Nəriman mahmud siRLİ ƏMƏLİyyat (İbrətamiz hekayələr) “Yeni Poliqrafist” mmc bakı 2016
Yüklə 372,12 Kb. Pdf görüntüsü
|
saf işləri ərindən gözləsə də, sözün başına ip salmaq, hələ baş verməyən hadisəni qabaqlamaq istəmədi. Səhəri birtəhər açıb, ustalar gələnə qədər təmir olunacaq otaqları boşaltmağa başladı. Can- polad isə iş yerindən ustaları da özü ilə götürüb təmir üçün lazım olan tikinti materiallarını almağa yollandı... Artıq bir aya yaxın idi ki, Canpoladın evində təmir işləri gedirdi. Bir-iki günə yekunlaşacaqdı. Ev sahibinin könlüncə alınsın deyə, ustalar təmir üçün can qoymuşdular. Amma bu bir ayda Can- polad qəpik də verməmiş, hər dəfə bir bəhanə ilə ləngitmiş, əlavə işlər gördürmüş, təmir tamamilə başa çatandan sonra, “mənim sizə borcum yox- dur” - deyib ustaları qapıdan qovmuşdu. Ustalar da bir aya yaxın onun qapısına ayaq döymüşdülər. Ustaların əziyyəti, ah-naləsi sanki kişinin vecinə də deyildi, dediyini deyib dururdu. Kiməsə şikayət etməyə yerləri də qalmamışdı fağırların. Axırda cana doyub son dəfə Canpoladın qapısına gələrək: - Evin başına uçsun, içində salamat yaşa- mayasan, çəkdiyimiz əziyyət haramın olsun, irin- qan olub burnunun deşiklərindən gəlsin, - deyib əl çəkmişdilər. Canpolad da ucadan qəhqəhə çəkib: - Nə halal-haram salmısız, alə, cəhənnəm 7 SİRLİ ƏMƏLİYYAT olub gedin burdan, - deyərək onları yenə də qapı- dan qovmuş, üstəlik polislə hədələmişdi. Nargilə də ərinin xasiyyətinə bələd olduğu üçün bir tərəfə qısılıb için-için ağlamış, nə vaxtsa bu insafsızlığın əvəzi olaraq başlarına gələcək bəlanı gözləmişdi. Qadın gecənin birində vahiməli yuxu da görmüş, səhərisi gün yuxusu çin çıxmış, işlədiyi məktəbdə ikən evinin və ərinin tamamilə yandığını eşit- mişdi. Səs-küy eşidib yanğını söndürməyə gələn yaxın qonşuların dediyinə görə, günorta saat- larında evə gələn Canpolad onların təkidinə bax- mayaraq, alovlanan mənzilə daxil olub pullarını xilas etmək istəyərkən yanıb külə dönmüşdü. Yanvar 2014 8 NƏRİMAN MAHMUD Şahverdinin aqibəti Cəmi qırx altı yaşı olsa da, Bəndalı müəllim dünyanın hər üzünü görmüşdü. Hələ gənc yaşlarından üzü bəri eyni məktəbdə müəllim işləmiş, halal zəhməti ilə özünə ev-eşik qurmuş, ailəsini dolandırmışdı. Amma sovet hökumətinin tifaqı dağılandan sonra çoxları kimi, o da dolanışıq sarıdan korluq çəkirdi. Məktəbdən aldığı əmək haqqı ailənin cəmi on günlük xərcini güclə ödəyirdi. Uşaqları böyüdükcə xərcləri də özləri ilə birlikdə böyüyür və Bəndalının dərd-səri də artırdı. Çox fikirləşdikdən, götür-qoydan sonra müəllimliyin daşını atıb, xırdavat alverinə girişdi. Amma bu da Bəndalı müəllimin işinə yaramadı. Deyəsən, alver-zad onluq deyildi. Necə deyərlər, əli gətirmirdi alverdə. İki-üç ay başını alverlə qarışdırıb, ticarətin də daşını