______________ Azərbaycan Milli Kitabxanası_________________
15
mənəvi əsasları ilə bağlı olduğu kimi həm də bu inkişafa güclü və dərindən təsir
göstərmişdir. Yalız bunu qeyd etmək kifayətdir ki, əsrin 20-ci illərdən sonra
poeziya ilə başlayan ilk şair olaraq S.Rüstəm poeziyada öz məktəbini yaratmış
böyük bir şairdir. Onun poeziya məktəbi şerimizin yeni nəsillrinin yaradıcılıq
təşəkkülümdə müstəsna rol oynamışdır və təsdiq edə bilərik ki, bu məktəbin
dəyərləri yeni əsrin poeziyası üçün də öz dəyərini qoruyub saxlamışdır. Bunun da
başlıca səbəbi S.Rüstəm poeziyasının öz əsas keyfiyyətlərində, mənəvi meyar və
vəzifələrində poeziyanın, sənətin dəyişməz prinsiplərinə, böyük poeziyanın
dəyərlərinə qırılmaz və köhnəlməyən sədaqətindədir; o dəyərlərə ki, şair özü bir
çox şeirlərində bundan hərarətlə söz açmışdır. S.Rüstəm poeziyada hansı fəlsəfəni
izlədiyini bəyan edərək "Mənim fəlsəfəm" şerində belə yazmışdır:
Duyumlu sözlərdən heç gəlməz xoşum,
Aydın həqiqətdir mənim fəlsəfəm.
Vətənə, millətə, qardaş ellərə
Dərin məhəbbətdir mənim fəlsəfəm.
Dumanlı arzular, xam xəyal deyil,
Şan-şöhrət uğrunda qalmaqal deyil,
Fitnə-fəsad deyil, puç amal deyil,
Haqdır, ədalətdir mənim fəlsəfəm.
Mən çox bəlalara gərmişəm sinə
Haqqı yazmamışam heç vaxt tərsinə,
Ulu babaların yaxşı irsinə
Əbədi hörmətdir mənim fəlsəfəm.
...Gərək son verilsin hər fəlakətə,
İnsanam - düşmənəm zülmə, vəhşətə
Azadlıq aşiqi bəşəriyyətə
Can-başla xidmətdir mənim fəlsəfəm.
Məhz bu dəyərlərinə görə S.Rüstəm poeziyası əbədi, yaşan poeziyadır.
Şamil Salmanov
______________Azərbaycan Milli Kitabxanası_________________
16
Azərbaycan Milli Kitabxanası
VƏTƏN TƏRANƏLƏRI
MƏNİM FƏLSƏFƏM
Düyünlü sözlərdən heç gəlməz xoşum,
Aydın həqiqətdir mənim fəlsəfəm.
Vətənə, millətə, qardaş ellərə
Dərin məhəbbətdir mənim fəlsəfəm.
Dumanlı arzular, xam xəyal deyil,
Şan-şöhrət uğrunda qalmaqal deyil;
Fitnə-əsad deyil, puç amal deyil,
Haqdır, ədalətdir mənim fəlsəfəm.
Mən çox bəlalara gərmişəm sinə,
Haqqı yazmamışam heç vaxt tərsinə.
Ulu babaların yaxşı irsinə
Əbədi hörmətdir mənim fəlsəfəm.
Mənasız ədavət nəyimə gərək,
Dar gündə mal-dövlət nəyimə gərək,
Acizlik, ətalət nəyimə gərək,
Hünərdir, cürətdir mənim fəlsəfəm.
Xalqımın şöhrəti tutub cahanı,
Odur dilimdəki mahnımın canı.
Məslək düşməniylə döyüş zamanı
Yalnız rəşadətdir mənim fəlsəfəm.
Gərək son verilsin hər fəlakətə,
İnsanam, düşmənəm zülmə, vəhşətə;
Azadlıq aşiqi bəşəriyyətə
Can-başla xidmətdir mənim fəlsəfəm.
17
______________ Azərbaycan Milli Kitabxanası_________________
18
Zəhmətsiz bir ömrün nə mənası var?
