarını qaldırdı.
-Elə niyə, cənab ağa? Axı tərəqqi məhz onların vasitəsilə əlimizin daxilinə axıb
gəlir. Keçmiş xanlıq-bəylik əsri camaat nə gündəydi?Harda bir məktəb, bir maarif
ocağı vardı? Bütün qonşu millətlər irəli gedib, zamanın dünyəvi elmlərinə
yiyələnib, bizimkilər isə elə təğlid edə-edə və təharət elmlərin öyrənə-öyrənə dalda
qalıb, bir-birinə yağı kəsilib...
Ağaseyidəlinin ağ qaşları altında qaralan gözlərində bir qəzəb qığılcımı parladı:
-Xanların, bəylərin, ağaların bir-biri ilə yola getməməklərinə, zülmkarlığına
görə Allah kafıri onlara cəza, bizə bəla göndərib. Bir dövrənə yaxşı bax, oğul və
dərin düşün. Camaatın gözü açılır, yeni törəmə ziyalılar cavanlar mədəniyyətə,
dünyəvi elmlərə can atır, bu kimə xeyirdisə də dinimizə ziyandır. Bir də gözünü
açıb görəcəksən ki, o xarici məktəbində oxuyan cavanlar əqidəsini də dəyişəcək,
dinindən də dönıcək.
-Millətləri bir-birinə qarşı qoyanda tərəqqi hardan ola bilər? Biz inkişaf
ülgüsünü məhz urusdan alırıq, onlar Avropa mədəniyyəti ilə bizim aramızda
körpüdülər...
-Bilirəm, yaxşı bilirəm...
-Ata öz övladının əlindən tutub məktəbə aparmayınca, bu məktəbi övladının
gələcək taleyinin başlanğıcı hesab etməyincən tərəqqi yoxdur. Xalq tərəqqiyə üz
qoymaq istəyəndə, siz ruhani atalar onların qarşısında milli ayrı-seçkilik səddi
qoyursunuz. Siz belə deyəndə molla qurbanqulular nə deyər...
-Bilirəm, yaxşı bilirəm... Amma onu da bilirəm ki, hələ nə bir malağanın, nə bir
erməninin, nə bir moltanının malı-canı haqqında nəhs fıtva verməmişəm. Bu isə
ayrı məsələdir, övladım, özünü gözlə. Gələ-
Dostları ilə paylaş: |