atdı. “Eşşəyə minmək bir, düşmək isə ikinci eyibdir”, - deyib yenidən məktəbə qayıtmağa da utandı. Hardan ağlına yerləşdisə, fəhləlik eləyib başını dolandır- maq qərarına gəldi. Səhərin gözü açılmamış yuxu- sundan durar, şirintəhər elədiyi çayla bir tikə şor-çörəyini yeyib evdən çıxar, xeyli işsizin hər 9 SİRLİ ƏMƏLİYYAT gün toplaşıb müştəri gözlədiyi, camaat arasında “qul bazarı” deyilən yerlərdə qaş qaralana qədər dayanardı. Hərdən evə bir qəpik belə gətirməsə də, bəzən elə olurdu ki, bir “yağlı” müştəri çıxaraq, onu avtomobilinə əyləşdirib, özünün həyətyanı sahəsinə aparar, axşama qədər işlədər, sonra da qaneedici zəhmət haqqı ilə yola salardı. Və bu da Bəndalı müəllimin ailəsinin beş-on gün- lük xərcini ödəyərdi. Amma müştərilərin hamısı belə olmurdu. O, yüz manatlıq iş üçün otuz-qırx manat verib yola salan insafdan kasıb “yağlı”müştərilərlə də qarşılaşırdı. Eləsi də olurdu ki, bir-iki saat işlədəndən sonra nəyisə bəhanə edərək “xox” gəlib evdən pul-parasız qovurdu. Beləcə, Bəndalı “bəy verən atın dişinə baxmazlar”, - deyib başını ala-babat dolandırırdı. Bir dəfə Bəndalının başına indiyə qədər gör- mədiyi, necə deyərlər, xoruz səsi eşitməyən qəribə bir iş gəldi. “Qul bazarı”nda dayanıb hər gəlib- gedənə müştəri kimi baxan Bəndalı müəllimin bəxti günortaya kimi gətirməmişdi. Günortadan az keçmişdi ki, qara rəngli BMW qəflətən qarşısında dayandı. Sürücüdən əlavə qabaq otura- caqda bir qadın da əyləşmişdi. “Bazar” yoldaşları 10 NƏRİMAN MAHMUD bir anda avtomobilin üzərinə şığıyaraq, onu dövrəyə alıb xidmətlərini təklif etdilər. Sükanın arxasında əyləşən sil-çopur, kələ-kötür sifətli, bir az da şişman bədənli, özünü Şahverdi kimi təqdim edən zəhmli kişi başını pəncərədən bayıra çıxarıb hamını nəzərdən keçirdi. Bir xeyli baxıb domba gözlərini nədənsə Bəndalı müəllimin sifətinə tuşladı. Şəhadət barmağının işarəsi ilə onu çağırıb avtomobilə əyləşdirdi. Üzünü hələ də BMW-nin ətrafında dayanan adamlara tutaraq, “bir nəfər ki- fayətdir”, - deyib avtomobili işə saldı... BMW Bakı kəndlərinin birində, hündür hasarlı həyət darvazasının ağzına yetişəndə gündüz saat dörd olardı. Şahverdi avtomobildən düşmədən idarəetmə pultu vasitəsilə qapını açıb BMW-ni birbaşa geniş, yaraşıqlı həyətə sürdü. Ev sahibinin həyətində qələbəlik idi. Xüsusi zövq və səliqə ilə salınmış qalın kölgəli üzüm çardağının altında zəngin süfrə açılmışdı. Masanın arxasında təxminən eyni ölçüdə iki nəfər orta boylu, yoğun peysərli, sallaq qarınlı kişi oturmuşdu. Yerdə qalan digər ikisindən biri nisbətən arıq və uzun boylu, o birisi isə normal bədənli, səliqəli geyin- miş, qalstuklu, amma sir-sifətdən azca eybəcər, gözləri porsuq gözünə bənzər bir kişi idi. Həmin 11 SİRLİ ƏMƏLİYYAT Yüklə 372,12 Kb. Dostları ilə paylaş:
|