____________Milli Kitabxana____________
7
XX əsr dünya siyasət tarixinə adı əbədi həkk olunmuş Prezidentimizin
dövlət quruculuğunun hər bir sahəsindəki - siyasi, iqtisadi, hərbi, elmi-
mədəni sahədəki qaynar, səmərəli və məhsuldar fəaliyyəti fundamental
tədqiqat obyektidir. Buna görə də bu qısa qeydlərdə məqsəd möhtərəm
H.Ə.Əliyevin zəngin, çoxcəhətli fədakar fəaliyyətini tam əhatə etmək deyil,
bu çoxcildliyin strukturu, tərtibi haqqında ümumi təsəvvür oyatmaqdır.
Oxuculara təqdim edilən çoxcildlik, Prezident Heydər Əliyevin şərəfli
ictimai-siyasi həyatının 1993-cü ilin iyunundan sonrakı illərini əhatə edir.
Göründüyü kimi, dahi şəxsiyyətin həyatının bu illəri sakitlik və rahatlıq
içində keçməmiş, son dərəcə gərgin və coşğun siyasi fəaliyyətlə zəngin
olmuşdur. Dövlət başçımızın böyük siyasətə yenidən qayıdışından sonrakı
illərin hər günü, hər saatı, hər dəqiqəsi tamamilə xalqımızın bu gününə və
sabahına, dövlət müstəqilliyimizin zərrə-zərrə qorunub saxlanmasına,
qüdrətli Azərbaycan dövlətinin yaradılmasına həsr edilmişdir. Kitabı
oxuduqca hörmətli oxucular bunun bir daha şahidi olacaqlar. Çoxcildlik tərtib
olunarkən çıxışların, nitqlərin, məruzələrin, müraciətlərin və s. xronoloji
ardıcıllığının gözlənilməsi prezident Heydər Əliyevin nəhəng ictimai-siyasi
fəaliyyəti, gərgin iş rejiminin dinamizmi haqqında da tam təsəvvür yaradır.
Çoxcildliyə daxil edilmiş materiallarda Azərbaycanda son 7-8 ildə baş
vermiş ictimai-siyasi proseslər, mürəkkəb, çoxşaxəli hadisələr, milli dövlət
quruculuğunun ayrı-ayrı mərhələləri və əsasları, bu işdə mövcud ziddiyyət və
problemlər, daxili, xarici siyasətin başlıca istiqamətləri dərindən təhlil edilir
və sözügedən dövr tarixi-siyasi baxımdan tam obyektivlik və həqiqət
meyarları ilə qiymətləndirilir. Məlumdur ki, möhtərəm Prezidentimiz xüsusi
mütəxəssis qrupu tərəfindən hazırlanaraq yazılmış heç bir materialdan
istifadə etməyib və etmir. Bu dahi şəxsiyyətin hər bir çıxışı, nitqi, müraciəti
ulu Tanrının vergi kimi ona bəxş etdiyi müdrikliyin, qeyri-adi istedadın,
həsəd aparılacaq ensiklopedik savadın, heyrətamiz yaddaşın məhsuludur.
Dövlət başçısı tərəfindən birbaşa edilmiş çıxış, nitq və müraciətlərin hər
birində Heydər Əliyev şəxsiyyəti, müdrikliyi, doğma dilin zənginliyindən
profesionallıqla istifadə etmək bacarığı qabarıq görünür.
Zəmanəmizin böyük tarixi şəxsiyyəti, dünya səviyyəli siyasi xadim,
müdrik xalq rəhbəri Heydər Əliyevin 1993-cü ilin iyunundan
____________Milli Kitabxana____________
8
sonrakı siyasi fəaliyyətinin salnaməsi olan bu çoxcildlik (dövlət başçısının
qəbullarındakı materiallar çoxcildliyə daxil edilməyib) müstəqil tariximizin
son dərəcə ağır və məsuliyyətli bir dövrünü öyrənən alimlər, politoloqlar,
siyasətşünaslar üçün dəyərli mənbə olacaqdır.
