Nəriman mahmud siRLİ ƏMƏLİyyat (İbrətamiz hekayələr) “Yeni Poliqrafist” mmc bakı 2016
Yüklə 372,12 Kb. Pdf görüntüsü
|
Əfqanla Nuranə atasını görüb, yolu o taya keçmək istəyərkən, yüksək sürətlə hərəkət edən “Mer- cedes” markalı avtomobilin ön hissəsinə dəyib bir neçə metr kənarda asfalta çırpılmış, yerindəcə keçinmişdilər. Ağakişi də uşaqların müsibətinə dözməmiş, ürəyi partlayıb ölmüşdü... Üzücü tənhalığın çox sürətlə qocaltdığı Nisəbəyim bir nəfər rayon sakininin dələduzluq yolu ilə ələ keçirdiyi mənzilindən bayıra atılaraq, səfil həyat sürməyə başlamışdı. Gecəni evlərin zirzəmilərində keçirər, gündüzlər üzünü gizlədib dilənərdi. Axır vaxtlar yolunu tez-tez, xüsusilə də səhər çağlarında rayon prokurorluğunun yer- ləşdiyi binanın qarşısından salardı. Elə həmin vaxtlarda 25-26 yaşlarında səliqə ilə geyinmiş bir gənc avtomobildən düşərək qadının ovcuna kağız pul basıb, binaya daxil olardı. İyirmi il əvvəl Nisəbəyimin evini tərk etməyə məcbur olan həmin gənc Kazım idi. Fevral 2014 54 NƏRİMAN MAHMUD Yad havalı qadın Natiq kədərli görünürdü. Elə bil dünyanın bütün dərdini ürəyinə yükləmişdilər. Dindirən ol- saydı yaz buludu kimi dolmuş gözlərinin yaşını tökəcəkdi. O, son bir ayda onsuz da düz-əməlli gəlir gətirməyən dükanın qapısını qıfıllayıb evə tələsdi. Yan-yörəsinə baxmadan addımladı. Qayğılı-qayğılı aranı dağa, dağı arana daşıyırdı sanki. Nadir fikirli olduğundan hara getdiyini özü də bilmirdi. Bir də başını qaldırıb özünü dükan- dan xeyli kənardakı dayanacaqda gördü. Yenicə dayanmış avtobusa minmək istəyirdi ki, ayaq saxladı. Deyəsən, işlətdiyi dükanın gətirdiyi gəlir hesabına bir neçə il əvvəl aldığı “Opel” markalı minik avtomobilini yaddan çıxarmışdı. Tez geriyə qayıtdı. Dükanın qarşısında saxladığı “Opel”ə oturub mühərriki işə saldı. Vaxtilə baha qiymətə aldığı əla təmirli mənzilinin dəmir darvazasına nə vaxt çatdığını da hiss etmədi. “Opel”i həyətə salıb birbaşa qaraja sürdü. Ömür-gün yoldaşı Lətafət xanım səs eşidib pəncərədən boylandı. Ərinin belə erkən qayıtmasından əndişələndi. Bayıra çıxmasa da elə ayaqüstəcə dayanıb onu gözlədi. Bayaqdan 55 SİRLİ ƏMƏLİYYAT diqqətlə başdan-ayağa süzdüyü əri, ayaqlarını mənzilə yenicə basmışdı ki, əlüstü soruşdu: - Nə əcəb tez gəldin? - Heç, başım bərk ağrıdı, bu vəziyyətdə işləyə bilmədim. Bir də ki... Natiq sonuncu cümləsini tamamlamadı. Keçib divanda əyləşdi. Lətafət ərinin izahatına inanmadı. Qadın haqlı idi. Onsuz da son iki-üç həftədə dükanın əvvəlki qədər gəlir gətirmədiyini bilirdi. Bir də ki, Natiq həmişə gündəlik qazancın yalnız cib xərcliyi üçün kiçik bir hissəsini özündən ötrü ayırar, yerdə qalan hissəsini də gətirib Lətafətə verərdi. Lətafət də sevinə-sevinə pulları alar, üç yerə bölərdi. Həmin o üç hissədən birini yalnız özünün nəzarət edə biləcəyi yerdə saxlayar, ikinci hissəni ailənin gündəlik xərci üçün ayırar, yerdə qalan əhəmiyyətli hissəni isə xüsusi