Bu və ya başqa süxurun son olaraq formalaşması parsial
ərimə dərəcəsi, maqmanın ayrılma dərinliyi
və növbəti fraksion
kristallaşmanın intensivliyindən başqa maqmanın mantiyadan
yer qabığına hərəkəti zamanı kənar süxurlarla qarşılıqlı
əlaqəsindən də asılıdır. Ona görə də üst mantiyanın ekvivalenti
o süxurlar hesab edilir ki, onların formalaşmasına kənar süxur-
larla qarşılıqlı əlaqə və fraksion kristallaşma az təsir göstərsin.
Qalan bazaltlar öz tərkibinə görə ilkin maqmadan kifayət qədər
fərqlənir. Hal-hazırda ilkin maqmanı müəyyənləşdirərkən
mikroelementlərin, xüsusilə də süxur əmələ gətirən minerallara
daxil ola bilməyən elementlərin, məsələn, nadir elementlərin
öyrənilməsi və həmçinin müxtəlif izotop nisbətlərinin analizini
aparmaq lazımdır.
Maqmaların ərimə mexanizmi
və onun təkamülü məsələləri
Qrin və Rinqvudun, Yoderin, İ.D.Ryabçikovun, L.N.Koqar-
konun və bir çox başqa petroloq və geokimyaçıların fundamen-
tal əsərlərində geniş işıqlandırılmışdır. Hal-hazırda maqmanın
əmələ gəlməsi və təkamülünə maqmatizmin plitələr tektonikası
ilə əlaqəsi nöqteyi-nəzərindən baxılır.
4.2. Maqmatik süxurların əmələ gəlməsi haqqında
müasir təsəvvürlər
Maqmatik süxurların əmələ gəlməsi haqqında bir-birinə əks
olan konsepsiyalar vardır. Bu konsepsiyaların hər biri faktiki
materiallarla əsaslandırılsa da, bir sıra çətin həll olunan suallar
ortaya çıxır.
Əsasi süxurların əmələ gəlməsi haqqında əsasən iki
nöqteyi-nəzər vardır: 1. Əsasi maqma bazalt qatından əmələ
gəlmişdir və onun bütün müxtəlif növləri diferensiasiya ilə
əlaqədardır; 2. Əsasi maqma dərinlik qırılmaları ilə əlaqədardır
və onun mənbəyi üst mantiya hesab edilir. Əksər petroloqlar
tərəfindən bir neçə tip maqma ayrılır – toleit, qələvi bazalt və s.
Orta süxurların, xüsusilə də andezitlərin əmələ gəlməsi
haqqında da müxtəlif fikirlər vardır. Petroloqların
diqqətini an-
dezitlərin bazalt və qranitlər arasında aralıq vəziyyət tutması
cəlb etmişdir və ona görə də onların əmələ gəlməsi haqqında
universal bir hipotez yoxdur. Andezitlərin əmələ gəlməsi
haqqında əsasən 4 hipotezə üstünlük verilir: 1. Andezitlər ba-
zalt maqmasının kristallaşma diferensiasiyası nəticəsində əmələ
gəlir; 2. Fraksion kristallaşma hipotezinə alternativ olan – ba-
zalt maqmasının turş süxurlarla assimilyasiyası nəticəsində
andezitlər formalaşır; 3. Andezit maqması ilkin xarakter daşıyır
və hidratlaşmış üst mantiyanın qismən əriməsi nəticəsində
əmələ gələ bilir; 4. Subduksiya zonalarında eklogitləşmiş okean
bazaltlarının qismən əriməsi andezitlərin əmələ gəlməsinə
səbəb olur.
Qranitlərin əmələ gəlməsi haqqında da müxtəlif hipotezlər
yaranmışdır. Bu hipotezlərə görə qranitlər müxtəlif yollarla
əmələ gələ bilir: 1. Maqmatik; 2. Temperatur və təzyiqin qalx-
ması nəticəsində maddələr gətirilməməklə qranitləşmə
nəticəsində; 3. Müxtəlif tərkibli süxurların
maqmatik emanasi-
yası nəticəsində; 4. Müxtəlif tərkibli maqmaların və ətraf süxur-
ların qarşılıqlı təsiri.
Başqa tip süxurların əmələ gəlməsi haqqında da bir çox hi-
potezler vardır. Bu hipotezlər haqqında aşağıda bəhs
ediləcəkdir.
4.3. Süxurların maqmatik, metasomatik yolla əmələ gəlməsi
haqqında meyarlar. Likvasiya, hibridləşmə, assimilyasiya
Adətən, süxurların maqmatik və ya
metasomatik yolla
əmələ gəlməsini aydınlaşdırdıqda geoloqlar obyektiv meyarlar
axtarmağa çalışırlar. Belə meyarlara aşağıdakılar daxildir:
Geoloji cisimlərin forması. Kiçik ölçülü intruziyaların, day-
kaların, kəskin təmasları olan intruzivlərin metasomatik yolla
əmələ gəlməsini demək çətindir. Belə hesab edilir ki, onlar, an-
caq maqmatik yolla əmələ gələ bilərlər.
