Magistrantların XXI Respublika Elmi konfransı, 17-18 may 2021-ci il
344
asılılığı aradan qaldırması mühümdür. Buna görə də Bağdad həm sahib olduğu neft quyularından, həm də
təbii qaz ehtiyatlarından dolayı Türkiyə üçün əhəmiyyətli bir enerji altenativi olaraq dəyərləndirilə bilər.
Türkiyə ilə İraq arasındaki enerji münasibətləri çox dərin bir tarixə malikdir. Qeyd olunan münasibətlərə son
illərdə yeni bir aktor olaraq İraq Kürd Regional Rəhbərliyi (İKRR) daxil olmuşdur. Bu mövzu konteksində
Ankara, Bağdad və Ərbil arasında mürəkkəb 3 tərəfli münasibətin meydana gəldiyini demək olar.
İraqda neft aşkar edildikdən sonra regiona gələn ingilislər XX əsrin əvvəllərindən etibarən Kərkük
bölgəsində yerləşən nefti Hayfa limanı vasitəsilə ixrac etməyə başlamışdılar. XX əsrin otralarından etibarən
İraqın Bəsrə bölgəsinə yaxın yerlərdə kəşf olunan neft ehtiyatlarının Bəsrə limanı
vasitəsilə daha rahat
şəkildə ixrac edilməyə başlaması Şimalda yerləşən ehtiyatların uzun müddət ikinci plana atılmasına səbəb
olmuşdur. Türkiyə ilə İraq arasındaki enerji münasibətləri 1970-ci illərin əvvəlində inkişaf etməyə
başlamışdır. İki ölkə arasında 1973-cü ildə imzalanan müqavilə ilə əsası qoyulan İraq-Türkiyə
Xam Neft
Boru Xətti İraqın şimalında yerləşən Kərkükün yenidən enerji sahəsində əhəmiyyətini artırmışdır.
Digər bir tərəfdən Türkiyə ilə İraqın şimal bölgəsində yerləşən Kürd rəhbərliyi arasındaki enerji
münasibətləri Körfəz savaşı səbəbilə zəifləmişdir. Bu dövrdə Kərkük-Yumurtalıq neft boru xəttinin
bağlanması ilə qeyd olunan bölgədən Türkiyəyə tankerlərlə neft ixracı səbəbi ilə tərəflər yeni bir münasibət
tərzi inkişaf etdirməyə başlamışdır. Bu çərçivədə əvvəlki dövrlərdə iki aktor arasında
daha çox PKK ilə
mübarizə kimi təhlükəsizlik məsələləri ilə bağlı inkişaf edən münasibətlərə ilk dəfə olaraq fərqli bir
aspektdən yanaşılmışdır. Digər tərəfdən Şimali İraqdaki Kürd qrupların muxtariyyət əldə etməsi və regionda
əhəmiyyətli miqdarda neft və təbii qaz ehtiyatlarının aşkar edilməsi enerji baxımından münasibətləri yenidən
formalaşdırdı. Həmçinin 2010-cu ildən etibarən Türkiyədə münaqişələrin dayandığı və PKK-nın sözdə
atəşkəs elan etdiyi dövrdə enerji məsələsi Türkiyə ilə İKRR arasındaki münasibətlərdə
dinamik bir dönüş
nöqtəsi kimi dəyərləndirilə bilər. Bununla yanaşı xüsusilə Türk podratçı firmaların İKRR-dəki
rəhbərliyindəki enerji sektorunun inkişafında mühüm bir faktor olması da nəzərə alınmalıdır. Belə ki
Bağdaddan Ərbilə büdcə payı və birbaşa xarici investisiyalar , ticarətdən gələn neft və təbii qaz gəlirlərinin
Şimali İraqdaki iqtisadi böyümənin səbəbi olduğu da bir həqiqətdir. İraqın şimalında olan neft qaynaqları
İraqın ümumi neft ehtiyatının sadəcə 1/10-ni təşkil etsə də regiondakı ölkələr baxımından dəyərləndirildikdə
bu miqdar olduqca əhəmiyyətlidir. Kərkük və Ərbil regionunda kəşf edilmiş neft qaynaqlarının, OPEC üzvü
Ekvadorda ya da Azərbaycandaki ehtiyatlardan daha çox olduğu fərz edilir. Eyni zamanda digər bir
fərziyyəyə görə, İKRR-in istehsalı artırması gələcək illərdə neft gəlirlərinin 35 milyar dollarlıq bir səviyyəyə
çatacağı da ehtimal edilir.