olaraq özünə götürərdi. Beləliklə, əli hər gün pulla oynayardı qadının. Lətafət xanım ali təhsilli müəllim olsa da, universiteti bitirdiyi ildən başlayaraq cəmi üçcə il ixtisası üzrə işləmişdi. Natiqlə evlənəndən sonra ərinin yaxşı qazancı olduğu üçün onu işləməyə qoymamışdı. Sovet hökuməti dağılandan az sonra ərinin açdığı dükandan gələn gəlir qadın üçün ki- fayət edirdi. Natiq işdən qayıdan kimi qabağına 56 NƏRİMAN MAHMUD qaçar, kişinin qulluğunda dayanardı. Bir ana kimi uşaqlarını da çox sevirdi Lətafət xanım. Amma son bir neçə ayda gəlirin xeyli azalması qadının xasiyyətində dəyişiklik yaratmışdı. O, tez-tez əsə- biləşir, bəzən səbəbsiz yerə uşaqlarını da qarğıyır, deyinmək üçün bəhanə gəzirdi sanki. Hətta ərinin üzünə qayıtdığı vaxtlar da olurdu Lətafətin. Necə deyərlər, elə bil süpürülmüş yerdən “dava kağızı” axtarardı qadın. Ailənin büdcəsi getdikcə azaldığına baxma- yaraq, Natiq çox sevdiyi arvadının işləməsinə hələ də razı deyildi. Qadın öz istəyini bir neçə dəfə eşitdirmişdi ərinə. Artıq dükanı çox ucuz qiymətə icarəyə verib taksi sürücüsü işləyən Natiq də həmişə eyni cavabı vermişdi. İndi isə bıçaq sümüyə dirənmişdi. Düzdü, ailənin vəziyyəti o qədər də böhranlı deyildi. Əvvəlki kimi cah-calallı yaşamasalar da bəzən normal, bəzən də orta səviyyəli yaşayışı vardı ailənin. Amma həmişə əli pulla oynamışdı deyə, qadın indiki vəziyyətlə barışmaq istəmirdi. Tez-tez hirs-hikkəsini ərinin üstünə tökürdü ki, bəs camaatın arvadları işləyir, nə vaxta qədər kor qız kimi evdə oturmalıyam. Kişi də baxıb gördü ki, Lətafətin əsəbləri gündən- günə korlanır, ailədə dava-dalaş olur və bu da artıq yetkinlik yaşına çatmış uşaqlara pis təsir göstərir. 57 SİRLİ ƏMƏLİYYAT Ona görə canını dişinə tutub işləməyə razılıq verdi. Lətafət də gedib məktəblərdən birində müəllim işlədi... Qadının müəllimlikdən aldığı əmək haqqı dükanın əvvəllər gətirdiyi gəlirlə müqayisədə çox cüzi olsa da, ailənin xərclərini ödəyirdi. Amma əvəzində Natiqin anasından əmdiyi südü burnun- dan gətirirdi Lətafət. Düzdü, ilk maaşını alana qədər qadın özünü normal aparırdı. Amma əmək haqqı rəsmi qaydada artmasa da, məktəb direk- torunun hansı yollasa qadının maaşına nəzərə çarpan əlavələr etməsi onun davranışına da təsir etmişdi. Lətafətin həm xasiyyətində, həm də geyim-kecimində ciddi dəyişiklik hiss olunurdu. Natiq də əvvəl-əvvəl abırına qısılıb o qədər də açıb ağartmırdı. Oğlu Elxana və qızı Aynişana görə, həm də ailənin dağılmaması xatirinə dözürdü. Ancaq necə olsa da, Natiq kişi xeylağıydı, vaxt uzandıqca arvadının geyiminin aşağıdan yuxarıya doğru qısalması onu haldan çıxarırdı. Kişini əndişəyə salan həm də adi bir orta məktəb müəlliminin əmək haqqının müəmmalı şəkildə getdikcə artması idi. Lətafətin paltarlarının gödəlməsi ilə maaşının artımı arasında hansısa əlaqə axtarmağa başlamış, düz beşinci ayın 58 NƏRİMAN MAHMUD Yüklə 372,12 Kb. Dostları ilə paylaş:
|