Ətraf süxurlarla əlaqə. O haldakı mineral zonalar dəyişməklə
qismən keçid müşahidə edilir və onlar metasomatoz prosesində
70
71
komponentlərin mütəhərrikliyini xarakterizə edir, hər hansı
mineral öyrənilən süxurdan ətraf süxura doğru qanunauyğun
şəkildə dəyişir, xarici görünüşünə görə onların kristallik ol-
masına baxmayaraq, belə süxurların maqmatik təbiətli olmasını
qəbul etmək olmaz: onlar tipik metasomatik süxurlardır.
Tekstur və strukturlar. Fasial dəyişmənin izini saxlayan
çökmə süxurların laylı strukturun reliktinin olması birmənalı
olaraq kristallik süxurun metasomatik təbiətli olmasını göstərir.
Hər hansı bir mineralla zənginləşmiş layları (hornblendlə,
biotitlə və s.) ərintidən kristallaşma ilə izah
etmək olmaz, ancaq
onu uyğun tərkibli layın yenidən kristallaşması ilə asan izah
etmək olur və bu isə ilkin çökmə süxurun metamorfik
dəyişməsinə dəlalət edir.
Əksinə, maqmatik nişanələrə aşağıdakılar aid ola bilər:
a) flüidal tekstur;
b) porfirvari möhtəvilər;
v) maqmatik kristallaşma üçün xarakter olan mineralların
ardıcıl ayrılması;
q) metasomatik yolla əmələ gələ bilməyən evtektik strukturlar.
Kristallaşma ardıcıllığı. Maqmatik süxurlara nisbətən me-
tasomatik süxurlarda bu daha dəqiq ifadə olunmuşdur. Me-
tasomatik mineral əmələ gəlmənin ardıcıllığı çox zaman
gətirilən komponentlərin konsentrasiyası ilə əlaqədar olan me-
tasomatik reaksiyaların ardıcıllığı ilə; maqmatik süxurlarda isə
eynicinsli silikat ərintinin həll olması ilə əlaqədardır.
Temperatur, təzyiq və mineral əmələgəlmə mühitin tərkibilə
müəyyən olunan metasomatik əmələgəlmələrin kristallarının bö-
yümə sürəti – kristallaşma qabiliyyəti maqmatik ərintiyə uyğun
gəlmir.
Mineral tərkibin xüsusiyyətləri. Süxurların
bu və ya başqa
genezisə malik minerallardan ibarət olduğunu müəyyən etmək
çətindir. Ancaq qrossulyar, vezuvian, stavrolit, jadeit, omfasit
və bir çox belə minerallar maqmatik süxurlarda rast gəlmirlər,
əksinə sanidin, bazaltik hornblend, evdialit kimi minerallar isə
metasomatik yolla əmələ gələ bilmir.
Kimyəvi tərkibin xüsusiyyətləri. Metasomatik süxurların
kimyəvi tərkibi evtektik kristallaşmanın qanunlarına
tabe olan
maqmatik süxurlardan daha müxtəlifdir. Metasomatik süxur-
larda ayrı-ayrı komponentlərin nisbəti maqmatik süxurlardakı
həddi aşır. Bəzi kimyəvi elementlər, məsələn, platinoidlər, an-
caq maqmatik süxurlar üçün tipikdir və metasomatik süxurlarda
onların olması az ehtimal olunur.
Nəhayət, maqmatik süxurlarda metasomatik süxurlara
nisbətən epigenetik dəyişmələr daha intensiv ifadə olunmuşdur.
Avtometasomatik dəyişmələr isə maqmatik süxurların soyuma-
sının son mərhələsində (onların maqmatik kristallaşması başa
çatdıqdan sonra) maqmatik qalığın uçucu komponentlərlə qar-
şılıqlı təsirindən yaranır. Bunlara avtometasomatik iki mikalı
qranitlər, amfibolitləşmiş piroksenitlər və s. aiddir.
Likvasiya – maqmanın maye vəziyyətində iki qarışmayan
ərintiyə ayrılmasıdır. Müxtəlif maqmatik süxurların bir yerdə
rast gəlməsi və bir-birindən kəskin fərqlənməsi (məsələn,
bir çox
turş-əsasi assosiasiyalar) likvasiyanın nəticəsi kimi interpretasiya
olunur. Belə hadisələrin izahı XX əsrin əvvəllərində çox popul-
yar olmuşdur və hələ də petroloqlar tərəfindən qəbul
edilməkdədir.
Adi maqmatik tərkibli silikat ərintilərlə aparılan eksperi-
mental işlər likvasiyayanın da olmasını təsdiq etmişdir.
Məsələn, silisiumla çox zəngin olan ərintilər istənilən
maqmatik süxurlardan fərqlənir və 1700
0
C-yə yaxın tem-
peraturda başqa ərintilərlə qarışmır. Müxtəlif geoloji material-
lar, məsələn, əsasi süxurlarda sulfid daxilolmaları, maqnetit-
apatit cisimləri, kimberlit-lamprofir-karbonatit qrup süxurları,
ay bazaltları, toleitlər maqmada likvasiyanın olmasına əyani
sübutdur. Bunun nəticəsində yeni eksperimental işlər apa-
rılmışdır və bu göstərilən ərintilərə xüsusi diqqət yetirilmişdir.
Leysit-fayalit-kvars sistemində 1100
0
C-dən aşağı temperaturda
fayalit və kvarsın kristallaşma sahəsi ilə əhatə olunmuş qarış-
72
73