MüSTƏQİLLİYİMİZ
Yüklə 4,42 Mb. Pdf görüntüsü
|
- Bu səhifədəki naviqasiya:
- - Əgər belədirsə, əvəzini görəcəksiniz. Yeri gəlmişkən, yəqin Siz Allaha inanmırsınız...
- - Bəs uşaqlarınız nə ilə məşğuldurlar
- - Sizin ailə həyatınızın sevinc içində keçdiyini demək çətindir. Bütün müdrikliyinizi səfərbər edib məsləhət verin: bu çətin dövrdən necə salamat çıxaq
- BOLİVİYANIN PREZİDENTİ ZATİ-ALİLƏRİ CƏNAB XAYME PAS SAMORAYA
- HEYDƏR ƏLİYEV Azərbaycan Respublikası prezidentinin səlahiyyətlərini həyata keçirən Azərbaycan Respublikası
- HEYDƏR ƏLİYEV Azərbaycan Respublikası prezidentinin səlahiyyətlərini həyata keçirən Azərbaycan Respublikası Ali Sovetinin sədri
- EKVADORUN PREZİDENTİ ZATİ-ALİLƏRİ CƏNAB RODRİQO BORXA SEVALOSA
- YAZIÇI ALEKSANDR PROXANOVLA MÜSAHİBƏ A.P.: - Heydər Əliyeviç, indi aydındır ki, Azərbaycanın ən yeni
____________Milli Kitabxana____________ 55
Allaha inanmırsınız... - Əvvəllər bu barədə sadəcə olaraq düşünmürdüm. İndi inanıram. - Nə vadar etmişdir? - Yəqin ki, yaş. Bundan əlavə, son vaxtlar mənə əziz olan çox adamı itirmişəm. Həyat yoldaşım Zərifə Əzizovna 85-ci ildə vəfat etmişdir. Moskvada Novodeviçye qəbiristanında dəfn olunmuşdur. Tanınmış oftolmoloq idi. Üstəlik, musiqi də bəstələyir, gözəl piano çalır, oxuyurdu. Biz otuz il birlikdə ömür sürmüşdük... Bu yaxınlarda böyük qardaşlarım və bacım dünyalarını dəyişmişlər. Ailədə səkkiz uşaq idik. Atam dəmir yolunda fəhlə idi, gecə-gündüz işləyirdi. Bizi anamız boya-başa çatdırmışdır. Məndən böyük qardaşlarımdan biri akademik idi, Azərbaycanda Elmlər Akademiyasını yaratmışdı, o biri rəssam idi. Məni də ki, tanıyırsınız. Kiçik qardaşlarım və bacılarım sağdırlar. İndi Bakıda onlardan birinin mənzilində yaşayıram. Uşaqlarından birinin çox da böyük olmayan otağını məndən ötrü ayırmışlar. Orada taxt var. Mənə bəs edir. - Bəs uşaqlarınız nə ilə məşğuldurlar? - İki uşağım var. Qızım Sevil Şərqşünaslıq İnstitutunun aspiranturasını bitirmişdir. Oğlum İlham isə Moskva Dövlət Beynəlxalq Münasibətlər İnstitutunu qurtarmışdır. İki dil bilir, İngiltərəyə getməyə hazırlaşırdı, lakin buraxmadılar. Bax, budur, bizim keçmiş sistemin yaramazlığı: atasını vəzifədən götürdülər, oğluna da mane oldular. İndi hansısa bir şirkətdə məsləhətçi işləyir. Kürəkənim əks-kəşfiyyatla işləyirdi. Polkovnik idi, adı da yaxşılığa çəkilirdi. Məni vəzifədən çıxaran kimi, onu da işdən uzaqlaşdırdılar. - Sizin ailə həyatınızın sevinc içində keçdiyini demək çətindir. Bütün müdrikliyinizi səfərbər edib məsləhət verin: bu çətin dövrdən necə salamat çıxaq? - Düşünəcəyəm. Söhbəti Mixail Serlyukov aparmışdır "Azərbaycan", 10 avqust 1993-cü il ____________Milli Kitabxana____________ 56
ZATİ-ALİLƏRİ CƏNAB XAYME PAS SAMORAYA Hörmətli cənab prezident! Sizi və Boliviya xalqını milli bayram - Müstəqillik gününün elan edilməsi münasibətilə səmim-qəlbdən təbrik edirəm. Şəxsən Sizə və bütün Boliviya xalqına sülh, xoşbəxtlik, ölkənizə tərəqqi və əmin-amanlıq arzulayıram. Hörmətlə, HEYDƏR ƏLİYEV Azərbaycan Respublikası prezidentinin səlahiyyətlərini həyata keçirən Azərbaycan Respublikası Ali Sovetinin sədri 10 avqust 1993-cü il SİNQAPUR RESPUBLİKASININ PREZİDENTİ ZATI-ALİLƏRİ CƏNAB Vİ KİM VİYƏ Hörmətli cənab prezident! Sinqapur Respublikasının milli bayramı - Milli İnqilab günü münasibətilə Sizi və bütün Sinqapur xalqını səmim-qəlbdən təbrik edirəm. Fürsətdən istifadə edərək bütün Sinqapur xalqına çiçəklənmə, sülh və əmin-amanlıq arzu edirəm. Hörmətlə,