İnanırıq ki, bu kitabı incəliklərinə qədər öyrənərək mənimsəyən
Azərbaycan vətəndaşları qətiyyətlə və məsuliyyətlə deyəcəklər: Heydər
Əliyevin hər bir əsəri dərslikdir - vətəndaşlıq, dövlətçilik və Vətənə sevgi
dərsliyi.
____________Milli Kitabxana____________
9
AZƏRBAYCAN RESPUBLİKASI MİLLİ
MƏCLİSİNİN İCLASINDA ÇIXIŞ
15 iyun 1993-cü il
Hörmətli millət vəkilləri, hörmətli prezident!
Mənə bu gün böyük etimad göstərdiyinə görə Milli Məclisin üzvlərinə,
Azərbaycanın Ali Sovetinə minnətdarlığımı bildirirəm və sizi əmin edirəm ki,
bütün imkanlardan istifadə edib bu böyük vəzifəni, ağır bir yükü aparmağa
çalışacağam və bu vəzifənin ləyaqətlə yerinə yetirilməsinə səy edəcəyəm.
Bildirmək istəyirəm ki, Azərbaycan Respublikasının bugünkü ağır, mürəkkəb
və gərgin vəziyyətini tam məsuliyyətlə dərk edirəm. Bu vəzifəni üzərimə
götürərək öz məsuliyyətimi anlayıram və bunların hamısını rəhbər tutaraq
əlimdən gələni edəcəyəm. Mən burada böyük bir nitq söyləmək niyyətində
deyiləm. Yalnız bir neçə kəlmə mütləq deməliyəm. Ali Sovetin sədri kimi
Azərbaycan xalqının tarixi nailiyyəti olan Azərbaycan Respublikasının dövlət
müstəqilliyini qorumağı, möhkəmləndirməyi, inkişaf etdirməyi özüm üçün ən
əsas vəzifələrdən biri hesab edirəm. Azərbaycan Respublikasının dövlət
müstəqilliyi 1918-ci ildə yaranmış ilk Azərbaycan Demokratik
Respublikasının ənənələri əsasında, müasir tələblərlə, dünyada gedən
proseslərlə bağlı olaraq təmin olunmalıdır. Bu sahədə mən daim çalışacağam
və heç kəsin şübhəsi olmasın ki, ömrümün bundan sonrakı hissəsini harda
olursa-olsun, yalnız və yalnız Azərbaycan Respublikasının müstəqil dövlət
kimi inkişaf etməsinə həsr edəcəyəm. Bununla əlaqədar olaraq bildirmək
istəyirəm ki, mənim fikrimcə, Azərbaycan Respublikası bundan sonra onun
başına nə gəlirsə-gəlsin, müstəqilliyini itirməyəcək, yenidən heç bir dövlətin
tərkibinə daxil olmayacaq, heç bir başqa dövlətin əsarəti altına düşməyəcək.
Keçmiş Sovetlər İttifaqının bərpa olunması, Azərbaycan Respublikasının da
ora daxil olması ehtimalı haqqında bəzi şayiələr, fikirlər gəzir. Bunlar
xülyadır. Mən bu fikirləri rədd edirəm və bütün Azərbaycan vətəndaşlarını bu
fikirləri rədd etməyə dəvət edirəm.
Respublikanın qarşısında çox böyük və ağır vəzifələr durur. Müstəqilliyi,
suverenliyi təmin etmək üçün Azərbaycan Respublikasının Ermənistan
tərəfindən işğal olunmuş torpaqları geriyə qaytarılmalıdır. Azərbaycan
Respublikasının ərazi bütövlüyü təmin olunmalıdır, müharibə qurtarmalıdır,
sülh yaranmalıdır. Azərbaycan Respublikasının vətəndaşları sülh və əmin-
amanlıq şəraitində yaşayıb öz dövlətini özü istədiyi kimi qurmalıdır. Ona
görə də bu məsələ əsas məsələlərdən biridir. Bundan sonra da bu məsələlər
Ali Məclisin diqqət mərkəzində olmalıdır. Sizi bu barədə tam əmin edirəm.
Dünən elan olunan Amerika Birləşmiş Ştatlarının, Rusiya-