|
MühaziRƏ 1 Mülkü müdafiənin əsasları, qüvvə və vasitələriRƏD-ə qoyulan əsas tələblər
|
səhifə | 65/78 | tarix | 29.03.2023 | ölçüsü | 4,5 Mb. | | #103596 |
| mülki müdafiəRƏD-ə qoyulan əsas tələblər. RƏD-in proyektinin hazırlanması mürəkkəb və məsuliyyətli işdir. Əsas diqqət onun yerləşəcəyi yerin və avadanlığın seçilməsinə verilməlidir. Onlar radioaktiv şüalanmanın təsirini 500-1000 dəfəyə qədər azaltmalı, kimyəvi təhlükəli obyektlərdə qəzalar zamanı mühafizə etməli, bir sıra təbii xarakterli FH: tufan, boran, qasırğa və s. zamanı insanların həyatını xilas etməyə yardımçı olmalıdır. Ona görə də onları insanların iş və yaşayış yerlərinə yaxın inşa etmək lazımdır.
Şəkil 3.4. Kərpic və ya daş evin RƏD üçün hazırlanması:
1 – süzgəcli və qapaqlı hava borusu; 2 – pəncərənin kərpic və ya daşla hörülməsi; 3 – 30-40 sm hündürlüklü torpaq qatı; 4 – tikilinin bərkidici raması; 5 – bərkidilmiş qapı.
RƏD 20 kPa izafi təzyiqə davam gətirməlidir. Azərbaycan Respublikasında fəaliyyət göstərən normativ sənədlərə əsasən RƏD aşağıdakı parametrlərə cavab verməlidir:
- optimal yerləşmə, yəni sığınacağa ehtiyacı olan insanların ən sıx yerləşdiyi ərazidə olmalıdır;
- əsas zədələyici amillərin təsirini lazımi dərəcəyə qədər azaldan quruluşa malik olmalıdır. Bu paramert hər RƏD üçün fərdidir;
- keçid dəhlizlərinin lazımi dərəcədə olması, belə ki, onlar nə qədər kiçik olarsa, əlaltı vasitələrlə onları qapatmaq asan olur;
- yeraltı suların səviyyəsi nəzərə alınmalıdır. Belə ki, RƏD-in su basmaması üçün elə yer seçmək lazımdır ki, yeraltı suların axma səviyyəsi 20 sm-dən çox olmasın.
RƏD tikililərdə tranzit qaz, su istilik sistemi xətləri olmamalıdır. RƏD-də minimal yolverilən hündürlük olmalıdır. Birmərtəbəli RƏD-in hündürlüyü 1,9 m-dən az olmamalıdır; ikimərtəbəli RƏD 2,2 m, üçmərtəbəli isə 2,8 m hündürlüyündə olmalıdır. Daldalanan hər insana 0,5 m2 sahə düşür. Girişin eni 0,8 m-dən çox olmamalıdır. 50 nəfərlik RƏD-də bir giriş olur, qəza çıxışının qapadıcı qapağının (lyuk) ölçüsü 0,7×1,5m olur.Çirkli paltarların saxlanması üçün otaq girişlərin birində təşkil edilir.
Hər bir RƏD üçün vacib təşkili hissələrindən biri ventilyasiya sistemidir. Ventilyasiya ya təbii, ya da məcburi qaydada aparılır. Ventilyasiya sistemlərinin filtrasiyaedici elementlərinin iş əmsalı 0,8-dən az olmamalıdır.
Mühafizə xüsusiyyətlərinə görə RƏD növləri aşağıdakılardır:
- sülh dövründə sənaye konstruksiyalarından inşa edilmiş RƏD;
- hücum təhlükəsi zamanı əlaltı vasitələrdən inşa edilmiş RƏD;
- təsərrüfat tikililərində quraşdırılmış RƏD;
- yaşayış binalarında quraşdırılmış RƏD.
RƏD-in maksimal tutumu 1000 nəfər, minimal isə 50 nəfərədək olur. RƏD-də aşağıdakılar mütləq olmalıdır:
- ventilyasiya;
- işıqlandırma;
- su ehtiyatı (günə-3 litr).
Təbii ventilyasiya havasorucu şaxtalar vasitəsilə təmin olunur. Hava verilməsi üçün dəlik otağın aşağı hissəsində, havanın çıxması üçün isə sorucu şaxta yuxarı hissədə quraşdırılır. Yaşayış evlərində isə ventilyasiya kanalları və tüstü bacalarından istifadə edilir. 50 nəfərlik RƏD-də sadə tipli məcburi ventilyasiya quraşdırılır. Bu zaman adambaşına düşən hava miqdarı 3 m3/saat planlaşdırılır (əl ventilyatorları vasitəsilə).
RƏD sığınanların tənəffüs üzvlərini torpağa düşən radioaktiv tozdan mühafizə edir (nüvə silahı partlayışı zamanı və ya atom stansiyasında qəza zamanı yaranan radioaktiv aerozol buludundan çöküntü), radioaktiv aerozol və qazlardan çox zəif dərəcədə mühafizə edir. Bundan başqa RƏD filtrləri GTZM (güclü təsirli zəhərləyici maddələr) mühafizə etmir. Ona görə də hava radioaktiv qazlar, aerozollar, GTZM ilə çirkləndikdə RƏD-də tam izolyasiya rejimi tətbiq edilir, daldalananlar isə fərdi mühafizə vasitələrindən istifadə edirlər.
İstilik sistemi binanın istilik sistemi ilə ümumi olur, lakin yerli olaraq söndürmək üçün qurğu quraşdırılır. Su təchizatı ya ərazidəki su kəmərindən, ya da binanın ümumi kəmərindən çəkilir, adambaşına su sərfi bir gündə 25 litr hesablanır. Su kəməri olmadıqda RƏD-də adambaşına gündə 2 litr hesabı ilə içməli su bakları yerləşdirilir.
Kanalizasiya sistemi olan binalardakı RƏD-də kanalizasiya tullantılarının ümumi sistemə axıdılması ilə normal tualet şəraiti yaradılır. 20 nəfərə qədər tutumu olan sığınacaqlarda belə imkan yoxdursa, xüsusi səyyar qablardan istifadə edilir.
RƏD xüsusi işarələrlə işarələnir və onların yerləşdiyi yerin istiqamətləri xüsusi nişanlarla göstərilir.
Dostları ilə paylaş: |
|
|