____________Milli Kitabxana____________ 57
CƏNAB RODRİQO BORXA SEVALOSA Hörmətli cənab prezident! Sizi və bütün Ekvador xalqını milli bayram - Müstəqillik günü münasibətilə səmim-qəlbdən təbrik edirəm. Fürsətdən istifadə edib şəxsən Sizə və Ekvador xalqına sülh, əmin- amanlıq və xoşbəxtlik arzulayıram. Hörmətlə,
Hörmətli cənab prezident! Konqo Respublikasının milli bayramı - İnqilab günü münasibətilə şəxsən sizi və bütün Konqo xalqını böyük məmnuniyyətlə səmim-qəlbdən təbrik edir, sizə və xalqınıza ən xoş arzularımı yetirir, ölkənizə sülh, əmin-amanlıq və tərəqqi arzulayıram. Hörmətlə,
____________Milli Kitabxana____________ 58
MÜSAHİBƏ A.P.: - Heydər Əliyeviç, indi aydındır ki, Azərbaycanın ən yeni tarixində daha bir dövr başa çatır. Xalq Cəbhəsinin il yarımlıq "hökmranlığı" sanki bir saatın içində qurtardı. Bu "hökmranlıq" elə bil tüstü kimi çəkilib getdi. Siz bunu nə ilə izah edirsiniz? Bu dövr Azərbaycan üçün nə demək idi? H.Ə.: - Bu, respublikanın qara günə qoyulması, dağıdılması demək idi. Onlar hər şeyi - təsərrüfatı da, mənəviyyatı da , psixologiyanı da viran qoymuşlar. Ən dəhşətlisi bu idi ki, adamlar daha əlini ağdan qaraya vurmur, işləmirdilər. Elə işləmək imkanının özü də yox olub getmişdi. Bilirsinizmi, biz Lənkəranda boş yerlərdə, çöllü-biyabanlıqda misilsiz, barlı-bərəkətli tərəvəz plantasiyaları yaratmışdıq. O yerləri "Ümumittifaq bostanı" adlandırırdılar. Orada əla faraş pomidor, xiyar, digər bostan məhsulları əkilib-becərilir və bütün bu nemətin hamısı Norilskə, Upala, Moskvaya göndərilirdi. Respublika olduqca böyük məbləğdə gəlir götürür, Rusiyanın sənaye mərkəzləri isə dadlı-ləzzətli tərəvəz alırdılar. Yadımdadır, Finlandiya prezidenti Urxo Kekkonen bu yerlərə istirahətə gəlmişdi və plantasiyalara heyran qalmışdı. Bəs hanı indi bu plantasiyalar? Hər şey başlı-başına buraxılmış, bərbad hala salınmışdır - yenə əvvəlki düzəngahlığa, çöllü- biyabanlığa çevrilmişdir. Camaat işsizdir. Yaxud götürək üzümü. Aleksey Nikolayeviç Kosıgin üzümçülərə çox kömək edirdi. Biz üzüm istehsalını ildə 2 milyon tona çatdırmışdıq. Abşeron üzümü mənim görüb daddığım bütün sortlar içərisində ən dadlı üzümdür. Abşeron torpaqları quru, isti, qumsal torpaqlardır, üzüm bu isti torpaqlara uzanaraq onların hərarətini, şirəsini-şəkərini canına çəkir. Hər şey məhv olub getdi! Bu il biz olsa-olsa 400 min ton üzüm yığa biləcəyik... Camaat daha işləmir, dolanmaq üçün xırda ticarətə girişmişdir. İran qulaqlarının dibində, Türkiyə də lap yaxındır. Vecsiz malları qalaq-qalaq alıb alverlə dolanırlar. Amma di gəl ki, bir şey istehsal etmirlər! Sumqayıtın kimya müəssisələrinin yarısı dayanmışdır! Neft hasilatı kəskin şəkildə azalmışdır!.. Hakimiyyətə gələnlərin nə təsərrüfat, nə idarəetmə işlərindən, nə də siyasətdən başları çıxırdı! Kiçik elmi işçi, yazıçı olan bu adamlar dövlətin nə demək olduğunu başa düşmürlər. Halbuki özləri azadlıqdan, hürriyyətdən və haqq-ədalətdən dəm vurur, bunlardan ağızdolusu danışırlar, axırı nə oldu - hamılıqla oğurluğa qurşandılar! Xalq bütün bunları görürdü və buna görə də çox məyus olmuşdu! İş-gücləri küçələrə düşüb "Mersedes"lərdə ora-bura çapmaq və boşboğazlıq etmək idi. Elə hey danışır, dil boğaza qoymurdular! Mənəviyyatsızlar, əxlaqsızlar, açıq-aşkar oğrular çox idi, lap çox! Yüklə 4,42 Mb. Dostları ilə paylaş:
|