731
101
fəsil
İstanbulun İsveçrə konsulluğu nazik və ultramodern
Levent Plaza göydələnində yerləşir. Binanın yastı və
mavi şüşəli fasadı qədim metropolis içində futurustik
dördbucaq şəklində səmanı dəlir.
Sinskeyin sisterni tərk edib konsulluqda müvəqqəti
yerləşməsindən bir saat keçmişdi. Yerli xəbərlərdə
Lisztin Dante simfoniyası konserti zamanı sistemdə
yaşanan qarışıqlıq barədə məlumat verilirdi. Xəbər ətraflı
təqdim olunmasa da, xüsusi geyimli beynəlxalq tibb
qrupu böyük söz-söhbətə səbəb olmuşdu. Sinskey
pəncərədən şəhərə baxdıqca özünü tənha hiss edirdi.
Qeyri-iradi əlini həmailinə uzatdı, amma tapa bilmədi.
İkiyə bölünmüş həmaili masanın üzərində idi.
ÜST direktoru bir neçə saatdan sonra Cenevrdə
fövqəladə iclas çağırmışdı. Agentliklərin mütəxəssisləri
artıq yolda idilər və Sinskey özü də az sonra ora uçmağı
planlaşdırmışdı. Yaxşı
ki, əməkdaşlarından biri gecə ona bir fincan qaynar türk
qəhvəsi gətirmişdi, Sinskey də dərhal içmişdi.
Konsulluq işçilərindən cavan bir oğlan onun
qapısıaçıq otağına girdi. “Madam! Robert Lenqdon sizi
görmək istəyir”.
“Çox sağ olun”, - o cavab verdi. - “İçəri gəlsin”.
downloaded from KitabYurdu.org
732
İyirmi dəqiqə qabaq Lendqon Sinskey ilə əlaqə
qurmuş və Sienna Bruksun qayıq oğurlayaraq dənizə
çıxdığını demişdi. Sinskey budan xəbərdar idi. Yerli
orqanlar hələ ki, onu tapa bilməmişdilər. Lenqdon qapıda
görünəndə
Sinskey
onu
tanımadı.
Kostyumu
çirklənmişdi, saçları pırtlaşıq, gözləri isə yorğun və
sönük idi.
“Professor, sizə nə olub?” - Sinskey ayağa qalxdı.
Lenqdon yorğun halda gülümsədi. - “Gecə çox ağır
keçib”.
“Buyurun”, - Sinskey kətilə işarə etdi. - “Əyləşin”.
“Zobristin virusu”, - Lenqdon dərhal sözə başladı.
- “Mənə elə gəlir ki, bir həftə qabaq yayılmağa başlayıb”.
Sinskey başı ilə təsdiqlədi. - “Hə, biz də eyni
qənaətdəyik. Hələ ki, heç bir məlumat daxil olmayıb.
Amma biz nümunələri götürüb intensiv testlər aparırıq.
Təəssüf ki, bu virusun
mahiyyəti və nəyə qadir olduğunu aşkarlamaq günlər və
ya həftələr ala bilər”.
“Bu, vektor virusudur”, - Lenqdon dedi.
Sinskey yerində dik atıldı. Lenqdonun termindən
xəbərdar
olması onu təəccübləndirdi. - “Başa
düşmədim?”
“Zobrist insan DNT-ni dəyişmək gücündə olan hava
downloaded from KitabYurdu.org
733
ilə yoluxan vektor virusu yaradıb”.
Sinskey ayağa durdu. Bu, mümkün deyil! “Bunu
hansı əsasla deyirsiniz?”
“Sienna”, - Lendqdon sakitcə cavab verdi. - “Özü
mənə dedi. Yarım saat əvvəl”.
Sinskey əllərini masanın üzərinə qoyub inamsızlıqla
Lenqdona baxdı. - “Deməli, o, qaçmayıb?”
“Qaçırdı”, - o, cavab verdi. - “O, dənizin içinə gedən
qayıqda idi və asanlıqla aradan çıxa bilərdi. Amma fikrini
dəyişdi. Öz istəyi ilə geri qayıtdı. Sienna bu problemdə
yardımçı olmaq istəyir”.
Sinskey qəfildən gülməyə başladı. “Xanım Bruksa
inanmadığıma görə üzr istəyirəm, xüsusilə də indiki
halda”.
“Mənsə ona inanıram”, - Lenqdon səsini dəyişmədən
dedi. “Və əgər o, bunun vektor virusu olduğunu iddia
edirsə, zənnimcə, siz bunu ciddi qəbul etməlisiniz”.
Sinskey Lenqdonun dediklərini qavramaqda çətinlik
çəkirdi. Birdən özünü yorğun hiss etdi. Pəncərəyə
yaxınlaşıb çölə baxdı. DNT dəyişən vektor virus? Nə
qədər mümkünsüz və qorxulu səslənsə də, burada aydın
məntiq olduğunu bilirdi. Zobrist genetika mühəndisi idi
və tək bir gendə cüzi mutasiyanm necə nəticələnəcəyini
çox gözəl dərk edirdi - xərçəng, orqan çatışmazlığı və ya
downloaded from KitabYurdu.org
734
qanda pozuntu. Hətta ən pisi - mukovissidoz - xəstəlik
zamanı insan selik içində itib-batır - bu, yeddinci
xromosomdakı genlərin birində xırda bir nöqsan
səbəbindən yaranır. Mütəxəssislər bu növ genetik
xəstəlikləri iynə ilə birbaşa vurulan sadə vektor virusu ilə
müalicə
edirlər.
Yoluxmayan
viruslar
elə
proqramlaşdırılır ki, onlar bədəndə DNT-nin zədələnmiş
hissələrini tapıb onları əvəzləyirlər. Bu yeni üsulun da
əks təsiri var. Vektor virus mühəndisin məqsədindən asılı
olaraq, yaxşı və ya dağıdıcı xassəyə malikdir. Əgər virus
zədələnmiş DNT-ni sağlam hüceyrələrin arasına
yerləşdirmək üçün proqramlaşdırılıbsa, nəticə dəhşətli
ola bilər. Üstəlik, bu dağıdıcı virus yüksək yoluxma və
havada törəmə xassəlidirsə...
Sinskey cavabın tapılmasına həftələr gedəcəyini
fikirləşirdi. İnsanın genetik kodu ucsuz-bucaqsız görünən
kimyəvi labirintdir. Zobristin bu xüsusi dəyişikliyini
tapmaq samanlıqda iynə axtarmağa bənzəyirdi... üstəlik,
bu samanlığın dünyanın harasında yerləşdiyini
müəyyənləşdirmək qeyri- mümkün idi.
“Elizabet?” Lenqdonun yoğun səsi onu geri qaytardı.
Sinskey çevrilib ona baxdı.
“Dediklərimi eşitdinizmi?” - o sakit halda soruşdu.
- “Sienna da, ən azı, sizin qədər virusu yox etməyə
downloaded from KitabYurdu.org
Dostları ilə paylaş: |