ABŞ qoşunlarını İraqdan çıxardıqdan sonra Şimali İraq regionunda olan enerji qaynaqlarının istifadəsi
ilə əlaqədar hüquqi tənzimləmələrin beynəlxalq aləmdə, xüsusilə regionda ön plana çıxdığı görülür. Xüsusilə
Ərbil ilə Bağdad arasında mübahisəyə səbəb olan Neft və Təbii Qaz Qanunu İKRR rəhbərliyinin regiondaki
enerji qaynaqlarının istifadəsi mövzusunda təşəbbüsü ələ alması üçün əhəmiyyətlidir. 2007-ci
ildə bu
Qanunun İKRR Məclisində qəbul edilməsi ilə birlikdə xarici enerji şirkətləri ilə bağlanacaq müqavilələrin və
enerji ixracı mövzusunda atılacaq addımların atılması üçün hüquqi bir təməl qoyuldu.
Enerji mövzusunda İraqdaki tərəflərə baxıldıqda ümumi mənada hüquqi çərçivədə problemlər olduğu,
digər tərəfdən Konstitusiyanın birmənalı olmasından qaynaqlanan qeyri-müəyyən bir şərait olduğu
danılmazdır. Bu qeyri-müəyyənlik vaxt aşırı da olsa, Ərbil, Ankara, Bağdad üçbucağında gərginliyə səbəb
olur. Digər tərəfdən ABŞ əsgərlərinin İraqdan çıxmasından sonra mərkəzi hakimiyyətin enerji ilə bağlı təsir
dairəsini genişləndirdiyi, bu baxımdan İKRR-nin iri neft şirkətləri ilə imzaladığı
müqavilələrin hüquqi
olmadığına dair tənqid edilən Bağdad hakimiyyəti tərəfindən tez-tez dilə gətirilir. Türkiyənin xarici
siyasətində enerji mühüm bir amildir. Bu baxımdan İraqın qonşu ölkə olması və yaxın bir coğrafiyada
yerləşməsi səbəbilə ayrı bir yerə və əhəmiyyətə sahib olduğu dəyişməz reallıqdır. Bu baxımdan yanaşıldıqda
Ankaranın enerji sahəsindəki maraqlarının
Bağdadda olduğu, digər tərəfdən Türkiyənin öz daxilində bir
təhlükəsizlik probleminə çevrilmiş olan kürd məsələsi və İran ilə yaşadığı regional rəqabətdən dolayı
ənənəvi xarici siyasətinin Bağdadda güclü bir mərkəzi hakimiyyəti qabaqlaması zərurətinin yaradır.
Ankaranın İraqda hal-hazırda var olan boru xətləri ilə neft və ya tikilməsi nəzərdə tutulan daşıma xətləri ilə
təbii qaz almağa başlaması Türkiyənin marketinq gücünü artıracaq, Azərbaycan Rusiya və İran kimi
ölkələrə qarşı əlini gücləndirəcək.
İraqdan Türkiyəyə neft daşıyan boru xəttinin Yumurtalıq hissəsində tanker yükləmələri üçün istifadə
olunan iki kilometr uzunluğunda bir liman mövcuddur. Bəhs olunan limandan 4 tanker ə petrol yükləməsi
həyata keçirilir. Kərkük-Yumurtalıq boru xəttindən 1990-cı ildə 339 milyon 939 min barel neft Türkiyəyə
daşınıb.İraq xam neftini Türkiyəyə daşıyan bu neft kəməri vasitəsilə daşınan neft miqdarı 2001-ci il 11