İnsana zəfərsiz yaraşmaz vüqar.
Qardaşa, yoldaşa, dosta etibar,
Düşmənə nifrətdir mənim fəlsəfəm!
OLMASAYDI
Dinməzdi mahnım mənim, gəlməzdi şerim cana,
Günəş bayraqlı min-min səhərim olmasaydı,
Çinar kimi qol-budaq atmazdım dörd bir yana,
Bakıtək bir qəhrəman şəhərim olmasaydı.
Çaşbaş olub qalardım mən yollar ayrıcında,
Gözəl ana yurdumun torpağında, daşında.
Qanım kimi qaynayan bulaqların başında,
Açılan sufrələrdən xəbərim olmasaydı.
Yaramı qara gündə mahnılarımla sardım,
Dalğaları avartək bu əllərimlə yardım.
Mən ürək sözlərimi hara, hara yazardım,
Milyon-milyon ürəklər dəftərim olmasaydı!
Könüllərdən silinib adım unudulardı.
Ürəyimə dünyanın qəm-qüssəsi dolardı.
Payız çiçəkləritək mahnılarım solardı,
Zəhmətimin sonunda zəfərim olmasaydi.
Gənclər sahil boyunca xəyala dalardımı?!
Mənim şeirlərimdə bu ahəng olardımı?!
Gözəllərin gözləri maviyə çalardımı
Şəhərimin aynası Xəzərim olmasaydı?!
Ürəyimdən keçəni açıq deyim sizə mən:
Gəncliyimdən vurğunam günəşli gündüzə mən,
Çıxmazdım el içinə, görünməzdim gözə mən,
Beş-üç nəzərə çarpan əsərim olmasaydı!..
______________Azərbaycan Milli Kitabxanası_________________
19
Çoxdandır bir vüsalın sevdası var başımda,
Yaxşı bilir bu sirri dostum da, qardaşım da.
Mən cavan görünərdim inanın bu yaşımda.
Dərdli Arazla bağlı kədərim olmasaydı!
Xalqımçün qazanmışam şöhrəti mən, adı mən.
Eşqimdən yaratmışam bu gözəl həyatı mən.
Mahnılarla bəzərdim bütün kainatı mən,
Bir gün torpaq altına səfərim olmasaydı!
GECƏNİN ROMANTİKASI
Bu yatmış küçələrdə bu gecə mənəm ayıq,
Mənəm addımlarımla bu sükuta yaraşıq.
Deyil yalnız bu gecə, bir çox gecələr belə,
Çıxaraq küçələrə gəzirəm gülə-gülə.
Yeriyirəm - xəyalım, ürəyim, beynim atəş, -
Sonsuz nəşə duyuram, bu sonsuz gəzhagəzdən
Ayaqlar silməsinlər deyə, qurudur günəş –
Küçələrə yazdığım şerimi səhər tezdən.
Bu gecə təkbaşıma gəzirəm küçələri;
Baxıram birləşmədən gözlərimin çəpəri.
Yeriyirəm, şerimi ötərək dodaqaltı.
İşığam qaranlıqda, deyiləm bir qaraltı.
Bu ulduzlu, bu aylı, bu ilhamlı gecədə
Yeriyirəm, mənimlə yeriyir bu gecə də...
Yurdumun addımından geri qalmır addımım,
Ulduzlar rəqs edirlər dövrəsində adımın...
Yeriyirəm, əməlim əlimdə fanar kimi,
Baxışımla səmanı kəsirəm bir nar kimi.
Qəlbim od alsın deyə, uduram ulduzları,
Şerimin köhnə dostu, göz vuran ulduzları
Mənəm addımlayaraq sürüyən öz kölgəmi,
Mənəm gənc ürəyimdə daşıyan, gənc ölkəmi.
Bu ulduzlu, bu aylı, bu ilhamlı gecədə
Yeriyirəm, mənimlə yeriyir bu gecə də...
Evlərin qapısında göz qırpa-qırpa yanan
Dostları ilə paylaş: |