342
Boş başlar üzərinə qoyulmuş əldəyinnanının daşı boyda əmmamələrin qalmağı
papaqların altındakı qırxıq başlarda nə qədər fisqi-fücurlara fikirlər var? Bu həna
və rəng ilə təravətlənmiş saqqal və nə qədər mənfur simaları bəzəyir ki, eybi üzə
çıxmasın?
Bu şal çuxaların, tirmə qurşaqların arxasındakı ürəklərdən nə keçir, mədənlərdə
hansı yetimin, bivo övrətin malı həzmi-rabədən keçir?
Camaat namaza durdu. Pişnamaz mehrab önündə yerini tutdu. Mükəbbir
ucadan hamıya görünsün deyə, mənbərin ikinci pilləsinə Mominlər axundun
arxasında səf çəkdilər. Səccadələr açıldı. Minədən müəzzin əzanı bitirincə əllər
qulaqların ardına qoyuldu. Ürəklərdə pişnamaza iqtida bağlandı və namaz başlandı.
namaz bu gün Ağaseyidəli ağa özü idi. O öz zəif, mülayim səsilə dualarını, əlhəm-
qulhuvallahı dedikcə, minbərdə duran mükəbbir ucadan təkrarlayır və böyük
məscidi dolduran, pişnamaza iqtida an möminlər şərti işarələrlə əyilib-düzəlir, daha
özlüklərində surələri oxumurdular. Ona görə də əksəri bisavad olan adamların cər-
gəsində qarmaqarışıqlıq yaranmasın deyə seyid Cəfər aralıqda gəzir və həkətini
yanılanlara işarə eləyir, kimisini boynunun şəkərəyindən itələyib əyir, kimisini
dürtmələyib qaldırırdı. Heç bir şeydən başı çıxmayan avam bir tərəkəmə də dal
cərgədə durmuş, döyükmüş gözlərlə məscidə seyr edir və qalxmaq lazım olan
yerdə əyilir, rükuə getməli olan yerdə əzən-iqaməyə qalxırdı. Buna görə seyid
Cəfərdən bir ürtmə də yemişdi. Odur ki, indi sərvaxt olub, başa düşmüşdü ki, ki
hərəkətləri təkrarlamasa, zərbə alacaq, qonşusu da həmçinin.Odur ki özü kimi
gecikən, qonşuya arabir pıçıldayıb xəbərdarlıq edirdi: “ayə əyil, seyid gəlir sö-
ləsən". Pıçıltı elə aydın idi ki, cərgədə hamı, hətta bir neçə sıra qabaqda duran Ağa
da eşidib qəlbində gülümsədi.
Mükəbbirin ucadan "Allahü əkbər" deyə namazın bitməsini bildirən səsi
eşidilincəyədək, Ağanın fikri fağır tərəkəmənin yanında idi.İndi bazara çatanacan
"tüllablar, tülüngülər" onun dalınca düşəcək, “Seyid gəlir sö-ləsən" deyib ələ
salacaq, güləcəklər. Yazıq tərəkəmə birtəhər eləyib kəndə qayıdan yoldaşlarına
qoşulanacan bu səs leyəcək, hələ bəlkə gələn səfərlərdə bazara çıxanda onu
tanıyanlar dərhal bu sözü yada salacaqlar.
Namaz qurtardı...
…Ağaseyidəli ağanın yaxın adamlarından biri olan silsiləcuman Mir Kərim,
Seyid Əzimə yanaşdı, qarşısında diz çöküb qulağına pıçıl-
343
dadı ki "istifta" qurtaranacan ayaq saxlasın, axund onu gönnəyə mayildir. Şairi
məsciddə saxlayan da bu oldu. Yoxsa çoxdan çıxıb gedərdi. O bu istifta
məclislərinə uşaqlıqdan bələd idi. Hələ babasının otağında neçə-neçə belə
məclislərin şahidi olmuş, babasının bu sadə, bəzən hətta gülünc sorğulara böyük
bir ciddiyyət və ürək ağrısı ilə verdiyi cavabları eşitmişdi. İndi o qəlbində
Ağaseyidəli ağa ilə babası arasında bir müqayisə yapırdı. "Axı Ağaseyidəli də
bilikli, dünya görmüş alim və həqiqi din xadimidir. Bəs nə üçün mən onun
qəlbindəkilərin simasında əksini görə, duya bilmirəm? Axı o heç də fırıldaqçı,
riyakar adam deyil, dini öz şəxsi mənfəəti üçün mənbəyə çevirməyib. Axı o, dini
ayinlərdən gələn qazancı, fttrəni, təsəddüqü, zəkatı məhz füqəraya paylayar, bəs
nədir bu təzadın səbəbi? Mən bunu dərk etməliyəm, yoxsa quru yerdə molla-
axund haqqında həcv yazmaq namərdlik olar..." ...Növbəti sual verən baqqal
Məşədi Məhərrəm idi:
-Axund ağa, cəddüvə qurban olum, qonşumuz Əhməd bəyin nəvəsi Tiflisdə
urus uçqolunda oxuyur; bu yaxında dərsləri ara verib, on günə gəlib. Nökərçənizlə
həmsinndi; uşaqlar bir məhəllədə böyüyüb.Görüşüb-öpüşüblər, ona şirniyyat pay
veribdi. O da yeyib, indi nənəsi uşağın ağzını suya çəkdirib, amma genə ürəyi
durmur, deyir gör bir cəddinə qurban olduğum nə deyir? Uşaqdı, gözdən oğurlanıb
gedib onuynan görüşüb-oynasa...
Axund sözün uzandığını görüb nazik əlini qaldırdı:
-Kifayətdir, məşədi, məlum oldu məsələn... uşağın nənəsi haqlıdı; cənab
Əhməd bəyin nəvəsi urus məktəbində oxuyur, urus xörək-çörəyi yeyir və onlarla
mülaqatdadı. Xaçpərəstlər ilə mülaqat haramdı. Cənab Əhməd bəyin nəvəsi də
tamam-kamal murdarlanıb, o da bir növ uruslaşıb. Görüşməsi fəsada bais olar,
uşağın əqidəsinə sədəmə toxundurar. Nəüzən-billah, onun cavan ürəyinə dini-
mübinə zərər gətirən toxum səpər, uşağı döndərər, bir də görərsən gəlib dedi: dədə,
məni də urus məktəbinə göndər...
-Allah sən saxla...
Məşədi Məhərrəmin domba gözləri az qaldı hədəqəsindən çıxsın. O açıq
şabalıdı rəngə çalan əllərini hənadan allaşmış qırmızı saqqalına çəkdi:
-Allah sən saxla! - kişinin nəfəsi darıxdı, boğulurdu – pərvərdigara, özün
mühafızət elə! Mən o it küçüyünü yaxşı tənbeh elərəm.
344
Aparıb hamamda qüsl elətdirrəm, sonra bir də o urus uşağının, o babi kafirlərin
qapısı tərəfə baxsa, iki gözünü bir deşikdən çıxardaram...
Məşədı Rəhim bu gün heç məsələ üçün gəlməmişdi. Rus mülaqatı haqqında bu
fəqərəni eşitcək kişi yerində qurcalandı, elə bil kişinin bədəninə çuxanın altından
birə daraşmışdı, dizin-dizin irəli sürünüb dil-dodağı ləpiyə-təpiyə dilləndi:
-Aga cəddüvə qurban olum, mənim də məsələm var.
Sadəlöhv etiqadı ilə axunda çoxdan tanış olan Məşədi Rəhimin vahimə dolu
səsini eşidincə, vəziyyətin ciddiliyinə baxmayaraq, Ağa-seyidəli ağanın üzünə
xəfif, olduqca xəfif təbəssümü xatırladan bir mülayimlik gəldi:
Buyur , məşədi, buyur... deyəsən, axırıncı məsələ sənindi...
Məşədi Rəhim təpimiş dodaqlarını dilinin ucu ilə yalamaq istədi, bığ-saqqalının
pırpız, qırmızı, cod tükləri tikan kimi dilinə sancıldı. Kişi barmaqları ilə
dodaqlarının kənarında dikələn tüklərə təh verməyə çalışdı, bundan bir şey
çıxmayacağını görüncə, əlini ağzından çəkib sözə başladı:
-Ağa, qadovu alım, həyətimə su cənab Mahmud ağanın bağından keçir. Orda da
cənab Mahmud ağa urus badımcanı əkdirib (Şirvanda təzə görünməyə başlayan
pomidoru o zaman belə adlandırırdılar), su o urus badımcanlarının dibindən ötüb,
mənim bağıma axır, indi bilmək istəyirəm görüm mənim götürdüyüm yer-yemiş
haramdı, ya halaldı?..
...Aralı oturmuşdular. Seyid Əzimlə Ağaseyidəli ağa arasında xeyli məsafə
vardı, amma nədənsə, kişinin son sualında hər iki seyidin baxışı ani olaraq bir-
birinə sancıldı. Dərhal Ağaseyidəlinin ağ kirpikləri aşağı enib nəzərlərindəki
ifadəni şairdən gizlətdi. Seyidin qəlbindən dərin bir ağrı keçdi, təəssüf hissilə
Məşədi Rəhimə baxdı, xeyli düşünüb fikrə getdi. Daxilində, dərununda iki hiss bir-
birilə çarpışırdı: birinci deyirdi: "De ki, ay rəhmətlik oğlu, torpaq Allahın, su
Allahın, toxum Allahın, onu göyərdən ab-atoş, xak-bad da Allahındı; göyərən
tərəvəzə "urus badımcanı" adını sənin təkilər qoyub, ağla, gəl, kişi, əlbəttə halaldan
halaldı". Digər hiss birinciyə qalib gəlib bağırırdı: "Yox, yox, - demə, haramdır -
de".
Agaseyidəli birdən düşüncələrdən ayılıbmış kimi gözlərini qarşı cərgədə oturan
şairə qaldırdı, onun əzici baxışlarına davam gətirə, nə fikrindəki iblisin diktə etdiyi
sözləri, nə də dərunundan gələnləri deyə bilmədi. yarı fikirli, dodaqaltı dilləndi:
Dostları ilə paylaş: |